Matɨyo 24:14 - Gabri Maja

¹⁴ Kɔl-gɨ-Ɗari gɨ ojɨ cay dɔɔ-ƴaa di daa nii di kɛ le, kan kɨya tɔgɛ bɛrnɛdi gon̰ kɨɗɨn̰ nɔm cay gɨsəŋ gaŋ, ɗe bɨle tɨmon̰ bɨn̰ te wɔɔ gɨ da kalaŋ nɔm. Wo̰ dɨm ma, cay gɨsəŋ toyge kɨya ayaŋ ƴee.

Matɨyo 24:14 ပူးပေါင်းရင်းမြစ်များ

Matɨyo 10:7

A te ɔrɛ kogɨŋ gɨ te gɨyəŋ gɨŋ le, tɨgagɨŋ bɛrnɛ daa daa, yagegɨŋ hɨn̰: “Dɔɔ-ƴaa di daa nii le ɨrga mɨnde ɨni.”

Matɨyo 18:19

«Ɗaŋ coŋ aŋ yəgɨŋ na cɨndi, hɨn̰ gɨ kalaŋ sɔɔ duroygɨŋ a cay gɨsəŋ gaŋ kɛ kuduroyge na bugoŋ pɨna bɨ, ɨngɨrge hɨnga dan̰ ɔlɛ na, naa wa wa kalɨn̰ ma Banɨ gɨ som gɨɗɨgɨ-Kumu gɨŋ, kɨya bɨge hɨnga gaa nee le.

Matɨyo 24:3

Jesu or sɔmɛ a cay garma gɨ Olibɨye gɨŋ. Ɨni na, ka-aye-cay-tɨbayi ɨrgage gusi kan̰dɨge bɨ. Ɨngɨrige gɨ ban na yage wɔlɛ gɨ hɨnga ga nee le na kɨya loon̰ gusɨge bɨ, gɨ ban na yage hɨnga ga na kɨya gɨle tɨwadɨge bɨ, ojɨ cay kagadi wɔlɛ gɨŋ bɨ.

Matɨyo 24:6

Kɨŋ kɨya jɔɔ noy kɨmbɨln̰əŋ ga mɨnde bɨ, kol kɨmbɨln̰əŋ ga hen̰ bɨ, ama ɗɔɔgɨŋ hundɔrɔ loogɨŋ naŋ. Kɨya gɨ naa wa wa kalɨn̰ ma hɨnga ga nee le kɨya ɨrga, ama na kagadɨge naŋ ƴee.

Matɨyo 4:23

Jesu gor a cay gɨsəŋ ga Galile gaŋ nɔm, gɨlɨn̰ kalaŋ hɨnga a duroy ƴaa-daye-di-da-Jubɨn̰əŋ gaŋ bɨ, teen̰ bɛrnɛ Kɔl-gɨ-Ɗari gɨ ojɨ cay dɔɔ-ƴaa di daa nii bɨ, poɗɨn̰ ka-hɔmɨn̰ɛ nɔm bɨ, poɗɨn̰ ka-modoŋ nɔm duroy karɨn̰ Ɨsɨrayɛl bɨ.

Matɨyo 9:35

Jesu gor a cay ƴaa ga gɨmdəŋ gɨmdəŋ gaŋ bɨ, cay karɨn̰ ƴaa ƴaa gaŋ bɨ. Ban gɨlɨn̰ kalaŋ hɨnga duroy ƴaa-daye-di-da-Jubɨn̰əŋ gaŋ bɨ, teen̰ bɛrnɛ Kɔl-gɨ-Ɗari gɨ da dɔɔ-ƴaa di daa nii bɨ, poɗɨn̰ ka-hɔmɨn̰ɛ nɔm bɨ, ka-modoŋ nɔm bɨ.

Marg 13:10

Naa wa wa kalɨn̰ ma kɨŋ kɨya tɔgɛ bɛrnɛ di da Kɔl-gɨ-Ɗari bɨn̰ te wɔɔ gɨ da kalaŋ nɔm pa dɨm.

Kɔl-gɨ-Ɗari gɨ Lug wal 2:1

Boy ɨlgedi gɨ nee le, Ogust Sejar kɨlma gɨ gumu gɨ dii cay gɨsəŋ ga Rɔm, ay noyi bɨn̰ kalaŋ nɔm ga somge a cay gɨsəŋ kayi gaŋ, ɗe kan na sii gusondɨge a duroy magtubu di ni ɗongɨsɨn̰ kalaŋ dɨŋ.

Kɔl-gɨ-Ɗari gɨ Lug wal 24:47

Naa wa wa kalɨn̰ ma, kan kɨya tɔgɛ bɛrnɛ bɨn̰ te wɔɔ gɨ da kalaŋ pɨna pɨna, ayɨn̰ toy a cay ƴaa-di-gumu di Jerusalɛm dɨŋ. Bɨ kan kɨya tɔgɛ bɛrnɛ yɔɔge hɨn̰: “Bɨlgɨŋ gɨye-lɔɔdɨgɨŋ na, Kumu kɨya ɗɔɔ kuduroy jalɨwa a cay ɨsɨna kogɨŋ gɨŋ.”

Kɔl-gɨ-Ɗari gɨ Lug wal 4:5

Haban̰ ayi orɨn̰ danayi daa mɨrɨg. Kɔl gɨ kɨbɨna kɛ bɨ gɨlii dɔɔ-ƴaa di cay gɨsəŋ gaŋ nɔm.

Gɨye-lɔɔ 1:2

bɨrɨŋ andɨn̰ a boy wɔlɛdi gɨ Kumu ayi orɨn̰ danayi daa nii le. Tumɔ pa dɨm ma gɨ ban kɨya ɔrɛ ƴee na, Jesu gɨlɨn̰ ka-gɨre-gɨye kayi ga ban torge le hɨnga, dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

Gɨye-lɔɔ 11:28

Ungo gɨ pɨna wo̰ duroyge gɨ gusondi na Agabus le, Turnɔ di da Kumu gɨlii gɨ badɨra na kɨya bɔɔ a cay gɨsəŋ gaŋ nɔm. Lee gɨ ban say daa yen̰ kalaŋ. Badɨra le baa leen̰ cɨndi boy ɨlge gɨ Kɨlod diin̰ cay ƴaa.

Gɨye-lɔɔ 17:31

Kɨya wa ban boy wɔlɛ gɨ ban kɨya bon̰ kɔl dan̰ gɨyəŋdi cay kalaŋ nɔm ga a cay gɨsəŋ gaŋ le. Ban kɨya bɔyɛ kɔl cay kalaŋ dan̰ gɨyəŋ gɨ da ungo gɨ ban dorii ɗeyi. Ungo le ma ama ban boyi lɨbii, gɨlɨn̰ kalaŋ nɔm gɨ ban na kɨya bɔyɛ kɔl na dan̰ gɨyəŋ gɨ da ungo gɨ nee le, leen̰ cɨndi.»

Gɨye-lɔɔ 17:6

Bɨ kɨɗɨn̰ ga kan wayage naŋ ɨni na, kan sɨdɨrdege Jaso̰ bɨ karmɨni ga pɨna wo̰ bɨ, orɨn̰ge danage tumoy ka-dɔɔ cay ƴaa gaŋ. Kan dege sɨle yege hɨn̰: «Kalaŋ ga kɛ le dɨbɨge do̰ a kɨɗɨn̰ gaŋ nɔm bɨ, haw kɛ kan bugoŋge a cay ƴaa toni dɨŋ bɨ.»

Gɨye-lɔɔ 19:27

Na gɨye koni ƴɔbɨ ba kɨya mundoŋ naŋ, ama na Artemis di na kula di tama di gumu le kalɨn̰ ma, kol ƴaado kɨya yɔɔ naŋ bɨ! Ɨni na, kumu di tama di pɨna wo̰ di kalaŋ nɔm ga cay gɨsəŋ ga Aji gaŋ bɨ, ga cay gɨsəŋ gaŋ nɔm bɨ, ba n̰ɨrooge le, gusoŋ-tɔgɛ kɔɔ kɨya unɔ bɨ.»

Gɨye-lɔɔ 20:25

«Haw kɛ na, ɨŋ sol kuɗa gɨ kɨŋ-gandi nɔm ga ɨŋ gor duroygɨŋ teen̰ bɛrnɛ kɔl gɨ ojɨn̰ cay dɔɔ-ƴaa gɨ da Kumu le, kɨŋ kɨya sɔlɛ cɨnɨ naŋ bɨrɨŋ ɨni.

Magtubu di Pol wal bɨn̰ kalaŋ ga Rɔm 10:18

Hɨn̰ gɨ naa hɨn̰ wo̰ na, ɨŋ kɨya ɨngɨre kɔl pɨna: Kɛ, leen̰ cɨndi Jubɨn̰əŋ baage jɔɔge kɔl le ƴee ga? Naŋ, kan jege kuɗa hage. Kɨya wa Magtubu di da Kumu ye hɨn̰: «Te tumoyge ye ƴee cay gɨsəŋ nɔm bɨ, Ho’o, kɔl yɔdɨge kalɨn̰ ma or bɨrɨŋ, Andaŋ a kɨbɨ gɨsəŋ gaŋ.»

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

Kɔlɔs 1:6

Kɔl-gɨ-Ɗari gɨ nee le or bɨrɨŋ andaŋ gusɨgɨŋ. Ban ƴee cay gɨsəŋ nɔm bɨ, wɔɔ karɨndi bɨ, or dan̰ cɨndi jɨn̰ tumɔ tumɔ hɨn̰ gɨ ba won̰ duroy gɨŋ wo̰ bɨ. Ayɨn̰ toy a boy wɔlɛ gɨ kɨŋ ba jen̰ kɔl bɨ, solɨn̰ ɗarwa di da Kumu leen̰ cɨndi bɨ.

Əbɨro 1:6

Ama kɨɗɨn̰ ga Kumu andɨn̰ dan̰ kurondi gɨ cay wase cɨg cɨg a cay gɨsəŋ gaŋ na, ban ye hɨn̰: «Ojɨ gɨ ka-ƴɔbɛ ga daa nii, Ga da Kumu nɔm na n̰ɨriige.»

Əbɨro 2:5

Na cɨndi, wɔlɛ gɨ hɨrɨwa dan̰ gɨye-lɔɔdi gɨ hɨrɨwa gɨ ni ba ye koldɨge le, Kumu dɨbage na te dɔnɔ di da ka-ƴɔbɛ ga daa nii gaŋ naŋ.

Wasɨn̰a 14:6

Kardi nee, ɨŋ sol ba-ƴɔbɛ gɨ daa nii gɨ ɗaŋ say dan̰ majɨbii or duroy gɨɗɨgɨ-Kumu gɨŋ bɔb. Ban orɨn̰ dan̰ Kɔl-gɨ-Ɗari gɨ woy dan̰ tumoyi kɨya tɔgɛ bɛrnɛdi bɨn̰ kalaŋ ga somge a cay gɨsəŋ gaŋ. Bɨn̰ na te kalaŋ nɔm bɨ, te wɨn̰je nɔm bɨ, kalaŋ ga a te kɨbɨ wɔɔ nɔm bɨ, labardi kalaŋ nɔm bɨ.

Wasɨn̰a 16:14

Kan na turnɔn̰əŋ ga ɨsɨndəŋ ga ka-lɔɔ hɨnga nɔm ga ɗɨn̰ cɨn̰-kɨɗɨn̰. Ɨni na, kan orge gusi kɛrɨmbɛlɛŋ ga a cay gɨsəŋ gaŋ nɔm, kɨya dayɨn̰ cayge amɨn̰ wɔlɛ gɨ ni kɨmbɨl gɨ gumu gɨ da Ba-gulɔŋ Kumu gɨ dɔnɔdi ɗɨn̰ dɔnɔ nɔm.

Wasɨn̰a 3:10

Kɨŋ gam kɔl hɨnge ƴomɨn̰ kuduroygɨŋ. Na toy di hɨn̰ wo̰ ma ɨŋ-bandi kalɨn̰ ma ɨŋ kɨya gamgɨŋ a tɨwa di hɨnga ga ni kuduroy-hɔmɛ kɨya andaŋ a cay kalaŋ ga cay gɨsəŋ gaŋ nɔm. Hɨnga ga ni kuduroy-hɔmɛ le, kɨya gɨwase kalaŋ ga somge cay gɨsəŋ gaŋ kɛ.