Matɨyo 22:17 - Gabri Maja

¹⁷ Naa hɨn̰ wo̰ na, yani ɨrɨmedɨn̰ cay kɔl gɨ kɛ gɨŋ: Gasɨn̰-kɔl bɨn̰ ungo gɨyəŋ, gɨ ni bɨn̰ kɨlma gɨ gumu Sejar hɔgɛ lambo wala, narii ga?»

Matɨyo 22:17 ပူးပေါင်းရင်းမြစ်များ

Matɨyo 17:25

Pɨyɛr dɨbɨge cay nee yege hɨn̰: «Ban kɨya bee.» Kɨɗɨn̰ ga ban or bugoŋ ƴen̰ na, Jesu de tumoy ɨngɨrii yeyi hɨn̰: «Simo, boy ɨrɨme dɨn̰ gɨŋ na, kɛrɨmbɛlɛŋ ga cay gɨsəŋ gaŋ kɨya ƴɔɔge lambo wala, kɨya hɔgɛge cay hɨnga na kobɨ ga ani ga? Kan kɨya ƴɔɔge na kobɨ karɨn̰aŋ ka-ƴaa wala, na kobɨ kɨrge ga?»

Matɨyo 22:18

Jesu sol ɨrɨmedɨge gɨ ɨsɨn gɨ nee le, lee gɨ ban yege hɨn̰: «Kɨŋ ka-yɔɔ-kɔl-kɨbɨgɨŋ-sɔɔ-sɔɔ, na kɨya wa ma magɨŋ gey gɨybəŋ ga?

Kɔl-gɨ-Ɗari gɨ Lug wal 2:1

Boy ɨlgedi gɨ nee le, Ogust Sejar kɨlma gɨ gumu gɨ dii cay gɨsəŋ ga Rɔm, ay noyi bɨn̰ kalaŋ nɔm ga somge a cay gɨsəŋ kayi gaŋ, ɗe kan na sii gusondɨge a duroy magtubu di ni ɗongɨsɨn̰ kalaŋ dɨŋ.

Kɔl-gɨ-Ɗari gɨ Lug wal 20:22

Kuɗa, yani ƴee bɨ, kɛ bɨn̰ hɔgɛ lambo kɨlma gɨ gumu Sejar le, na hɨnga ga ni lɔɔ wala, na hɨnga ga ni lɔɔ naŋ ga?»

Kɔl-gɨ-Ɗari gɨ Lug wal 3:1

Kɔl gɨ da Kumu baa a sɨmay Ja̰ kurɨn̰ Jagari, kɨɗɨn̰ ga ban baan̰ a duroy dal dɨŋ ƴee. Na wɔlɛdi gɨ nee le ma, kɨlma gɨ gumu Sejar Tɨbɛr diin̰ tɨrɨmbala, a cay gɨsəŋ ga Rɔm ɓal ɨlge mɔjɨ-cay-bay. Kɨrɨmbɛlɛŋ poɗɨn̰ diige cay Ɨsɨrayɛl hɨn̰ ka-kɨbɨ kɨlma gɨ gumu wo̰: Po̰s Piladɨ na ba-kɨbɨ kɨlma gɨ gumu gɨ dii cay Jude, Ɛrɔd Antipas dii cay Galile, kurundi Pilib dii cay Itire bɨrɨŋ cay ƴaa di Tɨragonit bɨ, Lɨjɨyanas dii cay Abɨlɛn bɨ. Han dan̰ Kayip na ka-cay ka-bɔgɛ kɨbar nɔm ga da kalaŋ ga ni Jubɨ.

Gɨye-lɔɔ 17:7

Jaso̰ ƴomge gusi. Kan nɔm na ka-kan̰e gasɨn̰-kɔl gɨ da kɨlma gɨ gumu Sejar bɨ, kan yege gɨ kɨlma gɨ ɗaŋ gɨ gusondi naa Jesu na woy nee bɨ.

Gɨye-lɔɔ 25:8

Pol dor kɔl cayi coŋ yen̰ hɨn̰: «Ɨŋ laa hɨnga ga dan̰ gɨyəŋdɨge naŋ pɨna wo̰ hangɨɗan̰ cay Gasɨn̰-kɔl ga da kalaŋ ga ni Jubɨ wo̰ naŋ bɨ, laan̰ hɨnga ga ɨsɨni dan̰ ƴaa-di-da-Kumu naŋ bɨ, dan̰ kɨlma gɨ gumu gɨ ni Sejar naŋ bɨ.»

Gɨye-lɔɔ 28:22

Ama ni-gandi na, ni gey gɨ ji naa ba yani dan̰ kɨbɨn̰ kon̰ kol cay hɨnga ga ji ɨrɨm. Kɨya wa ni sol gɨ ojɨ cay te kalaŋ kan̰ ga nee le, kalaŋ cɨbɨdɨge sɛdɨ sɛdɨ coŋ gon̰ kɨɗɨn̰ nɔm.»

Gɨye-lɔɔ 5:37

Kardi Tedas na, ungo gɨ pɨna wo̰ gɨ a cay gɨsəŋ ga Galile gaŋ, gusondi na Judasɨ jɨbɨ say bɨ dor dɨmdɨrdi kalaŋ bee toyi. Na dan̰ wɔlɛ gɨ kan sɨn̰ guson̰ kalaŋ duroy magtubu di ni ɗoŋsɨn̰ kalaŋ dɨŋ. Judasɨ dor kalaŋ bee kardi. Ama kɨɗɨn̰ ga kan dɨɗii vbiŋ coŋ na, kalaŋ ga bugoŋge kardi le, busdoŋge pɨna pɨna nɔm coŋ.