Matɨyo 15:31 - Gabri Maja

³¹ Lee gɨ kɨɗɨn̰ ga dɨmdɨrdi kalaŋ solge ka-tɨge ga yege kɔl bɨ, solge kalaŋ ga kobɨge naŋ le, tɨbayge puydoŋ jɨga bɨləŋ ban̰di nee kuɗa bɨ, ka-ɔrɛ modo ga orge dan̰ durɔ bɨ, solge ka-bɨbe jɨgage sol kɨɗɨn̰ bɨ ɨni na, turnoyge gɨre kayaŋ tɔgɨ bɨ, kan hɨramge Kumu gɨ da Ɨsɨrayɛl bɨ.

Matɨyo 15:31 ပူးပေါင်းရင်းမြစ်များ

Matɨyo 15:30

Ɨni na, dɨmdɨrdi kalaŋ ɨrgage gusi dan̰ ka-ɔrɛ modo bɨ, ka-bɨbe bɨ, dan̰ kalaŋ ga kobɨge, naŋ le, tɨbayge puydoŋ bɨ, dan̰ ka-məŋ bɨ, dan̰ ka-hɔmɨn̰ɛ ga ɗaŋ dan̰ kondige coŋ bɨ. Beegege dugo tɨbay Jesu bɨ, ma ban poɗɨge.

Matɨyo 18:8

Hɨn̰ gɨ naa kobɨn̰ naŋ le, tɨban̰ na ba gey cangɨn̰ danan̰ daa te gɨyəŋ gɨ ɗari gɨŋ na, ji walayi dɨbi sɛdɨ coŋ. Golgo andaŋ boy kɨɗɨn̰ ga kalaŋ somɨn̰ge-bɨra dan̰ cɨndɨge nee gaŋ, dan̰ kobɨn̰ gɨ pɨna naŋ le, tɨban̰ di pɨna ɗɨn̰ gɨ kan kɨya dɨbɨn̰ dan̰ kobɨn̰ sɔɔ bɨ, tɨban̰ sɔɔ bɨ, boy tɨwa di ƴee dan̰ cɨndo dɨŋ.

Matɨyo 21:14

Ka-bɨbe bɨ, ka-modoŋ bɨ, ɨrgage gusi Jesu duroy ƴaa-di-da-Kumu dɨŋ ɨni na, ban lee gɨ cɨndɨge hangɨdaŋ bɨ, tɨbayge jɨga osɨdəŋ kuɗa ban̰di nee bɨ.

Matɨyo 8:10

Kɨɗɨn̰ ga Jesu je kɔl gɨ nee le na kɔl kayi yɔd bɨ, ban yen̰ kan ga kobɨge kardi le hɨn̰: «Aŋ yəgɨŋ daa waŋ na cɨndi, ɨŋ sɨla aye kudurɔ gɨ gɨlɨn̰ hɨn̰ wo̰ le, a gusi ungo pɨna wo̰ a cay gɨsəŋ ga Ɨsɨrayɛl gaŋ naŋ ƴee.

Matɨyo 9:32

Bɨ kɨɗɨn̰ ga ka-bɨbe ga sɔɔ le andaŋge doŋ bɨ ga ma, kalaŋ ɨrgan̰ge dan̰ ungo gɨ pɨna wo̰ a gusi Jesu. Ungo gɨ nee le turnɔ di ɨsɨni woy kuduroy lee gɨ ban ya kɔl naŋ.

Matɨyo 9:33

Kɨɗɨn̰ ga Jesu tay turnɔ di ɨsɨni le coŋ ɨni na, ungo le ay te yɔɔ kɔl. Dɨmdɨrdi kalaŋ ga ɨrege nee le, kɔl kayge sɛl sɛl. Lee gɨ kan yege hɨn̰: «Hɨnga ga hɨn̰ wo̰ le, ungo sɨla cay pɨna a cay gɨsəŋ ga Ɨsɨrayɛl gaŋ naŋ bɨrɨŋ!»

Matɨyo 9:8

Kɨɗɨn̰ ga dɨmdɨrdi kalaŋ solge hɨnga ga nee le na, hundɔrɔ gɨ gumu leege bɨ, kan hɨramge Kumu kɨya gɨ ban bɨn̰ kalaŋ dɔnɔ di hɨn̰ wo̰ bɨ.

Marg 2:12

Kɔl gɨ kɨbɨna kɛ bɨ, ban de say daa ay gasɨlaŋ-jala kay bɨ andɨn̰ doŋ cɨn̰ kalaŋ nɔm lee gɨ kan nɔm ga ba ɨrege nee le kɔl kayge yɔd bɨ, kardi nee na kan hɨramge Kumu yen̰ge hɨn̰: «Ni sɨla hɨnga ga hɨn̰ wo̰ cay pɨna naŋ ƴee.»

Marg 7:37

Kɔl kayge sɛl sɛl lee gɨ kan yege hɨn̰: «Ban lee hɨnga nɔm kuɗa tɔgɨ. Ban lee gɨ ka-məŋ yege kɔl bɨ, jege kɔl bɨ.»

Marg 9:43

Hɨn̰ gɨ kobɨn̰ na gey dɨbɨn̰ duroy ɨsɨna gɨŋ na, walayi coŋ. Golgo gɨ ji andaŋ a kɨɗɨn̰ ga sɔmɛ-bɨra gɨ dan̰ cɨndi woy nee gaŋ dan̰ kobɨn̰ gɨ pɨna, ɗɨn̰ gɨ kan na dɨbɨn̰ dan̰ kobɨn̰ sɔɗɨmɔŋ boy tɨwa di ƴee dan̰ tumɔɔ di ni gehɛn dɨŋ.

Kɔl-gɨ-Ɗari gɨ Lug wal 14:13

Ama kɨɗɨn̰ ga ji na mɨla kalaŋ dɔɔ dɔɔ gusi-mɔwa gɨ gumu na, kuɗa gɨ ji mɨla na kalaŋ ga wɔɔdɨge unɔ bɨ, ga kɨwayge sumbɨdoŋ bɨ, ka-modoŋ dan̰ ka-bɨbe bɨ.

Kɔl-gɨ-Ɗari gɨ Lug wal 14:21

Guyɔŋ le jɨga gusi Ba-gulondi dor kɔl le nɔm bii. Kɨɗɨn̰ ga ban je kɔl gɨ nee le hɨn̰ wo̰ ɨni na, kuduroy-hɔmɛ ayi bɨ, ban yen̰ guyɔŋ koyi le, yeyi hɨn̰: “Jɨga cay tɨban̰ dɨŋ, ɨra kɨɗɨn̰ ga woli gaŋ bɨ, te gɨyəŋ ga boy cay ƴaa-di-gumu dɨŋ bɨ le, ɨra ɨren̰ dan̰ kalaŋ ga wɔɔdɨge unɔ bɨ, ga kɨwayge sumbɨdoŋ bɨ, ka-bɨbe dan̰ ka-modoŋ bɨ.”

Kɔl-gɨ-Ɗari gɨ Lug wal 18:43

Kɨɗɨn̰di ga nee gaŋ le bɨ, cɨn̰ ba-bɨbe le hangaŋ bɨ, ban kobɨ kardɨ Jesu hɨramɨn̰ Kumu. Dɨmdɨrdi kalaŋ nɔm kalɨn̰ ma, kɨɗɨn̰ ga solge hɨnga ga nee le, ayge te hɨrame Kumu bɨ.

Kɔl-gɨ-Ɗari gɨ Lug wal 7:16

Kan nɔm turnoyge gɨre kayaŋ bɨ hɨramge Kumu yege hɨn̰: «Ba-yɔɔ-kɔl-gɨ-Kumu-ba-yɔɔ gɨ gumu gɨ pɨna caga duroyni kɛ!» Bɨ kan yege ɗaŋ coŋ hɨn̰: «Kumu ɨrga jɨbɨ te kalaŋ kayi!»

Kɔl-gɨ-Ɗari gɨ Ja̰ wal 9:24

Parɨsɨn̰an̰əŋ teege ungo gɨ kan wooyge ba-bɨbe le gɨ ni cay sɔɔdi bɨ, yeyige hɨn̰: «Ya kɔl gɨ cɨndi tumoyi Kumu! Ni-gandi ni sol gɨ ungo gɨ nee le, na ba-lɔɔ ɨsɨna.»