Matɨyo 18:7 - Gabri Maja

⁷ Cɨn̰-n̰age kɨya bɔɔ cay kalaŋ ga cay gɨsəŋ gaŋ, kɨya wa kan leege kɔl dan̰ ka-aye kudurɔ. Naa wa wa kalɨn̰ ma hɨnga ga pɨna kɨya lɔɔ gɨ kalaŋ ga pɨna kɨya laydaŋge boy ɨsɨna gɨŋ, ama cɨn̰-n̰age kɨya bɔɔ cay ungo gɨ ba-lɔɔ hɨnga ga nee le.

Matɨyo 18:7 ပူးပေါင်းရင်းမြစ်များ

Matɨyo 16:23

Ɨni na, Jesu bɨle cɨndi jɨn̰ cay Pɨyɛr bɨ yeyi hɨn̰: «Sidan aya guse sɛdɨ coŋ gusɨnɨ! Ji na gundi sɨya gɨ ba dɔgɛ tɨbanɨ. Kɨya wa ɨrɨme gɨ a kuduron̰ le, na ɨrɨme gɨ da Kumu naŋ, ama na ɨrɨme gɨ da kalaŋ ga ɨndəŋ.»

Matɨyo 26:24

Naa wa wa kalɨn̰ ma Kurɨn̰-ungo le, kɨya mare ɔrɛ hɨn̰ gɨ kan ba walge ojɨn̰ cayi a duroy Magtubu di da Kumu dɨŋ le. Ama hɨnga ga dɨmbɨre woy gam ungo gɨ ba-aye cay Kurɨn̰-ungo le. Ungo gɨ nee le, kan ni na wooyge naŋ kalɨn̰ ma golgo.»

Marg 13:7

Kɨɗɨn̰ ga kɨŋ na ja noy worɨn̰ɛ ga mɨnde bɨ, kol worɨn̰ɛ ga hen̰ bɨ na, ɗɔɔgɨŋ hundɔrɔ loogɨŋ naŋ. Kɨya wa naa wa wa kalɨn̰ ma hɨnga ga nee le kɨya ɨrga, ama na kagadɨge naŋ ƴee.

Kɔl-gɨ-Ɗari gɨ Lug wal 17:1

Jesu yen̰ ka-aye-cay-tɨbayi yege hɨn̰: «Naa wa wa kalɨn̰ ma hɨnga ga pɨna ga kɨya lɔɔ gɨ kalaŋ kɨya laydaŋ boy ɨsɨna gɨŋ le, kɨya nale naŋ. Ama hɨn̰ gɨ ungo na laa hɨnga ga nee le na, cɨn̰-n̰age kɨya bɔɔ cayi.

Kɔl-gɨ-Ɗari gɨ Ja̰ wal 17:12

Kɨɗɨn̰ ga ɨŋ baa danage le, ɨŋ gamge dan̰ dɔnɔ di da gusondɨn̰ di ji bəŋ. Ɨŋ gɨre cayge bɨ, ungo pɨna duroyge kayaŋ naŋ bɨ. Ama na ban gɨ gaɗ gaɗ kɨya kayaŋ le ƴɔbɨ. Ɗe kɔl gɨ kan walge duroy Magtubu di da Kumu dɨŋ le, na or kɨɗɨn̰di gaŋ.

Gɨye-lɔɔ 1:16

«Karmɨnɨ ga ban̰aŋ dan̰ ga kandɨ, kɔl gɨ Turnɔ ɗe-kuduroy-bɛrɛ ba ye dan̰ gɨyəŋ gɨ da Dabid duroy Magtubu di da Kumu dɨŋ di kan wal ojɨn̰ cay Judasɨ gɨ ba bɨle ba-dɔrɛ tumoy ka-ƴɔmɛ Jesu le, naa wa wa kalɨn̰ ma koldi na ɨra ɓalɨn̰a kɨɗɨn̰di gaŋ dɛj.

1 Korɛ̰t 11:19

Ho’o, na wa wa kalɨn̰ ma ɗa gɨ ɗe puyoŋ woy duroygɨŋ ɗe kalaŋ ga leen̰ cɨndi gɨl gusɨge gerɨn̰ gerɨn̰ daa duroygɨŋ.

1 Timote 6:1

Kuɗa gɨ ka-aye kudurɔ nɔm ga na gɔyɔŋ le, sɨlage ka-gulondɨge hɨn̰ kalaŋ ga kan ɓalge dɨbɨge hurɔmɔ nɔm a cayge, ɗe ungo yagɨdɨn̰ guson̰ Kumu naŋ bɨ, ungo yon̰ kɔl gɨ ɨsɨni cay kɔl gɨ ni gɨle gɨŋ naŋ bɨ.

Titɨ 2:5

gɨyəŋ gɨ ni solɨn̰ hɨnga ga ɗari dɨm ma lɔɔ bɨ, ɗe gɨ kan wɨyage na kandɨ ga duroŋge mɨra bɨ, gɨyəŋ gɨ ni ɗɔɔ gusɨge kɨbɨ gɨye gɨ a duroy ƴaa toge dɨŋ bɨ, ɗe won̰ge kalaŋ ga kuɗudaŋ bɨ, dobɨn̰ge cayge bɨn̰ kodɨn̰ige bɨ. Ɗe ungo wan̰ gɨyəŋ gɨ ni yagɨdɨn̰ kɔl gɨ da Kumu naŋ.

Titɨ 2:8

Kuɗa gɨ kɔl yɔdɨn̰ wɨya na kɔl gɨ ɗari bɨ, kɔl gɨ ungo gɨ ɓale ƴɔɔ daa dɔgɛ coŋ naŋ bɨ, ɗe ka-baadɨn̰ dasi diige kol cay kɔl gɨ ɨsɨni gɨ kan kɨya wɔɔ gɨ ni yɔ kol cayna naŋ.

Magtubu di Jud wal 1:4

Kɨya wa kalaŋ ga pɨna andaŋge duroygɨŋ dan̰ wɔsɛ. Kalaŋ ga nee le, kɔl ƴom cayge ɨni kol gɨye-lɔɔdɨge. Tumɔ ka-yɔɔ-kɔl-gɨ-Kumu-ba-yɔɔ walge kɔl gɨ ojɨ cayge. Kan na ka-baa ga da Kumu. Kɔl gɨ ojɨ cay ɗarwa di da Kumu konagɨŋ le, kan bɨliige dɨbiige masa age na yoyɨn̰ gorɨn̰ daa. Kan kan̰ge kɔbɛ Jesu-Kɨris ba-cay nagɨŋ bɨ, Ba-gulondɨna bɨ, gɨ pɨna hayi kəɗ kəɗ le.