Matɨyo 4:10 - Gabri Maja

¹⁰ Ɨni na, Jesu jɨga yoo hɨn̰: «Sa coŋ, Sidan! Kɨya wa magtubu gasɨn̰-kɔl gɨ da Kumu ye hɨn̰: “Na Ba-gulɔŋ Kumu pɨna hayi kəɗ kəɗ ma mɨn̰ kɨya n̰ɨrii bɨ, lɔɔ gɨye bii bɨ.”»

Matɨyo 4:10 ပူးပေါင်းရင်းမြစ်များ

Matɨyo 16:23

Ɨni na, Jesu bɨle cɨndi jɨn̰ cay Pɨyɛr bɨ yeyi hɨn̰: «Sidan aya guse sɛdɨ coŋ gusɨnɨ! Ji na gundi sɨya gɨ ba dɔgɛ tɨbanɨ. Kɨya wa ɨrɨme gɨ a kuduron̰ le, na ɨrɨme gɨ da Kumu naŋ, ama na ɨrɨme gɨ da kalaŋ ga ɨndəŋ.»

Marg 1:13

Ban lee wɔlɛ toyi-poɗɨn̰ duroy dal dɨŋ ɨni na, Sidan sayga ɨrga gɨybii. Ban som duroy kɨmɛnɛ ga coŋ gaŋ, ama ka-ƴɔbɛ ga daa nii ɨrgage solge kardi.

Kɔl-gɨ-Ɗari gɨ Lug wal 10:18

Jesu dɨbɨge cay nee hɨn̰: «Kɨɗɨn̰ ga ɨŋ sol kɨɗɨn̰ ɗɛ na, ɨŋ sol sidan sayga daa baa dugo hɨn̰ wɨlɨn̰e gɨ da Kumu wo̰.»

Kɔl-gɨ-Ɗari gɨ Lug wal 11:18

Hɨn̰ gɨ kalaŋ ga da Sidan na dɨbɨ kɨmbɨl dan̰ gusɨge koge gaŋ na, dɔɔ-ƴaa di da Sidan gɨ lɔɔ na mɨna ma kɨya ɔrɛ jɨn̰ tumɔ tumɔ ga? Ɨŋ yəgɨŋ hɨn̰ wo̰ na kɨya gɨ kɨŋ ye hɨn̰ gɨ ɨŋ na tay turnɔ di ɨsɨni naa dan̰ tɔgɨ da Bɛljebul.

Kɔl-gɨ-Ɗari gɨ Lug wal 13:16

Tama di nee le kalɨn̰ ma na kungay Abɨraham bɨ, sɨla ɓal ɨlge mɔjɨ-cay-margɨm, gɨ sidan saɗoo dan̰ hɔmɨn̰ɛ gɨ nee le. Ma kɛ, na mɨna ma uja gɨ ɨŋ gɨ pɨndɨroo daa dan̰ wɔlɛ gɨ ni dorɨn̰ gɨlale gɨ da Jubɨn̰əŋ naŋ ga?»

Kɔl-gɨ-Ɗari gɨ Lug wal 22:3

Ɨni na, Sidan andaŋ kuduroy Judasɨ gɨ kan teeyige na Isikarɨyɔt, gɨ na ba-aye-cay-tɨbayi gɨ pɨna gɨ woy duroy kan ga mɔjɨ-cayge-sɔɔ le.

Kɔl-gɨ-Ɗari gɨ Lug wal 22:31

Bɨ Jesu yen̰ Pɨyɛr ye hɨn̰: «Simo, Simo, ja! Sidan ɨngɨr te tumɔ ana yɨbagɨ aye kudurɔ kon̰ hɨn̰ gasa ga kan yal cɨndɨge wo̰.

Kɔl-gɨ-Ɗari gɨ Lug wal 4:8

Ama Jesu dɨboo cay nee yoo hɨn̰: «Magtubu gasɨn̰-kɔl gɨ da Kumu ye hɨn̰: “Ba-gulɔŋ Kumu pɨna hayi kəɗ kəɗ ma, mɨn̰ kɨya n̰ɨrii bɨ, lɔɔ gɨye bii bɨ.”»

Kɔl-gɨ-Ɗari gɨ Ja̰ wal 13:27

Kɨɗɨn̰ ga Judasɨ ƴee kɨway mapa le na, Sidan andaŋ kuduroyi. Ɨni na, Jesu yeyi hɨn̰: «Bɨya gusɨn̰ cɛd laa hɨnga ga ji ojɨ lɔɔ le, laa haw!»

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Gɨye-lɔɔ 5:3

Ɨni na, Pɨyɛr ɨngri yeyi hɨn̰: «Ananɨyas, na kɨya wa ma mɨn̰ lee hɨnga ga Sidan yen̰ le ga? Kɨya wa ma mɨn̰ yen̰ Turnɔ ɗe-kuduroy-bɛrɛ poy bɨ, mɨn̰ dor kɨbɨ gursu da kɨɗɨn̰ le wosɨ kɨwa dugo ga?

1 Korɛ̰t 5:5

Tɨwado di nee dɨŋ le, dɨragɨŋ ungo gɨ nee le duroygɨŋ coŋ, dibiigɨŋ bɨn̰ Sidan. Ɗe gɨye-lɔɔ kuyoŋdi-gusi mundoŋ ama turnoyi way pɔɗɛ a boy wɔlɛ gɨ Ba-gulɔŋ kɨya jɨga.

1 Korɛ̰t 7:5

Narɨn̰gɨŋ gusɨgɨŋ, gusɨgɨŋ naŋ. Ama hɨn̰ gɨ kɨŋ na ɗa gusɨgɨŋ dan̰ gɨyəŋ gɨ da bugoŋ pɨna gɨ ni tɨwa lam wo̰ gɨ ni ɗon̰ gusɨgɨŋ kɨbɨ ɔlɛ Kumu gɨŋ ƴɔbɨ. Bɨ kardi nee na jɨgagɨŋ bugoŋ pɨna naŋ na, ɓale ƴɔmɛ-gusɨgɨŋ naŋ, da haŋge gɨyəŋ bɨn̰ Sidan gɨ ni gɨybɨgɨŋ dan̰ hɨnga ga ni gɨybe kaa.

2 Korɛ̰t 11:14

Gɨ nee le, na kɔl gɨ kɨya kaye ungo sɛl sɛl naŋ, kɨya wa Sidan guso kɔɔ kalɨn̰ ma lee guso gɨlɨn̰ hɨn̰ ba-ƴɔbɛ gɨ daa nii gɨ asɨn̰ wo̰.

2 Korɛ̰t 12:7

Na cɨndi, hɨnga ga nee ga Kumu wasɨn̰ cayge bəŋ le dor turnoy kɨɗɨn̰, Kumu gey gɨ ɨŋ na gɨ gɨle gusɨnɨ koldɨge naŋ. Na toy di hɨn̰ wo̰ ma Kumu bəŋ hɨnga ga pɨna wo̰ ga gɨləŋ-cɨn̰ hɨn̰ gɨsɨm wo̰ a kuyonɨ gɨŋ gɨlɨn̰ hɨn̰ ba-ƴɔbɛ gɨ daa nii gɨ da sidan gɨ ɨre təŋ wo̰. Kumu bəŋ gɨle-cɨn̰ di nee le, ɗe ɨŋ na gɨ gɨlɨn̰ gusɨnɨ naŋ.

2 Korɛ̰t 2:11

Ɨŋ ɗe kuduronɨ jal cayi ɗe Sidan na wayɨn̰ gɨyəŋ gɨ ni narɨn̰ cɨndɨni naŋ. Na cɨndi Sidan le, na sol ɨrɨmedo nɔm.

Magtubu di Jag wal 4:7

Naa hɨn̰ wo̰ na, tɨbagɨŋ caygɨŋ dugo te Kumu bɨ, jɨbɨgɨŋ haban̰ sɛdɨ coŋ bɨ. Hɨn̰ wo̰ na, hɨndi kɨya gɨre sɛdɨ gusɨgɨŋ coŋ.

1 Pɨyɛr 5:9

Ɨrgɨŋ usa a te aye kudurɔ gɨŋ bɨ, dɨrsɨdɨgɨŋ toygɨŋ dugo ɨrɨn̰ cɨn̰ haban̰. Sɨlagɨŋ hɨn̰ gɨ karmɨgɨŋ ga ban̰aŋ dan̰ ga kandɨ ga sugudoŋge a cay gɨsəŋ gaŋ le, somge na a duroy tabɨ di pɨnaa dɨŋ hɨn̰ togɨŋ wo̰ bɨ.