Matɨyo 5:16 - Gabri Maja

¹⁶ Ɗagɨŋ gɨ asɨn̰a kogɨŋ ɗe asɨn̰ cɨn̰ kalaŋ hɨn̰ wo̰ bɨ, ɗe gɨ kan solɨn̰ge gɨye-lɔɔdɨgɨŋ gɨ kuɗa bɨ, ɗe kan hɨramɨn̰ge Baygɨŋ gɨ som a daa nii bɨ.

Matɨyo 5:16 ပူးပေါင်းရင်းမြစ်များ

Matɨyo 23:5

Gɨye-lɔɔdɨge nɔm le, na gɨ ni gɨlɨn̰ gusɨge cɨn̰ kalaŋ ƴɔbɨ. Na hɨn̰ wo̰ ma, gɨ ojɨ cay kɔl gɨ da Kumu gɨ woy dan̰ cɨndi gɨ kan saɗɨdege jɨndɨge naŋ le kobɨge le, kan orɨn̰ge dan̰ ƴaadi hɨnga ga gumu ɗɨn̰ ga da kamdɨge. Badɨge kage ga kan tobɨ cay kamdɨge gaŋ kalɨn̰ ma kɨbɨge wol ɗɨn̰ ga da kamdɨge bɨ.

Matɨyo 23:9

Kɨŋ ɗɔɔ ba tɔgɛ ungo a cay gɨsəŋ gaŋ kɛ, “Baygɨŋ”, kɨya wa Baygɨŋ na pɨna hayi ƴɔbɨ, na ban gɨ som a gɨɗɨgɨ-Kumu gɨŋ daa nii le.

Matɨyo 5:45

Ɗe gɨ agɨŋ bɨlɨn̰ karɨn̰ Baygɨŋ gɨ woy a daa le, kɨya gɨ ban lee gɨ tɨwa toy say cay ka-lɔɔ ɨsɨna bɨ, cay ka-lɔɔ ɗarwa bɨ. Ban lee gɨ kumu ongɨ cay kalaŋ ga dan̰ durɔ ɗɨngar bɨ, cay kalaŋ ga dan̰ durɔ ɗɨngar naŋ bɨ.

Matɨyo 6:16

«Kɨŋ-gandi, kɨɗɨn̰ ga kɨŋ na gey haye kɨbɨgɨŋ na, kɨŋ ɗɔɔ ba lɔɔ cɨndɨgɨŋ lɔɔ cɨn̰-n̰age, hɨn̰ kalaŋ ka-yɔɔ-kɔl-kɨbɨge-sɔɔ-sɔɔ ba leen̰ge wo̰ naŋ. Kan leege cɨndɨge leen̰ cɨn̰-n̰age tɔgɨ, ɗe kalaŋ na solge gɨ ke na hay kɨbɨge. Aŋ yəgɨŋ daa waŋ na cɨndi: Kan wayge hɨnga kage ga ni cay kobɨge koge ɨni.

Matɨyo 6:9

Hɨn̰ gɨ kɨŋ na gey ɔlɛ Kumu na, ulayigɨŋ na hɨn̰ wo̰: Bayni gɨ a daa nii, Laa gɨ ɗe gusondɨn̰ woy dan̰ cɨndi,

Matɨyo 9:8

Kɨɗɨn̰ ga dɨmdɨrdi kalaŋ solge hɨnga ga nee le na, hundɔrɔ gɨ gumu leege bɨ, kan hɨramge Kumu kɨya gɨ ban bɨn̰ kalaŋ dɔnɔ di hɨn̰ wo̰ bɨ.

Kɔl-gɨ-Ɗari gɨ Lug wal 11:2

Jesu jɨga dɨbi cay nee yeyi hɨn̰: «Kɨɗɨn̰ ga kɨŋ na kɨya ɔlɛ Kumu na, yagɨŋ hɨn̰: “Bayni, laa gɨ ɗe gusondɨn̰ wɨya dan̰ cɨndi bɨ, Laa gɨ ɗe dɔɔ-ƴaa ton̰ ɨrga a cay gɨsəŋ gaŋ bɨ.

Kɔl-gɨ-Ɗari gɨ Ja̰ wal 15:8

Hɨn̰ gɨ kɨŋ naa ka-aye-cay-tɨbanɨ leen̰ cɨndi na, kɨŋ kɨya wɔyɛ naa hɨn̰ hɨyadi suru gɨ wɔɔ karɨndi kondɨ bajag bajag wo̰. Hɨn̰ wo̰ na gusoŋ-tɔgɛ gɨ da Banɨ kɨya andaŋ cɨn̰ kalaŋ nɔm.

Gɨye-lɔɔ 9:36

Ɗe-aye-cay-tɨbay Jesu di pɨna wo̰ som a cay ƴaa di Jope dɨŋ, gusɔndɔ na Tabita. Gusɔndɔ le dan̰ kɨbɨ Gɨrɛg na Dorkas duroy na paya. Tama di nee le lee gɨye gɨ ɗari tɔgɨ bɨ, bɨn̰ ka-n̰age hɨnga tɔgɨ bɨ.

1 Korɛ̰t 14:25

hɨnga nɔm ga woy kuduroy kɨɗɨn̰ wɔsɛdɨge gaŋ le toyge sɨɗɨge daa nɔm bɨ. Kɨɗɨn̰ ga nee le ban kɨya bɔɔ jɨbe gɨbayi dugo tumon̰ Kumu n̰ɨrii bɨ yon̰ daa waŋ hɨn̰: «Leen̰ cɨndi Kumu woy duroygɨŋ.»

2 Korɛ̰t 9:13

Gɨye gɨ nee le, lee gɨ kalaŋ solge gɨ kɨŋ naa ka-aye kudurɔ ga leen̰ cɨndi. Kɨŋ gɨlge hɨn̰ gɨ kɨŋ na bee kɔl a cay Kɔl-gɨ-Ɗari gɨ da Kɨris gɨŋ hagɨŋ. Kɨŋ ƴom wandɨ dan̰ ka-aye kudurɔ ga a Jerusalɛm bɨ, dan̰ kalaŋ ga ɗaŋ nɔm nee bɨ, a te hɔgɛ hɨnga pɨna gaŋ bɨ. Na toy di hɨn̰ wo̰ ma kan kɨya hɨramege Kumu tɔgɨ.

Galad 1:24

Lee gɨ kan hɨramge Kumu kol canɨ.

Epɛs 2:10

Na bɨləŋ gɨŋ woy na hɨn̰ hɨnga ga hɨrɨwa ga Kumu lee wo̰. Ban lee na hɨnga ga ni se ga hɨrɨwa dan̰ te bugoŋ pɨna dan̰ Jesu-Kɨris, ɗe ana na leen̰gɨŋ gɨye-lɔɔ gɨ ɗari, gɨ ban ƴom cay tɨbayi tumɔ hayi kol cayna ɗe ana na leegɨŋ le.

Epɛs 5:8

Tumɔ kɨŋ na ga da dɨlɨm, ama haw kɛ kɨŋ na ga da kɨɗɨn̰ ga asɨn̰ dan̰ te bugoŋ gɨ kɨŋ bugoŋ pɨna dan̰ Ba-gulɔŋ. Hɨn̰ wo̰ na, laagɨŋ hɨnga hɨn̰ karɨn̰aŋ ga somge kɨɗɨn̰ ga asɨn̰ gaŋ wo̰.

1 Tesalonigɨ 2:12

Ni bee kɔl-gɨ-ɗari kuduroygɨŋ bɨ, dobɨ bandɨ kuduroygɨŋ bɨ, olgɨŋ jɨn̰ nee nee bɨ, ɗe gɨye-lɔɔdɨgɨŋ na bugoŋ pɨna dan̰ Kumu gɨ təgɨŋ, ɗe agɨŋ na andɨn̰ a boy dɔɔ-ƴaa toyi dɨŋ bɨ, gusoŋ-tɔgɛ koyi gɨŋ bɨ.

1 Timote 2:10

Ama kuɗa gɨ kan gɨl kambɨladɨge dan̰ gɨye-lɔɔ gɨ kuɗa, hɨn̰ kandɨ ga gɨye-lɔɔdɨge bugoŋ pɨna dan̰ Kumu wo̰.

1 Timote 5:10

Kuɗa gɨ ɗe kalaŋ solge gɨye-lɔɔdo gɨ kuɗa bɨ. Kuɗa gɨ hɨndi aba karɨn̰aŋ bɨ, ƴɨma kalaŋ kuɗa gusoo bɨ, pɨl tɨbay kalaŋ ga da Kumu bɨ, jɨbɨ te kalaŋ ga somge duroy n̰age dɨŋ bɨ, ɗe-gusoo kɨbɨ gɨye nɔm ga kuɗa bɨ.

1 Timote 5:25

Kɨya wa gɨye-lɔɔ gɨ kuɗa le woy cɨn̰ kalaŋ na hɨn̰ wo̰ bɨ. Ban gɨ wɨya cɨn̰ kalaŋ naŋ kalɨn̰ ma, kɨya wɔsɛ gusi kardi hen̰ naŋ.

1 Timote 6:18

Yage ɗe kan lee kuɗa dan̰ kalaŋ bɨ, ɗe kan lee gɨye gɨ kuɗa tɔgɨ bɨ, ɗe kan bɨn̰ kalaŋ hɨnga tɔgɨ bɨ, ɗe kan gosɨn hɨnga kage bɨn̰ kamdɨge bɨ.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Titɨ 2:7

Ji Titɨ, kalɨn̰ ma ji laa hɨnga ga ɗari ɗe kan ƴolɨn̰ge bɨ. Kuɗa gɨ hɨnga ga ni gɨle kan̰ wɨya na hɨnga ga ni gɨle ga duroŋ mɨra bɨ, ga koldɨge homɨn̰ bɨ.

Titɨ 3:14

Kuɗa gɨ kalaŋ kana siige cɨndɨge kardi hɨnga ga ɗari gaŋ leen̰ge gɨye gɨ ɗari jɨbɨn̰ge te kalaŋ ga orɨn̰ge dan̰ n̰agedi hɨnga leen̰ cɨndi. Hɨn̰ gɨ kan na laa hɨn̰ wo̰ na, kan kɨya wɔyɛ na kalaŋ ga bɨlege hɨnga.

Titɨ 3:4

Ama kɨɗɨn̰ ga ɗarwa di da Kumu ba-poɗɨnagɨŋ bɨ, geye koyi gɨ ojɨn̰ cay kalaŋ bɨ gɨl gusi doŋ ɨni na,

Əbɨro 10:24

Ɗe gɨ na na sɨla kardi gusɨnagɨŋ ɗe ana jɨbɨn̰gɨŋ te gusɨnagɨŋ daa a te lɔɔ wandɨ bɨ, lɔɔ gɨye ga da hɨnga ga ɗari gaŋ bɨ.

1 Pɨyɛr 2:12

Ɗagɨŋ gɨ gɨye-lɔɔdɨgɨŋ gɨ a duroy kalaŋ ga sɨlage Kumu gɨ cɨndi naŋ le ɗe woy kuɗa. Hɨn̰ wo̰ na hɨn̰ gɨ kan na pɨya kɔl si caygɨŋ yan̰ gɨ kɨŋ naa ka-lɔɔ ɨsɨna kalɨn̰ ma, kan kɨya sɔlɛge gɨye-lɔɔdɨgɨŋ gɨ kuɗa gɨ kɨŋ lee bɨ, kan kɨya hɨramege Kumu a wɔlɛ gɨ ban kɨya cagan̰ gɨŋ bɨ.

1 Pɨyɛr 2:9

Ama kogɨŋ kɨŋ-gandi na, kɨŋ na te wɨn̰je ga Kumu torgɨŋ bɨ, kɨŋ na ka-bɔgɛ kɨbar ga da kɨlma bɨ, te kalaŋ ga torgege ɗege dan̰ cɨndɨge bɨ. Kɨŋ na te kalaŋ ga Kumu torge ɗe agɨŋ na teen̰ bɛrnɛ di da hɨnga ga ɗadɨrdaŋ ga ban lee. Kumu təgɨŋ ɗe agɨŋ na andɨn̰ duroy dɨlɨm dɨŋ coŋ bɨ, ɗe gɨ agɨŋ na ɨrgan̰ duroy asɨn̰a toyi di kuɗa tɔgɨ dɨŋ bɨ.

1 Pɨyɛr 3:1

Kɨŋ kandɨ, kogɨŋ ba kɛ: Dɨbagɨŋ caygɨŋ dugo bɨn̰ kodɨn̰igɨŋ, ɗe hɨn̰ gɨ kan ga pɨna duroyge na kan̰age bɔgɛ kuduroyge cay kɔl gɨ da Kumu kalɨn̰ ma, na bɨgan̰ge kuduroyge cayi kol gɨye-lɔɔdɨgɨŋ dɨle gɨ kan kɨya yɔɔ kɔl.

1 Pɨyɛr 3:16

Ama gɨlgegɨŋ kardɨge dan̰ kaledɨgɨŋ ga jali bɨ, hurɔmɔ bɨ. Laagɨŋ hɨnga nɔm dan̰ ɨrɨmedɨgɨŋ gɨ arɨn̰ cərərə. Hɨn̰ wo̰ na, dasi kɨya dɔɔ kalaŋ ga ka-pɔyɛ kɔl se caygɨŋ bɨ, ga ka-yagɨdɨgɨŋ kɨya gɨye-lɔɔdɨgɨŋ gɨ ɗari gɨ kɨŋ way te bugoŋ pɨna dan̰ Kɨris le.

1 Pɨyɛr 4:11

Waŋ waŋ gɨ na yan̰ karmii kɔl a kɨɗɨn̰ daye gaŋ na, ɗa gɨ ban yage dan̰ gɨyəŋ gɨ da kɔl gɨ da Kumu. Waŋ waŋ gɨ naa ba lɔɔ gɨye bɨn̰ mɨgayi na, kuɗa ban lee dan̰ tɔgɨ di Kumu bii. Ɗe hɨnga nɔm ga kɨŋ lee dan̰ gɨyəŋ gɨ da Jesu-Kɨris le dɨbɨ gusoŋ-tɔgɛ a cay Kumu. Gusoŋ-tɔgɛ bɨ, dɔɔ tɨrɨmbala bɨ, woy ojɨn̰ na cayi, ɨlge dan̰ ɨlge. Ɗa-ɗe-woy-hɨn̰-wo̰!

1 Pɨyɛr 4:14

Hɨn̰ gɨ kalaŋ na yagɨdagɨŋge kɨya cay guson̰ Kɨris na, kɨŋ orɨn̰ dan̰ tumoy wolwa. Kɨya wa Turnɔ di da gusoŋ-tɔgɛ gɨ na Turnoy Kumu le som caygɨŋ.