Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matɨyo 16:16 - Gabri Maja

16 Simo Pɨyɛr dɨbii cay nee yeyi hɨn̰: «Ji na Kɨris ban gɨ Kumu dorii, Kurɨn̰-Kumu gɨ som dan̰ cɨndi le.»

အခန်းကိုကြည့်ပါ။ ကော်ပီ




Matɨyo 16:16
38 ပူးပေါင်းရင်းမြစ်များ  

Jagob wɔɔ Jɨsɛb Mari kudurɔ, bɨ Mari wɔɔ Jesu, kan teeyige na Kɨris.


Kalaŋ nɔm ga somge duroy koburo gɨŋ le, poyge gɨbayge dugo tumoy Jesu n̰ɨriige bɨ, yeyige hɨn̰: «Ji na Kurɨn̰-Kumu leen̰ cɨndi han̰.»


Jesu jɨga ɨngɨrge ɗaŋ coŋ yege hɨn̰: «Ma kɛ kɨŋ-gandi kɨŋ ye kogɨŋ na mɨna bɨ ga?»


Ama Jesu som kɨbi munduŋ. Ɨni na, mangɨl gɨ da ka-cay ka-bɔgɛ kɨbar yeyi hɨn̰: «Ɨŋ olɨn̰, dɨra gusɨn̰ dan̰ guson̰ Kumu gɨ som-bɨra, yani kɛ ji na Kɨris ban gɨ Kumu dorii, Kurɨn̰-Kumu le ga?»


Gumu gɨ da asɨgar gɨ da kalaŋ ga Rɔm bɨ, asɨgarn̰əŋ ga gamge kɨbɨ Jesu danayi bɨ le, solge cay gɨsəŋ ga sayde den̰ den̰ bɨ, hɨnga ga lee gusɨge bɨ na, hundɔrɔ leege gɨɗaŋ bɨ yege hɨn̰: «Ban gɨ kɛ le, na Kurɨn̰-Kumu leen̰ cɨndi.»


Ɨni na, Haban̰, Ba-gɨybe kɨɗɨn̰ ɨrga gusi bɨ yeyi hɨn̰: «Ji naa Kurɨn̰-Kumu leen̰ cɨndi na, aya noy bɨn̰ karɨn̰ orun̰əŋ ga kɛ le, ɗe bɨle mapan̰əŋ bɨn̰ an̰ dii.»


Ama Jesu som kɨbi munduŋ bɨ dɨbɨge kɔl nee naŋ. Gumu gɨ da ka-cay ka-bɔgɛ kɨbar ɨngɨrii ɗaŋ coŋ hɨn̰: «Kɛ ji na Kɨris ban gɨ Kumu dorii Kurɨn̰-Kumu, ban gɨ ni kɨya hɨramii le ga?»


Labɨde kan wɔɔge Ba-pɔɗɛ kalaŋ a cay ƴaa di da Dabid, ban na Kɨris ban gɨ Kumu dorii le bɨ, ban na Ba-gulɔŋ nee bɨ.


Ɨni na, Natanɨyɛl jɨga yey hɨn̰: «Ba-gɨlɨn̰ kalaŋ hɨnga, ji na Kurɨn̰-Kumu, ji na Kɨlma gɨ da karɨn̰ Ɨsɨrayɛl.»


Mart dɨbi cay nee hɨn̰: «Əw, Ba-gulɔŋ ɨŋ bee kuduronɨ can̰ gɨ ji na Kɨris ban gɨ Kumu dorii, Kurɨn̰-Kumu gɨ ni amii gɨ ba kɨya caga a cay gɨsəŋ gaŋ le.»


Ama hɨnga ga ni belin̰əŋ ga ɨŋ ba ye koldɨge duroy magtubu di kɛ dɨŋ le, ɨŋ ye na gɨ ɗe agɨŋ na been̰ kuduroygɨŋ cay Jesu, gɨ ban naa Kɨris Kurɨn̰-Kumu. Bɨ hɨn̰ gɨ kɨŋ na bɨga kuduroygɨŋ cayi na, kɨŋ kɨya wɔɔ sɔmɛ-bɨra kol cayi bɨ.


Hɨn̰ gɨ Banɨ ba gɨyigəŋ ba som-bɨra dan̰ cɨndi bɨ, ɨŋ ba som-bɨra na kol cay Banɨ bɨ na, ungo gɨ na daaŋ na, kɨya sɔmɛ-bɨra dan̰ cɨndi kol canɨ bɨ.


Simo Pɨyɛr dibii cay nee yeyi hɨn̰: «Ba-gulɔŋ, kɛ ni gɨ ɔrɛ na gusi waŋ gɨ ɗaŋ coŋ ga? Ji ba orɨn̰ dan̰ kɔl gɨ bɨn̰ ungo sɔmɛ-bɨra gɨ dan̰ cɨndi.


Ni-gandi na, ni bee kuduroyni can̰, ni solɨn̰, ji woy dan̰ cɨndɨn̰, Kumu gɨygɨn̰.»


«Ka-pogɨn̰ɨni, kɨŋ le na wa ba hɨn̰ wo̰ ga? Ni na kalaŋ ga ɨndəŋ hɨn̰ kɨŋ-gandi wo̰ bɨ! Kɔl-gɨ-Ɗari gɨ ni ba tee bɛrnɛdi le, na gɨ agɨŋ na ɗen̰ kardi kulan̰əŋ ga kalɨn̰ wo̰ coŋ bɨ, agɨŋ na bɨlɨn̰ gusɨgɨŋ gusi Kumu gɨ som-bɨra. Ban na ba ɗɔɔ gɨɗɨgɨ-Kumu bɨ, cay gɨsəŋ bɨ, kuray gɨ gumu taa taa bɨ, hɨnga nɔm ga ba woy boy kuray gɨ gumu taa taa gɨŋ bɨ, gɨɗɨgɨ-Kumu gɨŋ bɨ.


Kɨɗɨn̰ ga kan ayge gɨyəŋ orge na, kan bugoŋge a kɨɗɨn̰ ga kaŋ woy nee gaŋ ɨni na, ungo gɨ kan dorge toyi le yey hɨn̰: «Sɨla kaŋ ba kɛ, na wa ba kɨya nare ɗe gɨ ji gɨ looŋ batɛm ga?»


[Pilib yey hɨn̰: «Hɨn̰ gɨ ji na bɨga kuduron̰ cay nee leen̰ cɨndi na, ɨŋ kɨya loon̰ batɛm.» Ɨni na, ungo gɨ gumu le, dɨbii cay nee yey hɨn̰: «Ɨŋ ay kuduronɨ bɨn̰ Jesu-Kɨris. Ban na Kurɨn̰-Kumu.»]


Sol gama naŋ bɨ, ban ay te tɔgɛ bɛrnɛ a duroy ƴaa-daye-di-da-Jubɨn̰əŋ gaŋ yen̰ kalaŋ gɨ Jesu naa Kurɨn̰-Kumu.


Kɨɗɨn̰ ga Kumu boyii lɨbii duroy kalaŋ ga madɨrdaŋ gaŋ na, Turnɔ ɗe-kuduroy-bɛrɛ gɨl gɨ ban naa Kurɨn̰-Kumu gɨ dɔnɔdi ɗɨn̰ dɔnɔ nɔm.


Kɨya wa Jesu-Kɨris Kurɨn̰-Kumu, ban gɨ ɨŋ-bandi bɨ, Sɨlas bɨ, Timote bɨ, ni ba tee bɛrnɛ di da kɔl koyi bɨgɨŋ le, ban ɨrga na kɨya wɔyɛ na «Əw» bɨ «Naŋ» bɨ, kɨbɨge koge gɨŋ naŋ. Ban na «Əw» di da Kumu dan̰ wɔlɛ pɨna pɨna.


Ho’o, kɨŋ na magtubu di Kɨris wal dobɨ kobɨni gɨ ni na bɨn̰ kalaŋ le, gɨ nee le woy arɨn̰ cɨn̰ waŋ waŋ. Kɨŋ na magtubu di walage dan̰ kaŋdi hɨnga ga ɨndi naŋ, ama na di walge dan̰ Turnɔ di da Kumu di som-bɨra dan̰ tumɔɔ. Kɨŋ na kɔl gɨ walage duroy kɨbɨ garma gɨ habɨli gɨŋ naŋ, ama duroy ɗugon̰ ungo gɨŋ.


Kɛ na wa ba kɨya ɓale daye ƴaa-di-da-Kumu dan̰ kulan̰əŋ ga? Kɨya wa na-gandi na, na na ƴaa-di-da-Kumu gɨ som-bɨra dan̰ tumoyi hɨn̰ gɨ ban Kumu gusi ba ye duroy magtubu toy dɨŋ le, ban ye hɨn̰: «Ɨŋ kɨya sɔmɛ duroyge bɨ, Ɨŋ kɨya gɔrɛ duroyge bɨ, Ɨŋ kɨya bɨle Kumu koge bɨ, Kan kɨya bɨle na kalaŋ kange bɨ.»


Kɨya wa kalaŋ nɔm dorge kol ƴɔmɛ gɨ kɨŋ ƴomni gusɨgɨŋ kɨɗɨn̰ ga ni ba orɨn̰ tagɨŋ le bɨ, te ɗɔɔ gɨ kɨŋ ɗe kulan̰əŋ coŋ bɨ, kɨŋ bɨle gusɨgɨŋ gusi Kumu gɨ hɨnde gɨ som-bɨra kɨya loon̰ gɨye koyi,


Ama hɨn̰ gɨ ɨŋ na bugoŋ haw kɛ naŋ kalɨn̰ ma, ɨŋ wal kol hɨnga ga kɛ le bɨn̰ an̰ solɨn̰ gɨyəŋ gɨ ni loon̰ gɨye a duroy ƴaa-di-da-Kumu dɨŋ. Ƴaa le, na Ka-Daye ga na kalaŋ ga da Kumu gɨ som-bɨra. Na hɨndi mana ɗe ƴɔmɛ kɔl gɨ cɨndi daa hɨn̰ sɨya gɨ ni duroy ƴaa wo̰ bɨ ɗe jɨbe te kɔl gɨ cɨndi daa bɨ.


Əw, hɨn̰ gɨ na na laa gɨye kunda bɨ, wɨrɨn̰a bɨ na, na kɨya ɗɔɔ gɨ na ɗe ɨrɨmedɨna a cay Kumu gɨ som-bɨra dan̰ cɨndi le. Ban na ba-pɔɗɛ kalaŋ ga ɨndəŋ nɔm bɨ, kondɨwayge na, ban poɗɨ na ka-aye kudurɔ.


Bɔɔ kobɨ Kumu gɨ ba-sɔmɛ-bɨra dan̰ tumoyi na hɨnga ga dɨmbɨre tɔgɨ.


Ama kɨŋ-gandi na, kɨŋ sɨygɨ na gasɨbi garma gɨ Sin̰o gɨŋ bɨ, na gasɨbi cay ƴaa-di-gumu da Kumu gɨ som-bɨra dan̰ tumoyi bɨ, dan̰ Jerusalɛm di gɨɗɨgɨ-Kumu gɨŋ bɨ, dan̰ ka-ƴɔbɛ ga daa dubu-dubu ga dayaŋge nee kɨya leen̰ kɨdɨrɛ bɨ.


Karmɨnɨ ga ban̰aŋ dan̰ ga kandɨ, ɗagɨŋ muɗɔlɛ cay gusɨgɨŋ gɨŋ. Ɗe waŋ waŋ kalɨn̰ ma a duroygɨŋ ɗɔɔ kuduroy ɨsɨna naŋ le, kuduroy-dɨmbɨrwa orɨn̰ danayi bɨrɨŋ, dorii a te gɨyəŋ gɨ da Kumu gɨ som-bɨra gɨŋ le coŋ naŋ.


Ama hɨn̰ gɨ kɨbardi nare na ɓala lɔɔ hɨn̰ wo̰ na, kɨbardi Kɨris kɨya lɔɔ ɗɨn̰ ɗɨn̰ coŋ. Kɨya wa kɨbardi ɗɨn̰ gɨ da nare coŋ. Ban ay gusi bɨn̰ Kumu dan̰ tumoyi hɨn̰ hɨnga ga ni bogɨn̰ kɨbar ga masadɨge unɔ, dan̰ dɔnɔ di da Turnɔ di som dan̰ tumɔɔ. Na kɨbardi gɨ nee le ba mɔndɛ ɨrɨme gɨ da gɨye-lɔɔ gɨ ɨsɨni gɨ woy kuduroynagɨŋ nɔm coŋ, lee gɨ na duroŋ mɨra, ɗe ana na leen̰ gɨye gɨ da Kumu gɨ som-bɨra dan̰ tumoyi.


Waŋ waŋ gɨ na ya Jesu gusi naa Kurɨn̰-Kumu na, Kumu bugoŋ pɨna danayi bɨ, ban kalɨn̰ ma bugoŋ pɨna dan̰ Kumu bɨ.


Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.


Kɛ, na waŋ ba bɔyɛ kɨmbɨl a cay dɔnɔ ga a cay gɨsəŋ gaŋ ga? Kɛ, na ungo gɨ bee kuduroy cay Jesu gɨ ban naa Kurɨn̰-Kumu le naŋ ga?


Ɨni na, ɨŋ sol ba-ƴɔbɛ gɨ daa nii gɨ ɗaŋ gɨ pɨna wo̰ gɨ sayga jɨn̰ te kumu gɨŋ. Ban ƴom tambo da Kumu gɨ som-bɨra a kobi. Ban wɨlal yen̰ ka-ƴɔbɛ ga daa nii ga poɗɨn̰ ga bɨgege dɔnɔ ɗe na mondɨn̰ge cay gɨsəŋ bɨ, kuray gɨ gumu taa taa bɨ ye hɨn̰:


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ