Matɨyo 27:2 - Gabri Maja

² Kan saɗɨdiige bɨ orɨn̰ge danayi, dobiige kobɨ Piladɨ ba-kɨbɨ kɨlma gɨ gumu.

Matɨyo 27:2 ပူးပေါင်းရင်းမြစ်များ

Matɨyo 20:19

kɨya dobiige kobɨ kalaŋ ga toyge na Jubɨ naŋ ɗe na asiige bɨ, kɨya somdiige dan̰ bɨraw bɨ, kɨya gagɨliige cay sɨya-gɨ-dagɨli gɨŋ bɨ ɗe na marɨn̰. Ama wɔlɛ sɨbɨdi gɨŋ ɨni na, ban kɨya bɔyɛ lɨbe.»

Matɨyo 28:14

Ama hɨn̰ gɨ kɔl le na ba sɨmay ba-kɨbɨ kɨlma gɨ gumu na, ni kɨya ƴɔɔ caygɨŋ bɨ, kɔl kɨya bɔɔ caygɨŋ naŋ.»

Kɔl-gɨ-Ɗari gɨ Lug wal 13:1

Kɨɗɨn̰ ga nee le, kalaŋ ga pɨna andaŋge cayi doriige kɔl gɨ ojɨ cay kalaŋ ga Galile ga ɨrege beege kɨbar bɨ, a boy tɨwadi di nee dɨŋ le Piladɨ dɨɗɨge.

Kɔl-gɨ-Ɗari gɨ Lug wal 20:20

Na toy di hɨn̰ wo̰ ma, kan ay te sɔbɨrɛ kɨbɨ Jesu. Bɨ kan say gɨyge kalaŋ ga ka-nare cɨn̰ kalaŋ ga leege gusɨge hɨn̰ kalaŋ ga gɨye-lɔɔdɨge na or dan̰ durɔ ɗɨngar wo̰ a gusi. Kalaŋ ga nee le, kan gɨyge na kɨya gɨybe Jesu dan̰ kɔl gɨ ni ɨngɨre, ɗe age na wan̰ gɨyəŋ gɨ ni ƴomii dobii kobɨ ba-kɨbɨ kɨlma gɨ gumu gɨ orɨn̰ dan̰ tɔgɨ bɨ, gɨ na ba-dɔɔ cay ƴaa bɨ.

Kɔl-gɨ-Ɗari gɨ Lug wal 23:1

Kan nɔm kɨbɨge jɨbɨge sayge daa orɨn̰ge dan̰ Jesu tumoy Piladɨ.

Kɔl-gɨ-Ɗari gɨ Lug wal 23:12

Ɛrɔd dan̰ Piladɨ ga tumɔ na ka-baa dan̰ gusɨge le, wɔlɛdi gɨ nee le, kan bɨle ka-pɔgɨn̰ɛ.

Kɔl-gɨ-Ɗari gɨ Lug wal 3:1

Kɔl gɨ da Kumu baa a sɨmay Ja̰ kurɨn̰ Jagari, kɨɗɨn̰ ga ban baan̰ a duroy dal dɨŋ ƴee. Na wɔlɛdi gɨ nee le ma, kɨlma gɨ gumu Sejar Tɨbɛr diin̰ tɨrɨmbala, a cay gɨsəŋ ga Rɔm ɓal ɨlge mɔjɨ-cay-bay. Kɨrɨmbɛlɛŋ poɗɨn̰ diige cay Ɨsɨrayɛl hɨn̰ ka-kɨbɨ kɨlma gɨ gumu wo̰: Po̰s Piladɨ na ba-kɨbɨ kɨlma gɨ gumu gɨ dii cay Jude, Ɛrɔd Antipas dii cay Galile, kurundi Pilib dii cay Itire bɨrɨŋ cay ƴaa di Tɨragonit bɨ, Lɨjɨyanas dii cay Abɨlɛn bɨ. Han dan̰ Kayip na ka-cay ka-bɔgɛ kɨbar nɔm ga da kalaŋ ga ni Jubɨ.

Kɔl-gɨ-Ɗari gɨ Ja̰ wal 18:12

Kɨɗɨn̰ ga nee le, te asɨgarn̰əŋ dan̰ kondige dan̰ ba-aye cayge bɨ, ka-game ƴaa-Kumu gɨ da Jubɨn̰əŋ bɨ, ƴomge Jesu saɗɨdiige.

Kɔl-gɨ-Ɗari gɨ Ja̰ wal 18:24

Ɨni na, Han gɨyɨn̰ dan̰ Jesu dan̰ kobi gɨ saɗi a da Kayip, mangɨl gɨ da ka-cay ka-bɔgɛ kɨbar.»

Kɔl-gɨ-Ɗari gɨ Ja̰ wal 18:28

Ka-dɔrɛ tumoy Jubɨn̰əŋ sayɨn̰ge dan̰ Jesu a da Kayip orɨn̰ge danayi a duroy ƴaa sɔmɛ gɨ da Piladɨ ba-kɨbɨ kɨlma gɨ gumu gɨ ni Rɔmɛ̰. Na dan̰ te kɨɗɨn̰. Jubɨn̰əŋ ga ka-orɨn̰ge danayi le, dɨbge tɨbayge a duroy ƴaa sɔmɛ gɨ da ba-kɨbɨ kɨlma gɨ gumu gɨŋ naŋ, age na gamɨn̰ dɔrɛ mɨra da gusɨge bɨ, ɗe age na ɓalɨn̰ dɨn̰ hɨnga dɔɔ ga da kɨdɨrɛ gɨ ni Pakɨ gɨ da Jubɨn̰əŋ.

Gɨye-lɔɔ 12:6

Duroy son̰do di tumɔ pa dɨm ma Ɛrɔd kɨya dorɨn̰ Pɨyɛr cɨn̰ dɨmdɨrdi kalaŋ ƴee na, saɗɨdege Pɨyɛr dan̰ mɔrɨyɔŋ won̰ sɔɔ bɨ ban woy duroy asɨgarn̰əŋ gaŋ won̰ge sɔɔ bɨ. Ama asɨgarn̰əŋ ga ɗaŋ ɨrege kɨbɨ ƴaa dangay dɨŋ amɨn̰ge kɨɗɨn̰.

Gɨye-lɔɔ 21:33

ɨni na, gumu gɨ ba-sɔmɛ cay asɨgarn̰əŋ le, or gusi Pol ƴomii bɨ, ay noyi gɨ kan na saɗɨdɨdayige dan̰ mɔrɨyɔŋ won̰ sɔɔ. Kardi nee ɨni na, ban ɨngɨr hɨn̰: «Kɛ ungo le na waŋ ga bɨ, kɛ ban lee na wa bɨ ga?»

Gɨye-lɔɔ 22:25

Kɨɗɨn̰ ga kan ɨre saɗɨde Pol kɨya somdiige na, ba-cay asɨgarn̰əŋ ga aru gɨ pɨna wo̰ ɨre durdi bɨ, Pol yey hɨn̰: «Kɛ a boy Gasɨn̰-kɔl gaŋ le, ojɨ gɨ kɨŋ kɨya sɔmdɛ kɨye ba-cay ƴaa di Rɔm, wase dɨle bɔyɛ kɔl cay ga?»

Gɨye-lɔɔ 22:29

Kɔl gɨ kɨbɨna kɛ bɨ, asɨgarn̰əŋ ga ba geyge sɔmdɛ Pol ɗe na yege kɔl le, torge toyge doŋ coŋ. Ɨni na, hundɔrɔ lee ba-cay asɨgarn̰əŋ le, kɨya wa ban saɗɨde kɨye gɨ ba-cay ƴaa di Rɔm dan̰ mɔrɨyɔŋ.

Gɨye-lɔɔ 24:27

Lee ɨlge sɔɔ ɨni na, Porsɨyus Pɛstus ɨrga ƴee ban̰di Peligɨs. Ama Peligɨs gey gɨ kalaŋ ga ni Jubɨ, gusɨge na mooge cayi, lee gɨ ban ɗe Pol dangay dɨŋ mɨjag.

Gɨye-lɔɔ 28:20

Na toy di hɨn̰ wo̰ ma, maŋ ɨngɨr gɨ ni solgɨŋ bɨ, are-kɔl danagɨŋ bɨ. Leen̰ cɨndi na, na kɨya cay ungo gɨ a te wɨn̰je gɨ da Ɨsɨrayɛl gɨ kan ba beege ɨrɨmedɨge cayi gɨ na kɨya ɨrga le, ma maŋ tobɨn̰ mɔrɨyɔŋ ga kɛ le a kɔbɔŋ.»

Gɨye-lɔɔ 3:13

Kumu gɨ da mon̰inagɨŋ le, na Kumu gɨ da Abɨraham bɨ, Isag bɨ, Jagob bɨ, ban dɨbɨ gusoŋ-tɔgɛ cay marɨna ba-gɨye koyi Jesu, ban gɨ kɨŋ ba dobii kobɨ Piladɨ bɨ, kɨŋ kan̰ii tumoy Piladɨ kɨɗɨn̰ ga Piladɨ ba gey ɗoyi daa le.

Gɨye-lɔɔ 4:27

«Kɔl gɨ nee le na cɨndi, kɨya wa Ɛrɔd bɨ, Po̰s Piladɨ bɨ, te wɔɔ gɨ da kalaŋ ga cay gɨsəŋ gaŋ bɨ, te wɨn̰je gɨ da Ɨsɨrayɛl bɨ, dayge gusɨge a boy cay ƴaa-di-gumu di kɛ dɨŋ le a cay Jesu, ba-gɨre-gɨye kon̰ gɨ woy dan̰ cɨndi bɨ, gɨ ji dorii bɨ.

Gɨye-lɔɔ 9:2

Ban or wan̰ mangɨl gɨ da ka-cay ka-bɔgɛ kɨbar bɨ, ɨngɨri magtubu di ɗe bii te tumɔ dan̰ guson̰ ƴaa-daye-di-da-Jubɨn̰əŋ ga Damas, ɗe hɨn̰ gɨ ɗi na waa ban̰aŋ dan̰ kandɨ, ga ayge gɨyəŋ kardi Ba-gulɔŋ na, ay na saɗɨdɨgage ɨrgan̰ danage a Jerusalɛm.

1 Timote 6:13

Kumu gɨ ba lɔɔ gɨ hɨnga nɔm som-bɨra bɨ, Jesu-Kɨris gɨ lee tɨmon̰ tumoy Po̰s Piladɨ, lee gɨ ban ye kɔl aye kudurɔ gɨ kuɗa tɔgɨ daa pɨraŋ bɨ le, ɨŋ yen̰ hɨnga ga kɛ le tumoy Kumu dan̰ Jesu-Kɨris ɗe gɨ an̰ lee:

2 Timote 2:9

Kɔl-gɨ-Ɗari gɨ nee le, ɨŋ way tabɨ kol cayi bɨrɨŋ saɗɨdaŋge haw kɛ dan̰ mɔrɨyɔŋ hɨn̰ gɨ ɨŋ naa ungo gɨ ba lɔɔ hɨnga ga ɨsɨni wo̰. Ama kɔl gɨ da Kumu le, ungo kɨya ɓale saɗɨdii naŋ bɨrɨŋ.

Əbɨro 13:3

Kuɗa gɨ kɨŋ hɨn a cay kan ga a dangay gɨŋ, hɨn̰ gɨ kɨŋ na woy naa dangay gɨŋ danage wo̰ bɨ. Kuɗa gɨ kɨŋ hɨn a cay kan ga kan gɨlgege cɨn̰ bɨ, kɨya wa kɨŋ-gandi kalɨn̰ ma kɨŋ orɨn̰ dan̰ kuyoŋdi-gusɨgɨŋ gɨ kɨya ɓale gɨle-cɨn̰ bɨ.