Matɨyo 26:56 - Gabri Maja

⁵⁶ Ama hɨnga ga nee le nɔm lee gusɨge ɗe gɨ kɔl gɨ ka-yɔɔ-kɔl-gɨ-Kumu-ba-yɔɔ ba walge le, na or kɨɗɨn̰di gaŋ.» Kɨɗɨn̰di ga nee gaŋ le, ka-aye-cay-tɨbayi ɗeyge bɨ gɨrege nɔm coŋ.

Matɨyo 26:56 ပူးပေါင်းရင်းမြစ်များ

Matɨyo 21:42

Bɨ Jesu yege hɨn̰: «Kɛ, kɨŋ ɗɨngɨsa kɔl gɨ kɛ le, duroy Magtubu di da Kumu dɨŋ naŋ ga? “Oru gɨ tumɔ ka-gaɗe ƴaa dɨbɨge pɨrɨŋ coŋ le, Say bɨle na oru gɨ kuɗa tɔgɨ, ɗɨn̰ kamdi gɨ kan ɗe tɨbɨn̰ ƴaa dɨŋ. Hɨnga ga nee le, na gɨye-lɔɔ gɨ da Ba-gulɔŋ. Lee gɨ say bɨle hɨnga ga ɗɨn̰ cɨn̰-kɨɗɨn̰ cɨndɨnagɨŋ.”

Matɨyo 26:24

Naa wa wa kalɨn̰ ma Kurɨn̰-ungo le, kɨya mare ɔrɛ hɨn̰ gɨ kan ba walge ojɨn̰ cayi a duroy Magtubu di da Kumu dɨŋ le. Ama hɨnga ga dɨmbɨre woy gam ungo gɨ ba-aye cay Kurɨn̰-ungo le. Ungo gɨ nee le, kan ni na wooyge naŋ kalɨn̰ ma golgo.»

Matɨyo 26:31

Ɨni na, Jesu yen̰ ka-aye-cay-tɨbayi yege hɨn̰: «Duroy son̰do di labɨde dɨŋ kɛ le, kɨŋ-gandi nɔm hundɔrɔ kɨya bɔɔ toygɨŋ bɨ kɨŋ kɨya ɗɔŋ coŋ, kɨya wa walge duroy Magtubu di da Kumu dɨŋ yege hɨn̰: “Ɨŋ kɨya dɨɗe ba sɔlɛ kardi gamge, Ɨni na, kondɨwa gɨ da gamge kɨya busdoŋge pɨna pɨna daa.”

Matɨyo 26:54

Ama ɨŋ na laa hɨn̰ wo̰ na, kɔl gɨ kan ba walge a duroy Magtubu di da Kumu dɨŋ le, gɨ ɔrɛ kɨɗɨn̰di gaŋ na mɨna ga?»

Kɔl-gɨ-Ɗari gɨ Ja̰ wal 16:32

Sɨlagɨŋ, tɨwadi kɨya caga bɨ, hɨndi caga ɨni bɨ. A boy tɨwadi di nee le, kan kɨya sugudɨgɨŋge pɨna pɨna. Waŋ waŋ kalɨn̰ ma kɨya ɔrɛ a kɨɗɨn̰di gaŋ kɨɗɨn̰di gaŋ. Kɨŋ kɨya ɗɔŋ ɨŋ-bandi kan̰nɨ haŋge. Ama ɨŋ na kan̰nɨ naŋ, kɨya wa Banɨ woy danaŋ.

Gɨye-lɔɔ 1:16

«Karmɨnɨ ga ban̰aŋ dan̰ ga kandɨ, kɔl gɨ Turnɔ ɗe-kuduroy-bɛrɛ ba ye dan̰ gɨyəŋ gɨ da Dabid duroy Magtubu di da Kumu dɨŋ di kan wal ojɨn̰ cay Judasɨ gɨ ba bɨle ba-dɔrɛ tumoy ka-ƴɔmɛ Jesu le, naa wa wa kalɨn̰ ma koldi na ɨra ɓalɨn̰a kɨɗɨn̰di gaŋ dɛj.

Gɨye-lɔɔ 2:23

Gɨlmi gɨ nee le, kɨŋ dobii kobɨ ka-lɔɔ terɨn̰ ɗe kan dɨɗiige a cay sɨya-gɨ-dagɨli gɨŋ, dan̰ gɨyəŋ gɨ Kumu ojɨ jɨne hayi.

2 Timote 4:16

Wɔlɛ bɔyɛ kɔl hɨnge gɨŋ gɨ cay wase gɨ ɨŋ dorɨn̰ kɔl ƴen̰ canɨ le, ungo pɨna wo̰ ɨra karɨnɨ naŋ, ama kan nɔm ɗəŋge coŋ. Kuɗa gɨ Kumu ɗɔɔ kɔl gɨ nee le ƴɔmɛ cayge naŋ.