Matɨyo 2:11 - Gabri Maja

¹¹ Kan andaŋge ƴen̰ ɨni na, kan solge kɨye le dan̰ ƴoyi di ni Mari. Kan poyge gɨbayge dugo tumoyi dɨbiige gusi halɨwa a cayi. Kardi nee ɨni na, kan hangɨdege kɨbɨ sandugu da hɨnga wɔɔdɨge bɨ, donge lɔr bɨ, hɨnga ka-gasɨm bɨ, ɨleledi mir bɨ, bɨn̰ge kɨye le.

Matɨyo 2:11 ပူးပေါင်းရင်းမြစ်များ

Matɨyo 1:18

Wɔɔ gɨ da Jesu-Kɨris le woy na hɨn̰ wo̰: Ƴoyi di ni Mari le, na ɗe kujɔ da Jɨsɛb. Ama kɨɗɨn̰ ga kan ƴage gusɨge naŋ ƴee bɨ ga ma, hɨndi ƴee kur dan̰ gɨyəŋ gɨ da Turnɔ ɗe-kuduroy-bɛrɛ.

Matɨyo 12:46

Jesu ɨre ye kɔl dan̰ dɨmdɨrdi kalaŋ ban̰ nee ƴee bɨ ga ma, ƴoyi dan̰ karmii ɨrgage ɨrege doŋ, malge age na ye kɔl danayi.

Matɨyo 14:33

Kalaŋ nɔm ga somge duroy koburo gɨŋ le, poyge gɨbayge dugo tumoy Jesu n̰ɨriige bɨ, yeyige hɨn̰: «Ji na Kurɨn̰-Kumu leen̰ cɨndi han̰.»

Matɨyo 2:10

Kɨɗɨn̰ ga kan solge dɛsɨɗɛŋ le ɨni na, gusɨge mooge gɨɗaŋ.

Matɨyo 2:2

Ɨni na, kan ɨngɨrge yege hɨn̰: «Kɛ kɨlma gɨ da Jubɨn̰əŋ gɨ ba wooyge haw kɛ ƴee le, woy na a ani ga? Kɨya gɨ ni sɨlga dɛsɨɗɛŋ toyi te kumu gɨŋ, na hɨn̰ wo̰ ma mani ɨrga kɨya sa n̰irii.»

Kɔl-gɨ-Ɗari gɨ Lug wal 2:16

Kan boy gusɨge daa cɛd orge bɨ, wayge Mari dan̰ Jɨsɛb bɨ, dan̰ kɨye gɨ kan dɨbiige boy bəgɨrə gɨŋ le bɨ.

Kɔl-gɨ-Ɗari gɨ Lug wal 2:38

Kɨɗɨn̰ ga nee gaŋ le bɨ, hɨndi bugoŋ dɛj nee, hɨndi hɨram Kumu gɨɗaŋ nee bɨ. Hɨndi ye Kol kɨye le, bɨn̰ kalaŋ nɔm ga ba amge wɔlɛ gɨ Kumu kɨya dɔrɛ cɨn̰-n̰age a cay kalaŋ ga Jerusalɛm le.

Kɔl-gɨ-Ɗari gɨ Ja̰ wal 19:39

Nigodɛm gɨ tumɔ ɨrga gusi Jesu duroy son̰do dɨŋ le kalɨn̰ ma, ɨrga bɨ. Ban ɨrgan̰ dan̰ sɔŋ di ɨdɨr gɨ pɨna wo̰ gɨ kan leege dan̰ bɨn̰e di hɨya mir bɨ, dan̰ bɨn̰e di hɛɗɨmɛ ga ni alowe bɨ, gɨ nɨn̰edɨge ɓal hɨn̰ kɨlo tɔɔ-sɨbɨ wo̰.

Wasɨn̰a 19:10

Kɔl gɨ kɨbɨna kɛ bɨ, ɨŋ poy gɨbanɨ dugo a tɨbayi kɨya n̰ɨrii, ama ban yəŋ hɨn̰: «Ɨŋ’ɨ̰, pɔyɛ gɨban̰ dugo tumonɨ naŋ. N̰ɨr na Kumu. Ɨŋ na marɨna ba lɔɔ gɨye hɨn̰ ji-bandi wo̰ bɨ, hɨn̰ karmɨn̰ ga ka-bɔgɛge kɔl a cay tɨmon̰ di Jesu lee wo̰ bɨ. Kɨya gɨ tɨmon̰ di Jesu lee le, na kɔl gɨ Turnɔ ɗe-kuduroy-bɛrɛ ɗe a kɨbɨ ka-yɔɔ-kɔl-gɨ-Kumu-ba-yɔɔ.»

Wasɨn̰a 5:8

Kɨɗɨn̰ ga Kurɨn̰-dɨmangɨ ƴee magtubu le na, kandi-se ga gɨɗɨgɨ-Kumu gaŋ ga poɗɨn̰ bɨ, ka-muɗɔlɛ ga toyge-sɔɔ cayge poɗɨn̰ bɨ le, poyge gɨbayge dugo tumoy Kurɨn̰-dɨmangɨ le. Waŋ waŋ kalɨn̰ ma orɨn̰ dan̰ jange bɨ, ungo di leege dan̰ lɔr di kɨrbaŋdi hɨnga ga ɗo̰ tɨna wanɨn̰ nee. Kɨrbaŋdi hɨnga ga ɗo̰ tɨna le, na ɔlɛ gɨ da kalaŋ ga woyge dan̰ cɨndɨge.