Matɨyo 16:18 - Gabri Maja

¹⁸ Ama ɨŋ-bandi ɨŋ ye hɨn̰: Ji na Pɨyɛr, duroy na garma, bɨ ɨŋ-bandi ɨŋ kɨya gaɗe te Ka-Daye kange a cay garma gɨ nee gɨŋ le bɨ. Dɔnɔ da tɨma kɨya ɓale lɔɔ hɨnga danaa naŋ.

Matɨyo 16:18 ပူးပေါင်းရင်းမြစ်များ

Matɨyo 10:2

Guson̰ ka-gɨre-gɨye ga mɔjɨ-cayge-sɔɔ le ba kɛ: Ban gɨ cay wase cɨg cɨg na Simo, gɨ kan teeyige Pɨyɛr, dan̰ kurɨndi Andɨre bɨ, Jag kurɨn̰ Jebede dan̰ kurɨndi Ja̰ bɨ,

Matɨyo 11:23

Kɨŋ kalaŋ ga cay ƴaa-di-gumu di Kapɛrnɔm, kɨŋ ɨrɨm kuduroygɨŋ hɨn̰ gɨ kɨŋ na kɨya sɔɔ bɨrɨŋ ɔrɛ gɨɗɨgɨ-Kumu gɨŋ ga? Naŋ! Kɨŋ kɨya gɨsɨne boy tɨwa di ƴee dan̰ cɨndo dɨŋ. Kɨya wa hɨnga ga ni belin̰əŋ ga lee gusɨge a tɛɛ le, hɨn̰ gɨ ni na laa gusɨge naa Sɔdɔm na, labɨde kalɨn̰ ma kalaŋ ga cay ƴaa di Sɔdɔm le, ni kɨya sɔmɛge nee ƴee.

Matɨyo 18:17

Hɨn̰ gɨ ban na kan̰a jɔɔ kɔl koge na, yan̰ Ka-Daye ga da Kumu, ma hɨn̰ gɨ ban na kan̰a jɔɔ Ka-Daye coŋ na, kɨŋ sɨlayi hɨn̰ ungo gɨ sɨla Kumu gɨ cɨndi naŋ bɨ, kɨŋ sɨlayi hɨn̰ ungo gɨ ba-hɔgɛ lambo wo̰ bɨ.

Matɨyo 4:18

Wɔlɛ gɨ pɨna wo̰, Jesu gor a kɨbɨ kuray gɨ Galile gɨ gumu taa taa. Ban sol kalaŋ won̰ge sɔɔ ga na ka-karme ga ka-ure gusa. Simo gɨ tɨrɨmbalayi na Pɨyɛr bɨ, kurɨndi Andɨre bɨ. Somge dɨbge bura duroy kuray gɨ gumu taa taa gɨŋ, kɨya gɨ kan na ka-ure gusa.

Matɨyo 7:24

«Na toy di hɨn̰ wo̰ ma, waŋ waŋ gɨ na ja kɔl hɨnge gɨ ɨŋ ba ye kɛ le bɨ, na aya laan̰ gɨye bɨ na, kɨya bɨle wɔyɛ na hɨn̰ ungo gɨ ba-cɨn̰-muɗɔlɛ gɨ gaɗɨ ƴaa toyi a cay garma gɨŋ.

Kɔl-gɨ-Ɗari gɨ Ja̰ wal 1:42

Ban orɨn̰ dan̰ Simo gusi Jesu. Jesu sol Simo ɗɛɛ ɨni na, yey hɨn̰: «Ji na Simo kurɨn̰ Ja̰, ama kan kɨya togɨn̰ na, Kepas» duroy na «Garma.»

Gɨye-lɔɔ 2:47

Kan hɨramge Kumu bɨ, kan ƴeege cɨn̰ kalaŋ nɔm nee bɨ. Ɨni na, kan ga ban poɗɨge le, Ba-gulɔŋ ɨrgan̰ danage beege cay kamdɨge ga ka-daye gusɨge le, dan̰ wɔlɛ pɨna pɨna.

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

Gɨye-lɔɔ 8:1

Kalaŋ ga ka-dɨɗe Etɛn le, Sol kalɨn̰ ma gey cay nee danage bɨ. A boy wɔlɛdi gɨ nee gɨŋ le ayge te loon̰ Ka-Daye ga Jerusalɛm cɨn̰-gɨle-cɨn̰ tɔgɨ. Kɨɗɨn̰ ga nee le, na ka-gɨre-gɨye ƴɔbɨ ba busdoŋge a cay kɨɗɨn̰ ga ɗaŋ gaŋ naŋ bɨ, ka-aye kudurɔ toyge ga baa le busdoŋge a cay kɨɗɨn̰ gaŋ nɔm. Kan orge a cay karɨn̰ ƴaa ga n̰ən̰əŋ ga woy a cay gɨsəŋ ga Jude gaŋ bɨ, ga Samari gaŋ bɨ.

1 Korɛ̰t 15:55

«Ay tɨma, banga tɛɛ ba ani ga? Ay tɨma, dɔnɔ tɛɛ ba ani ga?»

Galad 2:9

Jag bɨ, Kepas bɨ, Ja̰ bɨ, na kalaŋ ga kan solgege leen̰ ka-cay Ka-Daye, ga woyge hɨn̰ sɨya ba duroy ƴaa wo̰. Naa hɨn̰ wo̰ kalɨn̰ ma, kan solge ɗarwa di Kumu ba lee danani. Ɨni na, kan cogɨdege kɔbɔŋ ɨŋ-bandi bɨ, kobɨ Barnabas bɨ, gɨlɨn̰ hɨn̰ gɨ kan na bugoŋ pɨna danani a cay gɨye gɨ nee gɨŋ le. Ni bee noyni pɨna, gɨ ni na kɨya lɔɔ gɨye duroy kalaŋ ga toyge na Jubɨ naŋ bɨ, ke na kɨya lɔɔ gɨye duroy kalaŋ ga toyge na Jubɨ bɨ.

Epɛs 3:10

Ɗe ka-dɔɔ cay ƴaa bɨ, dɔnɔn̰əŋ ga woyge gɨɗɨgɨ-Kumu gɨŋ bɨ le, solɨn̰ge cɨn̰-muɗɔlɛ di tɔɔ kan̰do kan̰do di da Kumu haw kɛ dan̰ gɨyəŋ gɨ da Ka-Daye.

Epɛs 5:32

Kɔl gɨ kɛ le na kɔl gɨ gumu gɨ woy kɨɗɨn̰ wɔsɛdi gaŋ. Bɨ ɨŋ sol gɨ kɔl gɨ nee le yege ojɨ na cay Kɨris dan̰ Ka-Daye.

Kɔlɔs 1:18

Na ban coŋ ma na ba cay Ka-Daye. Ka-Daye na kuyoŋdi-gusi. Ban na ɗɔɔ te hɨnga bɨ, Ban na ba bɔyɛ lɨbe cay wase cɨg cɨg, Duroy kalaŋ ga madɨrdaŋ bɨ. Kumu lee hɨn̰ wo̰ ɗe ban na won̰, Ba cay wase cɨg cɨg gɨ da hɨnga nɔm.

1 Timote 3:15

Ama hɨn̰ gɨ ɨŋ na bugoŋ haw kɛ naŋ kalɨn̰ ma, ɨŋ wal kol hɨnga ga kɛ le bɨn̰ an̰ solɨn̰ gɨyəŋ gɨ ni loon̰ gɨye a duroy ƴaa-di-da-Kumu dɨŋ. Ƴaa le, na Ka-Daye ga na kalaŋ ga da Kumu gɨ som-bɨra. Na hɨndi mana ɗe ƴɔmɛ kɔl gɨ cɨndi daa hɨn̰ sɨya gɨ ni duroy ƴaa wo̰ bɨ ɗe jɨbe te kɔl gɨ cɨndi daa bɨ.

1 Timote 3:5

Na cɨndi, ungo gɨ na sɨla dɔrɛ tumoy kalaŋ ga a duroy ƴaadi dɨŋ naŋ na, kɛ kɨya sɔlɛ kardi Ka-Daye ga da Kumu na mɨna ga?

Əbɨro 12:28

Na hɨn̰ wo̰ ma, ɗa gɨ na laan̰gɨŋ Kumu ho’o kɨya gɨ ban bɨna dɔɔ-ƴaa di osu di kɨya yɨbagdaŋ naŋ. Kuɗa gɨ na laan̰ Kumu ho’o, laan̰ gɨye bii dan̰ gɨyəŋ gɨ kɨya ƴɔɔ-cɨndi, dan̰ dɔbɛ caa bɨ, bɔgɛ kɔl bɨ.

Wasɨn̰a 11:15

Kardi nee ba-ƴɔbɛ gɨ daa nii gɨ cay jurgumdɨge lɨm burun̰ji. Ɨni na, noy kalaŋ ye daa pəŋ a gɨɗɨgɨ-Kumu gɨŋ ye hɨn̰: «Haw kɛ na, na Ba-gulondɨna dan̰ Kɨris ban gɨ Kumu dorii ba dɔɔge-ƴaa a cay gɨsəŋ gaŋ. Kan kɨya dɔɔge-ƴaa ɨlge dan̰ ɨlge.»

Wasɨn̰a 21:14

Bɨrɨm gɨ da cay ƴaa-di-gumu le, orɨn̰ dan̰ tɨbayi mɔjɨ-cayge-sɔɔ. Walge guson̰ ka-gɨre-gɨye ga mɔjɨ-cayge-sɔɔ ga da Kurɨn̰-dɨmangɨ le cay nee pɨna pɨna nɔm.