Matɨyo 4:24 - Gabri Maja

²⁴ Gusondi ye ƴee cay gɨsəŋ ga Siri nɔm, lee gɨ kalaŋ ɨrgan̰ge dan̰ ka-hɔmɨn̰ɛ bɨ, ga hɔmɨn̰ɛ gɨ toy kan̰di kan̰di leege mɨrɨn̰tɨn̰i bɨ: Kan ga turnɔ ga ɨsɨndəŋ woy kuduroyge bɨ, ga jɨmgɨl leege bɨ, ka-mɨraye bɨ. Ban poɗɨge nɔm.

Matɨyo 4:24 ပူးပေါင်းရင်းမြစ်များ

Matɨyo 12:22

Kalaŋ ɨrgan̰ge dan̰ gɨlmi gɨ pɨna wo̰ gusi Jesu. Gɨlmi gɨ nee le, na ba-bɨbe bɨ, ya kɔl naŋ bɨ, kɨya wa turnɔ di ɨsɨni woy kuduroy. Jesu poɗɨ gɨlmi gɨ nee le, lee gɨ gɨlmi le ye kɔl bɨ, sol kɨɗɨn̰ bɨ.

Matɨyo 14:1

A boy ɨlge di gɨ nee le, guson̰ Jesu ye tɔgɨ. Lee gɨ ba sɨmay kɨlma Ɛrɔd gɨ dii cay gɨsəŋ ga Galile.

Matɨyo 15:22

Bɨ ga ma, tama di pɨna wo̰ di a cay gɨsəŋ ga ɗaŋ gaŋ ga Kana ɨrga gusii, ɨle guso gan̰ gɔsɛ ye hɨn̰: «Ba-gulɔŋ, Kungay Dabid, sɨla cɨn̰-n̰age tɨnge! Turnɔ di ɨsɨni di pɨna wo̰, leen̰ tɨrɨmonɨ mɨrɨn̰tɨn̰i gɨɗaŋ.»

Matɨyo 17:15

«Ba-gulɔŋ, sɨla cɨn̰-n̰age da kuronɨ, kɨya gɨ ban na ba jɨmgɨl. Lee gɨ kɨɗɨn̰ ga na sayan̰ danayi na, laydii boy tɨwa dɨŋ naŋ le, boy kaŋ gaŋ daa daa.

Matɨyo 17:18

Jesu san̰ dan̰ turnɔ di ɨsɨni le, lee gɨ turnɔ di ɨsɨni le andaŋ kuduroy koroŋ le coŋ. Ɨni na, kɨɗɨn̰di ga nee gaŋ le bɨ, kuroŋ le poɗɨ.

Matɨyo 4:23

Jesu gor a cay gɨsəŋ ga Galile gaŋ nɔm, gɨlɨn̰ kalaŋ hɨnga a duroy ƴaa-daye-di-da-Jubɨn̰əŋ gaŋ bɨ, teen̰ bɛrnɛ Kɔl-gɨ-Ɗari gɨ ojɨ cay dɔɔ-ƴaa di daa nii bɨ, poɗɨn̰ ka-hɔmɨn̰ɛ nɔm bɨ, poɗɨn̰ ka-modoŋ nɔm duroy karɨn̰ Ɨsɨrayɛl bɨ.

Matɨyo 8:28

Jesu haɗɨ kuray gɨ gumu taa taa orɨn̰ bugoŋ a cay gɨsəŋ ga da kalaŋ ga Gadara gaŋ ɨni na, kalaŋ won̰ge sɔɔ ga turnɔn̰əŋ ga ɨsɨndəŋ woy kuduroyge andaŋge cay kamɨn̰aŋ gaŋ yalge cɨndi. Turnɔn̰əŋ ga nee le, gɨlɨn̰ kalaŋ ga nee le cɨn̰ tɔgɨ bɨ, kalaŋ ga nee le leege terɨn̰ tɔgɨ bɨ. Lee gɨ ungo ɓala aye gɨyəŋ gɨ nee le naŋ.

Matɨyo 8:33

Ka-ame gɔsɨyɔŋn̰əŋ le bugoŋge daa dan̰ gɨre bɨ orge a cay ƴaa-di-gumu dɨŋ, dorɨn̰ge kardi hɨnga ga ba lee gusɨge le nɔm bɨ, kardi kɔl gɨ da kalaŋ ga turnɔn̰əŋ ga ɨsɨndəŋ woy kuduroyge le bɨ.

Matɨyo 8:6

ye hɨn̰: «Ba-gulɔŋ, guyɔŋ hɨnge hɔmɨn̰ɛ mɨrayi bɨ, gusi leeyi gɨɗaŋ bɨ, won̰ cay gasɨlaŋ gaŋ ƴen̰ tange nee.»

Matɨyo 9:26

Koldi ye ƴee cay gɨsəŋ ga nee le nɔm.

Matɨyo 9:35

Jesu gor a cay ƴaa ga gɨmdəŋ gɨmdəŋ gaŋ bɨ, cay karɨn̰ ƴaa ƴaa gaŋ bɨ. Ban gɨlɨn̰ kalaŋ hɨnga duroy ƴaa-daye-di-da-Jubɨn̰əŋ gaŋ bɨ, teen̰ bɛrnɛ Kɔl-gɨ-Ɗari gɨ da dɔɔ-ƴaa di daa nii bɨ, poɗɨn̰ ka-hɔmɨn̰ɛ nɔm bɨ, ka-modoŋ nɔm bɨ.

Marg 1:28

Kɔl gɨ kɨbɨna kɛ bɨ, kalaŋ dorge kɔl gɨ da Jesu, dan̰ gɨye-lɔɔdi gon̰ kɨɗɨn̰ a cay gɨsəŋ ga Galile gaŋ nɔm.

Marg 1:32

Dan̰ borundo kɨɗɨn̰ ga tɨwa ɗobɨ jɨb na, kalaŋ ɨrgan̰ge dan̰ ka-hɔmɨn̰ɛ nɔm bɨ, dan̰ kan ga turnɔ ga ɨsɨndəŋ woy kuduroyge gusi bɨ.

Marg 2:3

Ɨni na, kalaŋ ɨrgan̰ge dan̰ ba-mɨraye bɨn̰ge Jesu, ban̰aŋ poɗɨn̰ ba aygayige ɨrgan̰.

Marg 2:4

Ama kan ɓala gɨ ni ɨrgan̰ge danayi mɨnde gusi Jesu naŋ, kɨya cay dɨmdɨrdi kalaŋ ga walɨn̰ge kɨɗɨn̰ jɨŋ jɨŋ daa. Na toy di hɨn̰ wo̰ ma kan nayge cay ƴaa dɨŋ bɨ, gɨbge bɨ hangɨge a kɨɗɨn̰ ga Jesu somɨn̰ nee gaŋ bɨ. Ɨni na, gɨsɨnge ba-mɨraye le dan̰ gasɨlaŋ-jala kayi ga ban won̰ nee duroy ƴaa dɨŋ.

Marg 2:9

Yon̰ ba mɨraye: “Ɨsɨna kan̰ duroŋ can̰ coŋ le.” Hɨmbaɗɨ ɗɨn̰ yɔɔ hɨn̰: “Sa daa aya gasɨlaŋ-jala kan̰ bɨ ɨran̰ daa.”

Kɔl-gɨ-Ɗari gɨ Lug wal 2:2

Ɗɔngɨsɛ kalaŋ gɨ nee le, na gɨ cay wase cɨg cɨg duroy ɨlge gɨ Kirinis na ba-kɨbɨ Kɨlma gɨ gumu gɨ dii cay ƴaa di Siri.

Kɔl-gɨ-Ɗari gɨ Lug wal 4:14

Jesu bɨle cayi jogɨ bɨrɨŋ a cay gɨsəŋ ga Galile dan̰ dɔnɔ di da Turnɔ di da Kumu di wanɨn̰ kuduroy jɨŋ jɨŋ daa le. Gusondi ye ƴee kɨɗɨn̰ nɔm ga a cay gɨsəŋ ga Galile gaŋ dan̰ cay gɨsəŋ ga bongi nee bɨ.

Kɔl-gɨ-Ɗari gɨ Lug wal 4:38

Jesu de kɨɗɨn̰ andaŋ doŋ duroy ƴaa-daye-di-da-Jubɨn̰əŋ dɨŋ, or a duroy ƴaa di da Simo. Simo malgi guso ɨl cəŋ hɨn̰ tɨwa wo̰. Kalaŋ nɔm ga ba ɨrege caa le, olge Jesu ɗe na pɔɗɔɔ.

Kɔl-gɨ-Ɗari gɨ Lug wal 5:15

Ama kalaŋ ga ba solge hɨnga ga ba pɨde le, yege Kol Jesu orɨn̰ tumɔ tumɔ. Dɨmdɨrdi kalaŋ ɨrgage wayige kɨya jɔɔge kɔl kɨbi bɨ, ɗe ban na dor hɔmɨn̰ɛ gusɨge coŋ bɨ.

Kɔl-gɨ-Ɗari gɨ Lug wal 5:24

Ama ɨŋ kɨya lɔɔ hɨnga pɨna haw kɛ, gɨ kɨya gɨle hɨn̰ gɨ Kumu na bɨn̰ Kurɨn̰-ungo le dɔnɔ di ni dorɨn̰ ɨsɨna cay kalaŋ bɨ. Ɨni na, Jesu yen̰ dan̰ ba-mɨraye le hɨn̰: «Na ɨŋ-bandi ba yon̰: Sa daa, aya gasɨlaŋ-jala kan̰ ɨra ɨndi.»

Kɔl-gɨ-Ɗari gɨ Lug wal 7:17

Hɨnga ga Jesu ba lee le, koldɨge ye gon̰ kɨɗɨn̰ a cay ƴaa di Jude dɨŋ bɨ, a cay ƴaa ga gɨmdəŋ ga durdi nee durdi nee bɨ.

Kɔl-gɨ-Ɗari gɨ Ja̰ wal 10:21

Ama kan ga pɨna yege hɨn̰: «Kɔl koyi na kɔl gɨ da ungo gɨ turnɔ di ɨsɨni wɨya kuduroy naŋ. Kɛ, turnɔ di ɨsɨni ɓal haŋge cɨn̰ ungo ba-bɨbe ga?»

Gɨye-lɔɔ 10:38

Kardi nee Kumu gɨ ba bɨn̰ Jesu-Kɨris gɨ Najarɛt Turnɔ ɗe-kuduroy-bɛrɛ bɨ, dɔnɔ bɨ le, kɨŋ solii kuɗa bɨ, gɔrɛ gɨ Ban gor dan̰ cay kɨɗɨn̰ kɨɗɨn̰ kɨya loon̰ hɨnga ga ɗari dan̰ kalaŋ bɨ le, lee gɨ kalaŋ nɔm ga ba somge a te dɔnɔ di da Haban̰ dɨŋ le, hɔmɨn̰ɛ duroŋ gusɨge bɨ, kɨya gɨ Kumu baa danayi.

Gɨye-lɔɔ 15:23

Kan say walge magtubu bɨge kobɨge. Walge boy nee yege hɨn̰: «Ka-gɨre-gɨye bɨ, ga muɗoldoŋ bɨ, kan ga na karmɨgɨŋ bɨ, leen̰ge karmɨge ga na te kalaŋ ga toyge na Jubɨ naŋ ga somge a Antɨyɔs cay gɨsəŋ ga Siri gaŋ bɨ, Sɨlisi gaŋ bɨ le lapɨya.

Gɨye-lɔɔ 15:41

Pol gɔdɨrde cay gɨsəŋ ga Siri gaŋ bɨ, ga Sɨlisi gaŋ bɨ. Dobɨn̰ bandɨ kuduroy Ka-Daye gaŋ ɗe gɨ kan na ɨrɨn̰ge usa a cay aye kudurɔ koge gɨŋ bɨ.

Gɨye-lɔɔ 28:9

Kardi hɨnga ga nee le na, kalaŋ ka-hɔmɨn̰ɛ nɔm ga ɗaŋ ga a cay hɔgɨwa gɨŋ le, ɨrgage wayi. Bɨ kan kalɨn̰ ma wayge pɔɗɛ bɨ.

Gɨye-lɔɔ 8:7

Turnɔ ga ɨsɨndəŋ dan̰ kondiige andɨdaŋge a kuduroy kalaŋ coŋ dan̰ dɔgɛ-sɨle tɔgɨ bɨ, gusi ka-mɨraye dan̰ ka-modoŋ kondɨ jɨga osɨdəŋ kəŋ kəŋ ban̰di nee bɨ.