Matɨyo 3:2 - Gabri Maja

² «Bɨlgɨŋ gɨye-lɔɔdɨgɨŋ, kɨya wa dɔɔ-ƴaa di daa nii bugoŋ mɨnde gusɨgɨŋ ɨni.»

Matɨyo 3:2 ပူးပေါင်းရင်းမြစ်များ

Matɨyo 10:7

A te ɔrɛ kogɨŋ gɨ te gɨyəŋ gɨŋ le, tɨgagɨŋ bɛrnɛ daa daa, yagegɨŋ hɨn̰: “Dɔɔ-ƴaa di daa nii le ɨrga mɨnde ɨni.”

Matɨyo 11:20

Ɨni na, a cay ƴaan̰əŋ ga gɨmdəŋ ga Jesu lee hɨnga ga ni beli dan̰ kondɨwayge a nee le, ban san̰ danage dan̰ kɔl ga osɨdoŋ kɨya gɨ kan bɨlge gɨye-lɔɔdɨge naŋ.

Matɨyo 12:41

Wɔlɛ bɔyɛ kɔl gɨŋ le, kalaŋ ga Ninibɨ kɨya sɔɔ ɨrege tumoy kalaŋ ga haw kɛ, kɨya dɨbɨn̰ge kɔl cayge. Kɨya wa kan bɨlege gɨye-lɔɔdɨge kɨɗɨn̰ ga kan jege bɛrnɛ di da Jonasɨ. Ama ungo gɨ ba-ɨre danagɨŋ ye kɔl haw kɛ le, ɗɨn̰ Jonasɨ hen̰ coŋ.

Matɨyo 13:11

Ban dɨbɨge cay nee yege hɨn̰: «Kɨŋ-gandi na, Kumu bɨgɨŋ gɨyəŋ gɨ ni solɨn̰ hɨnga ga woy kɨɗɨn̰ wɔsɛdɨge gaŋ ga woy ojɨ cay dɔɔ-ƴaa di daa nii, ama kan ga kɛ le ban bɨge gɨyəŋ naŋ ƴee.

Matɨyo 13:24

Jesu ay kɨradi-kɔl gɨ ɗaŋ yen̰ kɔl danage ye hɨn̰: «Dɔɔ-ƴaa di daa nii le, woy gɨlɨn̰ na hɨn̰ ungo gɨ gɨsɨ gasi gɨse kayi ga kuɗa duroy yage koyi gɨŋ wo̰.

Matɨyo 13:31

Jesu dorge kɨradi-kɔl gɨ ɗaŋ ye hɨn̰: «Dɔɔ-ƴaa di daa nii woy gɨlɨn̰ na hɨn̰ cɨn̰-mutardɨ gɨ ungo ay gɨsɨ duroy yage koyi gɨŋ wo̰

Matɨyo 13:33

Jesu yege kɨradi-kɔl gɨ ɗaŋ coŋ hɨn̰: «Dɔɔ-ƴaa di daa ni le, woy gɨlɨn̰ na hɨn̰ subugu di tama ay bee duroy kɨrbaŋdi gɛmɛ gɨŋ, gɨ hal ɓal kɔl wongɨsɨn̰ daa. Lee gɨ kɨrbaŋ gɨ wongɨsi le sodɨ nɔm.»

Matɨyo 13:47

«Dɔɔ-ƴaa di daa nii, woy gɨlɨn̰ na hɨn̰ bura di ka-ure gusa, dɨbɨge duroy kuray gɨ gumu taa taa gɨŋ, ƴomɨn̰ge te gusa nɔm ga woy duroy kaŋ gaŋ wo̰.

Matɨyo 13:52

Kɨɗɨn̰di ga nee gaŋ le, Jesu yege hɨn̰: «Naa hɨn̰ wo̰ na, waŋ waŋ gɨ ba-gɨlɨn̰ kalaŋ gasɨn̰-kɔl gɨ da Moyis, ma na bɨl ba-gɨle hɨnga ga ojɨ cay dɔɔ-ƴaa di daa nii na, ban woy gɨlɨn̰ na hɨn̰ ba-gulɔŋ di ƴaa di gumu wo̰. Ban ɓal gɨ ni dɔrɛ a duroy hɨnga wɔɔdi gaŋ le, hɨnga ga hɨrɨwa bɨ, ga ɨlgi bɨ.»

Matɨyo 18:23

Na kɨya kɔl gɨ nee le ma, dɔɔ-ƴaa di daa nii woy gɨlɨn̰ hɨn̰ kɨlma gɨ pɨna wo̰, gɨ gey ɗɔngɨsɛ kardi hɨnga kayi ga woy kobɨ marɨne ka-lɔɔ gɨye kayi.

Matɨyo 20:1

«Sɨlagɨŋ, dɔɔ-ƴaa di daa nii woy gɨlɨn̰ na hɨn̰ ungo gɨ dan̰ kɨbɨ-ƴaadi, gɨ andaŋ dan̰ te kɨɗɨn̰ cud ma don kalaŋ ɗe na orge yage duroy yagedi suru toyi dɨŋ wo̰.

Matɨyo 22:2

«Dɔɔ-ƴaa di daa nii le woy gɨlɨn̰ na hɨn̰ kɨlma gɨ pɨna wo̰, gɨ lee hɨnga ga ni dɔɔ ga kondi, gɨ da gɔrɛ ƴaa da kurondi wo̰.

Matɨyo 23:13

«Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kɨŋ lɨgɨ kɨbɨ dɔɔ-ƴaa di daa nii daa cay kalaŋ coŋ. Kɨŋ kalɨn̰ ma, kɨŋ andaŋ nee naŋ bɨ, kan ga geyge andaŋ nee kalɨn̰ ma, kɨŋ narge andaŋ nee coŋ bɨ.

Matɨyo 25:1

«A boy wɔlɛ gɨ Kurɨn̰-ungo kɨya cagan̰ le, dɔɔ-ƴaa di daa nii kɨya gɨlɨn̰a na hɨn̰ kɨradi-kɔl gɨ da kambɨle ga cɨl ga mɔjɨ, ga lobɨge lamban̰əŋ kage kɨya orɨn̰ge kɨɗɨn̰ gɔrɛ ƴaa dɨŋ, bɨ yalɨn̰ge cɨn̰ ban gɨ ba-ƴɔɔ tama cɨndi.

Matɨyo 25:14

«Dɔɔ-ƴaa di daa nii woy gɨlɨn̰ na hɨn̰ ungo gɨ pɨna wo̰, gɨ gey ɔrɛ tɨrga. Ban te marɨne ka-lɔɔ gɨye kayi bɨ, beege game hɨnga-wɔɔdi kobɨge.

Matɨyo 4:17

Ayɨn̰ toy wɔlɛdi gɨ nee gɨŋ le, Jesu ay te tɔgɛ bɛrnɛ ye hɨn̰: «Bɨlgɨŋ gɨye-lɔɔdɨgɨŋ kɨya wa dɔɔ-ƴaa di daa bugoŋ gusɨgɨŋ mɨnde ɨni.»

Matɨyo 4:23

Jesu gor a cay gɨsəŋ ga Galile gaŋ nɔm, gɨlɨn̰ kalaŋ hɨnga a duroy ƴaa-daye-di-da-Jubɨn̰əŋ gaŋ bɨ, teen̰ bɛrnɛ Kɔl-gɨ-Ɗari gɨ ojɨ cay dɔɔ-ƴaa di daa nii bɨ, poɗɨn̰ ka-hɔmɨn̰ɛ nɔm bɨ, poɗɨn̰ ka-modoŋ nɔm duroy karɨn̰ Ɨsɨrayɛl bɨ.

Matɨyo 5:10

Tumoy wolwa woy kol caygɨŋ, kɨŋ ga kan gɨlgɨŋge cɨn̰ kɨya cay hɨnga ga dan̰ durɔ ɗɨngar, Kɨya wa dɔɔ-ƴaa di daa le na togɨŋ!

Matɨyo 5:3

«Tumoy wolwa woy kol caygɨŋ, kɨŋ ga kɨŋ sol gusɨgɨŋ gɨ kɨŋ na orɨn̰ dan̰ n̰agedi Kumu, Kɨya wa dɔɔ-ƴaa di daa nii na togɨŋ!

Matɨyo 6:10

Laa gɨ ɗe dɔɔ-ƴaa ton̰ ɨrga bɨ, Laa gɨ ɗe kalaŋ leege hɨnga ga kuduron̰ gey a cay gɨsəŋ gaŋ kɛ Hɨn̰ gɨ kan ba leen̰ge a daa nii wo̰ bɨ.

Matɨyo 6:33

Hɨnga ga ojɨ gɨ ni se cɨndɨgɨŋ kardi nee cay wase male le, na dɔɔ-ƴaa di da Kumu bɨ, gɨye-lɔɔ gɨ dan̰ durɔ ɗɨngar gɨ ban gey le bɨ. Kardi nee na, Kumu kɨya bɨgɨŋ hɨnga toyge ga baa le nɔm cay nee coŋ.

Marg 1:15

«Wɔlɛ gɨ ojɨ ɓal ɨni, lee gɨ dɔɔ-ƴaa di da Kumu bugoŋ mɨnde. Bɨlgɨŋ gɨye-lɔɔdɨgɨŋ bɨ, bɨgagɨŋ kuduroygɨŋ a cay Kɔl-gɨ-Ɗari gɨŋ bɨ.»

Marg 1:4

Na toy di hɨn̰ wo̰ ma, Ja̰ ba-lɔɔ batɛm andaŋ dus duroy daldɨŋ bɨ, teen̰ bɛrnɛ bɨn̰ kalaŋ yege hɨn̰: «Bɨlgɨŋ gɨye-lɔɔdɨgɨŋ bɨ, laagɨŋ batɛm bɨ, Kumu kɨya ɗɔɔ kuduroy jalɨwa a cay ɨsɨna kogɨŋ gɨŋ nɔm.»

Marg 6:12

Ɨni na, kan sayge orge tɔgɛ bɛrnɛ yen̰ge hɨn̰: «Bɨlgɨŋ gɨye-lɔɔdɨgɨŋ.»

Kɔl-gɨ-Ɗari gɨ Lug wal 1:16

Ban kɨya jɨgan̰ dan̰ karɨn̰ Ɨsɨrayɛln̰əŋ dan̰ kondɨwayge orɨn̰ danage gusi Ba-gulɔŋ, Kumu koge.

Kɔl-gɨ-Ɗari gɨ Lug wal 11:20

Ama naa dan̰ dɔnɔ di da Kumu ma maŋ na tayan̰ turnɔn̰əŋ ga ɨsɨndəŋ na, dɔɔ-ƴaa di da Kumu ɨrga waygɨŋ ɨni.

Kɔl-gɨ-Ɗari gɨ Lug wal 13:3

Naŋ, aŋ yəgɨŋ, ama hɨn̰ gɨ kɨŋ na bɨl gɨye-lɔɔdɨgɨŋ naŋ na, kɨŋ kɨya mare nɔm na hɨn̰ kan wo̰ bɨ.

Kɔl-gɨ-Ɗari gɨ Lug wal 13:5

Naŋ, aŋ yəgɨŋ, ama hɨn̰ gɨ kɨŋ na bɨl gɨye-lɔɔdɨgɨŋ naŋ na, kɨŋ kɨya mare nɔm na hɨn̰ kan wo̰ bɨ.»

Kɔl-gɨ-Ɗari gɨ Lug wal 15:10

Aŋ yəgɨŋ daa waŋ, gusi-mɔwa kɨya wɔyɛ a da ka-ƴɔbɛ ga daa nii da Kumu na hɨn̰ wo̰ bɨ, kɨya ba-lɔɔ ɨsɨna pɨna nɛŋ gɨ ba bɨle gɨye-lɔɔdi.»

Kɔl-gɨ-Ɗari gɨ Lug wal 15:7

Aŋ yəgɨŋ da waŋ, kɨya wɔyɛ na hɨn̰ wo̰ kɨya ba-lɔɔ ɨsɨna pɨna nɛŋ gɨ bɨle gɨye-lɔɔdi ɗɨn̰ kan ga toyge-dɨngɛsɨ-cayge-dɨngɛsɨ ga ɨrɨm gɨ ke na ɨran̰ dan̰ n̰age di bɨle gɨye-lɔɔdɨge naŋ.»

Kɔl-gɨ-Ɗari gɨ Lug wal 16:30

Ba wɔɔ hɨnga le jɨga dɨbii cay nee ye hɨn̰: “Naŋ! Banɨ Abɨraham kan kɨya jɔɔge naŋ. Hɨn̰ gɨ ungo na saa a da kalaŋ ga madɨrdaŋ ɨra wayage na, kan kɨya bɨle gɨye-lɔɔdɨge.”

Kɔl-gɨ-Ɗari gɨ Lug wal 21:31

Na hɨn̰ wo̰ bɨ, kɨɗɨn̰ ga kɨŋ na sɨla hɨnga ga nee le na bugoŋ na, sɨlagɨŋ gɨ dɔɔ-ƴaa di da Kumu ba mɨnde ɨni.

Kɔl-gɨ-Ɗari gɨ Lug wal 24:47

Naa wa wa kalɨn̰ ma, kan kɨya tɔgɛ bɛrnɛ bɨn̰ te wɔɔ gɨ da kalaŋ pɨna pɨna, ayɨn̰ toy a cay ƴaa-di-gumu di Jerusalɛm dɨŋ. Bɨ kan kɨya tɔgɛ bɛrnɛ yɔɔge hɨn̰: “Bɨlgɨŋ gɨye-lɔɔdɨgɨŋ na, Kumu kɨya ɗɔɔ kuduroy jalɨwa a cay ɨsɨna kogɨŋ gɨŋ.”

Kɔl-gɨ-Ɗari gɨ Lug wal 6:20

Jesu ay cɨndi daa solɨn̰ ka-aye-cay-tɨbayi bɨ yege hɨn̰: «Tumoy wolwa woy kol caygɨŋ, kɨŋ ga kandi wɔɔdɨgɨŋ unɔ. Kɨya wa dɔɔ-ƴaa di da Kumu na togɨŋ!

Kɔl-gɨ-Ɗari gɨ Lug wal 9:2

Ban gɨyge kan na ɨra tɨga bɛrnɛ Kɔl-gɨ-Ɗari gɨ ojɨ cay dɔɔ-ƴaa di da Kumu bɨ, kan na pɨɗan̰ ka-hɔmɨn̰ɛ bɨ.

Gɨye-lɔɔ 11:18

Kɨɗɨn̰ ga kan jege kɔl gɨ nee le ɨni na, ɗugoyge jɨga baa cay mɨgaa dɨŋ bɨ, hɨramge Kumu yege hɨn̰: «Hɨnga le woy na hɨn̰ wo̰ leen̰ cɨndi hage, kalaŋ ga toyge na Jubɨ naŋ le, Kumu bɨge gɨyəŋ gɨ ni bɨle gɨye-lɔɔdɨge, ɗe gɨ kan na wan̰ sɔmɛ-bɨra gɨ leen̰ cɨndi bɨ.»

Gɨye-lɔɔ 17:30

Gɨye-lɔɔ gɨ da kalaŋ boy wɔlɛ gɨ jɨne gɨ kan sɨlan̰ Kumu naŋ ƴee le, Kumu ay cɨndi cay nee coŋ. Ama haw kɛ na, ban ay noyi bɨn̰ kalaŋ nɔm dan̰ kɨɗɨn̰ nɔm ɗe gɨ kan na bɨl gɨye-lɔɔdɨge.

Gɨye-lɔɔ 2:38

Pɨyɛr dɨbɨge cay nee yege hɨn̰: «Bɨlgɨŋ gɨye-lɔɔdɨgɨŋ nɔm bɨ, ɗagɨŋ gɨ kan laagɨŋge batɛm pɨna pɨna dan̰ guson̰ Jesu-Kɨris bɨ, ɗe gɨ Kumu ɗe kuduroy jal cay lɔɔ ɨsɨna kogɨŋ gɨŋ bɨ. Ɨni na, kɨŋ kɨya wɔɔ Turnɔ ɗe-kuduroy-bɛrɛ di Kumu bɨn̰ kalaŋ le.

Gɨye-lɔɔ 20:21

Tɨmon̰ tɨnge di ɨŋ ba lee kɨya cay Jesu le, tee na kalaŋ ga ni Jubɨ bɨ, Gɨrɛg bɨ, ɗe na bɨlege gɨye-lɔɔdɨge bɨlɨn̰ge gusɨge gusi Kumu bɨ, ɗe gɨ kan na bɨgan̰ kuduroyge a cay Ba-gulondɨna Jesu bɨ.

Gɨye-lɔɔ 26:20

Ama cay wase na, ɨŋ say tee bɛrnɛ bɨn̰ na kalaŋ ga a cay ƴaa-di-gumu di Damas bɨ, kardi nee bɨn̰ kalaŋ ga a cay ƴaa-di-gumu di Jerusalɛm bɨ, a cay gɨsəŋ ga Jude gaŋ nɔm bɨ. Kardi nee ɨŋ say tee bɛrnɛ bɨn̰ te kalaŋ ga toyge na Jubɨ naŋ. Ɨŋ yege gɨ ojɨ gɨ kan na bɨl gɨye-lɔɔdɨge bɨ, bɨl gusɨge gusi Kumu bɨ, laan̰ gɨye gɨ ojɨ cay kalaŋ ga bɨle gɨye-lɔɔdɨge leen̰ cɨndi bɨ.

Gɨye-lɔɔ 3:19

Naa hɨn̰ wo̰ na, bɨlgɨŋ gɨye-lɔɔdɨgɨŋ bɨ, jɨgegɨŋ gusi Kumu ɗe ban yɨde ɨsɨna kogɨŋ nɔm coŋ.

2 Korɛ̰t 7:10

Kɨya wa ɨle gɨ da ungo gɨ Kumu ay leen̰ gɨye le, kɨya wɔɔ na hal gɨ bɨli gɨ kɨya orɨn̰ dan̰ ungo dobii kɨɗɨn̰ pɔɗɛ gaŋ bɨ, ungo gɨ ɨrɨmde koldi karu naŋ bɨ. Ama ɨle gɨ da ungo gɨ a cay gɨsəŋ gaŋ kɛ, gɨ sɔlɛ ba ɨrgan̰ le, wɔɔ na tɨma.

Kɔlɔs 1:13

Ho’o, Kumu dornagɨŋ a te dɔnɔ di da dɨlɨm dɨŋ bɨ, orɨn̰ dananagɨŋ a boy dɔɔ-ƴaa gɨ da Kurondi gɨ ban geyi gɨŋ bɨ.

2 Timote 2:25

Ban kɨya hale ka-jɨbe kɔl kɨbi coŋ le, dan̰ kaledi ga jal jɔm. Gajanaŋ Kumu da lɔɔ gɨ kan da bɨle gɨye-lɔɔdɨge bɨ, sɔlɛ kɔl gɨ cɨndi bɨ.

Əbɨro 6:1

Na toy di hɨn̰ wo̰ ma, kuɗa gɨ ana orgɨŋ dan̰ cɨndɨna tumɔ a te hɨnga ga ni gɨle ga ojɨ cay kalaŋ ga cɨndɨge nadɨrdaŋ a te Kɨris gaŋ bɨ. Kuɗa gɨ na sɔmdɛgɨŋ cay hɨnga ga ni gɨle ga cay wase gɨ ojɨ cay Kɨris le naŋ ɨni. Dɨle jɔgɛ tɨrabe hɨnga ga ni gɨle ga sayga toyge dɨŋ, hɨnga ga nee le ba kɛ: Ɗɔɔ kardi hɨnga ga kɨya orɨn̰ dan̰ kalaŋ tɨma dɨŋ bɨ, bɔgɛ kudurɔ cay Kumu bɨ,

2 Pɨyɛr 3:9

Ba-gulɔŋ aya cayi kɨya lɔɔ hɨnga ga ban ye gɨ ɗi na kɨya lɔɔ le naŋ. Kalaŋ ga yege gɨ ban na ay naa cayi le, sɨlage toy kuɗa naŋ. Golgo gɨ ni yɔ Ba-gulɔŋ na dɨbɨ ɗugoyi naa kol caygɨŋ. Ban gey gɨ ungo pɨna wo̰ kalɨn̰ ma na gɨ mundoŋ naŋ. Ban gey gɨ kalaŋ nɔm na bɨlge gɨye-lɔɔdɨge.

Wasɨn̰a 2:21

Ɨŋ ɗe tɨwa boo ɗe na bɨlɨn̰ haldo. Ama hɨndi gey bɨle haldo ojɨn̰ cay yɔyɛ gɨ dan̰ gangɨ ca le naŋ.

Wasɨn̰a 2:5

Haw kɛ na, sɨlagɨŋ leen̰ cɨndi gɨ kɨŋ cangɨ daa ɗe gɨyəŋ hen̰ coŋ. Bɨlgɨŋ haldɨgɨŋ bɨ, jɨgegɨŋ a cay tɨbaygɨŋ di cay wase dɨŋ. Hɨn̰ gɨ kɨŋ na bɨl haldɨgɨŋ naŋ na, ɨŋ kɨya ɔrɛ dɔrɛ lamba togɨŋ cɔd coŋ a kɨɗɨn̰ ga kɨŋ soo nee gaŋ.