Matɨyo 5:17 - Gabri Maja

¹⁷ «Kɨŋ ɗɔɔ ba ɨrɨme gɨ ɨŋ na ɨrga naa kɨya mɔndɛ gasɨn̰-kɔl gɨ da Moyis wala, hɨnga ga ni gɨle ga da ka-yɔɔ-kɔl-gɨ-Kumu-ba-yɔɔ. Ɨŋ ɨrga na kɨya mɔndɛ naŋ, ama na kɨya lɔɔ ɗe or kɨɗɨn̰dɨge gaŋ.

Matɨyo 5:17 ပူးပေါင်းရင်းမြစ်များ

Matɨyo 3:15

Ama Jesu dɨbii cay nee yey hɨn̰: «Gɨ haw kɛ na, ɗa ɗe ana lee hɨn̰ wo̰. Kɨya wa hɨnga nɔm ga Kumu gey gɨ na na laa le, na kɨya lɔɔ ɗe or kɨɗɨn̰dɨge gaŋ hɨn̰ wo̰ le kɔ.» Ɨni na, Ja̰ say gey cay nee bɨ leeyi batɛm.

Matɨyo 7:12

«Hɨnga nɔm ga kɨŋ gey gɨ kalaŋ na laa danagɨŋ le, kɨŋ kalɨn̰ ma, laagɨŋ danage hɨn̰ wo̰ bɨ. Na ban ma na hɨnga ga gasɨn̰-kɔl gɨ da Moyis bɨ, ga da ka-yɔɔ-kɔl-gɨ-Kumu-ba-yɔɔ bɨ, gɨlnagɨŋge gɨ na na laagɨŋ.

Kɔl-gɨ-Ɗari gɨ Lug wal 16:17

Gɨɗɨgɨ-Kumu dan̰ cay gɨsəŋ kɨya pɨde na haw wo̰ hage. Ama cɨɗɨn̰ magtubu di kan walge duroy magtubu gasɨn̰-kɔl dɨŋ le, kɨya mundoŋ naŋ.

Kɔl-gɨ-Ɗari gɨ Ja̰ wal 8:5

Moyis yeni a duroy magtubu gasɨn̰-kɔl gɨŋ, gɨ ni na wɨrɨn̰a kandɨ ga hɨn̰ wo̰ le dan̰ oru dɨɗɨge coŋ. Kɛ ji ye kon̰ na mɨna cay nee bɨ ga?»

Gɨye-lɔɔ 18:13

bɨ kan yege hɨn̰: «Gɨlmi gɨ kɛ le, gosɨr kalaŋ ɗe na n̰ɨrege Kumu dan̰ gɨyəŋ n̰ɨre Kumu gɨ gasɨn̰-kɔl gɨ da kalaŋ ga Rɔm nar coŋ.»

Gɨye-lɔɔ 21:28

Kan dege sɨle yege hɨn̰: «Gɨrnigɨŋ daa, kalaŋ ga Ɨsɨrayɛl! Sɨlagɨŋ ungo gɨ ba gɔrɛ dan̰ kɨɗɨn̰ kɨɗɨn̰ nɔm gɨlɨn̰ kalaŋ nɔm ɗe na kayɨn̰ge te wɔɔ gɨ da kalaŋ kana bɨ, gasɨn̰-kɔl gɨ da Moyis bɨ, ƴaa-di-da-Kumu di ba woy kɛ bɨ le, ban ba kɛ! Bɨ haw kɛ kalaŋ ga toyge na Jubɨ naŋ kalɨn̰ ma, ban dorge andɨn̰ danage boy ƴaa-di-da-Kumu di woy dan̰ cɨndo dɨŋ le, say bɨloo leen̰ kɨɗɨn̰ ga lee kɨni.»

Gɨye-lɔɔ 6:13

Kan ɨrgan̰ge dan̰ ka-poy ɗe kan na leege tɨmon̰ di ni poy a cayi. Bɨ kan yege hɨn̰: «Gɨlmi gɨ kɛ le ɗa yagɨde ƴaa-di-da-Kumu di woy dan̰ cɨndo dan̰ wɔlɛ pɨna pɨna naŋ bɨ, gasɨn̰-kɔl gɨ da Moyis naŋ bɨ.

Magtubu di Pol wal bɨn̰ kalaŋ ga Rɔm 10:4

Na cɨndi, Kɨris ɨrga dɨɗɨ kɨbɨ gasɨn̰-kɔl gɨ da Moyis ɗe gɨ dan̰ gɨyəŋ gɨ da Kɨris na, kalaŋ nɔm na bɨlɨn̰ge ga dan̰ durɔ ɗɨngar, hɨn̰ gɨ kan na bɨga kuduroyge a cayi.

Magtubu di Pol wal bɨn̰ kalaŋ ga Rɔm 3:31

Naa hɨn̰ wo̰ na, kɛ dan̰ gɨyəŋ gɨ da aye kudurɔ le ni bɨle gasɨn̰-kɔl gɨ da Moyis leen̰ hɨnga ga kalɨn̰ wo̰ dugo ga? Cə, na hɨn̰ wo̰ naŋ bɨrɨŋ. Na nee dɨm ma, mani boo tɔgɔɔ cay mɨgaa ƴee.

Magtubu di Pol wal bɨn̰ kalaŋ ga Rɔm 8:4

Kumu lee hɨnga ga nee le, hɨn̰ wo̰ ɗe ana na ɓalɨn̰ leen̰ hɨnga ga gasɨn̰-kɔl ojɨ. Haw kɛ, na-gandi na gorgɨŋ na dan̰ gɨyəŋ gɨ da dɔnɔ di da Turnɔ di da Kumu wala, na dan̰ gɨyəŋ gɨ da dɔnɔ di da kuyoŋdi-gusu naŋ ɨni.