Matɨyo 22:44 - Gabri Maja

⁴⁴ “Ba-gulɔŋ Kumu yen̰ dan̰ Ba-gulonɨ yeyi hɨn̰: Ɨre sɨma a cay kɔbɔŋ gɨ bara gɨŋ, bɨrɨŋ gɨsɨn̰ gɨ ɨŋ kɨya bɨle ka-baadɨn̰ loon̰ hɨnga ga ji kɨya bogɨn̰ gondɨn̰ cay nee.”

Matɨyo 22:44 ပူးပေါင်းရင်းမြစ်များ

Matɨyo 22:45

«Hɨn̰ gɨ kɨlma Dabid na tɨga ban gɨ Kumu dorii “Ba-gulɔŋ” na, na mɨna ma, ban gɨ bɨle kungay kɨlma Dabid ɗaŋ coŋ ga?»

Matɨyo 26:64

Jesu dɨbii cay nee yeyi hɨn̰: «Ji-bandi ba yɔ dan̰ kɨbɨn̰ han̰. Ama aŋ yəgɨŋ kɔl gɨ ɗaŋ coŋ, ayɨn̰ toy haw kɛ na kɨŋ kɨya sɔlɛ Kurɨn̰-ungo le kɨya sɔmɛ a cay kali di ni tɨrɨmbala dɨŋ kɨway Kumu ba Dɔnɔ di gumu a cay kobi gɨ bara gɨŋ bɨ, kɨŋ kɨya solii te ɨrga cay gɨrɨmbale gaŋ bɨ.»

Marg 16:19

Kardi nee kɨɗɨn̰ ga Ba-gulɔŋ Jesu dɨɗɨ kɨbɨ yɔɔ kɔl danage ɨni na, Kumu ayi orɨn̰ danayi gɨɗɨgɨ-Kumu gɨŋ, lee gɨ ban som kɨway bay a cay kobi gɨ bara gɨŋ.

Kɔl-gɨ-Ɗari gɨ Lug wal 19:27

Ama ojɨ cay ka-baanɨ ga geyge gɨ ɨŋ na gɨ dɔɔ cayge naŋ le, ƴɨmagegɨŋ ɨren̰ danage tumonɨ dɨɗɨgegɨŋ cɨnɨ kɛ.”»

Kɔl-gɨ-Ɗari gɨ Ja̰ wal 20:28

Tomas dɨbi cay nee yeyi hɨn̰: «Ba-gulonɨ bɨ, Kumu hɨnge bɨ.»

1 Korɛ̰t 1:2

Ni wal magtubu di kɛ le gɨyɨn̰ bɨn̰ na Ka-Daye ga da Kumu ga somge a cay ƴaa di Korɛ̰t bɨ, bɨn̰ kan ga woyge dan̰ cɨndɨge dan̰ bugoŋ pɨna dan̰ Jesu-Kɨris bɨ, bɨn̰ kalaŋ nɔm ga Kumu teege te gɨyəŋ koyi gɨŋ ɗe na bɨləŋge kalaŋ ga woyge dan̰ cɨndɨge dan̰ kalaŋ nɔm ga olge Kumu a kɨɗɨn̰ gaŋ nɔm dan̰ guson̰ Ba-gulɔŋ Jesu-Kɨris, ban gɨ na Ba-gulondɨge bɨ, Ba-gulondɨna bɨ le.

1 Korɛ̰t 15:25

Kɨya wa naa wa wa kalɨn̰ ma ojɨ gɨ ban na da dɔɔ-ƴaa bɨrɨŋ gɨsɨn̰ gɨ Kumu na bɨl ka-baadi nɔm laan̰ hɨnga ga ban kɨya bogɨn̰ gondii cay nee.

Pilib 3:8

Ho’o, ɗɨn̰ gɨ nee le na, sɔlɛ Jesu-Kɨris Ba-gulonɨ say kuɗa ɗɨn̰ hɨnga nɔm bɨ, ɨŋ sol hɨnga ga ɗaŋ leen̰ hɨnga ga kalɨn̰ wo̰ dugo bɨ. Kɨya cay Kɨris na, ɨŋ ɗe hɨnga nɔm ga ɨŋ orɨn̰ coŋ. Hɨnga ga tumɔ na ga ɗari cɨnɨ le, ɨŋ solge leen̰ hɨnga ga mɨdagi ɗe aŋ na wan̰ hɨnga ga ɗari ga gumu. Hɨnga ga nee le na bugoŋ pɨna dan̰ Kɨris.

Əbɨro 1:13

Duroy ka-ƴɔbɛ ga daa nii le, pɨna wo̰ gɨ Kumu yeyi hɨn̰: «Ɨre sɨma a kɨwanɨ a cay kɔbɔŋ gɨ bara gɨŋ, Bɨrɨŋ gɨsɨn̰ gɨ aŋ bɨle ka-baadɨn̰ Leen̰ hɨnga ga ni bogɨn̰ gondɨn̰ cay nee» le, unɔ yɔd.

Əbɨro 1:3

Na gusi Kurɨn̰-Kumu gɨ nee le ma gusoŋ-tɔgɛ gɨ da Kumu jɨran̰de jə̰ jə̰ bɨ, ban gɨlɨn̰ dan̰ Bayi Kumu hɔlɔlɔ bɨ, ban gam cay gɨsəŋ ɗe som osu daa na dan̰ gɨyəŋ gɨ da dɔnɔ di da kɔl koyi bɨ. Kɨɗɨn̰ ga ban dorɨn̰ kalaŋ mɨra te ɨsɨna koge gɨŋ coŋ ɨni na, ban say or daa sɔmɛ gɨɗɨgɨ-Kumu gɨŋ a cay kɔbɔ gɨ bara gɨ da ban gɨ orɨn̰ dan̰ dɔnɔ di ɗɨn̰ hɨnga nɔm.

Əbɨro 12:2

Kuɗa gɨ cɨndɨnagɨŋ woy a cay Jesu. Na ban ma na ba ɗɔɔ te aye kudurɔ konagɨŋ bɨ, ba-orɨn̰ danayi bɨrɨŋ kagadi gɨŋ bɨ. Ban gey mare tɨma di a cay sɨya-gɨ-dagɨli gɨŋ, dɨlayi a cay dasi di woy ojɨ cay tɨma di nee le naŋ. Kɨya wa ban sol gusi-mɔwa di woy amii nee. Bɨ haw kɛ na, ban som na cay kali-tɨrɨmbala da Kumu dɨŋ a cay kobi gɨ bara gɨŋ.

Wasɨn̰a 19:19

Kardi nee, ɨŋ sol kɨmana le bɨ, kɛrɨmbɛlɛŋ ga a cay gɨsəŋ gaŋ dan̰ asɨgarn̰əŋ kage, dayaŋge kɨya dɨbe kɨmbɨl dan̰ ban gɨ ba nɔɔ a cay hɨnda gɨ bɛrɛ gɨŋ dan̰ asɨgarn̰əŋ kayi bɨ.