Matɨyo 16:13 - Gabri Maja

¹³ Jesu bugoŋ a cay gɨsəŋ ga Sejare ga a Pilib ɨni na, ban ɨngɨrɨn̰ ka-aye-cay-tɨbayi yege hɨn̰: «Ɨŋ-bandi Kurɨn̰-ungo le, kalaŋ yege gɨ ɨŋ naa waŋ ga?»

Matɨyo 16:13 ပူးပေါင်းရင်းမြစ်များ

Matɨyo 12:32

Ungo gɨ na ya kɔlnɨ ɨŋ-bandi Kurɨn̰-ungo ɨsɨn na, Kumu kɨya ɗɔɔ kuduroy jalɨwa cayi, ama ungo gɨ na ya kol Turnɔ ɗe-kuduroy-bɛrɛ ɨsɨn na, Kumu kɨya ɗɔɔ kuduroy jalɨwa a cayi naŋ, a cay gɨsəŋ gaŋ kɛ bɨ, a cay gɨsəŋ ga hɨrɨwa ga kɨya caga gaŋ bɨ.

Matɨyo 12:40

Hɨnga ga naa lee gusɨge dan̰ Jonasɨ kuduroy gusa gɨ gumu gɨŋ ma leen̰ wɔlɛ sɨbɨ duroy son̰do dɨŋ bɨ, kɨɗɨn̰ ga woli gaŋ bɨ le, kɨya lɔɔ gusɨge na hɨn̰ wo̰ bɨ dan̰ Kurɨn̰-ungo. Ban kɨya lɔɔ wɔlɛ sɨbɨ duroy son̰do dɨŋ bɨ dan̰ kɨɗɨn̰ ga woli gaŋ bɨ, a te gɨsəŋ gaŋ.

Matɨyo 12:8

Kɨya wa Kurɨn̰-ungo le na ba-sɔmɛ a cay wɔlɛ gɨ ni dorɨn̰ gɨlale gɨ da Jubɨ.»

Matɨyo 13:37

Ban dɨbɨge cay nee yege hɨn̰: «Ungo gɨ ba-gɨse gasi-gɨse ga kuɗa na, na ɨŋ-bandi Kurɨn̰-ungo.

Matɨyo 13:41

Kurɨn̰-ungo kɨya gɨye ka-ƴɔbɛ kayi ga daa nii, ɗe na torge hɨnga nɔm ga lee gɨ kalaŋ laydaŋge boy ɨsɨna gɨŋ bɨ, kɨya tɔrɛ ka-lɔɔ ɨsɨna nɔm boy dɔɔ-ƴaa toyi dɨŋ coŋ bɨ, kɨya

Matɨyo 15:21

Jesu say a kɨɗɨn̰ ga nee gaŋ orɨn̰ a cay gɨsəŋ ga Tir gaŋ bɨ Sido̰ gaŋ bɨ.

Matɨyo 16:27

Kɨya wa Kurɨn̰-ungo kɨya caga dan̰ ka-ƴɔbɛ kayi ga daa nii bɨ, dan̰ gusoŋ-tɔgɛ da Bayi bɨ. Kɨɗɨn̰di ga nee gaŋ le, ban kɨya bɨn̰ kalaŋ cay kobɨge pɨna pɨna nɔm gɨsɨn̰ cay gɨye-lɔɔdɨge lɔɔdɨge.

Matɨyo 16:28

Aŋ yəgɨŋ daa waŋ na cɨndi: Kalaŋ ga pɨna duroy kalaŋ ga ɨrege kɛ le, kɨya sɔlɛge Kurɨn̰-ungo kɨɗɨn̰ cagadi gɨŋ hɨn̰ kɨlma wo̰ pa dɨm ma kɨya marege ƴee.»

Matɨyo 25:31

«Kurɨn̰-ungo le kɨɗɨn̰ ga ban kɨya ɨrga duroy gusoŋ-tɔgɛ koyi gɨŋ dan̰ ka-ƴɔbɛ ga daa nɔm na, ban kɨya sɔmɛ cay kali-tɨrɨmbala toyi dɨŋ.

Matɨyo 8:20

Jesu dɨbɨn̰ ungo le cay nee yey hɨn̰: «Gajaŋ kalɨn̰ ma orɨn̰ge dan̰ umboŋdɨge nee bɨ, cɨɗəŋ ga daa orɨn̰ge dan̰ ƴaadɨge nee bɨ, ama ɨŋ-bandi Kurɨn̰-ungo le, ɨŋ wa kɨɗɨn̰ ga ni dobɨn̰ canɨ nee naŋ.»

Matɨyo 9:6

Ama ɨŋ kɨya lɔɔ hɨnga pɨna haw kɛ gɨ kɨya gɨle hɨn̰ gɨ Kumu na bɨn̰ Kurɨn̰-ungo le dɔnɔ di ni dorɨn̰ ɨsɨna cay kalaŋ.» Ɨni na, Jesu yen̰ ba-mɨraye le hɨn̰: «Sa daa, aya gasɨlaŋ-jala kan̰ bɨ ɨra ɨndi.»

Marg 10:45

Kɨya wa Kurɨn̰-ungo gusi koyi ɨrga na ɗe gɨ kalaŋ na laayige gɨye koyi naŋ, ama na ɗe gɨ ban na laa gɨye kɨya cayge bɨ, aya gusi bee kɨya bon̰ cay kalaŋ dan̰ kondiige bɨ.»

Marg 8:38

Hɨn̰ gɨ ungo na da dasi kol canɨ kɨɗɨn̰ ga kan na tɨga gusonɨ bɨ, kɨɗɨn̰ ga kan na dɨra kɔl hɨnge duroy te kalaŋ ga a boy ɨlge gɨ na ba somɨn̰ nee gɨŋ kɛ, ga na ka-yɔyɛ kandɨ wala ban̰aŋ da kamdɨge bɨ, ka-lɔɔ ɨsɨna bɨ na, ɨŋ-bandi Kurɨn̰-ungo le kalɨn̰ ma ɨŋ kɨya dɔɔ dasi kol cayi kɨɗɨn̰ ga ɨŋ kɨya ɨrga dan̰ asɨn̰a di da Banɨ bɨ, dan̰ ka-ƴɔbɛ ga daa nii ga woyge dan̰ cɨndɨge bɨ.»

Kɔl-gɨ-Ɗari gɨ Ja̰ wal 1:51

Jesu dɨbɨge cay nee coŋ yege hɨn̰: «Jagɨŋ, aŋ yəgɨŋ daa waŋ na cɨndi, kɨŋ kɨya sɔlɛ gɨɗɨgɨ-Kumu hangaŋ bɨ, ka-ƴɔbɛ ga da Kumu kɨya nɔɔge jɨn̰ daa bɨ, gɨsɨnege jɨn̰ dugo bɨ, canɨ ɨŋ-bandi Kurɨn̰-ungo le.»

Kɔl-gɨ-Ɗari gɨ Ja̰ wal 12:34

Ɨni na, dɨmdɨrdi kalaŋ le, dɨbiige cay nee yeyige hɨn̰: «Gɨlnige a duroy magtubu gasɨn̰-kɔl gɨŋ, gɨ Kɨris ban gɨ Kumu dorii le, na kɨya sɔmɛ dan̰ cɨndi. Ama na mɨna ma, mɨn̰ ye gɨ na ojɨ gɨ kan na kɨya gagɨldege Kurɨn̰-ungo le a daa cay sɨya-gɨ-dagɨli gɨŋ ga? Kurɨn̰-ungo le na waŋ ga?»

Kɔl-gɨ-Ɗari gɨ Ja̰ wal 3:14

Hɨn̰ gɨ Moyis ba si kumbulo gɨ ban uyi dan̰ nare kɨbɨ sɨya gɨŋ daa duroy daldɨŋ le, naa wa wa kalɨn̰ ma ojɨ gɨ kan kɨya see Kurɨn̰-ungo le daa hɨn̰ wo̰ bɨ,

Kɔl-gɨ-Ɗari gɨ Ja̰ wal 5:27

Kɨye bayi le, bii dan̰ dɔnɔ gɨ ni bon̰ kɔl cay kalaŋ, kɨya wa ban na Kurɨn̰-ungo.

Gɨye-lɔɔ 10:38

Kardi nee Kumu gɨ ba bɨn̰ Jesu-Kɨris gɨ Najarɛt Turnɔ ɗe-kuduroy-bɛrɛ bɨ, dɔnɔ bɨ le, kɨŋ solii kuɗa bɨ, gɔrɛ gɨ Ban gor dan̰ cay kɨɗɨn̰ kɨɗɨn̰ kɨya loon̰ hɨnga ga ɗari dan̰ kalaŋ bɨ le, lee gɨ kalaŋ nɔm ga ba somge a te dɔnɔ di da Haban̰ dɨŋ le, hɔmɨn̰ɛ duroŋ gusɨge bɨ, kɨya gɨ Kumu baa danayi.

Gɨye-lɔɔ 7:56

Etɛn ye hɨn̰: «Sɨlagɨŋ, ɨŋ sol gɨɗɨgɨ-Kumu hangaŋ pɨraŋ bɨ, Kurɨn̰-ungo ɨre dan̰ tɨbayi daa a cay kobɨ Kumu gɨ bara gɨŋ bɨ.»