Matɨyo 23:34 - Gabri Maja

³⁴ Na toy di hɨn̰ wo̰ ma, jagɨŋ, ɨŋ-bandi ɨŋ kɨya gɨye ka-yɔɔ-kɔl-gɨ-Kumu-ba-yɔɔ bɨ, ka-cɨn̰-muɗɔlɛ bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, gusɨgɨŋ. Kɨŋ kɨya dɨɗe ga pɨna bɨ, gagɨlde ga pɨna a cay sɨya-gɨ-dagɨli gɨŋ bɨ, sɔmdɨdɛ ga pɨna dan̰ bɨraw duroy ƴaa-daye-di-da-Jubɨn̰əŋ gaŋ bɨ, kɨŋ kɨya codɨdɨge dan̰ cay ƴaa ƴaa bɨ.

Matɨyo 23:34 ပူးပေါင်းရင်းမြစ်များ

Matɨyo 10:23

Kɨɗɨn̰ ga kan na gɨlgɨŋ-cɨn̰ a cay ƴaa-di-gumu di pɨna dɨŋ na, gɨrgɨŋ ɨragɨŋ a cay ƴaadi ɗaŋ dɨŋ. Aŋ yəgɨŋ daa waŋ na cɨndi: Kɨŋ kɨya gɔrɛ a cay ƴaan̰əŋ ga gɨmdəŋ ga Ɨsɨrayɛl gon̰ cayge nɔm togɨn̰-bɛrnɛ naŋ ƴee bɨ ga ma, Kurɨn̰-ungo kɨya caga.

Matɨyo 13:52

Kɨɗɨn̰di ga nee gaŋ le, Jesu yege hɨn̰: «Naa hɨn̰ wo̰ na, waŋ waŋ gɨ ba-gɨlɨn̰ kalaŋ gasɨn̰-kɔl gɨ da Moyis, ma na bɨl ba-gɨle hɨnga ga ojɨ cay dɔɔ-ƴaa di daa nii na, ban woy gɨlɨn̰ na hɨn̰ ba-gulɔŋ di ƴaa di gumu wo̰. Ban ɓal gɨ ni dɔrɛ a duroy hɨnga wɔɔdi gaŋ le, hɨnga ga hɨrɨwa bɨ, ga ɨlgi bɨ.»

Matɨyo 23:31

Hɨn̰ wo̰ na, kɨŋ-gandi gusɨgɨŋ gaŋ ba dɨbe kɔl cay gusɨgɨŋ gɨŋ bɨ, kɨŋ gɨl gɨ kɨŋ naa kongɨn̰i kalaŋ ga ka-dɨɗe ka-yɔɔ-kɔl-gɨ-Kumu-ba-yɔɔ bɨ.

Kɔl-gɨ-Ɗari gɨ Lug wal 24:47

Naa wa wa kalɨn̰ ma, kan kɨya tɔgɛ bɛrnɛ bɨn̰ te wɔɔ gɨ da kalaŋ pɨna pɨna, ayɨn̰ toy a cay ƴaa-di-gumu di Jerusalɛm dɨŋ. Bɨ kan kɨya tɔgɛ bɛrnɛ yɔɔge hɨn̰: “Bɨlgɨŋ gɨye-lɔɔdɨgɨŋ na, Kumu kɨya ɗɔɔ kuduroy jalɨwa a cay ɨsɨna kogɨŋ gɨŋ.”

Kɔl-gɨ-Ɗari gɨ Ja̰ wal 16:2

Kan kɨya taygɨŋge a duroy ƴaa-daye-di-da-Jubɨn̰əŋ gaŋ coŋ. Na cɨndi, wɔlɛ kɨya caga gɨ waŋ waŋ gɨ na dɨɗɨgɨŋ na, kɨya ɨrɨme gɨ ɗi naa lee na gɨye bɨn̰ Kumu.

Kɔl-gɨ-Ɗari gɨ Ja̰ wal 20:21

Ɨni na, ban yege ɗaŋ coŋ hɨn̰: «Gusi-dɔbɛ baa danagɨŋ. Ɨŋ-bandi ɨŋ kɨya gɨyigɨŋ cay gɨsəŋ gaŋ, hɨn̰ gɨ Banɨ ba gɨyigəŋ a cay gɨsəŋ gaŋ bɨ.»

Gɨye-lɔɔ 1:8

Ama kɨŋ kɨya wɔɔ dɔnɔ, kɨɗɨn̰ ga Turnɔ ɗe-kuduroy-bɛrɛ kɨya gɨsɨne caygɨŋ. Kɨɗɨn̰ ga nee le na, kɨŋ kɨya bɨle tɨmon̰n̰əŋ kange a cay ƴaa-di-gumu di Jerusalɛm dɨŋ bɨ, boy cay gɨsəŋ ga Jude gaŋ nɔm bɨ, boy cay gɨsəŋ ga Samari gaŋ nɔm bɨ, bɨrɨŋ gon̰ kɨɗɨn̰ nɔm ga a cay gɨsəŋ gaŋ bɨ.»

Gɨye-lɔɔ 11:27

Boy wɔlɛ gɨ nee gɨŋ le, ka-yɔɔ-kɔl-gɨ-Kumu-ba-yɔɔ saygage Jerusalɛm ɨrgage Antɨyɔs.

Gɨye-lɔɔ 12:2

Dan̰ te tumɔ toyi, kan dɨɗɨge Jag, gɨ na Ja̰ kurɨndi dan̰ pəlɨm.

Gɨye-lɔɔ 13:1

Ka-yɔɔ-kɔl-gɨ-Kumu-ba-yɔɔ bɨ, ka-gɨlɨn̰ kalaŋ kɔl gɨ da Kumu bɨ, woyge a duroy Ka-Daye ga Antɨyɔs gaŋ. Kalaŋ ga nee le na: Barnabas bɨ, Simin̰o gɨ teeyige ungo gɨ ɓaladi ɨndi bɨ, Lisɨyus ungo gɨ Sirɛn bɨ, Manahɛn gɨ kan gamgege dan̰ Ɛrɔd Antipas gɨ di cay gɨsəŋ ga Galile bɨ, Sol bɨ.

Gɨye-lɔɔ 14:19

Kardi nee na, Jubɨn̰əŋ ga pɨna wo̰ ga saygage Antɨyɔs bɨ, Ikonɨyɔm bɨ, gosɨrge dɨmdɨrdi kalaŋ. Bɨ worɨn̰dege Pol dan̰ oru kɨya dɨɗiige. Ɨni na, kan say sɨriige orɨn̰ge danayi dɨbiige doŋ kardi cay ƴaa-di-gumu dɨŋ coŋ. Boy ɨrɨme koge gɨŋ na, kan ɨrɨmge gɨ ban na ma hayi ɨni.

Gɨye-lɔɔ 15:32

Jud bɨ, Sɨlas bɨ, na ka-yɔɔ-kɔl-gɨ-Kumu-ba-yɔɔ. Kan kalɨn̰ ma yege kɔl tɔgɨ bɨ, dobɨge bandɨ kuduroyge bɨ, bɨgege tɔgɨ bɨ.

Gɨye-lɔɔ 5:40

Ɨni na, kan jɨgage te ka-gɨre-gɨye ɗaŋ coŋ bɨ, kan somdɨge dan̰ suroy bɨ, narge yɔɔ kɔl dan̰ guson̰ Jesu pa dɨm ma kan ɗege daa ƴee.

1 Korɛ̰t 2:6

Ama kɔl gɨ ni gɨlɨn̰ kalaŋ ga da Kɨris ga cɨndɨge na le na cɨn̰-muɗɔlɛ. Ama na cɨn̰-muɗɔlɛ di a cay gɨsəŋ gaŋ kɛ naŋ bɨ, na cɨn̰-muɗɔlɛ gɨ da kɨlma gɨ a cay gɨsəŋ gaŋ kɛ naŋ bɨ, ga woy kɨya mundoŋ coŋ.

1 Korɛ̰t 3:10

Kumu lee ɗarwa danaŋ lee gɨ ɨŋ ɗe te ƴaa hɨn̰ ba-gaɗe ƴaa gɨ sol gɨye koyi kuɗa wo̰ bɨ, ungo gɨ ɗaŋ gaɗɨ cay nee. Ama ɗa gɨ waŋ waŋ kalɨn̰ ma ɗa muɗɔlɛ a te gɨyəŋ gɨ ban kɨya gaɗɨn̰ ƴaa cay nee.

Kɔlɔs 1:28

Na Kɨris gɨ nee le ma mani tee bɛrnɛdi bɨn̰ kalaŋ nɔm. Ni halɨn̰ ungo gɨ ani ani bɨ, ni gɨlɨn̰ ungo gɨ ani ani kɔl dan̰ cɨn̰-muɗɔlɛ nɔm bɨ, ɗe gɨ kalaŋ ga ani ani kalɨn̰ ma na bɨlɨn̰ge kalaŋ ga duroŋ cɨrɛɗ te bugoŋ pɨna dan̰ Kɨris.

1 Tesalonigɨ 2:16

Ni-gandi ni tee bɛrnɛ bɨn̰ kalaŋ ga toyge na Jubɨ naŋ ɗe na poɗɨn̰ge, ama Jubɨn̰əŋ ga nee le narnige coŋ. Hɨn̰ wo̰ na, kan kɨya dɨɗe kɨbɨ hada gɨ da ɨsɨna koge yɔd. Ama kagadi gɨŋ na, kuduroy-hɔmɛ di da Kumu ba cayge.

Əbɨro 11:37

Kan ga pɨna kan worɨn̰digege dan̰ oru dɨɗɨgege bɨ, wadɨldɨgege dugo dan̰ si bɨ, dɨɗɨgege dan̰ pəlɨm bɨ. Kan badɨdege bɨ, saɗɨdege na sumu tuu bɨ dɨmangɨ bɨ gusɨge. Hɨnga-wɔɔdɨge unɔ bɨ, hɨnga ga ni kuduroy-hɔmɛ wayge bɨ, kalaŋ gɨlge cɨn̰ bɨ.

Wasɨn̰a 11:10

Kalaŋ ga cay gɨsəŋ gaŋ kɨya lɔɔge gusi-mɔwa kol cayge bɨ, lɔɔge kɨdɨrɛ togɨn̰ pɨre bɨ, gɨyɨn̰ge dan̰ hɨnga ga ni bee-kalɨn̰ bɨn̰ gusɨge bɨ, kɨya wa ka-yɔɔ-kɔl-gɨ-Kumu-ba-yɔɔ ga sɔɔ ga nee le, gɨlɨn̰ge kalaŋ ga a cay gɨsəŋ gaŋ, hɨnga ga ni mɨrɨn̰tɨn̰i gɨɗaŋ.