Matɨyo 25:1 - Gabri Maja

¹ «A boy wɔlɛ gɨ Kurɨn̰-ungo kɨya cagan̰ le, dɔɔ-ƴaa di daa nii kɨya gɨlɨn̰a na hɨn̰ kɨradi-kɔl gɨ da kambɨle ga cɨl ga mɔjɨ, ga lobɨge lamban̰əŋ kage kɨya orɨn̰ge kɨɗɨn̰ gɔrɛ ƴaa dɨŋ, bɨ yalɨn̰ge cɨn̰ ban gɨ ba-ƴɔɔ tama cɨndi.

Matɨyo 25:1 ပူးပေါင်းရင်းမြစ်များ

Matɨyo 13:24

Jesu ay kɨradi-kɔl gɨ ɗaŋ yen̰ kɔl danage ye hɨn̰: «Dɔɔ-ƴaa di daa nii le, woy gɨlɨn̰ na hɨn̰ ungo gɨ gɨsɨ gasi gɨse kayi ga kuɗa duroy yage koyi gɨŋ wo̰.

Matɨyo 13:31

Jesu dorge kɨradi-kɔl gɨ ɗaŋ ye hɨn̰: «Dɔɔ-ƴaa di daa nii woy gɨlɨn̰ na hɨn̰ cɨn̰-mutardɨ gɨ ungo ay gɨsɨ duroy yage koyi gɨŋ wo̰

Matɨyo 13:38

Yage le, na kalaŋ ga cay gɨsəŋ gaŋ. Gasi-gɨse ga kuɗa le, na kalaŋ ga a boy dɔɔ-ƴaa di daa nii dɨŋ. Tɨngɨrɨn̰ le, na kalaŋ ga da Haban̰, Ba-lɔɔ ɨsɨna.

Matɨyo 13:47

«Dɔɔ-ƴaa di daa nii, woy gɨlɨn̰ na hɨn̰ bura di ka-ure gusa, dɨbɨge duroy kuray gɨ gumu taa taa gɨŋ, ƴomɨn̰ge te gusa nɔm ga woy duroy kaŋ gaŋ wo̰.

Matɨyo 20:1

«Sɨlagɨŋ, dɔɔ-ƴaa di daa nii woy gɨlɨn̰ na hɨn̰ ungo gɨ dan̰ kɨbɨ-ƴaadi, gɨ andaŋ dan̰ te kɨɗɨn̰ cud ma don kalaŋ ɗe na orge yage duroy yagedi suru toyi dɨŋ wo̰.

Matɨyo 22:2

«Dɔɔ-ƴaa di daa nii le woy gɨlɨn̰ na hɨn̰ kɨlma gɨ pɨna wo̰, gɨ lee hɨnga ga ni dɔɔ ga kondi, gɨ da gɔrɛ ƴaa da kurondi wo̰.

Matɨyo 25:7

Ɨni na, kambɨle ga cɨl le nɔm kɨbɨge sayge te kuŋ gaŋ bɨ, ƴomɨn̰ge cay tɨbay lamban̰əŋ kage.

Matɨyo 3:2

«Bɨlgɨŋ gɨye-lɔɔdɨgɨŋ, kɨya wa dɔɔ-ƴaa di daa nii bugoŋ mɨnde gusɨgɨŋ ɨni.»

Matɨyo 5:16

Ɗagɨŋ gɨ asɨn̰a kogɨŋ ɗe asɨn̰ cɨn̰ kalaŋ hɨn̰ wo̰ bɨ, ɗe gɨ kan solɨn̰ge gɨye-lɔɔdɨgɨŋ gɨ kuɗa bɨ, ɗe kan hɨramɨn̰ge Baygɨŋ gɨ som a daa nii bɨ.

Matɨyo 9:15

Bɨ Jesu dɨbge cay nee yege hɨn̰: «Kalaŋ ga molgege ɨrga gɔrɛ gɨŋ dɔɔ hɨnga le, gɨ ɓalege tagɨn̰e cɨndɨge kɨɗɨn̰ ga ba-gɔrɛ ƴaa ɨre danage nee ga? Na hɨn̰ wo̰ naŋ. Ama wɔlɛ kɨya caga gɨ kan kɨya dɔrɛ ba-gɔrɛ ƴaa le duroyge. Na nee dɨm ma kan kɨya haydege kɨbɨge ƴee.

Kɔl-gɨ-Ɗari gɨ Ja̰ wal 18:3

Ɨni na, Judasɨ baa tumoy te asɨgarn̰əŋ ga dan̰ kondige bɨ, dan̰ asɨgarn̰əŋ ga ka-ame ƴaa-Kumu bɨ, ga na ka-cay ka-bɔgɛ kɨbar dan̰ Parɨsɨn̰an̰əŋ ba gɨygɨge. Judasɨ orɨn̰ danage boy yage gɨ kan busoŋge hayaŋ boy nee le. Kalaŋ ga nee le orɨn̰ge dan̰ lamba bɨ, dan̰ dɨngɛ bɨ, dan̰ hɨnga ga ni wɔrɨn̰ɛ bɨ kobɨge.

Kɔl-gɨ-Ɗari gɨ Ja̰ wal 3:29

A kɨɗɨn̰ gɔrɛ ƴaa gaŋ le, ban gɨ kan bɨgɨgage dan̰ tama bii le, ban ma na kudurɔɔ. Ama ba-pogi ba-ƴɔɔ tama le, ɨre na durdi je dan̰ kɔl koyi bɨ, te tumoyi di ban je le, bii gusi-mɔwa di gumu tɔgɨ. Gusi-mɔwa di nee le na tɨnge bɨ, haw kɛ na gusi-mɔwa tɨnge duroŋ dan̰ durɔ cɨrɛɗ.

Gɨye-lɔɔ 20:8

Ƴaa di woy a cay mɨga dɨŋ daa di ni ba dayaŋ boy nee le, tɨwa di ni lamba kondɨ asɨn̰ kɨɗɨn̰ boy nee.

1 Korɛ̰t 11:2

Ɨŋ hɨramgɨŋ kɨya wa a bon̰ hɨnga nɔm kɨŋ hɨn a canɨ bɨ, hɨnga ga ɨŋ ba gɨlgɨŋ tumɔ le kɨŋ ƴom kuɗa bɨ.

2 Korɛ̰t 11:2

Ɨŋ lee jangɨ kol caygɨŋ bɨ jangɨ di ɨŋ lee le, na jangɨ di sayga gusi Kumu. Kɨya wa ɨŋ gey gɨlgɨŋ bɨn̰ Kɨris hɨn̰ tɨmbali di cɨl di sɨla bara naŋ ƴee wo̰ di ɨŋ ƴom caa na kol bara pɨna ƴɔbɨ, bara gɨ nee le na Kɨris.

2 Timote 4:8

Haw kɛ na, hɨnga ga ni cay kɔbɔ ga da ka-aye banga woy gamaŋ: Hɨnga ga nee le, na jagɨwa ga ni an̰ banga gɨ da gɨye-lɔɔ gɨ or dan̰ durɔ ɗɨngar, gɨ Ba-gulɔŋ, ba-bɔyɛ kɔl gɨ dan̰ durɔ, kɨya bəŋ wɔlɛ gɨ ni bon̰ kɔl gɨŋ le. Ban kɨya bəŋ na ɨŋ-bandi ƴɔbɨ naŋ, ama kɨya bɨn̰ kalaŋ nɔm ga kol caga koyi mooge tɔgɨ, ma somge kɨya gamiige le bɨ.

Titɨ 2:13

Naa wa wa kalɨn̰ ma, ojɨ gɨ na gama tumoy wolwa di na ba bee ɨrɨmedɨna cay nee di nee le hɨn̰ wo̰. Wɔlɛ gɨ nee gɨŋ le, gusoŋ-tɔgɛ gɨ da Kumu konagɨŋ gɨ gumu bɨ gɨ ba-poɗɨnagɨŋ bɨ, gɨ na Jesu-Kɨris le kɨya gɨle gusi doŋ.

Wasɨn̰a 14:4

Kan na kalaŋ ga dɨbage gusɨge duroy kɨni gɨŋ malan̰ge kandɨ naŋ, kɨya wa sɨlage kandɨ naŋ. Kan ga nee le na ka-kɔbɛ kurɨn̰-dɨmangɨ a kɨɗɨn̰ gaŋ nɔm ga ban orɨn̰ nee. Kan na kalaŋ ga ban boy cayge duroy kalaŋ ga ɨndəŋ bɨ, kan woy gɨlɨn̰ na hɨn̰ hɨnga ga cay wase ga walge duroy yage gɨŋ ɗege dan̰ cɨndɨge gɨ ni aye bɨn̰ Kumu bɨ, bɨn̰ kurɨn̰-dɨmangɨ bɨ.

Wasɨn̰a 19:7

Kuɗa gɨ na leegɨŋ gusi-mɔwa bɨ, Tɨganagɨŋ pɨre bɨ, dɨbɨnagɨŋ gusoŋ-tɔgɛ cayi bɨ. Sɨlagɨŋ, wɔlɛ gɨ da gɔrɛ ƴaa, Gɨ da Kurɨn̰-dɨmangɨ le ɓal ɨni bɨ, Tamdi ƴom cay tɨbaa ɨni bɨ.

Wasɨn̰a 21:2

Ɨni na, ɨŋ sol cay ƴaa-di-gumu di woy dan̰ cɨndo di na Jerusalɛm di hɨrɨwa le, sayga gɨɗɨgɨ-Kumu a gusi Kumu gɨsɨngɨ dugo. Hɨndi lee marna tɔgɨ hɨn̰ tɨmbali di n̰an guso kɨya gorɨn̰ ƴaa dan̰ kudurɔɔ wo̰.

Wasɨn̰a 21:9

Kardi nee, ba-ƴɔbɛ gɨ daa nii pɨna, gɨ a duroy kan ga jurgum ga tumɔ ƴomge kobo ga jurgum ga hɨnga ga ɨsɨni ga ka-mɔndɛ kɨɗɨn̰ ga ni kagadɨge le, ɨrga gusɨnɨ yəŋ ye hɨn̰: «Ɨre aŋ gɨlɨn̰ ɗe kujɔ di kɨya bɨle tam Kurɨn̰-dɨmangɨ le.»

Wasɨn̰a 4:5

Ɨŋ sol wɨlɨn̰e andaŋ a kali-tɨrɨmbala dɨŋ le bɨ, ɨŋ je noy kalaŋ ye boy nee bɨ, ale gɨ da Kumu nee bɨ. A tumoy kali-tɨrɨmbala le ɨŋ sol dɨngɛ jurgum ga ƴeede tɨwa man̰, kan na Turnɔ di da Kumu ga jurgum.

Wasɨn̰a 8:10

Kardi nee ɨni na, ba-ƴɔbɛ gɨ daa nii gɨ cay sɨbɨdɨge le lɨm burun̰ji. Ɨni na, dɛsɨɗɛŋ di gumu di ƴee tɨwa hɨn̰ dɨngɛ wo̰ sayga gɨɗɨgɨ-Kumu gɨŋ ba dugo. Hɨn̰ gɨ kan na gusɨnage kurayn̰əŋ kɨɗɨn̰ sɨbɨ bɨ cɨn̰-kaŋ kɨɗɨn̰ sɨbɨ bɨ na hɨndi baa na kɨbɨge ga pɨna gaŋ.