Matɨyo 20:19 - Gabri Maja

¹⁹ kɨya dobiige kobɨ kalaŋ ga toyge na Jubɨ naŋ ɗe na asiige bɨ, kɨya somdiige dan̰ bɨraw bɨ, kɨya gagɨliige cay sɨya-gɨ-dagɨli gɨŋ bɨ ɗe na marɨn̰. Ama wɔlɛ sɨbɨdi gɨŋ ɨni na, ban kɨya bɔyɛ lɨbe.»

Matɨyo 20:19 ပူးပေါင်းရင်းမြစ်များ

Matɨyo 12:40

Hɨnga ga naa lee gusɨge dan̰ Jonasɨ kuduroy gusa gɨ gumu gɨŋ ma leen̰ wɔlɛ sɨbɨ duroy son̰do dɨŋ bɨ, kɨɗɨn̰ ga woli gaŋ bɨ le, kɨya lɔɔ gusɨge na hɨn̰ wo̰ bɨ dan̰ Kurɨn̰-ungo. Ban kɨya lɔɔ wɔlɛ sɨbɨ duroy son̰do dɨŋ bɨ dan̰ kɨɗɨn̰ ga woli gaŋ bɨ, a te gɨsəŋ gaŋ.

Matɨyo 16:21

Jesu ay te yon̰ ka-aye-cay-tɨbayi boy tɨwado di nee dɨŋ le waŋ daa ye hɨn̰: «Na wa wa kalɨn̰ ma ɨŋ kɨya ɔrɛ Jerusalɛm, ɗe aŋ wan̰ cɨn̰-n̰age tɔgɨ kobɨ ga muɗoldoŋ bɨ, ka-cay ka-bɔgɛ kɨbar bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, kan kɨya dɨɗəŋge bɨ. Ama wɔlɛ sɨbɨdi gɨŋ na, ɨŋ kɨya bɔyɛ lɨbe.»

Matɨyo 17:23

ɗe kan na dɨɗiige, ama wɔlɛ sɨbɨdi gɨŋ na ban kɨya bɔyɛ lɨbe.» Kɔl gɨ nee le lee gɨ gusɨge mooge naŋ gɨɗaŋ.

Matɨyo 27:26

Kɨɗɨn̰ ga nee le, Piladɨ dor Barabas dɨbii daa bɨge bɨ, ɗe gɨ somdege Jesu dan̰ bɨraw bɨ ban dobii kobɨ kalaŋ, ɗe na gagɨliige a cay sɨya-gɨ-dagɨli gɨŋ.

Matɨyo 27:63

Bɨ yeyige hɨn̰: «Ba-gulɔŋ, kuduroyni hɨn a cay kɔl gɨ ba nare kalaŋ gɨ kɛ gɨ nee le ye, kɨɗɨn̰ ga ban ban̰ dan̰ cɨndi ƴee le. Ban ye hɨn̰: “Wɔlɛ sɔɔ, sɨbɨdi bɨ na, ɨŋ kɨya bɔyɛ lɨbe.”»

Marg 14:65

Ɨni na, kalaŋ ga pɨna wo̰ duroyge ayge te tɨbiige kale cayi bɨ, saɗɨge cɨndi bɨ, teyige bɨ, yeyige hɨn̰: «Laa gusɨn̰ laan̰ hɨn̰ ba-yɔɔ-kɔl-gɨ-Kumu-ba-yɔɔ wo̰.» Ɨni na, ka-ame kɨɗɨn̰ orɨn̰ge danayi bɨ tege maŋjii bɨ.

Marg 15:1

Dan̰ te jogɗu cururu na, ka-cay ka-bɔgɛ kɨbar bɨ, ka-muɗɔlɛ ga da Jubɨn̰əŋ bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, teege gusɨge dan̰ ka-bɔyɛ kɔl cay Jubɨn̰əŋ ga gɨmdəŋ daa nɔm. Kan saɗɨdiige bɨ orɨn̰ge danayi dobii kobɨ Piladɨ.

Marg 15:15

Piladɨ gey gɨ dɨmdɨrdi kalaŋ gusɨge na mooge lee gɨ ban dor Barabas ɗey daa bɨge. Bɨ ɗe kan somdege Jesu dan̰ bɨraw bɨ dobii kobɨ kalaŋ ɗe na gagɨlige a cay sɨya-gɨ-dagɨli dɨŋ.

Kɔl-gɨ-Ɗari gɨ Lug wal 18:32

Kan kɨya ƴɔmɔŋge dɔbɔŋ kobɨ kalaŋ ga toyge na Jubɨ naŋ bɨ, kan kɨya asaŋge bɨ, kan kɨya yagɨdaŋge bɨ, kan kɨya tɨbege kale canɨ bɨ.

Kɔl-gɨ-Ɗari gɨ Lug wal 23:11

Ɨni na, Ɛrɔd dan̰ asɨgarn̰əŋ kayi sogiige bɨ, sɨlayge laan̰ hɨnga naŋ bɨ, dobiige badɨge ga jɨran̰daŋ tɔgɨ gusi. Bɨ kan say gɨygi gusi Piladɨ.

Kɔl-gɨ-Ɗari gɨ Lug wal 24:46

Ban yege hɨn̰: «Sɨlagɨŋ! Kan walge a duroy magtubu dɨŋ yege hɨn̰: Naa wa wa kalɨn̰ ma, Kɨris ban gɨ Kumu dorii le, kɨya wɔɔ cɨn̰-gɨle-cɨn̰ bɨ, wɔlɛ sɨbɨdi gɨŋ na, ban kɨya bɔyɛ lɨbe a duroy kalaŋ ga madɨrdaŋ gaŋ bɨ.

Gɨye-lɔɔ 2:23

Gɨlmi gɨ nee le, kɨŋ dobii kobɨ ka-lɔɔ terɨn̰ ɗe kan dɨɗiige a cay sɨya-gɨ-dagɨli gɨŋ, dan̰ gɨyəŋ gɨ Kumu ojɨ jɨne hayi.

Gɨye-lɔɔ 21:11

Ban ɨrga wayni bɨ, ay sɔndurɔŋ gɨ da Pol saɗɨn̰ tɨbayi toyi bɨ, kobi koyi bɨ ye hɨn̰: «Kɔl gɨ Turnɔ ɗe-kuduroy-bɛrɛ ba ye ba kɛ: Ba-gulɔŋ sɔndurɔŋ gɨ ba kɛ le, Jubɨn̰əŋ kɨya saɗɨdiige hɨn̰ wo̰, a cay ƴaa-di-gumu di Jerusalɛm dɨŋ bɨ, kɨya dobiige kobɨ kalaŋ ga toyge na Jubɨ naŋ bɨ.»

Gɨye-lɔɔ 4:27

«Kɔl gɨ nee le na cɨndi, kɨya wa Ɛrɔd bɨ, Po̰s Piladɨ bɨ, te wɔɔ gɨ da kalaŋ ga cay gɨsəŋ gaŋ bɨ, te wɨn̰je gɨ da Ɨsɨrayɛl bɨ, dayge gusɨge a boy cay ƴaa-di-gumu di kɛ dɨŋ le a cay Jesu, ba-gɨre-gɨye kon̰ gɨ woy dan̰ cɨndi bɨ, gɨ ji dorii bɨ.