Matɨyo 20:21 - Gabri Maja

²¹ Jesu ɨngɨroo yo hɨn̰: «Kɛ, me gey na wa ga?» Ɨni na, hɨndi yeyi hɨn̰: «Na gɨ ɗe karɨnɨ ga won̰ sɔɔ kɛ le, somge kɨway. Gɨ pɨna a cay kobɨn̰ gɨ bara gɨŋ bɨ, gɨ pɨna a cay kobɨn̰ gɨ masa gɨŋ bɨ duroy dɔɔ-ƴaa ton̰ dɨŋ.»

Matɨyo 20:21 ပူးပေါင်းရင်းမြစ်များ

Matɨyo 18:1

Kɨɗɨn̰di ga nee gaŋ le na, ka-aye-cay-tɨbay Jesu ɨrgage gusi bɨ, ɨngɨriige yege hɨn̰: «Kɛ, na waŋ mana ungo gɨ gumu tɔgɨ ɗɨn̰ kamdi boy dɔɔ-ƴaa di daa nii dɨŋ ga?»

Matɨyo 19:28

Jesu dɨbɨge cay nee yege hɨn̰: «Aŋ yəgɨŋ daa waŋ na cɨndi: Kɨɗɨn̰ ga hɨnga nɔm kɨya bɨləŋ ga hɨrɨwa na, Kurɨn̰-ungo kɨya sɔmɛ cay kali-tɨrɨmbala toyi di ni gusoŋ-tɔgɛ dɨŋ ɨni na, kɨŋ ga kɨŋ kobɨ karɨnɨ le, kɨŋ kɨya sɔmɛ a cay kali-tɨrɨmbala ga mɔjɨ-cayge-sɔɔ gaŋ, kɨya bon̰ kɔl a cay te wɨn̰je ga mɔjɨ-cayge-sɔɔ gɨ da karɨn̰ Ɨsɨrayɛl.

Matɨyo 20:22

Jesu dɨbɨge cay nee yege hɨn̰: «Kɨŋ sɨla te hɨnga ga kɨŋ ɨngɨr le naŋ. Kɛ kɨŋ ɓal sɔ hɨnga ga boy kobo gɨ ni gɨle-cɨn̰ gɨŋ gɨ ɨŋ kɨya sɔ le ga?» Kan dɨbii cay nee yeyige hɨn̰: «Ni ɓal.»

Matɨyo 20:32

Ɨni na, Jesu jɨbɨ ɨre dugo. Ban teege, ɨngɨrge yege hɨn̰: «Kɛ, kɨŋ gey gɨ ɨŋ laa na wa bɨgɨŋ ga?»

Marg 10:51

Ɨni na, Jesu ɨngɨrii hɨn̰: «Kɛ na wa ma mɨn̰ gey gɨ ɨŋ na laa bɨn̰ ga?» Ba-bɨbe le dɨbii cay nee yeyi hɨn̰: «Ba-gulɔŋ, ɨŋ gey sɔlɛ kɨɗɨn̰.»

Marg 16:19

Kardi nee kɨɗɨn̰ ga Ba-gulɔŋ Jesu dɨɗɨ kɨbɨ yɔɔ kɔl danage ɨni na, Kumu ayi orɨn̰ danayi gɨɗɨgɨ-Kumu gɨŋ, lee gɨ ban som kɨway bay a cay kobi gɨ bara gɨŋ.

Marg 6:22

Ɛrɔdɨyadɨ turmɔ ɨrga andaŋ a kɨɗɨn̰ ga ni dɔɔ gaŋ, san̰ sɔɔ tumoyge lee gɨ Ɛrɔd bɨ, kan ga ban molge bɨ gusɨge mooge tɔgɨ kol caa. Kɨlma yen̰ turmɔ le hɨn̰: «Ɨngɨrəŋ hɨnga ga me gey ɨŋ kɨya bɨne.»

Kɔl-gɨ-Ɗari gɨ Lug wal 18:41

«Kɛɛ na wa ma man̰ gey gɨ ɨŋ na laa bɨn̰ ga?» Ba-bɨbe le dɨbii cay nee ye hɨn̰: «Ba-gulɔŋ, ɨŋ gey sɔlɛ kɨɗɨn̰.»

Kɔl-gɨ-Ɗari gɨ Lug wal 19:11

Kalaŋ si sɨmayge kɨya jon̰ kɔl gɨ da Jesu. Kɨɗɨn̰ ga kalaŋ sɨge sɨmayge kɨya jon̰ kɔl koyi na, ban ay kɨradi-kɔl yege kɨya gɨ baa mɨnde gɨ kan kɨya bugoŋ Jerusalɛm. Kɨya wa kalaŋ ɨrɨmge hɨn̰ gɨ Ban na kɨya ɗɔɔ te dɔɔ-ƴaa toyi naa kɨɗɨn̰ ga ban na kɨya bugoŋ a Jerusalɛm.

Kɔl-gɨ-Ɗari gɨ Lug wal 22:24

Ɨrɨme kɔl gɨ pɨna ba bɨb duroy ka-aye-cay-tɨbay Jesu. Bɨ kan man̰ kɔl ɨl pɨvb age na sol kɛ waŋ ma kan na gɨ solii leen̰ ungo gɨ gumu a duroyge ga?

Kɔl-gɨ-Ɗari gɨ Ja̰ wal 15:7

Hɨn̰ gɨ kɨŋ na bugoŋ pɨna danaŋ bɨ, kɔl hɨnge nɔm na bugoŋ pɨna danagɨŋ bɨ na, ɨngɨrgɨŋ hɨnga ga kuduroygɨŋ gey ƴɔbɨ, kɨŋ kɨya wɔɔ.

Gɨye-lɔɔ 1:6

Kɨɗɨn̰ ga ka-gɨre-gɨye dayge gusɨge gusi Jesu na, kan ɨngɨriige yege hɨn̰: «Ba-gulɔŋ, na haw kɛ mana wɔlɛ gɨ ji kɨya jogɨn̰ dan̰ dɔɔ-ƴaa gɨ da kalaŋ ga Ɨsɨrayɛl bɨge daa ga?»

Magtubu di Pol wal bɨn̰ kalaŋ ga Rɔm 12:10

Kuɗa gɨ kɨŋ gey gusɨgɨŋ duroygɨŋ hɨn̰ karmen̰əŋ wo̰. Kuɗa gɨ waŋ waŋ kalɨn̰ ma ungula gusi gɨ ni dɨbe hurɔmɔ cay mɨgayi.

Magtubu di Pol wal bɨn̰ kalaŋ ga Rɔm 8:34

Kɛ na waŋ ba kɨya ɓale bɔyɛ kɔl sige cayge ga? Ungo wo̰ unɔ! Jesu-Kɨris gusi ba mare kol cayna. Ɗɨn̰ gɨ nee le na, ban boy lɨbɨ bɨ som a kɨway Kumu a cay kobi gɨ bara gɨŋ bɨ, woy te ɔlɛ Kumu kol cayna.

Kɔlɔs 3:1

Hɨn̰ gɨ kan na bɨyagɨŋ lɨbgɨŋ pɨna dan̰ Kɨris ɨni na, kuɗa gɨ kɨŋ mala na hɨnga ga a gɨɗɨgɨ-Kumu gaŋ, ga na kɨɗɨn̰ ga Kɨris somɨn̰ nee a cay kobɨ Kumu gɨ bara gɨŋ.