Matɨyo 4:23 - Gabri Maja

²³ Jesu gor a cay gɨsəŋ ga Galile gaŋ nɔm, gɨlɨn̰ kalaŋ hɨnga a duroy ƴaa-daye-di-da-Jubɨn̰əŋ gaŋ bɨ, teen̰ bɛrnɛ Kɔl-gɨ-Ɗari gɨ ojɨ cay dɔɔ-ƴaa di daa nii bɨ, poɗɨn̰ ka-hɔmɨn̰ɛ nɔm bɨ, poɗɨn̰ ka-modoŋ nɔm duroy karɨn̰ Ɨsɨrayɛl bɨ.

Matɨyo 4:23 ပူးပေါင်းရင်းမြစ်များ

Matɨyo 11:5

Ka-bɨbe solge kɨɗɨn̰ bɨ, ka-modoŋ orge daa osɨ kəŋ kəŋ bɨ, ka-mada kalɨn̰ ma mada duroŋ gusɨge bɨ, kalaŋ ga sɨmayge ja kɔl naŋ kalɨn̰ ma, jege kɔl bɨ, kalaŋ ga mage kalɨn̰ ma boyge lɨbɨ bɨ, Kɔl-gɨ-Ɗari le kalɨn̰ ma kan teege bɛrnɛdi bɨn̰ge kan ga hɨnga wɔɔdɨge unɔ bɨ.

Matɨyo 12:9

Jesu say a nee or a duroy ƴaa-daye-di-da-Jubɨn̰əŋ gaŋ.

Matɨyo 13:19

Waŋ waŋ gɨ na ja kɔl gɨ ojɨ cay dɔɔ-ƴaa di daa nii ma na sɨla duroy naŋ na, Haban̰ Ba-lɔɔ ɨsɨna ɨrga boɗɨ hɨnga ga kan gɨsɨge ɗugoy le coŋ, na ban ma na gasi gɨse ga bugoŋ a te gɨyəŋ gɨ gay duroy yagegɨŋ le.

Matɨyo 13:54

Ban bugoŋ a cay ƴaadi dɨŋ ɨni na, ban gɨlɨn̰ kalaŋ hɨnga a duroy ƴaa-daye-di-da-Jubɨn̰əŋ. Ban gɨlge hɨnga ga dor turnoyge, lee gɨ kan yege hɨn̰: «Kɛ cɨn̰-muɗɔlɛ gɨ kɛ le, ban saygan̰ na a ani ga? Kɛ ban lee belin̰əŋ ga kɛ le, na mɨna ga?

Matɨyo 14:14

Kɨɗɨn̰ ga Jesu andaŋ duroy koburo gɨ gumu gɨŋ doŋ kɨbɨ kuray gɨŋ na, ban sol dɨmdɨrdi kalaŋ somge amiige. Ban sol cɨn̰-n̰age toge tɔgɨ, lee gɨ ban poɗɨn̰ ka-hɔmɨn̰ɛ kage.

Matɨyo 24:14

Kɔl-gɨ-Ɗari gɨ ojɨ cay dɔɔ-ƴaa di daa nii di kɛ le, kan kɨya tɔgɛ bɛrnɛdi gon̰ kɨɗɨn̰ nɔm cay gɨsəŋ gaŋ, ɗe bɨle tɨmon̰ bɨn̰ te wɔɔ gɨ da kalaŋ nɔm. Wo̰ dɨm ma, cay gɨsəŋ toyge kɨya ayaŋ ƴee.

Matɨyo 3:2

«Bɨlgɨŋ gɨye-lɔɔdɨgɨŋ, kɨya wa dɔɔ-ƴaa di daa nii bugoŋ mɨnde gusɨgɨŋ ɨni.»

Matɨyo 9:35

Jesu gor a cay ƴaa ga gɨmdəŋ gɨmdəŋ gaŋ bɨ, cay karɨn̰ ƴaa ƴaa gaŋ bɨ. Ban gɨlɨn̰ kalaŋ hɨnga duroy ƴaa-daye-di-da-Jubɨn̰əŋ gaŋ bɨ, teen̰ bɛrnɛ Kɔl-gɨ-Ɗari gɨ da dɔɔ-ƴaa di daa nii bɨ, poɗɨn̰ ka-hɔmɨn̰ɛ nɔm bɨ, ka-modoŋ nɔm bɨ.

Marg 1:14

Kardi nee kɨɗɨn̰ ga ƴomge Ja̰ dangay dɨŋ coŋ ɨni na, Jesu or a cay gɨsəŋ ga Galile gaŋ. Ban tee bɛrnɛ di da Kɔl-gɨ-Ɗari gɨ da Kumu ye hɨn̰:

Marg 1:21

Jesu dan̰ ka-aye-cay-tɨbayi andaŋge a cay ƴaa-di-gumu di Kapɛrnɔm dɨŋ, na wɔlɛ gɨ ni dɔrɛ gɨlale gɨ da Jubɨn̰əŋ. Lee gɨ ban andaŋ a duroy ƴaa-daye-di-da-Jubɨn̰əŋ dɨŋ, ayɨn̰ te gɨlɨn̰ kalaŋ hɨnga.

Marg 1:39

Bɨ ban or, tɔgɛ bɛrnɛ a duroy ƴaa-daye-di-da-Jubɨn̰əŋ toge dɨŋ di a cay gɨsəŋ ga Galile gaŋ nɔm bɨ, ban tan̰ turnɔ ga ɨsɨndəŋ coŋ bɨ.

Marg 3:10

Kɨya wa ban lee gɨ ka-hɔmɨn̰ɛ kondɨ poɗɨge, na toy di hɨn̰ wo̰ ma kalaŋ nɔm ga gusɨge leege usgoŋge jɨn̰ gusii kɨya ɨsɨbii.

Marg 6:2

Kɨɗɨn̰ ga wɔlɛ gɨ ni dorɨn̰ gɨlale gɨ da Jubɨn̰əŋ bugoŋ ɨni na, ban ay te gɨlɨn̰ kalaŋ hɨnga a duroy ƴaa-daye-di-da-Jubɨn̰əŋ dɨŋ. Kalaŋ ga somge togɨyige le kondɨge bɨ kɔl kayge sɛl sɛl kol cayi bɨ. Lee gɨ kan ɨngɨrɨn̰ gusɨge hɨn̰: «Kɛ hɨnga ga ni gɨle ga nee le ban saygan̰ danage na a ani ga? Kɛ cɨn̰-muɗɔlɛ di kan ba bii di kɛ le ban saygan̰ na a ani ga? Kɛ na waŋ ba bii dan̰ dɔnɔ ma ban leen̰ hɨnga ga ni beli ga ungo sɨla cay pɨna naŋ hɨn̰ wo̰ ga?

Marg 6:6

Kɔl kayi Jesu sɛl sɛl kɨya cay aye kudurɔ koge gɨ wɨyge. Ɨni na, Jesu gor a cay gulɔŋ ga nɨwɨre cay Najarɛt gɨlɨn̰ kalaŋ hɨnga nee.

Kɔl-gɨ-Ɗari gɨ Lug wal 10:9

Pɨɗagɨŋ ka-hɔmɨn̰ɛ ga cay ƴaa-di-gumu di nee le bɨ, yan̰gɨŋ kalaŋ ga cay ƴaa di nee le, hɨn̰: “Dɔɔ-ƴaa di da Kumu bugoŋ mɨnde gusɨgɨŋ.”

Kɔl-gɨ-Ɗari gɨ Lug wal 13:10

Jesu gɨlɨn̰ kalaŋ kɔl dan̰ wɔlɛ gɨ ni dorɨn̰ gɨlale a duroy ƴaa-daye-di-da-Jubɨn̰əŋ di pɨna wo̰ dɨŋ.

Kɔl-gɨ-Ɗari gɨ Lug wal 16:16

«Kalaŋ leege gɨye dan̰ magtubu Gasɨn̰-kɔl gɨ da Moyis bɨ, dan̰ magtubu di da ka-yɔɔ-kɔl-gɨ-Kumu-ba-yɔɔ bɨ bɨrɨŋ andɨn̰ge a boy wɔlɛ gɨ da Ja̰ ba-lɔɔ batɛm gɨŋ. An̰ toy wɔlɛdi gɨ nee gɨŋ le, kan teege bɛrnɛ Kɔl-gɨ-Ɗari gɨ da dɔɔ-ƴaa di da Kumu bɨ, waŋ waŋ kalɨn̰ ma na ungula gusi ɗe na andɨn̰ nee.

Kɔl-gɨ-Ɗari gɨ Lug wal 20:1

Wɔlɛ gɨ pɨna wo̰, Jesu gɨlɨn̰ kalaŋ kɔl bɨ, teen̰ bɛrnɛ Kɔl-gɨ-Ɗari a duroy gulɔŋ ƴaa-di-da-Kumu dɨŋ bɨ na, ka-cay ka-bɔgɛ kɨbar nɔm dan̰ ka-gɨlɨn̰ kalaŋ gasɨn̰-kɔl gɨ da Moyis andaŋge cayge dan̰ kan ga muɗoldoŋ.

Kɔl-gɨ-Ɗari gɨ Lug wal 4:14

Jesu bɨle cayi jogɨ bɨrɨŋ a cay gɨsəŋ ga Galile dan̰ dɔnɔ di da Turnɔ di da Kumu di wanɨn̰ kuduroy jɨŋ jɨŋ daa le. Gusondi ye ƴee kɨɗɨn̰ nɔm ga a cay gɨsəŋ ga Galile gaŋ dan̰ cay gɨsəŋ ga bongi nee bɨ.

Kɔl-gɨ-Ɗari gɨ Lug wal 5:17

Wɔlɛ gɨ pɨna wo̰, gɨ Jesu ɨre gɨlɨn̰ kalaŋ kɔl gɨ ojɨ cay Kumu na, Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis kalɨn̰ ma ɨrgage somge a kɨwayi kɨya jɔɔge kɔl kɨbi bɨ, kan saygage nɔm na jɨn̰ cay karɨn̰ ƴaan̰əŋ gaŋ pɨna pɨna boy cay gɨsəŋ ga Galile bɨ, dan̰ Jude bɨ, ga pɨna saygage na a Jerusalɛm bɨ. Dɔnɔ di da Ba-gulɔŋ Kumu baa dan̰ Jesu, lee gɨ ban poɗɨn̰ ka-hɔmɨn̰ɛ.

Kɔl-gɨ-Ɗari gɨ Lug wal 6:17

Jesu gɨsɨn danage jɨn̰ dugo te garma gɨŋ bɨ, ɨre dugo wolwa gɨŋ. Ka-aye-cay-tɨbayi ga dan̰ kondige ɨrege danayi nee bɨ. Dɨmdɨrdi kalaŋ le, saygage na cay gɨsəŋ ga Jude gaŋ dan̰ Jerusalɛm bɨ, a cay ƴaa-ga-gɨmɨdoŋ ga Tir dan̰ Sido̰ ga woy a bongi kuray gɨŋ bɨ.

Kɔl-gɨ-Ɗari gɨ Lug wal 6:6

Dan̰ wɔlɛ dɔrɛ gɨlale gɨ da Jubɨ gɨ ɗaŋ, Jesu or duroy ƴaa-daye dɨŋ bɨ, ɨre gɨlge kɔl. Bara gɨ pɨna wo̰ gɨ kobi gɨ bara ma ɨre danage nee bɨ.

Kɔl-gɨ-Ɗari gɨ Lug wal 7:21

Kɨɗɨn̰di ga nee gaŋ le bɨ, Jesu poɗɨ kalaŋ ka-modoŋ bɨ kan ga turnɔ ga ɨsɨndəŋ gɨlge-cɨn̰ bɨ, ka-bɨbe dan̰ kondige solge kɨɗɨn̰ nee bɨ.

Kɔl-gɨ-Ɗari gɨ Lug wal 7:22

Bɨ ga ma ban jɨga dɨbɨn̰ ka-aye-cay-tɨbay Ja̰ cay nee yege hɨn̰: «Ɨragɨŋ dɨran̰gɨŋ Ja̰ kol hɨnga ga kɨŋ ba sol dan̰ cɨndɨgɨŋ bɨ, dan̰ ga kɨŋ ba je dan̰ sɨmaygɨŋ bɨ: Ka-bɨbe solge kɨɗɨn̰ bɨ, ka-modoŋ orge daa osɨ kəŋ kəŋ bɨ, ka-mada kalɨn̰ ma mada toge duroŋ gusɨge bɨ, kalaŋ ga sɨmayge ja kɔl naŋ kalɨn̰ ma jege kɔl bɨ, kalaŋ ga mage kalɨn̰ ma boyge lɨbɨ bɨ, Kɔl-gɨ-Ɗari le kalɨn̰ ma kan tee bɛrnɛ di bɨn̰ kan ga hɨnga wɔɔdɨge unɔ bɨ.

Kɔl-gɨ-Ɗari gɨ Lug wal 8:1

Kardi nee na Jesu gor dan̰ cay ƴaa ga gɨmdəŋ gɨmdəŋ, dan̰ cay karɨn̰ ƴaa ƴaa teen̰ bɛrnɛ Kɔl-gɨ-Ɗari gɨ da dɔɔ-ƴaa di da Kumu. Ka-aye-cay-tɨbayi ga mɔjɨ-cayge-sɔɔ le beeyige,

Kɔl-gɨ-Ɗari gɨ Lug wal 9:11

Kɨɗɨn̰ ga dɨmdɨrdi kalaŋ ba solge gɨ ban ba kɨya ɔrɛ na, kan kobɨge kardi. Bɨ Jesu ƴomge gusi gɨlge kɔl gɨ ojɨ cay dɔɔ-ƴaa di da Kumu bɨ poɗɨn̰ ka-hɔmɨn̰ɛ ga orɨn̰ge dan̰ n̰agedi bɨ.

Kɔl-gɨ-Ɗari gɨ Lug wal 9:60

Jesu jɨga dɨbii cay nee hɨn̰: «Ɗa kalaŋ ga woyge hɨn̰ kalaŋ ga madɨrdaŋ wo̰ tumoy Kumu le, ɗe ɨmgege tɨma toge. Ama ji bandi na, ji ɨra tɔgɛ bɛrnɛ Kɔl-gɨ-Ɗari gɨ da dɔɔ-ƴaa di da Kumu bɨn̰ kalaŋ.»

Kɔl-gɨ-Ɗari gɨ Ja̰ wal 18:20

Jesu dɨbi cay nee yeyi hɨn̰: «Ɨŋ ye kɔl hɨnge na cɨn̰ kalaŋ nɔm. Tumɔ, ɨŋ gɨlɨn̰ kalaŋ hɨnga daa daa na a duroy ƴaa-daye-di-da-Jubɨn̰əŋ nɔm bɨ, duroy gulɔŋ ƴaa-di-da-Kumu, di Jubɨn̰əŋ nɔm dayaŋge nee bɨ. Ɨŋ ya kɔl pɨna kɨɗɨn̰ wɔsɛ gaŋ naŋ.

Kɔl-gɨ-Ɗari gɨ Ja̰ wal 6:59

Jesu ye kɔl gɨ nee le, na duroy ƴaa-daye-di-da-Jubɨn̰əŋ gaŋ a Kapɛrnɔm, kɨɗɨn̰ ga ban ɨre gɨlɨn̰ kalaŋ hɨnga nee.

Kɔl-gɨ-Ɗari gɨ Ja̰ wal 7:1

Kardi hɨnga nɔm ga nee le na, Jesu woy te gɔrɛ dan̰ cɨndi tumɔ tumɔ a cay gɨsəŋ ga Galile gaŋ. Ban gey gɔrɛ a cay gɨsəŋ ga Jude gaŋ naŋ, kɨya wa ka-sɔmɛ cay Jubɨn̰əŋ maliige gɨ ni diɗii.

Gɨye-lɔɔ 10:38

Kardi nee Kumu gɨ ba bɨn̰ Jesu-Kɨris gɨ Najarɛt Turnɔ ɗe-kuduroy-bɛrɛ bɨ, dɔnɔ bɨ le, kɨŋ solii kuɗa bɨ, gɔrɛ gɨ Ban gor dan̰ cay kɨɗɨn̰ kɨɗɨn̰ kɨya loon̰ hɨnga ga ɗari dan̰ kalaŋ bɨ le, lee gɨ kalaŋ nɔm ga ba somge a te dɔnɔ di da Haban̰ dɨŋ le, hɔmɨn̰ɛ duroŋ gusɨge bɨ, kɨya gɨ Kumu baa danayi.

Gɨye-lɔɔ 18:4

Dan̰ wɔlɛ dɔrɛ gɨlale gɨ da Jubɨn̰əŋ pɨna pɨna le, Pol or a duroy ƴaa-daye-di-da-Jubɨn̰əŋ dɨŋ bɨ. Ban man̰ kɔl dan̰ Jubɨn̰əŋ bɨ, Gɨrɛgn̰əŋ bɨ. Ban mal gɨyəŋ ɗe cɨndɨge na hangaŋ a cay kɔl gɨ da Kumu gɨŋ.

Gɨye-lɔɔ 20:25

«Haw kɛ na, ɨŋ sol kuɗa gɨ kɨŋ-gandi nɔm ga ɨŋ gor duroygɨŋ teen̰ bɛrnɛ kɔl gɨ ojɨn̰ cay dɔɔ-ƴaa gɨ da Kumu le, kɨŋ kɨya sɔlɛ cɨnɨ naŋ bɨrɨŋ ɨni.

Gɨye-lɔɔ 28:31

Ban tee bɛrnɛ di da dɔɔ-ƴaa di da Kumu bɨ, gɨlɨn̰ kalaŋ kɔl gɨ ojɨ cay Ba-gulɔŋ Jesu-Kɨris dan̰ kuduroy ga pɨna bɨ, ungo pɨna naray cay nee naŋ bɨ.

Magtubu di Pol wal bɨn̰ kalaŋ ga Rɔm 10:15

Hɨn̰ gɨ ungo na ƴɨba kalaŋ naŋ na, kɛ kan kɨya ɔrɛ tɔgɛ bɛrnɛ Kɔl-gɨ-ɗari na mɨna ga? Kɨya wa Magtubu di da Kumu ye hɨn̰: «Sɔlɛ ka-tɔgɛ bɛrnɛ Kɔl-gɨ-Ɗari a te ɨrgadɨge gɨŋ le, naa hɨnga ga kuɗa sɔlɛ tɔgɨ.»