Matɨyo 5:18 - Gabri Maja

¹⁸ Aŋ yəgɨŋ daa waŋ na cɨndi: Tumɔ pa dɨm ma gɨ gɨɗɨgɨ-Kumu dan̰ cay gɨsəŋ kɨya pɨde na, karɨn̰ magtubu ga dḛ wo̰ ga kan walge wala, cɨɗɨn̰ magtubu di kan walge duroy magtubu gasɨn̰-kɔl dɨŋ pɨna wo̰, kɨya pɨde naŋ bɨrɨŋ gɨsɨn̰ gɨ hɨnga nɔm kɨya ɔrɛ kɨɗɨn̰dɨge gaŋ.

Matɨyo 5:18 ပူးပေါင်းရင်းမြစ်များ

Matɨyo 10:15

Aŋ yəgɨŋ daa waŋ na cɨndi: Wɔlɛ bɔyɛ kɔl gɨŋ le, kɔl gɨ kɨya ƴɔmɛ cay ƴaa-di-gumu di nee le, kɨya osɨwa tɔgɨ ɗɨn̰ kɔl gɨ kɨya ƴɔmɛ cay gɨsəŋ ga Sɔdɔm bɨ, Gɔmɔr bɨ.

Matɨyo 10:23

Kɨɗɨn̰ ga kan na gɨlgɨŋ-cɨn̰ a cay ƴaa-di-gumu di pɨna dɨŋ na, gɨrgɨŋ ɨragɨŋ a cay ƴaadi ɗaŋ dɨŋ. Aŋ yəgɨŋ daa waŋ na cɨndi: Kɨŋ kɨya gɔrɛ a cay ƴaan̰əŋ ga gɨmdəŋ ga Ɨsɨrayɛl gon̰ cayge nɔm togɨn̰-bɛrnɛ naŋ ƴee bɨ ga ma, Kurɨn̰-ungo kɨya caga.

Matɨyo 10:42

Aŋ yəgɨŋ daa waŋ na cɨndi: Waŋ waŋ gɨ na bɨn̰ ungo duroy kalaŋ kange ga n̰en̰əŋ kɛ le, kaŋ ga jali dan̰ ungo di dḛḛ kɨya gɨ ban naa ba-aye-cay-tɨbanɨ na, kɨya wɔɔ hɨnga ga ni cay kobi.»

Matɨyo 11:11

Aŋ yəgɨŋ daa waŋ na cɨndi: Duroy kalaŋ ga kandɨ wooge le, ungo pɨna wo̰ gɨ gumu ɗɨn̰ Ja̰ ba-lɔɔ batɛm le, unɔ. Na hɨn̰ wo̰ kalɨn̰ ma, ban gɨ na kɨye gɨ n̰əŋ boy dɔɔ-ƴaa di daa nii le, ɗii coŋ.

Matɨyo 13:17

Aŋ yəgɨŋ daa waŋ na cɨndi: Ka-yɔɔ-kɔl-gɨ-Kumu-ba-yɔɔ dan̰ kondɨwayge bɨ, kalaŋ ga gɨye-lɔɔdɨge or dan̰ durɔ ɗɨngar dan̰ kondɨwayge bɨ, geyge age na sol hɨnga ga kɨŋ ba sol kɛ le, ama kan sɨlage naŋ. Kan geyge age na je kɔl gɨ kɨŋ ba je kɛ le, ama kan jage naŋ bɨ.

Matɨyo 16:28

Aŋ yəgɨŋ daa waŋ na cɨndi: Kalaŋ ga pɨna duroy kalaŋ ga ɨrege kɛ le, kɨya sɔlɛge Kurɨn̰-ungo kɨɗɨn̰ cagadi gɨŋ hɨn̰ kɨlma wo̰ pa dɨm ma kɨya marege ƴee.»

Matɨyo 17:20

Ɨni na, Jesu dɨbɨge cay nee yege hɨn̰: «Na kɨya gɨ aye kudurɔ kogɨŋ ɓala hɨnga naŋ. Aŋ yəgɨŋ daa waŋ na cɨndi: Hɨn̰ gɨ aye kudurɔ kogɨŋ na gumu hɨn̰ cɨn̰ hɨnga ga n̰en̰əŋ ga kan teegege naa mutardɨ na, kɨŋ kɨya yon̰ garma gɨ kɛ le hɨn̰: “Ɗɨda kɛ ɨra nii kɔ coŋ na”, kɨya ɗɔdɛ bɨ, hɨnga pɨna kɨya mɨn̰gɨŋ naŋ bɨ.

Matɨyo 18:18

«Aŋ yəgɨŋ daa waŋ na cɨndi: Hɨnga nɔm ga kɨŋ kɨya saɗe a cay gɨsəŋ gaŋ kɛ le, kan kɨya saɗege a gɨɗɨgɨ-Kumu gɨŋ bɨ, hɨnga nɔm ga kɨŋ kɨya pɨndɨre a cay gɨsəŋ gaŋ na, kan kɨya pɨndɨre a gɨɗɨgɨ-Kumu gɨŋ bɨ.

Matɨyo 18:3

yege hɨn̰: «Aŋ yəgɨŋ daa waŋ na cɨndi: Hɨn̰ gɨ kɨŋ na bɨl gɨye-lɔɔdɨgɨŋ hɨn̰ karɨn̰aŋ ga n̰en̰əŋ wo̰ naŋ na, kɨŋ kɨya andaŋ boy dɔɔ-ƴaa di daa nii dɨŋ naŋ.

Matɨyo 19:23

Ɨni na, Jesu yen̰ ka-aye-cay-tɨbayi yege hɨn̰: «Aŋ yəgɨŋ daa waŋ na cɨndi: Andaŋ a boy dɔɔ-ƴaa di daa nii, na hɨnga ga dojɨ tɔgɨ kɨya cay ba-wɔɔ hɨnga.

Matɨyo 19:28

Jesu dɨbɨge cay nee yege hɨn̰: «Aŋ yəgɨŋ daa waŋ na cɨndi: Kɨɗɨn̰ ga hɨnga nɔm kɨya bɨləŋ ga hɨrɨwa na, Kurɨn̰-ungo kɨya sɔmɛ cay kali-tɨrɨmbala toyi di ni gusoŋ-tɔgɛ dɨŋ ɨni na, kɨŋ ga kɨŋ kobɨ karɨnɨ le, kɨŋ kɨya sɔmɛ a cay kali-tɨrɨmbala ga mɔjɨ-cayge-sɔɔ gaŋ, kɨya bon̰ kɔl a cay te wɨn̰je ga mɔjɨ-cayge-sɔɔ gɨ da karɨn̰ Ɨsɨrayɛl.

Matɨyo 21:21

Ɨni na, Jesu dɨbɨge cay nee yege hɨn̰: «Aŋ yəgɨŋ daa waŋ na cɨndi: Hɨn̰ gɨ kɨŋ na ɨran̰ dan̰ aye kudurɔ bɨ, kɨŋ na ɨrɨm kuduroygɨŋ sɔɔ sɔɔ naŋ bɨ na, na hɨnga ga ɨŋ lee dan̰ tuguyɔŋ di kɛ le ƴɔbɨ ma, magɨŋ kɨya lɔɔ naŋ. Garma gɨ woy kɛ le kalɨn̰ ma, hɨn̰ gɨ kɨŋ na yayi hɨn̰: “Ɗɨda a kɨɗɨn̰ ga kɛ gaŋ coŋ, bɨ ɨra bɔɔ a duroy kuray gɨ gumu taa taa gɨŋ na”, kɨya ɗɔdɛ ɔrɛ bɔɔ duroy kuray gɨ gumu gɨŋ.

Matɨyo 21:31

Kɛ, duroy karɨn̰aŋ ga sɔɔ ga nee le, na ban gɨ ani ba lɔɔ hɨnga ga bay gey le ga?» Kan dɨbiige cay nee yeyige hɨn̰: «Na ban gɨ cay wase.» Ɨni na, Jesu yege hɨn̰: «Aŋ yəgɨŋ daa waŋ na cɨndi: Ka-hɔgɛ lambo bɨ, kandɨ ajɨba bɨ, kɨya bugoŋge duroy dɔɔ-ƴaa di da Kumu dɨŋ tumoygɨŋ.

Matɨyo 23:36

Aŋ yəgɨŋ daa waŋ na cɨndi: Hɨnga ga nee le nɔm, kɨbardɨge kɨya bɔɔ a cay kalaŋ ga haw kɛ.

Matɨyo 24:2

Ɨni na, ban yege hɨn̰: «Aŋ yəgɨŋ daa waŋ na cɨndi: Ƴaan̰əŋ ga kɨŋ ba solge woy kɛ le, kan kɨya ɗɔɔ oru pɨna kalɨn̰ ma sɔmɛ cay mɨgay gɨŋ daa naŋ: Kan kɨya jɨdɨrdayge dugo gɔrɔrɔ gɔrɔrɔ.»

Matɨyo 24:47

Aŋ yəgɨŋ daa waŋ na cɨndi: Guyɔŋ gɨ na laa hɨn̰ wo̰ na, ba-ƴaadi kɨya ayi si cay hɨnga wɔɔdi gaŋ nɔm.

Matɨyo 25:12

Ama ban dɨbɨge cay nee yege hɨn̰: “Aŋ yəgɨŋ daa waŋ na cɨndi: Ɨŋ sɨlagɨŋ naŋ.”

Matɨyo 25:40

Ɨni na, kɨlma kɨya dɨbɨge cay nee yoge hɨn̰: “Aŋ yəgɨŋ daa waŋ na cɨndi: Dan̰ wɔlɛ nɔm gɨ kɨŋ lee hɨnga ga nee le, dan̰ ungo pɨna gɨ a duroy karmɨnɨ ga n̰ən̰əŋ ga woyge kɛ le na, kɨŋ lee na danaŋ ɨŋ-bandi gusɨnɨ.”

Matɨyo 25:45

Ɨni na, kɨlma kɨya dɨbɨge cay nee yoge hɨn̰: “Aŋ yəgɨŋ daa waŋ na cɨndi: Dan̰ wɔlɛ nɔm gɨ kɨŋ laa hɨnga ga nee le dan̰ ungo pɨna gɨ a duroy karmɨnɨ ga n̰ən̰əŋ ga kɛ le naŋ na, kɨŋ kan̰ na lɔɔ danaŋ ɨŋ-bandi gusɨnɨ bɨ.”

Matɨyo 5:26

Aŋ yen̰ daa waŋ na cɨndi, kan kɨya dorɨn̰ dangay dɨŋ naŋ bɨrɨŋ gɨsɨn̰ gɨ ji kɨya bon̰ tugɨla ton̰ nɔm coŋ, ɗɔɔ sɨle pɨna kalɨn̰ ma bɔɔ can̰ naŋ.

Matɨyo 6:16

«Kɨŋ-gandi, kɨɗɨn̰ ga kɨŋ na gey haye kɨbɨgɨŋ na, kɨŋ ɗɔɔ ba lɔɔ cɨndɨgɨŋ lɔɔ cɨn̰-n̰age, hɨn̰ kalaŋ ka-yɔɔ-kɔl-kɨbɨge-sɔɔ-sɔɔ ba leen̰ge wo̰ naŋ. Kan leege cɨndɨge leen̰ cɨn̰-n̰age tɔgɨ, ɗe kalaŋ na solge gɨ ke na hay kɨbɨge. Aŋ yəgɨŋ daa waŋ na cɨndi: Kan wayge hɨnga kage ga ni cay kobɨge koge ɨni.

Matɨyo 6:2

Hɨn̰ gɨ ji na bɨn̰ ungo gɨ ba-n̰age hɨnga na, ji ɗɔɔ ba dɔgɛ-bɨla cay nee, hɨn̰ kalaŋ ga ka-yɔɔ-kɔl-kɨbɨge-sɔɔ-sɔɔ wo̰ naŋ. Kan na, kan bɨdɨn̰ge ka-n̰age hɨnga na a duroy ƴaa-daye-di-da-Jubɨn̰əŋ gaŋ bɨ, a te gɨyəŋ ga woli gaŋ bɨ, ɗe kalaŋ na hɨramgege. Aŋ yəgɨŋ daa waŋ na cɨndi: Kan wayge hɨnga kage ga ni cay kobɨge koge ɨni.

Matɨyo 8:10

Kɨɗɨn̰ ga Jesu je kɔl gɨ nee le na kɔl kayi yɔd bɨ, ban yen̰ kan ga kobɨge kardi le hɨn̰: «Aŋ yəgɨŋ daa waŋ na cɨndi, ɨŋ sɨla aye kudurɔ gɨ gɨlɨn̰ hɨn̰ wo̰ le, a gusi ungo pɨna wo̰ a cay gɨsəŋ ga Ɨsɨrayɛl gaŋ naŋ ƴee.

Marg 10:15

Aŋ yəgɨŋ daa waŋ na cɨndi: «Waŋ waŋ gɨ na ƴaa dɔɔ-ƴaa di da Kumu dan̰ kuduroyi hɨn̰ kɨye gɨ n̰əŋ wo̰ naŋ na, ban kɨya dɔbɛ cayi boy nee naŋ bɨrɨŋ.»

Marg 10:29

Jesu dɨbii cay nee yeyi hɨn̰: «Aŋ yəgɨŋ daa waŋ na cɨndi: Waŋ waŋ gɨ na ɗa ƴaadi, naŋ le karmii ga ban̰aŋ, naŋ le karmii ga kandɨ, naŋ le ƴoyi, naŋ le bayi, naŋ le karɨndi, naŋ le yage koyi, kɨya canɨ bɨ cay Kɔl-gɨ-Ɗari bɨ na,

Marg 11:23

Aŋ yəgɨŋ daa waŋ na cɨndi, hɨn̰ gɨ ungo na aya noyi bɨn̰ garma gɨ kɛ le yan̰ hɨn̰: “Sa a kɨɗɨn̰ ga kɛ gaŋ coŋ ɨra bɔɔ a kuray gɨ gumu gɨŋ na”, kɨya lɔɔ gusɨge, hɨn̰ gɨ ban na ɨrɨm kɔl kuduroy sɔɔ sɔɔ a ɗugoy naŋ bɨ, bɨga kuduroy cay nee dan̰ ɗugoy di pɨna gɨ hɨnga ga ban ye le na kɨya lɔɔ gusɨge bɨ.

Marg 12:43

Kardi nee ɨni na, Jesu say te ka-aye-cay-tɨbayi bɨ yege hɨn̰: «Aŋ yəgɨŋ daa waŋ na cɨndi: Tama di kudurɔ ma ɗe n̰age di kɛ le, bee hɨnga ɗɨn̰ kan ga ɗaŋ nɔm ga beege hɨnga a boy kɨɗɨn̰ ga ni bogɨn̰ hɨnga gaŋ le.

Marg 13:30

Aŋ yəgɨŋ daa waŋ na cɨndi: Hɨnga ga nee le kɨya andaŋ tumɔ pa dɨm ma, kalaŋ ga somge cay gɨsəŋ gaŋ nɔm haw kɛ toyge kɨya ayaŋ ƴee.

Marg 14:18

Kɨɗɨn̰ ga kan somge kɨbɨ hɨnga ga ni dɔɔ gaŋ bɨ diige dɔɔ na, Jesu yege hɨn̰: «Aŋ yəgɨŋ daa waŋ na cɨndi: Ungo pɨna duroygɨŋ gɨ dii dɔɔ danaŋ, kɨya aye canɨ bɨge.»

Marg 14:25

Aŋ yəgɨŋ daa waŋ na cɨndi: «Ɨŋ kɨya sɔɔ kaŋdi suru ga kɛ le naŋ yɔd ɨni, bɨrɨŋ gɨsɨn̰ wɔlɛ gɨ ɨŋ kɨya sɔɔ ga hɨrɨwa danagɨŋ pɨna a boy dɔɔ-ƴaa di da Kumu dɨŋ.»

Marg 14:30

Ɨni na, Jesu dɨbii cay nee yeyi hɨn̰: «Aŋ yen̰ daa waŋ na cɨndi: Labɨde, a duroy son̰do di kɛ dɨŋ le ji kɨya man̰e kɨbɨn̰ can̰ sɨbɨ yɔɔ gɨ ji na sɨlaŋ naŋ pa dɨm ma kuɗa kɨya ale kokorɨyo ko cayi sɔɔ ƴee.»

Marg 14:9

Aŋ yəgɨŋ daa waŋ na cɨndi: Kɨɗɨn̰ nɔm ga kan kɨya togɨn̰ge bɛrnɛ Kɔl-gɨ-Ɗari nee boy cay gɨsəŋ na, kan kɨya dɔrɛ kol hɨnga ga tama di kɛ le lee bɨ, kɨya hɨnege caa bɨ.»

Marg 3:28

Aŋ yəgɨŋ daa waŋ na cɨndi: Kumu kɨya ɓale ɗɔɔ kuduroyi jalɨwa cay ɨsɨna nɔm ga kalaŋ leege, ko kan na yagɨdayi naa yagɨde.

Marg 6:11

Ma hɨn̰ boy kɨɗɨn̰ ga pɨna kalaŋ na ƴɨmagɨŋge gusɨge naŋ bɨ, jage kɔl kogɨŋ naŋ bɨ na, kɨŋ andaŋ a kɨɗɨn̰ ga nee gaŋ le coŋ bɨ, ɗagɨdagɨŋ bundu di cay tɨbayigɨŋ dɨŋ ɗɨga ɗɨga dɨran̰ naji togɨŋ bɨgagɨŋ cayge ɗe gɨl gɨ kan na lee ɨsɨna tumoy Kumu.

Marg 8:12

Jesu dor habe sud bɨ yege hɨn̰: «Na kɨya wa ma te kalaŋ ga haw kɛ malge sɔlɛ-hɨnga ga ɗɨn̰ cɨn̰-kɨɗɨn̰ age na sol le ga? Aŋ yəgɨŋ daa waŋ na cɨndi: Kumu kɨya bɨn̰ te kalaŋ ga haw kɛ hɨnga ga ɗɨn̰ cɨn̰-kɨɗɨn̰ ga nee le naŋ.»

Marg 9:1

Jesu yege ɗaŋ coŋ hɨn̰: «Aŋ yəgɨŋ daa waŋ na cɨndi: Kalaŋ ga pɨna duroy kalaŋ ga ba ɨrege kɛ le, kɨya sɔlɛge dɔɔ-ƴaa di da Kumu di kɨya ɨrga dan̰ dɔnɔ le pa dɨm ma kɨya marege ƴee.»

Marg 9:41

Aŋ yəgɨŋ daa waŋ na cɨndi: Waŋ waŋ gɨ na bɨgɨŋ kaŋ ga jali dan̰ ungo di dḛ, kɨya gɨ kɨŋ naa kalaŋ ga da Kɨris na, ban kɨya wɔɔ hɨnga ga ni cay kobi.»

Kɔl-gɨ-Ɗari gɨ Lug wal 12:37

Gɔyɔŋ ga ba-ƴaadɨge na jɨge wayage te sɔmɛ-bɨra na, tumoy wolwa kɨya wɔyɛ kol cayge! Aŋ yəgɨŋ daa waŋ na cɨndi: Ban kɨya dɔbɛ badɨge kayi ga ni gɨye bɨ, bɨge kɨɗɨn̰ somɨn̰ kɨbɨ dɔɔ gɨŋ bɨ, sɔɔ bɨge dɔɔ bɨ.

Kɔl-gɨ-Ɗari gɨ Lug wal 13:35

Sɨlagɨŋ! Haw kɛ na, Kumu kɨya dɔrɛ kobi coŋ ɗogɨŋ cay ƴaa togɨŋ kobɨgɨŋ. Aŋ yəgɨŋ daa waŋ, kɨŋ kɨya sɔlɔŋ naŋ bɨrɨŋ gɨ wɔlɛdi kɨya ɓale bɨ, kɨŋ kɨya yɔ hɨn̰: “Tɔrɛ-kɨbɨ na wɨya kɨya cay ungo gɨ ɨrga dan̰ guson̰ Ba-gulɔŋ.”»

Kɔl-gɨ-Ɗari gɨ Lug wal 16:17

Gɨɗɨgɨ-Kumu dan̰ cay gɨsəŋ kɨya pɨde na haw wo̰ hage. Ama cɨɗɨn̰ magtubu di kan walge duroy magtubu gasɨn̰-kɔl dɨŋ le, kɨya mundoŋ naŋ.

Kɔl-gɨ-Ɗari gɨ Lug wal 18:17

Aŋ yəgɨŋ daa waŋ na cɨndi: Waŋ waŋ gɨ na ƴa dɔɔ-ƴaa di da Kumu dan̰ kuduroyi hɨn̰ kɨye gɨ n̰əŋ wo̰ naŋ na, ban kɨya dɔbɛ cayi boy nee naŋ bɨrɨŋ.»

Kɔl-gɨ-Ɗari gɨ Lug wal 18:29

Jesu dɨbɨge cay nee yege hɨn̰: «Aŋ yəgɨŋ daa waŋ na cɨndi: Waŋ waŋ gɨ na ɗa ƴaadi dan̰ tamdi bɨ, karmii dan̰ kandi bɨ, karɨndi bɨ kɨya cay dɔɔ-ƴaa di da Kumu na,

Kɔl-gɨ-Ɗari gɨ Lug wal 23:43

Jesu dɨbi nee yeyi hɨn̰: «Aŋ yen̰ daa waŋ na cɨndi: Labɨde ji kɨya sɔmɛ danaŋ a Paradɨs.»

Kɔl-gɨ-Ɗari gɨ Lug wal 4:24

Ɨni na, Jesu jɨga dɨbɨge cay nee yege hɨn̰: «Aŋ yəgɨŋ daa waŋ na cɨndi, ba-yɔɔ-kɔl-gɨ-Kumu-ba-yɔɔ le, kalaŋ ƴage kɔl koyi laan̰ cɨndi a cay ƴaadi dɨŋ naŋ.»

Kɔl-gɨ-Ɗari gɨ Ja̰ wal 1:51

Jesu dɨbɨge cay nee coŋ yege hɨn̰: «Jagɨŋ, aŋ yəgɨŋ daa waŋ na cɨndi, kɨŋ kɨya sɔlɛ gɨɗɨgɨ-Kumu hangaŋ bɨ, ka-ƴɔbɛ ga da Kumu kɨya nɔɔge jɨn̰ daa bɨ, gɨsɨnege jɨn̰ dugo bɨ, canɨ ɨŋ-bandi Kurɨn̰-ungo le.»

Kɔl-gɨ-Ɗari gɨ Ja̰ wal 10:1

«Jagɨŋ! Aŋ yəgɨŋ daa waŋ na cɨndi, hɨn̰ gɨ gamge na wɨyage boy jaŋ gɨŋ, ama ungo na naya ba kardɨge boy jaŋ gɨŋ dan̰ gɨyəŋ gɨ ɗaŋ na, ban andaŋ na dan̰ kɨbɨ gɨyəŋ naŋ. Ungo gɨ nee le na ba-hase bɨ, na ba-dɨɗe kɨɗɨn̰ bɨ.

Kɔl-gɨ-Ɗari gɨ Ja̰ wal 10:7

Jesu yege ɗaŋ coŋ hɨn̰: «Jagɨŋ! Aŋ yəgɨŋ daa waŋ na cɨndi, ɨŋ na kɨbɨ-ƴaa gɨ da gamge.

Kɔl-gɨ-Ɗari gɨ Ja̰ wal 12:24

Jagɨŋ, ɨŋ yəgɨŋ na kɔl gɨ cɨndi, hɨn̰ gɨ cɨn̰ gɛmɛ na ba gɨsəŋ bɨ na mara naŋ na, hɨndi kɨya wɔyɛ na kɨɗɨn̰do gaŋ kan̰do tɔɔ dɨŋ haa. Ama hɨn̰ gɨ hɨndi na mara na, hɨndi kɨya wɔ karɨndo dan̰ kondɨwayge.

Kɔl-gɨ-Ɗari gɨ Ja̰ wal 13:16

Jagɨŋ! Aŋ yəgɨŋ daa waŋ na cɨndi, guyɔŋ le gumu ɗɨn̰ ba-gulondi naŋ bɨ, ba-gɨre-gɨye kalɨn̰ ma gumu ɗɨn̰ ba-gɨyii naŋ bɨ.

Kɔl-gɨ-Ɗari gɨ Ja̰ wal 13:38

Jesu dɨbi cay nee yeyi hɨn̰: «Na cɨndi gɨ ji gey mare kɔl canɨ ga? Jagɨŋ! Aŋ yəgɨŋ daa waŋ na cɨndi, tumɔ pa dɨm ma, kuɗa kɨya ale ƴee na, ji kɨya man̰e kɨbɨn̰ cay sɨbɨ yɔ gɨ ji na sɨlaŋ naŋ.»

Kɔl-gɨ-Ɗari gɨ Ja̰ wal 14:12

Jagɨŋ! Aŋ yəgɨŋ daa waŋ na cɨndi, waŋ waŋ gɨ na bɨga kuduroy canɨ na, kɨya lɔɔ gɨye nɔm gɨ ɨŋ ba lee le bɨ. Ban kɨya lɔɔ gɨye gɨ gɨmdəŋ ɗɨn̰ ban gɨ kɛ nɔm coŋ. Kɨya wa ɨŋ or na gusi Banɨ.

Kɔl-gɨ-Ɗari gɨ Ja̰ wal 16:20

Jagɨŋ, aŋ yəgɨŋ daa waŋ na cɨndi, kɨŋ kɨya ɨle bɨ, kɨŋ kɨya ɨle gusɨgɨŋ bɨ. Ama kalaŋ ga a cay gɨsəŋ gaŋ na kɨya sɔmɛge na duroy gusi-mɔwa dɨŋ. Kɨŋ-gandi, kɨŋ kɨya gɨle-cɨn̰ ama gɨle-cɨn̰ togɨŋ kɨya bɨle gusi-mɔwa.

Kɔl-gɨ-Ɗari gɨ Ja̰ wal 16:23

«Wɔlɛdi gɨ nee le, kɨŋ kɨya jɔgɛ ɨngɨrəŋ duroy kɔl pɨna wo̰ naŋ ɨni. Jagɨŋ, aŋ yəgɨŋ daa waŋ na cɨndi, hɨn̰ gɨ kɨŋ na ɨngɨrɨn̰ Banɨ hɨnga dan̰ gusoŋnɨ na, ban kɨya bɨgɨŋ.

Kɔl-gɨ-Ɗari gɨ Ja̰ wal 21:18

Jagɨŋ! Aŋ yəgɨŋ daa waŋ na cɨndi, kɨɗɨn̰ ga ji ba marɨna ƴee na, ji saɗɨ wɨrdɨn̰ kon̰ dan̰ sɔndurɔŋ bɨ, ji orɨn̰ kɨɗɨn̰ ga kuduron̰ gey gaŋ bɨ. Ama kɨɗɨn̰ ga ji na laa gɨ esi na, ungo gɨ ɗaŋ ba kɨya saɗɨn̰ te wɨrdɨn̰ bɨ, orɨn̰ danan̰ kɨɗɨn̰ ga kuduron̰ gey naŋ gaŋ bɨ.»

Kɔl-gɨ-Ɗari gɨ Ja̰ wal 3:11

Ja, ɨŋ yen̰ na kɔl gɨ cɨndi, ni dor na kol hɨnga ga ni sol bɨ, ni lee na tɨmon̰ da hɨnga ga ni solge dan̰ tɨdɨni bɨ. Ama kɨŋ gey ƴɔɔ kol hɨnga ga ni ba lee tɨmon̰dɨge le naŋ.

Kɔl-gɨ-Ɗari gɨ Ja̰ wal 3:3

Ɨni na, Jesu dɨbii cay nee yeyi hɨn̰: «Ja, aŋ yen̰ daa waŋ na cɨndi, hɨn̰ gɨ kan na jɨgage wɔɔge ungo hɨrɨwa naŋ na, ban kɨya ɓale sɔlɛ dɔɔ-ƴaa di da Kumu naŋ.»

Kɔl-gɨ-Ɗari gɨ Ja̰ wal 3:5

Ɨni na, Jesu dɨbii cay nee yeyi hɨn̰: «Ja, aŋ yen̰ daa waŋ na cɨndi, hɨn̰ gɨ kan na wɔɔge ungo dan̰ kaŋ naŋ bɨ, dan̰ Turnɔ di da Kumu naŋ bɨ na, ban kɨya ɓale andaŋ a boy dɔɔ-ƴaa di da Kumu dɨŋ naŋ.

Kɔl-gɨ-Ɗari gɨ Ja̰ wal 5:19

Jesu jɨga ay kɔl bɨ yege hɨn̰: «Jagɨŋ, ɨŋ yəgɨŋ na kɔl gɨ cɨndi. Kuroŋ kɨya ɓale lɔɔ hɨnga dan̰ cay gusi naŋ. Ban kɨya lɔɔ na hɨnga ga ban sol bayi te lɔɔdɨge gɨŋ ƴɔbɨ. Kɨya wa hɨnga nɔm ga kɨye bay lee le, kuroŋ kɨya lɔɔ na hɨn̰ wo̰ bɨ.

Kɔl-gɨ-Ɗari gɨ Ja̰ wal 6:26

Jesu dɨbɨge cay nee yege hɨn̰: «Jagɨŋ ɨŋ yəgɨŋ na kɔl gɨ cɨndi, kɨŋ malaŋ na kɨya hɨnga ga ɗɨn̰ cɨn̰-kɨɗɨn̰ ga kɨŋ sol le naŋ, ama na kɨya cay mapa gɨ kɨŋ di sɨdɨldəŋ.

Kɔl-gɨ-Ɗari gɨ Ja̰ wal 6:32

Ama Jesu jɨga dɨbɨge cay nee yege hɨn̰: «Jagɨŋ, ɨŋ yəgɨŋ daa waŋ na cɨndi, na Moyis ba bɨgɨŋ mapa gɨ sayga gɨɗɨgɨ-Kumu gɨŋ le naŋ, ama na Banɨ ba bɨgɨŋ mapa gɨ leen̰ cɨndi gɨ sayga a daa nii.

Kɔl-gɨ-Ɗari gɨ Ja̰ wal 6:47

Jagɨŋ, aŋ yəgɨŋ daa waŋ na cɨndi, ungo gɨ na bɨga kuduroyi canɨ le, orɨn̰ dan̰ sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 6:53

Jesu yege hɨn̰: «Jagɨŋ aŋ yəgɨŋ daa waŋ na cɨndi, hɨn̰ gɨ kɨŋ na da kuyoŋdi Kurɨn̰-ungo naŋ bɨ, sa kɨbardi naŋ bɨ na, kɨŋ kɨya orɨn̰ dan̰ sɔmɛ-bɨra gɨ dan̰ cɨndi naŋ.

Kɔl-gɨ-Ɗari gɨ Ja̰ wal 8:34

Jesu jɨga dɨbɨge cay nee yege hɨn̰: «Jagɨŋ! Aŋ yəgɨŋ daa waŋ na cɨndi, waŋ waŋ gɨ na laa ɨsɨna na, na guyɔŋ gɨ da ɨsɨna.»

Kɔl-gɨ-Ɗari gɨ Ja̰ wal 8:51

Jagɨŋ! Aŋ yəgɨŋ daa waŋ na cɨndi, waŋ waŋ gɨ na aya kɔl hɨnge nɔm laan̰ gɨye na, ban kɨya mare naŋ bɨrɨŋ.»

Kɔl-gɨ-Ɗari gɨ Ja̰ wal 8:58

Jesu jɨga dɨbɨge cay nee yege hɨn̰: «Jagɨŋ! Aŋ yəgɨŋ daa waŋ na cɨndi, tumɔ pa dɨm ma woon̰ge Abɨraham ƴee na, “Ɨŋ woy nee” ɨni.»

1 Pɨyɛr 1:25

Ama kɔl gɨ da Ba-gulɔŋ woy ban̰di dɨŋ mɨra mɨra.» Kɔl le, na Kɔl-gɨ-Ɗari gɨ kan tee bɛrnɛdi bɨgɨŋ le.

Wasɨn̰a 20:11

Kardi nee, ɨŋ sol kali-tɨrɨmbala di gumu di bɛrɛ bɨ, ungo gɨ ba sɔmɛ cay nee bɨ. Cay gɨsəŋ bɨ gɨɗɨgɨ-Kumu bɨ gɨrege muɗɔg tumoyi coŋ bɨ, ungo waa cay tɨbayge naŋ.