Matɨyo 22:3 - Gabri Maja

³ Kɨlma gɨ nee le, gɨy gɔyɔŋ kayi kardi kalaŋ ga ban molge, ɗe na ɨrgage kɨɗɨn̰ dɔɔ hɨnga gaŋ le. Ama kalaŋ ga nee le, kan̰ge ɨrgage coŋ.

Matɨyo 22:3 ပူးပေါင်းရင်းမြစ်များ

Matɨyo 21:34

Kɨɗɨn̰ ga wɔlɛ are suru le ba mɨnde ɨni na, ban say gɨygɨ gɔyɔŋ kayi gusi ka-yage suru, ɗe ay na wan̰ cɨn̰ suru di ojɨ cayi.

Matɨyo 23:37

«Ay Jerusalɛm! Ay Jerusalɛm! Me-hɨndi di ɗe dɨɗe ka-yɔɔ-kɔl-gɨ-Kumu-ba-yɔɔ! Me-hɨndi ɗe wɔrɨn̰dɛ kalaŋ ga Kumu gɨyge guse dan̰ oru dɨɗɨge! Cay mɨna ma maŋ gey daye karɨnde gusɨnɨ hɨn̰ gɨ tɔɗɔ ba dayɨn̰ karɨndo te majɨboo gɨŋ wo̰, ama kɨŋ kan̰ ɗɔŋ lɔɔ coŋ.

Matɨyo 3:2

«Bɨlgɨŋ gɨye-lɔɔdɨgɨŋ, kɨya wa dɔɔ-ƴaa di daa nii bugoŋ mɨnde gusɨgɨŋ ɨni.»

Matɨyo 9:15

Bɨ Jesu dɨbge cay nee yege hɨn̰: «Kalaŋ ga molgege ɨrga gɔrɛ gɨŋ dɔɔ hɨnga le, gɨ ɓalege tagɨn̰e cɨndɨge kɨɗɨn̰ ga ba-gɔrɛ ƴaa ɨre danage nee ga? Na hɨn̰ wo̰ naŋ. Ama wɔlɛ kɨya caga gɨ kan kɨya dɔrɛ ba-gɔrɛ ƴaa le duroyge. Na nee dɨm ma kan kɨya haydege kɨbɨge ƴee.

Kɔl-gɨ-Ɗari gɨ Lug wal 13:34

«Ay Jerusalɛm! Ay Jerusalɛm! Me-hɨndi di ɗe dɨɗe ka-yɔɔ-kɔl-gɨ-Kumu-ba-yɔɔ bɨ! Ɗe wɔrɨn̰dɛ kalaŋ ga Kumu gɨygɨge gusee dan̰ oru dɨɗɨge bɨ! Cay mɨna ma, maŋ gey daye karɨnde gusɨnɨ hɨn̰ gɨ tɔɗɔ ba dayɨn̰ karɨndo tɔɔ, ama kɨŋ kan̰ ɗɔŋ lɔɔ coŋ!

Kɔl-gɨ-Ɗari gɨ Lug wal 15:28

Ɨni na, kurundi gɨ esi le, lee kuduroy hɔmɛ bɨ, kan̰ ɔrɛ duroy ƴaa gɨŋ. Bayi andaŋ olii ɗe ban na or ƴen̰.

Kɔl-gɨ-Ɗari gɨ Lug wal 19:27

Ama ojɨ cay ka-baanɨ ga geyge gɨ ɨŋ na gɨ dɔɔ cayge naŋ le, ƴɨmagegɨŋ ɨren̰ danage tumonɨ dɨɗɨgegɨŋ cɨnɨ kɛ.”»

Kɔl-gɨ-Ɗari gɨ Ja̰ wal 5:40

Ama kɨŋ kan̰ ɨrga gusɨnɨ ɗe gɨ agɨŋ na wan̰ sɔmɛ-bɨra gɨ dan̰ cɨndɨgɨŋ gɨ cɨndi coŋ.

Gɨye-lɔɔ 13:45

Kɨɗɨn̰ ga Jubɨn̰əŋ ba solge dɨmdɨrdi kalaŋ ga ba dayaŋge le na, cɨn̰-pɨɗɨma say leege tɔgɨ lee gɨ kan jɨbɨ kɔl nɔm ga da Pol sɛdɨ coŋ bɨ, yagɨdiige bɨ.

Magtubu di Pol wal bɨn̰ kalaŋ ga Rɔm 10:21

Ama ojɨ cay te wɨn̰je gɨ da Ɨsɨrayɛl na, Kumu ye hɨn̰: «Dan̰ wɔlɛ pɨna pɨna ɨŋ dobɨ kɔbɔŋ bɨn̰ kalaŋ, Ga ka-kan̰e bɔgɛ kɔl bɨ, Ka-cay osɨwa bɨ.»

Əbɨro 12:25

Hɨn̰ wo̰ na, ɗagɨŋ muɗɔlɛ cay gusɨgɨŋ gɨŋ. Kɨŋ ɗɔɔ ba kan̰e jɔɔ kɔl gɨ da ban gɨ ba-yɔɔ kɔl danagɨŋ le naŋ. Kɨya wa Moyis sogɨ sɨmay karɨn̰ Ɨsɨrayɛl a cay gɨsəŋ gɨŋ kɛ, ama kan ga kan̰ge jɔɔ kɔl koyi le wayge hale. Koni ni-gandi na Kumu som na gɨɗɨgɨ-Kumu gɨŋ yen̰ kɔl danani. Hɨn̰ gɨ ni na bɨl kardɨni bii na, kɛ ni kɨya wɔɔ wɨdɨlde gɨ ɗɨn̰ a wɔlɛdi gɨ nee gɨŋ le naŋ ga?

Əbɨro 9:15

Na toy di hɨn̰ wo̰ ma, Kɨris bɨle ba ɨre duroyna duroy saɗe kɨbɨ pɨna ɓɨse gusu gɨ hɨrɨwa le. Ban ma na kɨya boyɨn̰ cay kan ga hangɨɗɨge cay gasɨn̰-kɔl a te saɗe kɨbɨ pɨna ɓɨse gusu gɨ cay wase gɨŋ le. Na toy di hɨn̰ wo̰ ma, kalaŋ ga Kumu teege le, kɨya ɓalege wɔɔ hɨnga ga ni wɔɔ ga woy dan̰ tumoyge, ga Kumu ye gɨ ɗi na kɨya bɨn̰ karɨndi le.

Wasɨn̰a 22:17

Turnɔ di da Kumu bɨ, ɗe kujɔ bɨ, yege hɨn̰: «Ɨre!» Kuɗa gɨ waŋ waŋ gɨ na ja kɔl gɨ kɛ le ya hɨn̰: «Ɨre!» Waŋ waŋ gɨ gamase na daayi na, kuɗa gɨ ban ɨre. Waŋ waŋ gɨ na gey sɔɔ kaŋ ga ni sɔmɛ-bɨra na, kuɗa gɨ ban ɨre ƴa kalɨn̰.