Matɨyo 28:6 - Gabri Maja

⁶ Ban unɔ kɛ. Ban boy lɨbɨ ɨni hɨn̰ gɨ ban ba yəgɨŋ le. Ɨregɨŋ sɨlagɨŋ kɨɗɨn̰ ga naa kan dɨbiige nee le.

Matɨyo 28:6 ပူးပေါင်းရင်းမြစ်များ

Matɨyo 12:40

Hɨnga ga naa lee gusɨge dan̰ Jonasɨ kuduroy gusa gɨ gumu gɨŋ ma leen̰ wɔlɛ sɨbɨ duroy son̰do dɨŋ bɨ, kɨɗɨn̰ ga woli gaŋ bɨ le, kɨya lɔɔ gusɨge na hɨn̰ wo̰ bɨ dan̰ Kurɨn̰-ungo. Ban kɨya lɔɔ wɔlɛ sɨbɨ duroy son̰do dɨŋ bɨ dan̰ kɨɗɨn̰ ga woli gaŋ bɨ, a te gɨsəŋ gaŋ.

Matɨyo 16:21

Jesu ay te yon̰ ka-aye-cay-tɨbayi boy tɨwado di nee dɨŋ le waŋ daa ye hɨn̰: «Na wa wa kalɨn̰ ma ɨŋ kɨya ɔrɛ Jerusalɛm, ɗe aŋ wan̰ cɨn̰-n̰age tɔgɨ kobɨ ga muɗoldoŋ bɨ, ka-cay ka-bɔgɛ kɨbar bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, kan kɨya dɨɗəŋge bɨ. Ama wɔlɛ sɨbɨdi gɨŋ na, ɨŋ kɨya bɔyɛ lɨbe.»

Matɨyo 17:23

ɗe kan na dɨɗiige, ama wɔlɛ sɨbɨdi gɨŋ na ban kɨya bɔyɛ lɨbe.» Kɔl gɨ nee le lee gɨ gusɨge mooge naŋ gɨɗaŋ.

Matɨyo 17:9

Kɨɗɨn̰ ga kan ɨre gɨsɨnge cay garma gɨŋ dugo ɨni na, Jesu ay noy bɨge yege hɨn̰: «Hɨnga ga kɨŋ ba sol kɛ le, kɨŋ yon̰ ungo koldɨge naŋ bɨrɨŋ, gɨsɨn̰ gɨ Kurɨn̰-ungo na mara bɨ, bɨya lɨbɨ bɨ, pa dɨm.»

Matɨyo 20:19

kɨya dobiige kobɨ kalaŋ ga toyge na Jubɨ naŋ ɗe na asiige bɨ, kɨya somdiige dan̰ bɨraw bɨ, kɨya gagɨliige cay sɨya-gɨ-dagɨli gɨŋ bɨ ɗe na marɨn̰. Ama wɔlɛ sɨbɨdi gɨŋ ɨni na, ban kɨya bɔyɛ lɨbe.»

Matɨyo 27:63

Bɨ yeyige hɨn̰: «Ba-gulɔŋ, kuduroyni hɨn a cay kɔl gɨ ba nare kalaŋ gɨ kɛ gɨ nee le ye, kɨɗɨn̰ ga ban ban̰ dan̰ cɨndi ƴee le. Ban ye hɨn̰: “Wɔlɛ sɔɔ, sɨbɨdi bɨ na, ɨŋ kɨya bɔyɛ lɨbe.”»

Marg 16:6

Ama ban yege hɨn̰: «Hundɔrɔgɨŋ naŋ. Ɨŋ sol gɨ kɨŋ mal na Jesu gɨ Najarɛt gɨ kan gagɨliige a cay sɨya-gɨ-dagɨli gɨŋ le. Ban unɔ kɛ. Ban boy lɨbɨ ɨni. Sɨlagɨŋ kɨɗɨn̰ ga tumɔ kan ba dibii nee ba kɛ.

Marg 8:31

Kardi nee, Jesu ay te gɨlɨn̰ ka-aye-cay-tɨbayi hɨnga yen̰ hɨn̰: «Ɨŋ-bandi Kurɨn̰-ungo le naa wa wa kalɨn̰ ma, ɨŋ kɨya gɨle-cɨn̰ tɔgɨ bɨ, Jubɨn̰əŋ ga muɗoldoŋ bɨ, ka-cay ka-bɔgɛ kɨbar bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, kɨya kan̰aŋge bɨ dɨɗəŋge bɨ. Bɨ wɔlɛ sɨbɨ kardi nee, ɨŋ kɨya bɔyɛ lɨbe duroy kalaŋ ga madɨrdaŋ gaŋ.»

Kɔl-gɨ-Ɗari gɨ Lug wal 24:12

Gaa ma Pɨyɛr jɨbɨ say bɨ gɨre or a cay kamɨn̰aŋ gaŋ. Ban nɨnge dɨbɨ cɨndi solɨn̰ duroy umboŋ kamɨn̰aŋ, ama ban sol na bagɨda ba wɔyɛ kɨɗɨn̰ pɨna ƴɔbɨ. Ban say jɨga ɨndi bɨ, kɔl kayi yɔd kɨya hɨnga ga ba lee gusɨge le.

Kɔl-gɨ-Ɗari gɨ Lug wal 24:23

Ama kɨɗɨn̰ ga kan waage gundi naŋ ɨni na, kan bɨlgɨ cayge jɨgage yenige hɨn̰: “Ka-ƴɔbɛ ga daa nii ba andaŋge cayni yonige gɨ Jesu som-bɨra dan̰ cɨndi.”

Kɔl-gɨ-Ɗari gɨ Lug wal 24:44

Kardi nee ban yege hɨn̰: «Sɨlagɨŋ! Na kɔl gɨ ɨŋ ba yəgɨŋ kɨɗɨn̰ ga ɨŋ ba ban̰ danagɨŋ ƴee le: Kɔl gɨ kan walge ojɨn̰ canɨ duroy magtubu gasɨn̰-kɔl gɨ da Moyis dan̰ ka-yɔɔ-kɔl-gɨ-Kumu-ba-yɔɔ dan̰ magtubu Dɔgɛ kɨra le, naa wa wa kalɨn̰ ma, kɨya ɔrɛ kɨɗɨn̰dɨge gaŋ.»

Kɔl-gɨ-Ɗari gɨ Ja̰ wal 10:17

«Banɨ geyəŋ na kɨya gɨ ɨŋ ay gusɨnɨ dɨbɨ coŋ. Ama kardi nee na, ɨŋ kɨya jɔgɛ ƴɔɔ gusɨnɨ daa ɗaŋ ƴee.

Kɔl-gɨ-Ɗari gɨ Ja̰ wal 2:19

Ɨni na, Jesu jɨga dɨbɨge cay nee yege hɨn̰: «Dɨsagɨŋ ƴaa-di-da-Kumu di kɛ le coŋ bɨ, duroy wɔlɛ sɨbɨ na ɨŋ kɨya jɔgɛ gaɗe daa ban̰di nee.»

Gɨye-lɔɔ 2:24

Ama Kumu boyi lɨbii duroy kalaŋ ga madɨrdaŋ gaŋ bɨ, dorii kɨbɨ gusi lɔɔ gɨ da tɨma dɨŋ bɨ. Kɨya wa tɨma ɓala ƴomii a te dɔnɔ tɔɔ dɨŋ naŋ.