Matɨyo 24:3 - Gabri Maja

³ Jesu or sɔmɛ a cay garma gɨ Olibɨye gɨŋ. Ɨni na, ka-aye-cay-tɨbayi ɨrgage gusi kan̰dɨge bɨ. Ɨngɨrige gɨ ban na yage wɔlɛ gɨ hɨnga ga nee le na kɨya loon̰ gusɨge bɨ, gɨ ban na yage hɨnga ga na kɨya gɨle tɨwadɨge bɨ, ojɨ cay kagadi wɔlɛ gɨŋ bɨ.

Matɨyo 24:3 ပူးပေါင်းရင်းမြစ်များ

Matɨyo 13:36

Jesu say ɗe dɨmdɨrdi kalaŋ bɨ jogɨn̰ ƴen̰. Ɨni na, ka-aye-cay-tɨbayi orge kardi bɨ ɨngɨriige yege hɨn̰: «Dɨrani te kɨradi-kɔl gɨ da tɨngɨrɨn̰ di andaŋ duroy yagegɨŋ le ani je.»

Matɨyo 13:49

Kɨya wɔyɛ na hɨn̰ wo̰ kagadi wɔlɛ gɨŋ bɨ. Ka-ƴɔbɛ ga daa kɨya ɨrgage kɨya dɔrɛge ti kalaŋ ga ɨsɨndəŋ coŋ duroy kalaŋ ga dan̰ durɔ ɗɨngar,

Matɨyo 15:12

Ɨni na, ka-aye-cay-tɨbay Jesu sɨygɨge mɨnde gusi bɨ, yeyige hɨn̰: «Kɔl gɨ ji ba yen̰ Parɨsɨn̰an̰əŋ le dɨbge sɨya kɛ, ji sol han̰ ga?»

Matɨyo 16:27

Kɨya wa Kurɨn̰-ungo kɨya caga dan̰ ka-ƴɔbɛ kayi ga daa nii bɨ, dan̰ gusoŋ-tɔgɛ da Bayi bɨ. Kɨɗɨn̰di ga nee gaŋ le, ban kɨya bɨn̰ kalaŋ cay kobɨge pɨna pɨna nɔm gɨsɨn̰ cay gɨye-lɔɔdɨge lɔɔdɨge.

Matɨyo 16:28

Aŋ yəgɨŋ daa waŋ na cɨndi: Kalaŋ ga pɨna duroy kalaŋ ga ɨrege kɛ le, kɨya sɔlɛge Kurɨn̰-ungo kɨɗɨn̰ cagadi gɨŋ hɨn̰ kɨlma wo̰ pa dɨm ma kɨya marege ƴee.»

Matɨyo 17:19

Kɨɗɨn̰ ga nee le, ka-aye-cay-tɨbayi ɨrgage gusi bɨ, ɨngɨriige kan̰dɨge hage yeyige hɨn̰: «Kɛ, na kɨya wa ma mani ɓala taye turnɔ di ɨsɨni le coŋ naŋ ga?»

Matɨyo 21:1

Jesu dan̰ ka-aye-cay-tɨbayi tɨbayge baa mɨnde dan̰ cay ƴaa-di-gumu di Jerusalɛm. Kɨɗɨn̰ ga kan bugoŋge mɨnde dan̰ cay gulɔŋ gɨ Bɛdɨpaje gɨ woy kɨway garma gɨ teeyige Olibɨye ɨni na, ban tor ka-aye-cay-tɨbayi sɔɔ gɨyge tumoyi.

Matɨyo 24:27

Hɨn̰ gɨ Kumu ba wɨlɨn̰ a te Kumu ma ba asɨn̰ kɨɗɨn̰ bɨrɨŋ andɨn̰ kɨɗɨn̰ tɨwa ɗɔbɛdo gɨŋ le, wɔlɛ caga hɨnge ɨŋ-bandi Kurɨn̰-ungo le kalɨn̰ ma, kɨya wɔyɛ na hɨn̰ wo̰ bɨ.

Matɨyo 24:30

Kɨɗɨn̰di ga nee gaŋ le na, hɨnga ga kɨya gɨle cay Kurɨn̰-ungo kɨya andɨgaŋ gɨɗɨgɨ-Kumu gɨŋ. Duroy wɔlɛdi gɨ nee gɨŋ le, te wɨn̰jen̰əŋ ga cay gɨsəŋ gaŋ nɔm kɨya ɨlege gusɨge togɨn̰ge ɗugoyge bɨ, kɨya sɔlɛge Kurɨn̰-ungo te ɨrgadi gɨŋ cay gɨrɨmbale gaŋ dan̰ dɔnɔ di gumu bɨ, dan̰ asɨn̰a gɨ gumu bɨ.

Matɨyo 24:37

Kɨɗɨn̰ ga ɨŋ-bandi Kurɨn̰-ungo ɨŋ kɨya cagan̰ le, hɨnga kɨya lɔɔ gusɨge na hɨn̰ gɨ naa ba won̰ a boy ɨlge gɨ da Nɨwe gɨŋ wo̰.

Matɨyo 24:39

Kalaŋ ɨrɨmge cay hɨnga naŋ bɨrɨŋ, gɨsɨn̰ gɨ kaŋdi Kumu ga kondi ga ongɨ bɨrɨŋ, ƴen̰ cay gɨsəŋ bɨnjaŋ bɨnjaŋ, ɨrga ƴeege lee gɨ mundoŋge nɔm le. Caga gɨ da Kurɨn̰-ungo le, kɨya wɔyɛ na hɨn̰ wo̰ bɨ.

Matɨyo 24:43

Sɨlagɨŋ kuɗa, ba-ƴaa kɨya sɔlɛ tɨwa di ni son̰do di ba-hase kɨya ɨrgan̰ a duroy ƴaadi dɨŋ naŋ. Hɨn̰ gɨ ban na sɨla na, ban kɨya sɔmɛ-bɨra bɨ, ban kɨya ɗoyi andaŋ a ƴen̰ ƴaadi dɨŋ naŋ.

Matɨyo 28:20

Kɨŋ gɨlge hɨnga nɔm ga ɨŋ gɨlgɨŋ gɨ kɨŋ na laa le. Bɨ sɨlagɨŋ gɨ ɨŋ-bandi ɨŋ na baa danagɨŋ dan̰ wɔlɛ pɨna pɨna bɨrɨŋ gɨsɨn̰ gɨ cay gɨsəŋ toyge kɨya ayaŋ.»

Kɔl-gɨ-Ɗari gɨ Lug wal 21:7

Kan say ɨngɨriige yege hɨn̰: «Ba-gɨlni hɨnga, hɨnga ga nee le kɨya lɔɔ gusɨge na wɔlɛ gɨ ani gɨŋ ga? Bɨ na hɨnga di wa ba kɨya gɨlni gɨ hɨnga ga nee le, na woy mɨnde ga?»

Gɨye-lɔɔ 1:7

Jesu jɨga dɨbɨge cay nee yege hɨn̰: «Na kɔl kogɨŋ gɨ ni sɔlɛ wɔlɛdi, wala tɨwadi di Banɨ ba ɔjɛ dan̰ dɔnɔ toyi le naŋ.

Əbɨro 9:26

Hɨn̰ gɨ na wɨya naa hɨn̰ wo̰ na, ayɨn̰ toy gɨ Kumu ɗen̰ gɨɗɨgɨ-Kumu bɨ, cay gɨsəŋ bɨ bɨrɨŋ gɨsɨn̰ haw kɛ le, ojɨ gɨ Kɨris ni kɨya sɔlɛ cɨn̰-gɨle-cɨn̰ tɨba nee nee. Ama haw kɛ gɨ na kagadi wɔlɛ le, ban ɨrga gɨl-cɨn̰ na cay pɨna ƴɔbɨ. Kɨya mondɨn̰ ɨsɨna coŋ dan̰ gɨyəŋ gɨ da gusi koyi gɨ ban ay been̰ kɨbar le.