Matɨyo 27:11 - Gabri Maja

¹¹ Orɨn̰ge dan̰ Jesu tumoy ba-kɨbɨ kɨlma gɨ gumu. Ɨni na, ban ɨngɨrii ye hɨn̰: «Kɛ, ji na kɨlma gɨ da Jubɨn̰əŋ ga?» Ɨni na, Jesu dɨbii cay nee yeyi hɨn̰: «Na ji-bandi ba yɔ dan̰ kɨbɨn̰ han̰.»

Matɨyo 27:11 ပူးပေါင်းရင်းမြစ်များ

Matɨyo 10:18

Kan kɨya tolgɨŋge orɨn̰ge danagɨŋ tumoy ka-kɨbɨ kɛrɨmbɛlɛŋ ga gɨmdəŋ gaŋ bɨ, tumoy kɛrɨmbɛlɛŋ gaŋ bɨ, kɨya canɨ. Na hɨn̰ wo̰ ma, kɨŋ kɨya wan̰ gɨyəŋ gɨ ni leen̰ tɨmon̰ cay kɔl gɨ cɨndi ojɨn̰ canɨ tumoy Jubɨn̰əŋ bɨ, tumoy kalaŋ ga toyge na Jubɨn̰əŋ naŋ bɨ.

Matɨyo 10:25

Hɨn̰ gɨ ba-aye-cay-tɨbay ba-gɨlii hɨnga na gɨlɨn̰ dan̰ ba-gɨlii hɨnga bɨ, marɨna ba-gɨye na gɨlɨn̰ dan̰ ba-gulondi bɨ ɨni na, ɓal hɨn̰ wo̰. Hɨn̰ gɨ kalaŋ na ɨrage bɨrɨŋ tɔgɛge ba-ƴaa Bɛljebul na, kɛ kan gɨ tɔgɛge kan ga a duroy ƴaadi dɨŋ na mɨna bɨ ga?

Matɨyo 2:2

Ɨni na, kan ɨngɨrge yege hɨn̰: «Kɛ kɨlma gɨ da Jubɨn̰əŋ gɨ ba wooyge haw kɛ ƴee le, woy na a ani ga? Kɨya gɨ ni sɨlga dɛsɨɗɛŋ toyi te kumu gɨŋ, na hɨn̰ wo̰ ma mani ɨrga kɨya sa n̰irii.»

Matɨyo 26:25

Judasɨ gɨ ba-aye cayi bɨge le, ay kɔl bɨ ɨngɨrii yeyi hɨn̰: «Ba-gɨlɨn̰ kalaŋ hɨnga, kɛ na ɨŋ-bandi ga?» Ɨni na, Jesu dɨbii cay nee yeyi hɨn̰: «Na ji-bandi ba yɔ dan̰ kɨbɨn̰ han̰.»

Matɨyo 26:64

Jesu dɨbii cay nee yeyi hɨn̰: «Ji-bandi ba yɔ dan̰ kɨbɨn̰ han̰. Ama aŋ yəgɨŋ kɔl gɨ ɗaŋ coŋ, ayɨn̰ toy haw kɛ na kɨŋ kɨya sɔlɛ Kurɨn̰-ungo le kɨya sɔmɛ a cay kali di ni tɨrɨmbala dɨŋ kɨway Kumu ba Dɔnɔ di gumu a cay kobi gɨ bara gɨŋ bɨ, kɨŋ kɨya solii te ɨrga cay gɨrɨmbale gaŋ bɨ.»

Marg 14:62

Jesu dɨbii cay nee yeyi hɨn̰: «Əw, ɨŋ na ban, bɨ kɨŋ nɔm kɨŋ kɨya sɔlɛ Kurɨn̰-ungo sɔmɛ a cay kali di ni tɨrɨmbala dɨŋ kɨway Kumu ba dɔnɔ gɨ gumu a cay kobi gɨ bara gɨŋ bɨ, kɨŋ kɨya solii te ɨrga cay gɨrɨmbale gaŋ bɨ.»

Kɔl-gɨ-Ɗari gɨ Lug wal 22:70

Kan nɔm yege hɨn̰: «Hɨn̰ wo̰ na, ji na Kurɨn̰-Kumu rɛ!» Ban dɨbɨge cay nee yege hɨn̰: «Kɨŋ gaŋ, ba yɔ dan̰ kɨbɨgɨŋ kogɨŋ hagɨŋ.»

1 Timote 6:13

Kumu gɨ ba lɔɔ gɨ hɨnga nɔm som-bɨra bɨ, Jesu-Kɨris gɨ lee tɨmon̰ tumoy Po̰s Piladɨ, lee gɨ ban ye kɔl aye kudurɔ gɨ kuɗa tɔgɨ daa pɨraŋ bɨ le, ɨŋ yen̰ hɨnga ga kɛ le tumoy Kumu dan̰ Jesu-Kɨris ɗe gɨ an̰ lee: