Matɨyo 22:11 - Gabri Maja

¹¹ Kɨɗɨn̰ ga nee gaŋ, kɨlma andaŋ duroy ƴaa dɨŋ, solɨn̰ kalaŋ ga ban molge dɔɔ hɨnga gɨ da gɔrɛ ƴaa le ɨni na, ban sol ungo gɨ pɨna wo̰, gɨ dɨba badɨge ga ni orɨn̰ kɨɗɨn̰ gɔrɛ ƴaa gaŋ gusi naŋ.

Matɨyo 22:11 ပူးပေါင်းရင်းမြစ်များ

Matɨyo 13:30

Ɗagɨŋ tɨngɨrɨn̰ le ɗe woy duroy gɛmɛ gɨŋ, ɗe malgɨge pɨna bɨrɨŋ gɨsɨn̰ wɔlɛ gɨ ni walɨn̰ cay gasa. Wɔlɛdi gɨ nee le, ɨŋ kɨya yon̰ ka-wale gasa yoge hɨn̰: Cay wase na tɨragɨŋ tɨngɨrɨn̰ saɗɨdagɨŋ dan̰ gabedo gabedo agɨŋ uloo coŋ. Ama gɛmɛ na dayagɨŋ daa duroy tugulu tɨnge dɨŋ.”»

Matɨyo 22:10

Gɔyɔŋ le orge cuduroŋ gɨyəŋ gɨŋ bɨ, ɨrgan̰ge dan̰ kalaŋ nɔm ga kan waygege. Daygege nɔm kɨɗɨn̰ pɨna, kan ga kuɗudaŋ bɨ, kan ga ɨsɨndəŋ bɨ. Lee gɨ ƴaa gɨ da gɔrɛ ƴaa le, kalaŋ wanɨn̰ge duroyi jɨŋ jɨŋ daa.

Matɨyo 3:12

Ungo gɨ nee le orɨn̰ dan̰ kee koyi kobi bɨ, ban kɨya pɨye mɨsɨɗɨm coŋ ɗon̰ cɨn̰ gasa. Cɨn̰-gasa le ban kɨya bɔgɛ te tugulu toyii dɨŋ. Ama ban kɨya ule mɨsɨɗɨm le na a duroy tɨwa di kɨya bayaŋ naŋ bɨrɨŋ dɨŋ.»

Magtubu di Pol wal bɨn̰ kalaŋ ga Rɔm 13:14

A ban̰di ɨsɨnan̰əŋ ga nee le na, saɗagɨŋ wɨrdɨgɨŋ daa bɨ, ɗagɨŋ a ɨrɨmedɨgɨŋ gɨŋ gɨ kɨŋ naa marɨne ka-gɨye ga da Ba-gulondɨna Jesu-Kɨris bɨ. Kan̰agɨŋ lɔɔ gɨye dan̰ gɨyəŋ gɨ da tabɨlaŋ di kuyoŋdi-gusɨgɨŋ.

Magtubu di Pol wal bɨn̰ kalaŋ ga Rɔm 3:22

Kumu bɨle kalaŋ leen̰ kalaŋ ga dan̰ durɔ ɗɨngar a cɨndi na dan̰ gɨyəŋ gɨ da kuduroyge ga kan ay bɨn̰ Jesu-Kɨris. Gɨyəŋ gɨ nee le, woy ojɨ na cay kalaŋ nɔm, ga beege kuduroyge a cay Jesu. Kɨya wa Kumu dɨra cɨn̰ ungo naŋ.

1 Korɛ̰t 4:5

Kɨŋ ɗɔɔ ba bɔyɛ kɔl tumɔ tumoy wɔlɛ bɔyɛ kɔl gɨŋ, kɨŋ gama ɗe Ba-gulɔŋ bugoŋ pa dɨm. Hɨnga ga wosɨ kɨɗɨn̰ dɨlɨm dɨŋ le, ban kɨya andɨn̰ cɨn̰ tɨwa dɨŋ bɨ, hɨnga ga kalaŋ wosɨ kuduroyge le, ban kɨya gɨle doŋ bɨ. Kɨɗɨn̰ ga nee le, Kumu kɨya hɨrame kalaŋ pɨna pɨna ɗe ɓalɨn̰ dan̰ gɨye-lɔɔdɨge.

2 Korɛ̰t 5:3

Hɨn̰ wo̰ na kɨɗɨn̰ ga na kɨya bugoŋ a gɨɗɨgɨ-Kumu gɨŋ na, turnoyna kɨya sɔmɛ tɔɔ kalɨn̰ naŋ.

Galad 3:27

Kɨya wa kɨŋ-gandi nɔm ga kan leegɨŋge batɛm le, kɨŋ bugoŋ pɨna dan̰ Kɨris, kɨŋ tobɨ Kɨris gusɨgɨŋ hɨn̰ badɨge wo̰.

Epɛs 4:24

Laagɨŋ gɨye-lɔɔ gɨ da ungo gɨ hɨrɨwa gɨ Kumu ɗey ɗe na andaŋ le hɨn̰ badɨge ga hɨrɨwa ga kɨŋ dobɨ gusɨgɨŋ wo̰: Na ungo gɨ dan̰ durɔ bɨ, gɨ woy dan̰ cɨndi bɨ, dan̰ gɨyəŋ gɨ da kɔl gɨ cɨndi bɨ.

Wasɨn̰a 16:15

Ɨni na, Ba-gulɔŋ ye hɨn̰: «Sɨlagɨŋ, ɨŋ kɨya andaŋ caygɨŋ dus na hɨn̰ ba-hase wo̰. Tumoy wolwa woy na kɨya cay ungo gɨ som-bɨra bɨ, ƴom cay tɨbay badɨge kayi gam pḛḛ gusi. Na toy di hɨn̰ wo̰ ma, ban kɨya andaŋ toyi kalɨn̰ naŋ bɨ dasi kɨya doyi cɨn̰ kalaŋ naŋ bɨ.»

Wasɨn̰a 19:8

Booge badɨge ga ni dɔbɛ guso, Ga kɨledɨge osu ga jɨran̰de bɨ, bɛrɛ tɨrɨjɨ bɨ.» Badɨge ga kɨledɨge osu le, gɨl na gɨye-lɔɔ gɨ dan̰ durɔ ɗɨngar gɨ da kalaŋ ga woyge dan̰ cɨndɨge.

Wasɨn̰a 2:23

Ɨŋ kɨya ɗɔɔ tɨma dɨɗe karɨndo. Na hɨn̰ wo̰ ma, Ka-Daye nɔm kɨya sɔlɛge gɨ ɨŋ naa ba kɔbɛ te ɨrɨme bɨ, tabɨlaŋdi hɨnga ga woy a kuduroy kalaŋ bɨ, kɨya sɔlɛge gɨ ɨŋ na bɨn̰ ungo gɨ ani ani naa hɨnga ga ojɨ cayi ɓalɨn̰ dan̰ gɨye-lɔɔdi.

Wasɨn̰a 3:18

Na toy di hɨn̰ wo̰ ma, ɨŋ gɨlgɨŋ kɔl gɨ kɨŋ ɨre kɨl lɔr di woy kɔbɔŋ di uyge tɨwa dɨŋ agɨŋ bɨlɨn̰ ka-wɔɔ hɨnga. Kɨlgɨŋ badɨge ga bɛrɛ tɨrɨjɨ kɔbɔŋ tɨlan̰gɨŋ gusɨgɨŋ gɨ woy kalɨn̰ ɗe dasi dɨgɨŋ naŋ bɨ. Kɨlgɨŋ gasɨɗe ga ni dɨbe tɨdɨgɨŋ a kɔbɔŋ ɗe tɨdɨgɨŋ solɨn̰ kɨɗɨn̰ arɨn̰ yarara bɨ.