Matɨyo 26:39 - Gabri Maja

³⁹ Ban dor toyi dḛ walaŋ ɨni na, ban poy gɨbayi dugo bɨrɨŋ gɨ jɨndi ɨsɨbɨ gɨsəŋ bɨ olɨn̰ Kumu ye hɨn̰: «Banɨ, hɨn̰ gɨ gɨyəŋ gɨ ni lɔɔ gɨ ɗe kobo gɨ ni son̰ hɨnga ga ni cɨn̰-n̰age ga kɛ le na ɨra sɛdɨ walaŋ gusɨnɨ coŋ, na wɨya nee na, ji laa gɨ ɗe or walaŋ sɛdɨ gusɨnɨ coŋ. Ama ɗa ɗe woy na hɨn̰ gɨ ji-bandi ji gey, wala na hɨn̰ gɨ ɨŋ-bandi ɨŋ gey wo̰ naŋ.»

Matɨyo 26:39 ပူးပေါင်းရင်းမြစ်များ

Matɨyo 20:22

Jesu dɨbɨge cay nee yege hɨn̰: «Kɨŋ sɨla te hɨnga ga kɨŋ ɨngɨr le naŋ. Kɛ kɨŋ ɓal sɔ hɨnga ga boy kobo gɨ ni gɨle-cɨn̰ gɨŋ gɨ ɨŋ kɨya sɔ le ga?» Kan dɨbii cay nee yeyige hɨn̰: «Ni ɓal.»

Matɨyo 24:24

Kɨya gɨ kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ ga gɨmdəŋ tɔgɨ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan ga Kumu torge kalɨn̰ ma, kan gey kaygege bɨ.

Matɨyo 26:42

Jesu jogɨ dɔrɛ toyi sɛdɨ walaŋ gɨ ni cay sɔɔdi, bɨ olɨn̰ Kumu ye hɨn̰: «Banɨ, hɨn̰ gɨ gɨyəŋ gɨ ni lɔɔ gɨ ɗe kobo gɨ ni son̰ hɨnga ga ni cɨn̰-n̰age ga kɛ le, na ɨra sɛdɨ walaŋ gusɨnɨ coŋ, na wɨya nee na, ɗa ɗe woy hɨn̰ gɨ Ji-bandi ji gey wo̰.»

Marg 13:22

Kɨya wa kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan gey kayge kan ga Kumu torge bɨ.

Kɔl-gɨ-Ɗari gɨ Lug wal 17:16

Ban baa tumoy Jesu ɨmbe cɨndi dugo leeyi ho’o. Gɨlmi gɨ nee le na gɨ Samari.

Kɔl-gɨ-Ɗari gɨ Ja̰ wal 11:41

Kɨɗɨn̰ ga nee le, kan nongɨlge garma le coŋ. Ɨni na, Jesu ay cɨndi daa bɨ, ye hɨn̰: «Banɨ, ɨŋ leen̰ ho’o, kɨya gɨ ji je ɔlɛ hɨnge.

Kɔl-gɨ-Ɗari gɨ Ja̰ wal 14:31

Ama na ɗe gɨ kalaŋ ga cay gɨsəŋ gaŋ solɨn̰ge gɨ ɨŋ na gey Banɨ bɨ, ɨŋ na lee hɨnga naa dan̰ te tumɔ di ban na ay bəŋ bɨ. Sagɨŋ daa, ana orgɨŋ ɗegɨŋ kɨɗɨn̰ ga kɛ coŋ!

Kɔl-gɨ-Ɗari gɨ Ja̰ wal 18:11

Ɨni na, Jesu yen̰ Pɨyɛr hɨn̰: «Jɨgan̰ dan̰ pəlɨm ton̰ dɨba duroy ƴaado dɨŋ. Kɛ, ɨŋ gɨ sɔɔ hɨnga ga a duroy kobo gɨle-cɨn̰ gɨ da Banɨ gɨŋ ga ba ɗe gɨsin̰ canɨ le naŋ ga?»

Kɔl-gɨ-Ɗari gɨ Ja̰ wal 5:19

Jesu jɨga ay kɔl bɨ yege hɨn̰: «Jagɨŋ, ɨŋ yəgɨŋ na kɔl gɨ cɨndi. Kuroŋ kɨya ɓale lɔɔ hɨnga dan̰ cay gusi naŋ. Ban kɨya lɔɔ na hɨnga ga ban sol bayi te lɔɔdɨge gɨŋ ƴɔbɨ. Kɨya wa hɨnga nɔm ga kɨye bay lee le, kuroŋ kɨya lɔɔ na hɨn̰ wo̰ bɨ.

Kɔl-gɨ-Ɗari gɨ Ja̰ wal 5:30

Ɨŋ-bandi, ɨŋ mala na gɨ ni lɔɔ kuduroy geye hɨnge naŋ, ama ɨŋ boy kɔl na dan̰ gɨyəŋdi kɔl gɨ ɨŋ je. Kɔl gɨ ɨŋ boy le na dan̰ gɨyəŋdi, kɨya gɨ ɨŋ mala na lɔɔ hɨnga ga dan̰ kuduroy geye hɨnge naŋ. Ama na dan̰ gɨyəŋ gɨ da kuduroy-geye gɨ da ban gɨ gɨyigəŋ.

Kɔl-gɨ-Ɗari gɨ Ja̰ wal 6:38

Kɨya wa ɨŋ sayga a daa nii ɨrga cay gɨsəŋ gaŋ, na kɨya lɔɔ hɨnga dan̰ kuduroy geye hɨnge naŋ, ama na kɨya lɔɔ kuduroy-geye gɨ da ban gɨ ba gɨyigəŋ.

Gɨye-lɔɔ 10:25

Kɨɗɨn̰ ga Pɨyɛr ɨre or jɨn̰ ƴen̰ ɨni na, Kɔrney yal cɨndi bɨ, baa jɨbɨ jɨndi dugo tumoyi leeyi lapɨya dan̰ hurɔmɔ di gumu.

Pilib 2:8

Ban dobɨ cayi dugo dan̰ kuduroy geye koyi, Lee gɨ jen̰ kɔl kɨbɨ Kumu bɨrɨŋ marɨn̰, Marɨn̰ tɨma di a cay sɨya-gɨ-dagɨli gɨŋ.

Əbɨro 5:7

Kɨɗɨn̰ ga Jesu ban̰ a cay gɨsəŋ gaŋ le, Kumu gɨ ba ɓale poɗii kɨbɨ tɨma dɨŋ le, ban olii bɨ woy kɨbi bɨ wɨlal dan̰ kaŋdi cɨndi bɨ. Bɨ Kumu je ɔlɛ koyi kol dɔbɛ gɨ ban dobɨ cayi bii.

Wasɨn̰a 19:10

Kɔl gɨ kɨbɨna kɛ bɨ, ɨŋ poy gɨbanɨ dugo a tɨbayi kɨya n̰ɨrii, ama ban yəŋ hɨn̰: «Ɨŋ’ɨ̰, pɔyɛ gɨban̰ dugo tumonɨ naŋ. N̰ɨr na Kumu. Ɨŋ na marɨna ba lɔɔ gɨye hɨn̰ ji-bandi wo̰ bɨ, hɨn̰ karmɨn̰ ga ka-bɔgɛge kɔl a cay tɨmon̰ di Jesu lee wo̰ bɨ. Kɨya gɨ tɨmon̰ di Jesu lee le, na kɔl gɨ Turnɔ ɗe-kuduroy-bɛrɛ ɗe a kɨbɨ ka-yɔɔ-kɔl-gɨ-Kumu-ba-yɔɔ.»