Matɨyo 18:10 - Gabri Maja

¹⁰ «Duroy karɨn̰aŋ ga n̰en̰əŋ ga kɛ le, kɨŋ ɗɔɔ ba-dɔrɛ cɨn̰ gɨ pɨna duroyge. Əw, aŋ yəgɨŋ a gɨɗɨgɨ-Kumu gɨŋ daa nii na, ka-ƴɔbɛ kage ga daa nii ɨrege dan̰ tumoyge a tumoy Banɨ gɨ som a daa nii kɨya cayge.

Matɨyo 18:10 ပူးပေါင်းရင်းမြစ်များ

Matɨyo 1:20

Kɨɗɨn̰ ga ban woy te ɨrɨme ƴee bɨ ga ma, ba-ƴɔbɛ gɨ daa nii gɨ da Ba-gulɔŋ andaŋ cayi duroy sɔndɛ gɨŋ, yeyi hɨn̰: «Jɨsɛb, kungay Dabid, ji ɗɔɔ ba hundɔrɔ gɨ ni kan̰e ƴɔɔ Mari coŋ naŋ. Kɨya wa kur gɨ hɨndi ƴee le, na dan̰ gɨyəŋ gɨ da Turnɔ ɗe-kuduroy-bɛrɛ.

Matɨyo 12:20

Ban kɨya bɔyɛ kɨdɨra gɨ suloyge naŋ bɨ, Kɨya baye tɨwa di ƴee jḛ ti lamba dɨŋ naŋ bɨ, Bɨrɨŋ gɨsɨn̰ gɨ ban gɨ lɔɔ gɨ ɗe hɨnga ga dan̰ durɔ ayɨn̰ banga.

Matɨyo 18:14

Woy na hɨn̰ na wo̰ bɨ dan̰ Baygɨŋ gɨ som a gɨɗɨgɨ-Kumu gɨŋ. Ban gey gɨ karɨn̰aŋ ga n̰en̰əŋ ga kɛ le, pɨna na gɨ kayaŋ naŋ.

Matɨyo 18:6

«Waŋ waŋ gɨ na laa gɨ kɨye pɨna duroy karɨn̰aŋ ga beege kuduroyge canɨ le, ɗe na ba boy ɨsɨna gɨŋ na, hɨn̰ gɨ ungo na saɗa garma gɨ gumu kordi ungo gɨ nee le bɨ, kan na ayayi dɨbii ɗurɔm duroy kuray gɨ gumu taa taa gɨŋ coŋ na, golgo kɨya cayi. Ɗɨn̰ gɨ ban na sɨma bɨ layda kan ga beege kuduroyge canɨ.

Matɨyo 2:13

Kɨɗɨn̰ ga ka-sɔlɛ hɨnga duroy dɛsɨɗɛŋ dɨŋ say orge coŋ bɨ ga ma, ba-ƴɔbɛ gɨ daa nii gɨ da Ba-gulɔŋ andaŋ cay Jɨsɛb duroy sɔndɛ gɨŋ bɨ yey hɨn̰: «Sa daa, aya kɨye bɨ, ƴoyi bɨ, gɨrɨn̰ ɨran̰ danage a cay gɨsəŋ ga Ejɨpt gaŋ. Bɨ sɨman̰ nee bɨrɨŋ gɨsɨn̰ gɨ ɨŋ na yan̰ pa dɨm ma man̰ jɨgan̰ danage ƴee. Kɨya gɨ Ɛrɔd mal gɨ ni dɨɗe kɨye le coŋ.»

Matɨyo 2:19

Kɨɗɨn̰ ga Ɛrɔd ma bɨ ga ma, ba-ƴɔbɛ gɨ daa nii gɨ da Ba-gulɔŋ andaŋ cay Jɨsɛb duroy sɔndɛ gɨŋ a cay gɨsəŋ ga Ejɨpt gaŋ bɨ yey hɨn̰:

Matɨyo 24:31

Kɨɗɨn̰ ga noy burun̰ji di gumu kɨya yɔ na, ban kɨya gɨye ka-ƴɔbɛ kayi ga daa nii ɗe na orge dɔnɛge kan ga ban torge le, a tɨbɨn̰ gɨsəŋ ga poɗɨn̰ gaŋ. Kan kɨya aye toy kɨway kɨbɨ gɨsəŋ ga pɨna gaŋ bɨrɨŋ andɨn̰ kɨbɨ gɨsəŋ ga ɗaŋ gaŋ.

Kɔl-gɨ-Ɗari gɨ Lug wal 1:19

Bɨ ba-ƴɔbɛ gɨ daa nii le dɨbi cay nee yey hɨn̰: «Ɨŋ na Gabɨriyɛl, ba ɨre tumoy Kumu kɨya lɔɔ kuduroy geye koyi. Kumu gɨygəŋ gɨ ɨŋ na ɨre yan̰ bɨ, gɨ ɨŋ na ɨren̰ dan̰ Kɔl-gɨ-Ɗari gɨ kɛ le, bɨn̰ bɨ.

Kɔl-gɨ-Ɗari gɨ Lug wal 10:16

Ban jɨga yen̰ ka-aye-cay-tɨbayi yege hɨn̰: «Waŋ waŋ gɨ na ja kɔl kogɨŋ na, je na kɔl hɨnge bɨ. Waŋ waŋ gɨ na jɨbɨgɨŋ sɛdɨ coŋ na, jɨbəŋ na ɨŋ-bandi sɛdɨ coŋ bɨ. Waŋ waŋ gɨ na jɨbəŋ sɛdɨ coŋ na, jɨb na ban gɨ ba gɨyigəŋ sɛdɨ coŋ bɨ.»

Kɔl-gɨ-Ɗari gɨ Lug wal 16:22

Wɔlɛ gɨ pɨna wo̰ ba-n̰age le say ma bɨ, ka-ƴɔbɛ ga daa nii ɨrgage ayige orɨn̰ danayi siige kɨway Abɨraham. Ba wɔɔ hɨnga le kalɨn̰ ma ma bɨ, kan ayige orɨn̰ danayi ɨmgiige.

Gɨye-lɔɔ 10:3

Wɔlɛ gɨ pɨna wo̰ dan̰ tɨwa sɨbɨ di ni borundo na, hɨnga buyoŋ cɨndi hɨn̰ dḛ wo̰ lee gɨ ban sol ba-ƴɔbɛ gɨ daa nii gɨ da Kumu arɨn̰ cərərə, andaŋ kardi ƴen̰ bɨ yey hɨn̰: «Kɔrney!»

Gɨye-lɔɔ 12:15

Kan dubooge cay nee yooge hɨn̰: «Me dɨngal.» Ama hɨndi ƴom kɨbo osɨ ye hɨn̰ na cɨndi. Ɨni na, kan yege hɨn̰: «Gɨ lɔɔ na ba-ƴɔbɛ gɨ daa nii gɨ ba game Pɨyɛr.»

Gɨye-lɔɔ 12:23

Kɨɗɨn̰di ga nee gaŋ le bɨ, ba-ƴɔbɛ gɨ daa nii gɨ da Ba-gulɔŋ andɨ Ɛrɔd kɨya wa ban dɨbɨ gusoŋ-tɔgɛ a cay Kumu naŋ. Bɨ suboŋn̰əŋ bugoŋge kuduroy dii muɗɔgɨ dɨɗii coŋ.

Gɨye-lɔɔ 27:23

A duroy son̰do di kɛ dɨŋ, ba-ƴɔbɛ gɨ daa nii gɨ da Kumu gɨ ɨŋ na ungo koyi bɨ, ɨŋ lee gɨye koyi bɨ le, andaŋ canɨ,

Gɨye-lɔɔ 5:19

Ama dan̰ duroy son̰dodo dɨŋ na, ba-ƴɔbɛ gɨ daa nii gɨ da Ba-gulɔŋ gɨ pɨna wo̰ ɨrga haŋgɨ kɨbɨ ƴaa dangayn̰əŋ bɨ, dorge orɨn̰ danage doŋ bɨ, yege hɨn̰:

Magtubu di Pol wal bɨn̰ kalaŋ ga Rɔm 14:10

Ji-bandi gɨ ba kɛ, na kɨya wa ma mɨn̰ boy kɔl a cay kurɨndɨn̰ bɨ ga, ji-bandi gɨ kɔ, na kɨya wa ma mɨn̰ hagɨr kurɨndɨn̰ bɨ ga? Waŋ waŋ kalɨn̰ ma duroyna, kɨya ɨre a tumoy kali di da Kumu dɨŋ, ɗe ban na bon̰ kɔl cayna.

Magtubu di Pol wal bɨn̰ kalaŋ ga Rɔm 14:21

Hɨnga ga ɗari na, ji ɗa ba dɔɔ culɔm bɨ, sɔɔ cɛrɛ di suru bɨ, lɔɔ hɨnga ga kɨya orɨn̰ dan̰ kurɨndɨn̰ a boy ɨsɨna gɨŋ bɨ.

Magtubu di Pol wal bɨn̰ kalaŋ ga Rɔm 15:1

Na hɨn̰ wo̰ ma, na-gandi ga na osu a te aye kudurɔ gɨŋ le, ojɨ gɨ na dɨbɨ ɗugoyna cay karmɨna ga usa a te aye kudurɔ gɨŋ naŋ. Ɗanagɨŋ baa lɔɔ hɨnga ga kɨya ƴɔɔ cɨndɨna na-gandi.

1 Korɛ̰t 11:22

Kɛ kɨŋ ɨran̰ dan̰ ƴaadɨgɨŋ gɨ ni dɨn̰ dɔɔ bɨ, gɨ ni sɨn̰ hɨnga bɨ, naŋ ga? Wala kɛ kɨŋ hagɨr na Ka-Daye gɨ da Kumu bɨ, kɨŋ gey dɨbe na dasi cay kan ga ɨran̰ dan̰ hɨnga naŋ bɨ ga? Kɛ ɨŋ yagɨŋ na wa ga? Kɛ ɨŋ hɨramagɨŋ koldi ga? Cə cə, ɨŋ kɨya hɨramgɨŋ koldi naŋ.

1 Korɛ̰t 16:11

Na toy di hɨn̰ wo̰ ma ɗɔɔ gɨ ungo hagɨrii naŋ. Jɨbgɨŋ toyi ɗe ban jɨga gusɨnɨ dan̰ gusi-dɔbɛ. Kɨya wa ɨŋ som gamii ban bɨ karmɨna ga danayi bɨ.

1 Korɛ̰t 9:22

Kɨɗɨn̰ ga ɨŋ na sɨma duroy kalaŋ ga hɨmbaɗɨdaŋ gaŋ na, ɨŋ bɨle gusɨnɨ leen̰ hɨn̰ ungo gɨ hɨmbaɗɨ bɨ. Ɨŋ lee hɨn̰ wo̰ ɗe aŋ na wan̰ kalaŋ ga hɨmbaɗɨdaŋ bɨn̰ Kɨris. Ɨŋ lee gusɨnɨ hɨn̰ kalaŋ nɔm a te gɨye-lɔɔ gɨ ani ani gɨŋ, ɗe naa dan̰ gɨyəŋ gɨ ani ani kalɨn̰ ma kan ga pɨna duroyge na waage pɔɗɛ.

2 Korɛ̰t 10:1

Ɨŋ-bandi Pol gɨ kalaŋ yege kol canɨ gɨ kɨɗɨn̰ ga ɨŋ na wɨya duroygɨŋ na ɨŋ na dobɨ canɨ dugo, ama kɔl hɨnge na osu kɨɗɨn̰ ga ɨŋ na wɨya hen̰ danagɨŋ. Ɨŋ olgɨŋ dan̰ guson̰ Kɨris gɨ ba lɔɔ ɗarwa bɨ, gɨ kaledi jal yɔd bɨ:

2 Korɛ̰t 10:10

Ho’o, hɨn̰ gɨ kalaŋ ga pɨna na hagɨraŋge yan̰ge kol canɨ hɨn̰: «Kɔl gɨ da Pol gɨ a duroy magtubu toy dɨŋ ye man̰ bɨ, osu bɨ. Ama kɨɗɨn̰ ga ban dan̰ gusi na ɨr duroyni na, ban ɨran̰ dan̰ dɔnɔ naŋ bɨ, kɔl koyi na kɔl gɨ maɗɨ wo̰ dugo bɨ.»

Galad 6:1

Karmɨnɨ ga ban̰aŋ dan̰ ga kandɨ, hɨn̰ gɨ kɨŋ na ƴɨma ungo a cay lɔɔ hɨnga ga dan̰ gɨyəŋdɨge naŋ gaŋ na, kɨŋ ga Turnɔ di da Kumu woy kuduroygɨŋ le, kɨŋ jɨgen̰ danayi dan̰ kaledɨgɨŋ ga jali ɗe ban jɨga a te gɨyəŋ gɨ dan̰ durɔ ɗɨngar gɨŋ. Ji gama gusɨn̰ kuɗa naŋ na, ji kalɨn̰ ma ji da bɔɔ boy hɨnga ga ni gɨybe gaŋ bɨ.

1 Tesalonigɨ 4:8

Na toy di hɨn̰ wo̰ ma, waŋ waŋ gɨ na kan̰a hɨnga ga ni gɨlgɨŋ ga nee le na, kan̰a na ungo gɨ ɨndi naŋ, ama kan̰ na Kumu gɨ ba bɨgɨŋ Turnɔ toyi ɗe-kuduroy-bɛrɛ le.

1 Timote 4:12

Ɗɔɔ gɨ ungo hagɨrɨn̰ kɨya gɨ ji naa marɨna naŋ. Ama kuɗa gɨ kɔl yɔdɨn̰ bɨ, gɨye-lɔɔdɨn̰ bɨ, ƴɔmɛ wandɨ ton̰ bɨ, aye kudurɔ kon̰ bɨ, haldɨn̰ gɨ duroŋ mɨra bɨ, wɨya na hɨnga ga ni gɨle, kɨya cay ka-aye kudurɔ.

Əbɨro 1:14

Ka-ƴɔbɛ ga daa nii nɔm na turnɔn̰əŋ ƴɔbɨ ga ka-lɔɔ gɨye gɨ da Kumu bɨ, Kumu gɨygɨge ɗe kan na laa gɨye kol cay kalaŋ ga ka-wɔɔ pɔɗɛ bɨ.

Əbɨro 9:24

Ho’o, kɨɗɨn̰ ga woy dan̰ cɨndɨge ga Kɨris andaŋ boy nee le, na ga kobɨ ungo ba lɔɔ naŋ. Kɨɗɨn̰ ga nee le na turnoy hɨnga ga cɨndi ƴɔbɨ naŋ. Ama ban andaŋ a gɨɗɨgɨ-Kumu gɨŋ jada ɗe na ɨrɨn̰ tumoy Kumu kol cayna boy tɨwa di haw kɛ dɨŋ.

Wasɨn̰a 8:2

Kardi nee, ɨŋ sol ka-ƴɔbɛ ga daa nii jurgum ɨrege tumoy Kumu. Kan bɨgege burun̰ji jurgum kobɨge pɨna pɨna nɔm.