Jesu dɨbɨge cay nee yege hɨn̰: «Ɨrɨmedɨgɨŋ ɨra dan̰ gɨyəŋdi naŋ na kɨya wa ga? Kɨya wa kɨŋ sɨla duroy Magtubu di da Kumu naŋ bɨ, dɔnɔ di da Kumu naŋ bɨ.
Sɨlagɨŋ bɨrɨŋ gɨsɨn̰ haw kɛ kɔl gɨ kan walge tumɔ a duroy Magtubu di da Kumu dɨŋ ye hɨn̰: Jesu na kɨya bɔyɛ lɨbe a duroy kalaŋ ga madɨrdaŋ gaŋ le, ka-aye-cay-tɨbayi sɨlage duroy naŋ ƴee.
Hɨnga nɔm ga walge a duroy Magtubu di da Kumu dɨŋ bon̰ ɨlgen̰əŋ ga jɨne gaŋ le, kan walge ɗe na gɨlna naa hɨnga. Magtubu di da Kumu gɨlna hɨnga nɔm ga nee le ɗe na laa danana ana na han̰-kuduroyna bɨ, wan̰ bandɨ bɨ, hɨn̰ wo̰ na hɨnga ga na ba bee ɨrɨmedɨna cay nee kɨya orɨn̰ danana tumɔ.
Jɨgegɨŋ a te gɨyəŋ gɨ ɗari gɨŋ gɨ kɨŋ ɗe coŋ bɨ, kɨŋ ɗɔɔ ba lɔɔ ɨsɨna bɨ. Ɨŋ yəgɨŋ kɔl gɨ nee le kɨya gɨ kalaŋ ga pɨna duroygɨŋ sɨlage Kumu naŋ, gɨ nee le na dasi kol caygɨŋ.
Jesu kɨya bɨle kuyoŋdi-gusɨna gɨ togi unɔ gɨ kɨya mare le, ɗe bɨle woy hɨn̰ kuyoŋ-gusu gɨ orɨn̰ dan̰ gusoŋ-tɔgɛ wo̰. Ban kɨya lɔɔ hɨnga ga nee le, na dan̰ dɔnɔ di ban orɨn̰ kɨya dobɨn̰ hɨnga nɔm a te dɔnɔ toyi dɨŋ.