Matɨyo 26:55 - Gabri Maja

⁵⁵ Kardi nee ɨni na, Jesu yen̰ dɨmdɨrdi kalaŋ yege hɨn̰: «Kɛ na kɨya wa ma, magɨŋ ɨrgan̰ dan̰ pəlɨmn̰əŋ bɨ dan̰ kɨlɛŋn̰əŋ kagɨŋ bɨ, kɨya ƴɔmɔŋ hɨn̰ gɨ ɨŋ naa ba-lɔɔ ɨsɨna wo̰ ga? Dan̰ wɔlɛ pɨna pɨna ɨŋ ɨre danagɨŋ duroy ƴaa-di-da-Kumu dɨŋ gɨlɨn̰ kalaŋ hɨnga, magɨŋ ƴɨmaŋ naŋ.

Matɨyo 26:55 ပူးပေါင်းရင်းမြစ်များ

Matɨyo 21:23

Jesu andaŋ duroy gulɔŋ ƴaa-di-da-Kumu dɨŋ ɨre gɨlɨn̰ kalaŋ hɨnga. Ɨni na, ka-cay ka-bɔgɛ kɨbar bɨ, kan ga muɗoldoŋ ga da te kalaŋ ga Ɨsɨrayɛl bɨ, ɨrgage gusi bɨ, ɨngɨriige yeyige hɨn̰: «Kɛ, dɔnɔ di ji leen̰ hɨnga ga nee le, kɛ ji saygan̰ na ani ga? Kɛ na waŋ ba bɨn̰ dɔnɔ di nee le ga?»

Matɨyo 26:47

Judasɨ le na gɨ pɨna duroy ka-aye-cay-tɨbay Jesu ga mɔjɨ-cayge-sɔɔ. Kɨɗɨn̰ ga Jesu ye kɔl baa kɨbi ƴee bɨ ga ma, Judasɨ andaŋ cayi. Ban ɨrga bugoŋ dan̰ dɨmdɨrdi kalaŋ, dan̰ ka-cay ka-bɔgɛ kɨbar bɨ, ga ka-muɗɔlɛ ga da Jubɨn̰əŋ ba gɨygɨge. Kan ɨrgan̰ge dan̰ pəlɨm bɨ, cɨlɛŋ bɨ.

Marg 10:1

Jesu say a kɨɗɨn̰ ga nee gaŋ or a cay gɨsəŋ ga Jude kardi kuray gɨ Jurdḛ. Ɨni na, dɨmdɨrdi kalaŋ dayaŋge gusii ɗaŋ coŋ. Ban gɨlge hɨnga ɗaŋ coŋ hɨn̰ gɨ ban ba leede daa daa le.

Marg 12:35

Jesu gɨlɨn̰ kalaŋ kɔl a duroy gulɔŋ ƴaa-di-da-Kumu dɨŋ ɨni na, ban ɨngɨr hɨn̰: «Kɛ na mɨna ma ka-gɨlɨn̰ kalaŋ gasɨn̰-kɔl gɨ da Moyis yege hɨn̰ Kɨris ban gɨ Kumu dorii le naa kungay Dabid ga?

Kɔl-gɨ-Ɗari gɨ Lug wal 19:47

Jesu gɨlge hɨnga a duroy gulɔŋ gɨ da ƴaa-di-da-Kumu dɨŋ dan̰ wɔlɛ pɨna pɨna. Bɨ ka-cay ka-bɔgɛ kɨbar nɔm bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, kalaŋ kage ga gɨmdəŋ bɨ, malge gɨyəŋ age na dɨɗii.

Kɔl-gɨ-Ɗari gɨ Lug wal 20:1

Wɔlɛ gɨ pɨna wo̰, Jesu gɨlɨn̰ kalaŋ kɔl bɨ, teen̰ bɛrnɛ Kɔl-gɨ-Ɗari a duroy gulɔŋ ƴaa-di-da-Kumu dɨŋ bɨ na, ka-cay ka-bɔgɛ kɨbar nɔm dan̰ ka-gɨlɨn̰ kalaŋ gasɨn̰-kɔl gɨ da Moyis andaŋge cayge dan̰ kan ga muɗoldoŋ.

Kɔl-gɨ-Ɗari gɨ Lug wal 4:20

Kɨɗɨn̰ ga ban dɨɗɨ kɨbɨ ɗɔngɨsɛ magtubu ɨni na, ban nɔngɨrɔɔ daa bɨ, bɨn̰ dan̰ marɨna ba-gɨye le bɨ, or sɔmɛ dugo tumoyge kɨya gɨlge kɔl gɨ da Kumu. Kan nɔm ga ba somge duroy ƴaa-daye-di-da-Jubɨn̰əŋ dɨŋ le, cɨndɨge woy cayi hɨrɨm.

Kɔl-gɨ-Ɗari gɨ Ja̰ wal 7:14

Kɨɗɨn̰ ga kan lee kɨdɨrɛ gɨ da dabaŋ gɨ da gur ɨrga duroy nee bɔb bɨ na, Jesu or duroy ƴaa-di-da-Kumu dɨŋ bɨ, ay te gɨlɨn̰ kalaŋ hɨnga.

Kɔl-gɨ-Ɗari gɨ Ja̰ wal 7:28

Na toy di hɨn̰ wo̰ ma, kɨɗɨn̰ ga Jesu ɨre gɨlɨn̰ kalaŋ hɨnga a duroy ƴaa-di-da-Kumu dɨŋ na, ban ye dan̰ tumoyi di daa pəŋ pəŋ ye hɨn̰: «Kɨŋ sɔlɔŋ bɨ! Kɨɗɨn̰ ga ɨŋ saygan̰ nee le, kɨŋ sol nee bɨ ga? Naŋ! Na ɨŋ-bandi ba ɨrga dan̰ cay gusɨnɨ hɨnge naŋ. Ama ban gɨ ba gɨygɨŋ le, na ungo gɨ ba-yɔɔ kɔl gɨ cɨndi, kɨŋ sɨlayi naŋ.

Kɔl-gɨ-Ɗari gɨ Ja̰ wal 8:2

Ɗaŋdo dan̰ te jogɨɗu cururu na, ban jogɨ duroy ƴaa-di-da-Kumu dɨŋ. Bɨ kalaŋ nɔm ɨrgage gusi ɨni na, ban som dugo bɨ ay te gɨlge hɨnga.

Kɔl-gɨ-Ɗari gɨ Ja̰ wal 8:20

Jesu ye kɔl gɨ nee le, na kɨɗɨn̰ ga ban ɨre gɨlɨn̰ kalaŋ kɔl duroy ƴaa-di-da-Kumu dɨŋ, mɨnde dan̰ hɨnga ga kan been̰ gursu nee bɨn̰ Kumu. Ungo ɓala ƴɔmii naŋ kɨya wa tɨwa toyii di Kumu ojɨ le ɨre naŋ ƴee.