Matɨyo 22:16 - Gabri Maja

¹⁶ Kardi nee na, gɨyge ka-aye-cay-tɨbayige ga pɨna wo̰ duroyge dan̰ kalaŋ ga da Ɛrɔd gusi Jesu, ɗe na or ɨngɨriige yon̰ hɨn̰: «Ba-gɨlɨn̰ kalaŋ hɨnga, ni sol gɨ ji na ba yɔ kɔl gɨ cɨndi bɨ, ji gɨlɨn̰ kalaŋ gɨyəŋ gɨ da Kumu na dan̰ kɔl gɨ cɨndi dɨle hɨndare ungo bɨ. Kɨya wa ji laa hɨnga na kɨya ƴon̰ cɨn̰ ungo naŋ.

Matɨyo 22:16 ပူးပေါင်းရင်းမြစ်များ

Matɨyo 22:24

«Ba-gɨlɨn̰ kalaŋ hɨnga, Moyis ye hɨn̰: “Hɨn̰ gɨ ungo na ƴaa-tama, ma na mara dɨle orɨn̰ dan̰ kɨye danaa na, naa wa wa kalɨn̰ ma, kuɗa gɨ kurɨndi na ƴaa tama di nee le, ɗe na woon̰ kɨye dɨbɨ ban̰di kurɨndi gɨ ma le.”

Matɨyo 22:26

Ban bɨ, ban gɨ cay sɨbɨdɨge bɨ, ƴeege dan̰ tama le hɨn̰ wo̰ bɨ, bɨrɨŋ andɨn̰ cay ban gɨ ni jurgumdɨge.

Matɨyo 26:18

Ɨni na, Jesu yege hɨn̰: «Ɨragɨŋ a cay ƴaa-di-gumu dɨŋ a da ungo gɨ pɨna wo̰ bɨ yayigɨŋ hɨn̰: “Ba-gɨlɨn̰ kalaŋ hɨnga ye hɨn̰: Tɨwa tɨnge ɓal ɨni, lee gɨ ɨŋ kɨya lɔɔ kɨdɨrɛ gɨ ni Pakɨ gɨ da Jubɨn̰əŋ dan̰ ka-aye-cay-tɨbanɨ naa a tan̰.”»

Matɨyo 26:49

Kɔl gɨ kɨbɨna kɛ bɨ, Judasɨ ɨrga gusi Jesu bɨ yeyi hɨn̰: «Lapɨya ba-gɨlɨn̰ kalaŋ hɨnga!» Bɨ ban ƴomii gasɨbii.

Marg 10:17

Jesu de say kɨya bɔɔ gɨyəŋ gɨŋ ɔrɛ ɨni na, gɨlmi gɨ pɨna wo̰ gɨrgɨ ɨrga poy gɨbayi dugo tumoyi bɨ ɨngɨrii hɨn̰: «Ba-gɨlɨn̰ kalaŋ hɨnga gɨ ba lɔɔ hɨnga ga kuɗa, kɛ ɨŋ gɨ lɔɔ na mɨna ma maŋ gɨ wan̰ sɔmɛ-bɨra gɨ dan̰ cɨnɨ le ga?»

Marg 12:13

Ɨni na, ka-cay ka-bɔgɛ kɨbar bɨ, ka-cay ka-gɨlɨn̰ kalaŋ gasɨn̰-kɔl bɨ, gɨygɨge kalaŋ ga pɨna wo̰ gusi Jesu, ga saygage na duroy Parɨsɨn̰an̰əŋ bɨ, duroy kalaŋ ga da Ɛrɔd bɨ, ɗe na orge gɨybii dan̰ kɔl gɨ ni ɨngɨre.

Marg 12:14

Bugoŋge gusi ɨni na, kan yeyige hɨn̰: «Ba-gɨlɨn̰ kalaŋ hɨnga, ni sol gɨ ji na ungo ba yɔɔ kɔl gɨ cɨndi bɨ, ji hɨndara cɨn̰ ungo naŋ bɨ, kɨya wa ji dɨra cɨn̰ ungo naŋ. Ama ji gɨlɨn̰ kɔl kalaŋ na te gɨyəŋ gɨ da Kumu dan̰ gɨyəŋ gɨ da kɔl gɨ cɨndi. Yani ƴee bɨ, kɛ gasɨn̰-kɔl bɨn̰ ungo gɨyəŋ gɨ ni bɨn̰ kɨlma gɨ gumu Sejar lambo wala, narii ga? Kɛ ojɨ gɨ ni gɨ bee wala bee naŋ ga?»

Marg 3:6

Kalaŋ ga ni Parɨsɨn̰a andaŋge doŋ bɨ, kɔl gɨ kɨbɨna kɛ bɨ wayge gusɨge dan̰ kalaŋ ga da Ɛrɔd kɨya wan̰ gɨyəŋ gɨ ni dɨɗɨn̰ Jesu.

Marg 8:15

Jesu ay noy bɨge yen̰ hɨn̰: «Ɗagɨŋ muɗɔlɛ cay gusɨgɨŋ gɨŋ kɨya cay subugu di da kalaŋ ga ni Parɨsɨn̰a bɨ, kɨya cay Ɛrɔd bɨ.»

Kɔl-gɨ-Ɗari gɨ Lug wal 20:21

Ka-nare cɨn̰ kalaŋ le, say ɨngɨrge Jesu hɨn̰: «Ba-gɨlni hɨnga, ni sol gɨ kɔl yɔ dɨn̰ bɨ, gɨle hɨnga kan̰ bɨ le, na kɔl cɨndi hayi, ji dɨra cɨn̰ ungo naŋ bɨ, ji gɨlɨn̰ kalaŋ hɨnga na dan̰ gɨyəŋ gɨ da kɔl gɨ da Kumu gɨ cɨndi nee bɨ.

Kɔl-gɨ-Ɗari gɨ Lug wal 7:40

Jesu ay kɔl yen̰ Parɨsɨn̰a le hɨn̰: «Simo ɨŋ orɨn̰ dan̰ kɔl gɨ ni yon̰.» Simo dɨbii cay nee yeyi hɨn̰: «Ho’o, ba-gɨlɨn̰ kalaŋ kɔl, ya kɔl kon̰ le!»

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Kɔl-gɨ-Ɗari gɨ Ja̰ wal 18:37

Ɨni na, Piladɨ yeyi hɨn̰: «Hɨnga le, ji na kɨlma ga?» Jesu dɨbi cay nee yeyi hɨn̰: «Ji ba yɔ, ɨŋ na kɨlma. Wɔɔŋge bɨ, ɨŋ ɨrga a cay gɨsəŋ gaŋ bɨ, na kɨya lɔɔ tɨmon̰ a cay kɔl gɨ ɨŋ ba ye le.» Waŋ waŋ gɨ na gey kɔl gɨ cɨndi na, kɨya jɔɔ kɔl hɨnge.

Kɔl-gɨ-Ɗari gɨ Ja̰ wal 7:18

Ungo gɨ ye kɔl dan̰ gusondi koyi gaŋ le, mal na gusoŋ-tɔgɛ koyi ban. Ama ungo gɨ ba male gusoŋ-tɔgɛ gɨ da ban gɨ ba gɨygii na, ban na ungo gɨ hɨnde, lee gɨ hɨnga ga dan̰ gɨyəŋdɨge naŋ unɔ kuduroy.

2 Korɛ̰t 2:17

Kalaŋ kondɨ ayge kɔl gɨ da Kumu leen̰ge hɨnga ga ni gɨyaw, ama ni-gandi ni laa hɨn̰ wo̰ naŋ. Dan̰ bugoŋ gɨ ni bugoŋ pɨna dan̰ Kɨris le, ni dor kɔl gɨ sayga gusi Kumu dɨle orɨn̰ dan̰ ɨrɨme gɨ ɗaŋ a kuduroyni tumoy Kumu.

2 Korɛ̰t 4:2

Ni-gandi ni kan̰ hɨnga ga ni dasi ga leege kɨɗɨn̰ wɔsɛdɨge gaŋ coŋ bɨ, ni laa hɨnga dan̰ jɨba naŋ bɨ, ni tɨba kɔl gɨ da Kumu dan̰ poy pɨna naŋ bɨ. Ama na kɔl gɨ cɨndi ma mani ye cɨn̰ tɨwa dɨŋ, ni mal na gɨ kalaŋ nɔm na laa tɨmon̰ a cay haldɨni gɨ ɗari tumoyi Kumu.

2 Korɛ̰t 5:16

Na toy di hɨn̰ wo̰ ma, ni sɨla ungo pɨna dan̰ gɨyəŋ gɨ da kalaŋ ga ɨndəŋ naŋ. Hɨn̰ gɨ jɨne ni na sɨla Kɨris dan̰ gɨyəŋ gɨ da kalaŋ ga ɨndəŋ kalɨn̰ ma, haw kɛ na ni sɨlayi na hɨn̰ wo̰ naŋ.

Galad 1:10

Kɛ ɨŋ mal na gɨ kalaŋ na hɨramaŋge ga? Naŋ, na hɨrame gɨ da Kumu ma maŋ gey. Kɛ ɨŋ mal na gɨ kalaŋ gusɨge na mooge canɨ ga? Hɨn̰ gɨ ɨŋ ni na mala gɨ ni ƴɔɔ cɨn̰ kalaŋ ɗaŋ coŋ na, ɨŋ ni kɨya bɨləŋ marɨna ba-gɨye gɨ da Kɨris naŋ ɨni.

Galad 2:6

Ama gɨ ojɨ cay ka-dɔrɛ tumoy kalaŋ ga kalaŋ je kɔl kɨbɨge le, kan naa kalaŋ ka-dɔrɛ tumoy kalaŋ wala, naa ka-dɔrɛ tumoy kalaŋ naŋ kalɨn̰ ma dɨlaŋ nee naŋ. Tumoy Kumu na, kalaŋ nɔm ɓadɨldɨn̰ge dɛj dɛj. Kalaŋ ga nee le gɨsɨge hɨnga ga ɗaŋ dan̰ dɔnɔ a cay kɔl hɨnge gɨŋ naŋ.

1 Tesalonigɨ 2:4

ama Kumu gɨwasɨni pa dɨm ma bɨni gɨye tɔgɛ bɛrnɛ Kɔl-gɨ-Ɗari le ƴee. Lee gɨ ni ya kɔl na ɗe gɨ na mon̰ kalaŋ ga ɨndəŋ naŋ, ama na ɗe gɨ na mon̰ Kumu gɨ gɨwasɨ kuduroyni le.

Magtubu di Jag wal 3:17

Ama ungo gɨ orɨn̰ dan̰ cɨn̰-muɗɔlɛ gɨ sayga a daa nii le, na ba dɔrɛ gusi mɨra bɨ, na ba gusi-dɔbɛ bɨ. Na ungo gɨ kaledi jal jɔm bɨ, gey bugoŋ-dugo dan̰ kamdi haw bɨ. Sol cɨn̰-n̰age da kalaŋ tɔgɨ bɨ, wɔɔdi hɨnga ga ɗari wanɨn̰ kuduroy daa jɨŋ jɨŋ bɨ. Ban dɨra ti ungo naŋ bɨ, ya kɔl kɨbi sɔɔ sɔɔ naŋ bɨ.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.