Matɨyo 5:12 - Gabri Maja

¹² Laagɨŋ gusi-mɔwa bɨ, tɨgagɨŋ pɨre bɨ, kɨya wa cay kobɨgɨŋ gɨ gumu woy gamgɨŋ a daa nii. Halegɨŋ gɨybəŋ naŋ, ka-yɔɔ-kɔl-gɨ-Kumu-ba-yɔɔ ga somge jɨne tumoygɨŋ le, gɨlgege cɨn̰-gɨle-cɨn̰ na hɨn̰ wo̰ bɨ.

Matɨyo 5:12 ပူးပေါင်းရင်းမြစ်များ

Matɨyo 16:27

Kɨya wa Kurɨn̰-ungo kɨya caga dan̰ ka-ƴɔbɛ kayi ga daa nii bɨ, dan̰ gusoŋ-tɔgɛ da Bayi bɨ. Kɨɗɨn̰di ga nee gaŋ le, ban kɨya bɨn̰ kalaŋ cay kobɨge pɨna pɨna nɔm gɨsɨn̰ cay gɨye-lɔɔdɨge lɔɔdɨge.

Matɨyo 6:16

«Kɨŋ-gandi, kɨɗɨn̰ ga kɨŋ na gey haye kɨbɨgɨŋ na, kɨŋ ɗɔɔ ba lɔɔ cɨndɨgɨŋ lɔɔ cɨn̰-n̰age, hɨn̰ kalaŋ ka-yɔɔ-kɔl-kɨbɨge-sɔɔ-sɔɔ ba leen̰ge wo̰ naŋ. Kan leege cɨndɨge leen̰ cɨn̰-n̰age tɔgɨ, ɗe kalaŋ na solge gɨ ke na hay kɨbɨge. Aŋ yəgɨŋ daa waŋ na cɨndi: Kan wayge hɨnga kage ga ni cay kobɨge koge ɨni.

Kɔl-gɨ-Ɗari gɨ Lug wal 13:34

«Ay Jerusalɛm! Ay Jerusalɛm! Me-hɨndi di ɗe dɨɗe ka-yɔɔ-kɔl-gɨ-Kumu-ba-yɔɔ bɨ! Ɗe wɔrɨn̰dɛ kalaŋ ga Kumu gɨygɨge gusee dan̰ oru dɨɗɨge bɨ! Cay mɨna ma, maŋ gey daye karɨnde gusɨnɨ hɨn̰ gɨ tɔɗɔ ba dayɨn̰ karɨndo tɔɔ, ama kɨŋ kan̰ ɗɔŋ lɔɔ coŋ!

Kɔl-gɨ-Ɗari gɨ Lug wal 6:23

Wɔlɛ gɨ hɨnga ga nee le nɔm na andaŋ caygɨŋ na, laagɨŋ gusi-mɔwa bɨ, tɨgagɨŋ pɨrɛ bɨ! Ho’o sɨlagɨŋ cay kobɨgɨŋ gɨ gumu woy gamgɨŋ a daa nii! Halegɨŋ gɨybəŋ naŋ, mon̰igɨŋ kalɨn̰ ma gɨlɨn̰ge ka-yɔɔ-kɔl-gɨ-Kumu-ba-yɔɔ cɨn̰-gɨle-cɨn̰ na hɨn̰ wo̰ bɨ.

Kɔl-gɨ-Ɗari gɨ Lug wal 6:35

Ama ƴɨmagɨŋ wandɨ dan̰ ka-baadɨgɨŋ bɨ, laagɨŋ ɗarwa bɨ, ɨban̰gɨŋ kalaŋ hɨnga dɨle ɨrɨme hɨn̰ gɨ kan na kɨya jogin̰ bɨgɨŋ daa bɨ. Hɨn̰ gɨ kɨŋ na laa hɨn̰ wo̰ na, Kumu kɨya bɨgɨŋ cay kobɨgɨŋ gɨ gumu bɨ, kan kɨya yɔ hɨn̰ gɨ kɨŋ na karɨn̰ Ban gɨ Ɗɨn̰ cay hɨnga nɔm. Kɨya wa Kumu kalɨn̰ ma, lee ɗarwa dan̰ kalaŋ ga sɨlage ɗarwa di Ban laage naŋ bɨ, dan̰ kalaŋ ga ka-lɔɔ ɨsɨna bɨ.

Gɨye-lɔɔ 16:25

Baa mɨnde dan̰ duroy son̰do bɔb ɨni na, Pol dan̰ Sɨlas olge Kumu bɨ, dege kɨra hɨramɨn̰ge Kumu bɨ. Kamdige ka-dangay jege noyge bɨ.

Gɨye-lɔɔ 5:41

Ka-gɨre-gɨye andaŋge ɗege kɨɗɨn̰ bɔyɛ kɔl ga da kalaŋ ga ni Jubɨ dan̰ gusi-mɔwa. Kɨya wa Kumu solge gɨ kan na ɓal kɔjɛ hɨnga ga ni gɨle-cɨn̰ ga andaŋ cayge kɨya cay guson̰ Jesu.

Magtubu di Pol wal bɨn̰ kalaŋ ga Rɔm 5:3

Ɗɨn̰ gɨ nee le na, na lee gusi-mɔwa kɨya cay hɨnga ga ni dɔsɛ-ɗugɔ ga andaŋ cayna. Kɨya wa na sol gɨ hɨnga ga ni dɔsɛ-ɗugɔ ga nee le, kɨya bɨna na dɨbe-ɗugɔ.

1 Korɛ̰t 3:8

Ba-busɔnɛ bɨ, ba-bɔgɛ kaŋ toy nee bɨ ɓalɨn̰ge. Waŋ waŋ kalɨn̰ ma kɨya wɔɔ hɨnga ga ni cay kobi ga ɓal cay gɨye-lɔɔdi.

2 Korɛ̰t 4:17

Dɔsɛ-ɗugɔ di ni ba wayoo haw kɛ le hɨmbal bɨ, kardo kɨya sɨngɨɗɨwa naŋ bɨ. Ama dɔsɛ-ɗugɔ di nee le n̰an na, na kɨya cay gusoŋ-tɔgɛ gɨ ɗɨn̰ cɨn̰-kɨɗɨn̰ gɨ toy kɨya ayaŋ naŋ.

Pilib 1:29

Kumu lee ɗarwa danagɨŋ bɨ dan̰ gɨyəŋ gɨ da ɗarwa di nee le, kɨŋ bɨga na kuduroygɨŋ cay Kɨris ƴɔbɨ naŋ, ama kɨŋ way cɨn̰-gɨle-cɨn̰ kol cayi nee bɨ.

Pilib 2:17

Ko hɨn̰ gɨ na uja gɨ kɨbarnɨ na gɨ bugoŋ dugo hɨn̰ cɛrɛ di suru gɨ kan beege a cay hɨnga ga ni bogɨn̰ kɨbar hɨn̰ gɨ kɨŋ ba leede wo̰ bɨn̰ Kumu kɨya cay aye kudurɔ kogɨŋ kalɨn̰ ma, mɔŋ bɨ, ɨŋ kɨya lɔɔ gusi-mɔwa danagɨŋ nɔm bɨ.

Kɔlɔs 1:24

Haw kɛ na, gusɨnɨ mɔŋ kol cay cɨn̰-gɨle-cɨn̰ di ɨŋ ba way kol caygɨŋ. Leen̰ cɨndi, ɨŋ-bandi dan̰ gusɨnɨ ɨŋ way hɨnga ga ni dɔsɛ-ɗugɔ na kɨya cay guson̰ Kɨris kol ɗarwa di da Ka-Daye ga na kuyoŋdi Kɨris le.

Kɔlɔs 3:24

Sɨlagɨŋ gɨ kɨŋ kɨya wɔɔ hɨnga ga ni ban̰di-gulɔŋ ga Ba-gulɔŋ ba kɨya bɨgɨŋ, gɨ nee le mana cay-kɔbɔ kogɨŋ. Ba-gulondɨgɨŋ na Kɨris, na ban ma magɨŋ lee gɨye bii.

1 Tesalonigɨ 2:15

Jubɨn̰əŋ ga nee le, kan naa ba dɨɗege Ba-gulɔŋ Jesu bɨ, ka-yɔɔ-kɔl-gɨ-Kumu-ba-yɔɔ ga tumoyi bɨ, gɨlnige ni-gandi kalɨn̰ ma cɨn̰ tɔgɨ bɨ. Mondɨge kuduroy Kumu bɨ, bɨlege ka-baa ga da kalaŋ nɔm bɨ.

Əbɨro 10:34

Kɨya wa gɨ kɨŋ sol cɨn̰-n̰age da kan ga kan ƴomgege dangay dɨŋ bɨ, kɨŋ jɨbɨ toyge daa bɨ. Kɨɗɨn̰ ga kalaŋ donge hɨnga wɔɔdɨgɨŋ na, kɨŋ lee gusi-mɔwa kɨya gɨ kɨŋ sol gɨ kɨŋ na orɨn̰ dan̰ hɨnga wɔɔ ga kuɗa cɨla ɗɨn̰ na woy tumoygɨŋ, hɨnga ga ni wɔɔ ga nee le, kɨya wɔyɛ dan̰ tumoyge.

Əbɨro 11:26

Ban ɗe a ɨrɨmedi gɨŋ gɨ yagɨde gɨ ban na kɨya wɔɔ kɨya cay Kɨris ban gɨ Kumu dorii le, naa hɨnga ga kɨledɨge kondɨ tɔgɨ ɗɨn̰ kandi-wɔɔ ga a cay gɨsəŋ ga Ejɨpt gaŋ nɔm. Kɨya wa ban ɗe ɨrɨmedi na a cay hɨnga ga ni cay-kɔbɔ ga woy tumoyi.

Əbɨro 11:33

Na dan̰ gɨyəŋ gɨ da aye kudurɔ ma, kalaŋ ƴeedege dɔɔ-ƴaan̰əŋ bɨ, diidege cay ƴaan̰əŋ dan̰ gɨye-lɔɔ gɨ dan̰ durɔ ɗɨngar bɨ, wayge hɨnga ga Kumu ye gɨ ɗi na kɨya bɨge le bɨ. Kan lɨgɨdege kɨbɨ gusugon̰əŋ bɨ,

Əbɨro 11:6

Dɨle aye kudurɔ na, ungo kɨya ɓale ƴɔɔ cɨn̰ Kumu naŋ. Kɨya wa waŋ waŋ gɨ na sɨy gusi Kumu na, ojɨ gɨ ban bɨga kuduroyi cay Kumu gɨ Kumu na woy nee bɨ, gɨ ban naa ba bɨn̰ kalaŋ ga maliige le, cay kobɨge bɨ.

Magtubu di Jag wal 1:2

Karmɨnɨ ga ban̰aŋ dan̰ ga kandɨ, hɨnga ga ni gɨwase ga dan̰ cɨndɨge cɨndɨge ga ba andɨdaŋ caygɨŋ le, kuɗa gɨ kɨŋ sɨlagegɨŋ hɨn̰ hɨnga ga ni gusi-mɔwa wo̰.

Magtubu di Jag wal 5:10

Karmɨnɨ ga ban̰aŋ dan̰ ga kandɨ, sɨlagɨŋ ka-yɔɔ-kɔl-gɨ-Kumu-ba-yɔɔ ga naa yege kɔl dan̰ guson̰ Ba-gulɔŋ Kumu le. Hɨnga ga ni cɨn̰-n̰age leege hage, ama kan dɨbɨge ɗugoyge. Sɨlagegɨŋ laan̰ hɨn̰ hɨnga ga ni gɨle kagɨŋ wo̰.

1 Pɨyɛr 4:13

Ama kɨŋ laa gusi-mɔwa kɨya cay cɨn̰-gɨle-cɨn̰ di leegɨŋ hɨn̰ gɨ ba leen̰ Kɨris wo̰ bɨ le. Ɗe wɔlɛ gɨ gusoŋ-tɔgɛ koyi na gɨl gusi doŋ na, gusɨgɨŋ kɨya moogɨŋ bɨ, kɨŋ kɨya tɔgɛ pɨre bɨ.