Matɨyo 17:27 - Gabri Maja

²⁷ Ama ɗe kuduroy kalaŋ na mundoŋ naŋ na, ɨra kɨbɨ kuray gɨ gumu taa taa gɨŋ dɨbe jungɨlɨn̰ nee. Gusa gɨ cay wase gɨ kɨya sɔyɛ jungɨlɨn̰ le, ƴɨmayi bɨ hanga kɨbi na, ji kɨya wɔɔ sɨle di ni arja̰ di ɓal bee hɔgɛ gɨ ni lambo kon̰ bɨ, hɨnge bɨ. Aya ɨran̰ bɨn̰ ka-hɔgɛ lambo kol cay na.

Matɨyo 17:27 ပူးပေါင်းရင်းမြစ်များ

Matɨyo 17:26

Pɨyɛr jɨga dɨbii cay nee yeyi hɨn̰: «Na kobɨ kɨrge.» Ɨni na, Jesu yeyi hɨn̰: «Naa hɨn̰ wo̰ na, karɨn̰aŋ ka-cay ƴaa unɔge nee.»

Matɨyo 18:6

«Waŋ waŋ gɨ na laa gɨ kɨye pɨna duroy karɨn̰aŋ ga beege kuduroyge canɨ le, ɗe na ba boy ɨsɨna gɨŋ na, hɨn̰ gɨ ungo na saɗa garma gɨ gumu kordi ungo gɨ nee le bɨ, kan na ayayi dɨbii ɗurɔm duroy kuray gɨ gumu taa taa gɨŋ coŋ na, golgo kɨya cayi. Ɗɨn̰ gɨ ban na sɨma bɨ layda kan ga beege kuduroyge canɨ.

Matɨyo 18:8

Hɨn̰ gɨ naa kobɨn̰ naŋ le, tɨban̰ na ba gey cangɨn̰ danan̰ daa te gɨyəŋ gɨ ɗari gɨŋ na, ji walayi dɨbi sɛdɨ coŋ. Golgo andaŋ boy kɨɗɨn̰ ga kalaŋ somɨn̰ge-bɨra dan̰ cɨndɨge nee gaŋ, dan̰ kobɨn̰ gɨ pɨna naŋ le, tɨban̰ di pɨna ɗɨn̰ gɨ kan kɨya dɨbɨn̰ dan̰ kobɨn̰ sɔɔ bɨ, tɨban̰ sɔɔ bɨ, boy tɨwa di ƴee dan̰ cɨndo dɨŋ.

Matɨyo 5:29

Hɨn̰ gɨ tɨdɨn̰ di bara na gey cangɨn̰ danan̰ gɨyəŋ gɨ ɗari gɨŋ coŋ na, dɨraa duboo hen̰ coŋ. Kɨya wa ji na kaya kɨway kuyoŋdi-gusɨn̰ pɨna duroy kamdi gɨŋ na, golgo ɗɨn̰ gɨ ni dɨbe kuyoŋdi-gusɨn̰ nɔm boy tɨwa di ƴee dan̰ tumɔɔ di ni gehɛn dɨŋ le.

Matɨyo 5:30

Hɨn̰ gɨ kobɨn̰ gɨ bara na gey dɨbɨn̰ duroy ɨsɨna gɨŋ na, walayi dɨbii hen̰ coŋ. Kɨya wa ji na kaya kɨway kuyoŋdi-gusɨn̰ pɨna duroy kamdi gɨŋ na, golgo ɗɨn̰ gɨ ni dɨbe kuyoŋdi-gusɨn̰ nɔm boy tɨwa di ƴee dan̰ tumɔɔ dɨŋ di ni gehɛn le.

Marg 9:42

Waŋ waŋ gɨ na laa gɨ kɨye pɨna duroy karɨn̰aŋ ga beege kuduroyge canɨ le, na ba boy ɨsɨna gɨŋ na hɨn̰ gɨ ungo na saɗa garma gɨ gumu kordi ungo gɨ nee le bɨ, kan na ayayige dɨbii ɗurɔm duroy kuray gɨ gumu taa taa gɨŋ coŋ le, golgo kɨya cayi.

Marg 9:43

Hɨn̰ gɨ kobɨn̰ na gey dɨbɨn̰ duroy ɨsɨna gɨŋ na, walayi coŋ. Golgo gɨ ji andaŋ a kɨɗɨn̰ ga sɔmɛ-bɨra gɨ dan̰ cɨndi woy nee gaŋ dan̰ kobɨn̰ gɨ pɨna, ɗɨn̰ gɨ kan na dɨbɨn̰ dan̰ kobɨn̰ sɔɗɨmɔŋ boy tɨwa di ƴee dan̰ tumɔɔ di ni gehɛn dɨŋ.

Kɔl-gɨ-Ɗari gɨ Lug wal 17:2

Hɨn̰ gɨ ungo na saɗa garma gɨ gumu kordi ungo gɨ nee le bɨ, kan na ayayi dɨbii ɗurɔm duroy kuray gɨ gumu taa taa gɨŋ coŋ na, golgo kɨya cayi, ɗɨn̰ gɨ ban na sɨma bɨ layda kan ga aye kudurɔ koge ɓala naŋ.

Kɔl-gɨ-Ɗari gɨ Ja̰ wal 6:61

Ama Jesu sol gɨ ka-aye-cay-tɨbayi ɨre n̰amge kɔl a cay kɔl gɨ nee le, lee gɨ ban yege hɨn̰: «Kɔl gɨ nee le ƴomgɨŋ isi ga?

Magtubu di Pol wal bɨn̰ kalaŋ ga Rɔm 14:21

Hɨnga ga ɗari na, ji ɗa ba dɔɔ culɔm bɨ, sɔɔ cɛrɛ di suru bɨ, lɔɔ hɨnga ga kɨya orɨn̰ dan̰ kurɨndɨn̰ a boy ɨsɨna gɨŋ bɨ.

1 Korɛ̰t 8:13

Na toy di hɨn̰ wo̰ ma, hɨn̰ gɨ hɨnga ga ni dɔɔ naa hɨnga ga kɨya lɔɔ gɨ kurɨnɨ na kɨya bɔɔ boy ɨsɨna gɨŋ na, ɨŋ kɨya dɔɔ kuyoŋ gɨ nee le naŋ bɨrɨŋ dan̰ cɨnɨ, kuɗa ɗɨn̰ gɨ ni lɔɔ gɨ kurɨnɨ gɨ bɔɔ.

1 Korɛ̰t 8:9

Ama ɗagɨŋ muɗɔlɛ a cay gusɨgɨŋ ɗe sɔmɛ cay-kalɨn̰ di kɨŋ ba orɨn̰ le, bɨle gundi sɨya gɨ kɨya dɔgɛ tɨban̰ kan ga togɨyge unɔ ɗe laydaŋge boy ɨsɨna gɨŋ naŋ.

2 Korɛ̰t 6:3

Ni gey lɔɔ hɨnga ga ɨsɨni wo̰ gɨ kɨya bɨle gundi sɨya dɔgɛ tɨbay ungo nayi naŋ, kɨya wa ni gey gɨ ungo na gɨ dɔrɛ kol gɨye gɨ ni lee ɨsɨn naŋ.

2 Korɛ̰t 8:9

Na cɨndi, kɨŋ sol ɗarwa di Ba-gulondɨna Jesu-Kɨris ƴom danana: Ban gɨ ba wɔɔ hɨnga le bɨləŋ ba-n̰age kol caygɨŋ, ɗe agɨŋ na bɨlɨn̰ ka-wɔɔ hɨnga dan̰ gɨyəŋ gɨ da n̰age di leeyi le.

1 Tesalonigɨ 5:22

Dɨragɨŋ gusɨgɨŋ sɛdɨ coŋ te hɨnga ga ɨsɨni nɔm ga toyge kan̰dɨge kan̰dɨge.

Magtubu di Jag wal 2:5

Jagɨŋ, karmɨnɨ ga ban̰aŋ dan̰ ga kandɨ ga ɨŋ lee-toygɨŋ! Kumu bɨnde kalaŋ ga kalaŋ solgege leen̰ ka-n̰age a cay gɨsəŋ gaŋ, ɗe na bɨlege ka-wɔɔ, boy hɨnga ga ojɨ cay aye kudurɔ gaŋ bɨ, ɗe na wan̰ge dɔɔ-ƴaa di da Kumu gɨ ban ye gɨ ɗi na kɨya bɨn̰ kalaŋ ga leege wandɨ danayi bɨ.