Matɨyo 5:10 - Gabri Maja

¹⁰ Tumoy wolwa woy kol caygɨŋ, kɨŋ ga kan gɨlgɨŋge cɨn̰ kɨya cay hɨnga ga dan̰ durɔ ɗɨngar, Kɨya wa dɔɔ-ƴaa di daa le na togɨŋ!

Matɨyo 5:10 ပူးပေါင်းရင်းမြစ်များ

Matɨyo 10:23

Kɨɗɨn̰ ga kan na gɨlgɨŋ-cɨn̰ a cay ƴaa-di-gumu di pɨna dɨŋ na, gɨrgɨŋ ɨragɨŋ a cay ƴaadi ɗaŋ dɨŋ. Aŋ yəgɨŋ daa waŋ na cɨndi: Kɨŋ kɨya gɔrɛ a cay ƴaan̰əŋ ga gɨmdəŋ ga Ɨsɨrayɛl gon̰ cayge nɔm togɨn̰-bɛrnɛ naŋ ƴee bɨ ga ma, Kurɨn̰-ungo kɨya caga.

Matɨyo 19:14

Ɨni na, Jesu yege hɨn̰: «Ɗagɨŋ dan̰ karɨn̰aŋ ɗe ɨrgage gusɨnɨ, bɨ nargegɨŋ naŋ, kɨya wa dɔɔ-ƴaa di daa nii le, woy na kɨya cay kalaŋ ga woy hɨn̰ kan le wo̰.»

Matɨyo 25:34

Ɨni na, kɨlma kɨya yon̰ kan ga a cay kobi gɨ bara gɨŋ le yoge hɨn̰: “Kɨŋ ga Banɨ tor-kɨbi caygɨŋ le, ɨregɨŋ, ƴagɨŋ dɔɔ-ƴaa di ƴomge cay tɨbaa kol caygɨŋ ayɨn̰ te ɗɔɔ gɨ ɗege gɨɗɨgɨ-Kumu dan̰ cay gɨsəŋ.

Matɨyo 5:3

«Tumoy wolwa woy kol caygɨŋ, kɨŋ ga kɨŋ sol gusɨgɨŋ gɨ kɨŋ na orɨn̰ dan̰ n̰agedi Kumu, Kɨya wa dɔɔ-ƴaa di daa nii na togɨŋ!

Marg 10:14

Kɨɗɨn̰ ga Jesu sol hɨnga ga nee le na moyi naŋ, lee gɨ ban yege hɨn̰: «Ɗagɨŋ karɨn̰aŋ le ɗe ɨrgage gusɨnɨ! Nargegɨŋ naŋ. Kɨya wa dɔɔ-ƴaa di da Kumu le, na di da kalaŋ ga woyge hɨn̰ kan wo̰.»

Marg 10:30

ungo gɨ nee le kɨya wɔɔ ƴaan̰əŋ bɨ, karmii ga ban̰aŋ dan̰ ga kandɨ bɨ, dan̰ ƴon̰ii bɨ, dan̰ karɨn̰aŋ bɨ, dan̰ kɨɗɨn̰ yagen̰əŋ ɗɨn̰ ga tumɔ coŋ tɨba aru, dan̰ hɨnga ga ni gɨle-cɨn̰ haw kɛ, boy wɔlɛ gɨ na ba somɨn̰ nee bɨ, kɨya sɔmɛ-bɨra gɨ dan̰ cɨndi cay gɨsəŋ ga hɨrɨwa gaŋ ga a wɔlɛdi gɨ nee gɨŋ le bɨ.

Kɔl-gɨ-Ɗari gɨ Lug wal 21:12

«Ama tumɔ pa dɨm ma ɗe hɨnga ga nee le na ɨrga na, kan kɨya ƴomgɨŋ bɨ, kan kɨya gɨlgɨŋ cɨn̰-n̰age bɨ, kan kɨya se kɔl cay gɨŋ a duroy ƴaa-daye-di-da-Jubɨn̰əŋ gaŋ bɨ, kan kɨya bogɨgɨŋ dangay bɨ, kan kɨya tolgɨŋge orɨn̰ge danagɨŋ tumoy kɛrɨmbɛlɛŋ gaŋ bɨ, tumoy ka-kɨbɨ kɛrɨmbɛlɛŋ ga gɨmdəŋ kɨya gusoŋnɨ.

Kɔl-gɨ-Ɗari gɨ Lug wal 22:29

Na ban ma hɨn̰ gɨ Banɨ ba bəŋ dan̰ dɔɔ-ƴaa le, ɨŋ-bandi kalɨn̰ ma ɨŋ bɨgɨŋ dan̰ dɔɔ-ƴaa le bɨ.

Kɔl-gɨ-Ɗari gɨ Lug wal 6:20

Jesu ay cɨndi daa solɨn̰ ka-aye-cay-tɨbayi bɨ yege hɨn̰: «Tumoy wolwa woy kol caygɨŋ, kɨŋ ga kandi wɔɔdɨgɨŋ unɔ. Kɨya wa dɔɔ-ƴaa di da Kumu na togɨŋ!

Kɔl-gɨ-Ɗari gɨ Lug wal 6:22

Tumoy wolwa woy kol caygɨŋ, kɨŋ ga kalaŋ ƴomgɨŋge dan̰ kuduroyge bɨ, kɨŋ ga kalaŋ kan̰gɨŋge bɨ, kɨŋ ga kalaŋ yagɨdɨgɨŋge bɨ, kɨŋ ga kalaŋ solgɨŋge leen̰ kalaŋ ga ɨsɨndəŋ kɨya canɨ ɨŋ-bandi Kurɨn̰-ungo bɨ.

Kɔl-gɨ-Ɗari gɨ Ja̰ wal 15:20

Kɨŋ hɨn a cay kɔl gɨ ɨŋ ba yəgɨŋ ye hɨn̰: Marɨna ba-gɨye gumu ɗɨn̰ ba-gulɔŋ di naŋ le. Hɨn̰ gɨ kan na gɨləŋge cɨn̰-n̰age na, kan kɨya gɨlgɨŋge cɨn̰-n̰age bɨ. Hɨn̰ gɨ kan na aya kɔl hɨnge laan̰ gɨye na, kɨŋ kalɨn̰ ma, kan kɨya ayege kɔl kogɨŋ loon̰ gɨye bɨ.

Gɨye-lɔɔ 5:40

Ɨni na, kan jɨgage te ka-gɨre-gɨye ɗaŋ coŋ bɨ, kan somdɨge dan̰ suroy bɨ, narge yɔɔ kɔl dan̰ guson̰ Jesu pa dɨm ma kan ɗege daa ƴee.

Gɨye-lɔɔ 8:1

Kalaŋ ga ka-dɨɗe Etɛn le, Sol kalɨn̰ ma gey cay nee danage bɨ. A boy wɔlɛdi gɨ nee gɨŋ le ayge te loon̰ Ka-Daye ga Jerusalɛm cɨn̰-gɨle-cɨn̰ tɔgɨ. Kɨɗɨn̰ ga nee le, na ka-gɨre-gɨye ƴɔbɨ ba busdoŋge a cay kɨɗɨn̰ ga ɗaŋ gaŋ naŋ bɨ, ka-aye kudurɔ toyge ga baa le busdoŋge a cay kɨɗɨn̰ gaŋ nɔm. Kan orge a cay karɨn̰ ƴaa ga n̰ən̰əŋ ga woy a cay gɨsəŋ ga Jude gaŋ bɨ, ga Samari gaŋ bɨ.

2 Korɛ̰t 4:17

Dɔsɛ-ɗugɔ di ni ba wayoo haw kɛ le hɨmbal bɨ, kardo kɨya sɨngɨɗɨwa naŋ bɨ. Ama dɔsɛ-ɗugɔ di nee le n̰an na, na kɨya cay gusoŋ-tɔgɛ gɨ ɗɨn̰ cɨn̰-kɨɗɨn̰ gɨ toy kɨya ayaŋ naŋ.

Pilib 1:28

Kɨŋ ɗɔɔ hundɔrɔ loogɨŋ kol cay gɨye-lɔɔ gɨ da kalaŋ ga ka-wɔrɨn̰ɛ danagɨŋ le naŋ. Gɨ nee le, kɨya bɨle wɔyɛ na hɨnga ga ni gɨle ga kan na woy naa a te gɨyəŋ gɨ ni mundoŋ gɨŋ bɨ, kɨŋ na woy naa a te gɨyəŋ gɨ ni pɔɗɛ gɨŋ bɨ. Ungo gɨ ba poɗɨgɨŋ na Kumu.

2 Timote 2:12

Hɨn̰ gɨ nana ƴɨmagɨŋ usa na, Na kɨya dɔɔ-ƴaa danayi bɨ. Hɨn̰ gɨ nana man̰agɨŋ cay kɨbɨnagɨŋ, Gɨ na na sɨlayigɨŋ naŋ na, Ban kalɨn̰ ma kɨya man̰e cay kɨbi, Gɨ ɗi na sɨlanagɨŋ naŋ bɨ.

2 Timote 3:11

Ji sol tabɨ bɨ, n̰age bɨ, ga ɨŋ wayi a cay ƴaa-di-gumu di Antɨyɔs dɨŋ bɨ, Ikonɨyɔm dɨŋ bɨ, Listɨr dɨŋ bɨ le. Sɨla! Ɨŋ way n̰age tɔgɨ, ama Ba-gulɔŋ dɔrɔŋ kɨbɨ hɨnga ga nee le nɔm coŋ.

Magtubu di Jag wal 1:12

Tumoy wolwa woy cay ungo gɨ ƴom kuduroy osu duroy hɨnga ga ni gɨwase gaŋ. Kɨya wa kɨɗɨn̰ ga hɨnga ga ni gɨwase le na gɨwasagɨŋ ɨni na, kɨŋ kɨya wɔɔ na jagɨwa ga ni ayɨn̰ banga. Jagɨwa ga nee le, na sɔmɛ-bɨra gɨ Kumu ye gɨ ɗi na kɨya lɔɔ bɨn̰ naa kalaŋ ga ɗi na geyge.

Magtubu di Jag wal 5:11

Sɨlagɨŋ! Kalaŋ ga ba ƴomge osu le, ni yege gɨ tumoy wolwa na woy kol cayge. Na cɨndi, kɨŋ je kol dɨbe-ɗugɔ da Job bɨ, kɨŋ sol hɨnga ga Ba-gulɔŋ bii ban̰di cɨn̰-n̰age di ba leeyi le bɨ. Kɨya wa Ba-gulɔŋ na ba sɔlɛ cɨn̰-n̰age da kalaŋ bɨ. Na ba lɔɔ ɗarwa danage bɨ.

1 Ja̰ 3:12

Kuɗa gɨ na wɔyɛgɨŋ hɨn̰ Kayin wo̰ naŋ, ban na ungo gɨ da Haban̰, Ba-lɔɔ ɨsɨna, kɨya gɨ naa ban dɨɗɨ kurɨndi koyi gaŋ. Ban dɨɗii na kɨya wa ga? Ban dɨɗii na kɨya gɨ gɨye-lɔɔ koyi na gɨ ɨsɨni, ama gɨ da kurɨndi na gɨ dan̰ durɔ ɗɨngar.

Wasɨn̰a 2:10

Kɨŋ kɨya wɔɔ cɨn̰-gɨle-cɨn̰, ama ɗɔɔ gɨ kɨŋ hundɔrɔ naŋ. Haban̰ kɨya bɔgɛ kalaŋ ga pɨna duroygɨŋ dangay dɨŋ kɨya gɨwasɨn̰ togɨygɨŋ. Kɨŋ kɨya wɔɔ cɨn̰-gɨle-cɨn̰ ɓale wɔlɛ mɔjɨ. Ɨrgɨŋ a cay tɨbayi dɨŋ bɨrɨŋ maran̰gɨŋ ɨni na, ɨŋ kɨya bɨgɨŋ jagɨwa ga ni somɨn̰-bɨra.