Matɨyo 27:54 - Gabri Maja

⁵⁴ Gumu gɨ da asɨgar gɨ da kalaŋ ga Rɔm bɨ, asɨgarn̰əŋ ga gamge kɨbɨ Jesu danayi bɨ le, solge cay gɨsəŋ ga sayde den̰ den̰ bɨ, hɨnga ga lee gusɨge bɨ na, hundɔrɔ leege gɨɗaŋ bɨ yege hɨn̰: «Ban gɨ kɛ le, na Kurɨn̰-Kumu leen̰ cɨndi.»

Matɨyo 27:54 ပူးပေါင်းရင်းမြစ်များ

Matɨyo 26:63

Ama Jesu som kɨbi munduŋ. Ɨni na, mangɨl gɨ da ka-cay ka-bɔgɛ kɨbar yeyi hɨn̰: «Ɨŋ olɨn̰, dɨra gusɨn̰ dan̰ guson̰ Kumu gɨ som-bɨra, yani kɛ ji na Kɨris ban gɨ Kumu dorii, Kurɨn̰-Kumu le ga?»

Matɨyo 27:36

Kardi nee ɨni na, kan somge dugo kɨbi kɨya gamɨn̰ kɨbi.

Matɨyo 27:40

Yen̰ge hɨn̰: «Ji gɨ ba male dɔsɛ ƴaa-di-da-Kumu coŋ bɨ jɔgɛ gaɗe daa duroy wɔlɛ sɨbɨ le, pɨɗa gusɨn̰ kon̰. Hɨn̰ gɨ ji naa Kurɨn̰-Kumu na, gɨsɨn a cay sɨya-gɨ-dagɨli gɨŋ dugo.»

Matɨyo 27:43

Ban bee kuduroy a cay Kumu cɔb cɔb bɨ ye hɨn̰: “Ɨŋ na Kurɨn̰-Kumu le!” Hɨn̰ gɨ Kumu na geyii na, ɗa ɗe dorii kobɨ tɨma dɨŋ haw kɛ.»

Matɨyo 27:51

Bɨ ga ma badɨge ga kan bon̰ge te kɨɗɨn̰ ga woy dan̰ cɨndɨge a duroy ƴaa-di-da-Kumu dɨŋ le, sagaŋ duroy nee pɨraŋ kɨɗɨn̰ sɔɔ, daa bɨrɨŋ andaŋ dugo. Cay gɨsəŋ yɨbagdaŋ den̰ den̰ bɨ, garman̰əŋ kaydaŋ bɨ.

Matɨyo 4:3

Ɨni na, Haban̰, Ba-gɨybe kɨɗɨn̰ ɨrga gusi bɨ yeyi hɨn̰: «Ji naa Kurɨn̰-Kumu leen̰ cɨndi na, aya noy bɨn̰ karɨn̰ orun̰əŋ ga kɛ le, ɗe bɨle mapan̰əŋ bɨn̰ an̰ dii.»

Matɨyo 8:5

Jesu bugoŋ a cay ƴaa di Kapɛrnɔm ɨni na, gumu gɨ da asɨgarn̰əŋ gɨ pɨna wo̰, gɨ na ungo gɨ Rɔm ɨrga gusi lee n̰age gusii,

Marg 15:39

Gumu gɨ da asɨgar gɨ da kalaŋ ga Rɔm gɨ ɨre nee bɨle cɨndi bɨn̰ Jesu le, kɨɗɨn̰ ga ban sol te gɨyəŋ gɨ Jesu marɨn̰ na, ban ye hɨn̰: «Ungo gɨ kɛ le, na Kurɨn̰-Kumu leen̰ cɨndi.»

Kɔl-gɨ-Ɗari gɨ Lug wal 22:70

Kan nɔm yege hɨn̰: «Hɨn̰ wo̰ na, ji na Kurɨn̰-Kumu rɛ!» Ban dɨbɨge cay nee yege hɨn̰: «Kɨŋ gaŋ, ba yɔ dan̰ kɨbɨgɨŋ kogɨŋ hagɨŋ.»

Kɔl-gɨ-Ɗari gɨ Ja̰ wal 19:7

Jubɨn̰əŋ jɨga dɨbiige cay nee yeyige hɨn̰: «Ni-gandi ni orɨn̰ dan̰ gasɨn̰-kɔl koni nee bɨ, dan̰ gɨyəŋ gɨ da gasɨn̰-kɔl gɨ nee le ojɨ gɨ ban kɨya mare, kɨya wa ban lee gusi leen̰ Kurɨn̰-Kumu.»

Gɨye-lɔɔ 10:1

Bara gɨ pɨna wo̰ gusondi na Kɔrney, som a cay ƴaa-di-gumu di Sejare dɨŋ. Ban na gumu gɨ da asɨgarn̰əŋ ga aru ga da kalaŋ ga Rɔm, kan woyge duroy te asɨgarn̰əŋ ga aru jii, ga kan teege naa Itali.

Gɨye-lɔɔ 2:37

Kɨɗɨn̰ ga kalaŋ le jege kɔl gɨ nee le na, ɗugoyge adɨldɨge been̰ been̰. Lee gɨ kan ɨngɨr Pɨyɛr bɨ, ka-gɨre-gɨye ga ɗaŋ bɨ yege hɨn̰: «Karmɨni, kɛ ni gɨ lɔɔ na mɨna ga?»

Gɨye-lɔɔ 21:32

Kɨɗɨn̰di ga nee gaŋ le bɨ, gumu gɨ ba-sɔmɛ a cay asɨgarn̰əŋ le, tor ka-sɔmɛ cay asɨgarn̰əŋ bɨ, dan̰ asɨgarn̰əŋ bɨ, gɨrɨn̰ orɨn̰ wan̰ dɨmdɨrdi kalaŋ ga dayge cayge le. Kɨɗɨn̰ ga kan solge gumu gɨ ba-sɔmɛ cay asɨgarn̰əŋ dan̰ asɨgarn̰əŋ ɨni na, kan ɗege tɔgɛ Pol baa,

Gɨye-lɔɔ 23:17

Pol te gumu gɨ da asɨgarn̰əŋ le bɨ yey hɨn̰: «Ɨran̰ dan̰ marɨna le gusi ba-cay asɨgarn̰əŋ le. Kɨya wa ban orɨn̰ dan̰ kɔl gɨ ni dɨbii sɨmayi.»

Gɨye-lɔɔ 23:23

Kardi nee ɨni na, ba-sɔmɛ cay asɨgarn̰əŋ ga dubu le, te ka-sɔmɛ cay asɨgarn̰əŋ kage ga aru won̰ge sɔɔ bɨ, yege hɨn̰: «Dɨnagɨŋ asɨgarn̰əŋ aru sɔɔ bɨ, ka-hɨndɛrɛŋ toyge-jurgum bɨ, ka-dagɗɨ ga dan̰ tɨbayge aru sɔɔ bɨ, kɨŋ ƴɨman̰ cay-tɨbaygɨŋ kɨya hɨn̰ gɨ tɨwa dɨngɛsə di ni son̰do na, kɨŋ kɨya ɔrɛ Sejare.

Gɨye-lɔɔ 27:1

Wɔlɛ gɨ kan ayge noyge gɨ ni ayɨn̰ koburo gɨ gumu taa taa orɨn̰ Itali ɓal ɨni na, kan dobɨge Pol dan̰ kamdi dangayn̰əŋ ga pɨna wo̰, a kobɨ gumu gɨ da asɨgarn̰əŋ gɨ pɨna wo̰, gɨ gusondi na Julɨyus. Ban na gumu gɨ da asɨgarn̰əŋ ga aru ga sayga na duroy te ka-wɔrɨn̰ɛ ga kan teege naa ka-wɔrɨn̰ɛ ga da «Kɨlma gɨ gumu.»

Gɨye-lɔɔ 27:43

Ama ba-cay asɨgarn̰əŋ ga aru le gey pɔɗɛ Pol. Lee gɨ ban narge lɔɔ hɨnga ga kan ojɨ lɔɔ le coŋ. Bɨ ban ay noyi bɨn̰ kan ga ba sol tɔgɛ nale le, na hɨŋɗɨdɨge bugoŋ duroy kaŋ gaŋ tɨgage nale ɨrage wase kɨbɨ gɨba gɨŋ.

Magtubu di Pol wal bɨn̰ kalaŋ ga Rɔm 1:4

Kɨɗɨn̰ ga Kumu boyii lɨbii duroy kalaŋ ga madɨrdaŋ gaŋ na, Turnɔ ɗe-kuduroy-bɛrɛ gɨl gɨ ban naa Kurɨn̰-Kumu gɨ dɔnɔdi ɗɨn̰ dɔnɔ nɔm.

Wasɨn̰a 11:13

Tɨwadi di nee dɨŋ bɨ, cay gɨsəŋ ay te yɨbagde dan̰ togɨyge yɨbag yɨbag. Hɨn̰ gɨ kan na gusɨnage cay ƴaa-di-gumu kɨɗɨn̰ mɔjɨ na, kɨbɨge ga pɨna laydaŋ dugo lee gɨ kalaŋ dubu-jurgum mage duroy nee. Kalaŋ ga andaŋge kɨbɨ nee le, hundɔrɔ boyge dɨɗɨge, lee gɨ dɨbɨge gusoŋ-tɔgɛ a cay Kumu ba-sɔmɛ gɨɗɨgɨ-Kumu gɨŋ.