Matɨyo 14:31 - Gabri Maja

³¹ Kɨɗɨn̰di ga nee gaŋ le bɨ, Jesu dobɨ kobi ƴomii bɨ, yey hɨn̰: «Aye kudurɔ kon̰ ɓala hɨnga naŋ. Na kɨya wa ma mɨn̰ man̰ dan̰ gusɨn̰ ga?»

Matɨyo 14:31 ပူးပေါင်းရင်းမြစ်များ

Matɨyo 14:30

Ama kɨɗɨn̰ ga ban sol gɨ kal dor dan̰ togi na, hundɔrɔ leeyi. Ban ay te ɗɨrme ɨni na, ban dor noy daa ye hɨn̰: «Ba-gulɔŋ, pɨɗaŋ!»

Matɨyo 14:32

Kɨɗɨn̰ ga kan nayge duroy koburo gɨŋ ɨni na, kal ɨre dugo ɗɨngɨrɨŋ.

Matɨyo 16:8

Ama Jesu sol ɨrɨme koge, lee gɨ ban dɨbɨge cay nee yege hɨn̰: «Na kɨya wa ma magɨŋ ɨrɨm kɨya cay mapa gɨ unɔ kobɨgɨŋ ga? Kɨŋ kalaŋ ga aye kudurɔ kogɨŋ ɓala hɨnga naŋ!

Matɨyo 17:20

Ɨni na, Jesu dɨbɨge cay nee yege hɨn̰: «Na kɨya gɨ aye kudurɔ kogɨŋ ɓala hɨnga naŋ. Aŋ yəgɨŋ daa waŋ na cɨndi: Hɨn̰ gɨ aye kudurɔ kogɨŋ na gumu hɨn̰ cɨn̰ hɨnga ga n̰en̰əŋ ga kan teegege naa mutardɨ na, kɨŋ kɨya yon̰ garma gɨ kɛ le hɨn̰: “Ɗɨda kɛ ɨra nii kɔ coŋ na”, kɨya ɗɔdɛ bɨ, hɨnga pɨna kɨya mɨn̰gɨŋ naŋ bɨ.

Matɨyo 6:30

Kɨŋ ga aye kudurɔ kogɨŋ ɓala hɨnga naŋ: Hɨn̰ gɨ Kumu na tɨban̰ hɛɗɨmɛ badɨge ga ɗari, hɛɗɨmɛ ga wan̰do kan kɨya bɔgɛge duroy tɨwa dɨŋ ulege coŋ na, kɛ gɨ lɔɔ na mɨna ma ban kɨya bɨgɨŋ badɨge ga ni dɔbɛ naŋ ga?

Matɨyo 8:26

Jesu yege hɨn̰: «Kɨŋ ga aye kudurɔ kogɨŋ ɓala hɨnga naŋ ƴee, kɨŋ hɨndar na kɨya wa ga?» Ɨni na, ban say ɨre daa al kal bɨ kuray gɨ gumu taa taa bɨ, kɨɗɨn̰ jɨga ɨre ɗɨngɨrɨŋ dugo.

Marg 1:31

Jesu ɨrga guso, ƴom kɔbɔ ayoo daa ɨni na, guso gɨ ɨl cəŋ le, ayaŋ caa coŋ. Lee gɨ hɨndi de say daa ayɨn̰ te solɨn̰ kardɨge.

Marg 1:41

Jesu sol cɨn̰-n̰age toyi lee gɨ ban ay kobi ɨsɨbɨn̰ ungo le bɨ yeyi hɨn̰: «Ho’o, ɨŋ gey gɨ mada le duroŋ gusɨn̰ coŋ! Ɗe gusɨn̰ leen̰ mɨra.»

Marg 11:23

Aŋ yəgɨŋ daa waŋ na cɨndi, hɨn̰ gɨ ungo na aya noyi bɨn̰ garma gɨ kɛ le yan̰ hɨn̰: “Sa a kɨɗɨn̰ ga kɛ gaŋ coŋ ɨra bɔɔ a kuray gɨ gumu gɨŋ na”, kɨya lɔɔ gusɨge, hɨn̰ gɨ ban na ɨrɨm kɔl kuduroy sɔɔ sɔɔ a ɗugoy naŋ bɨ, bɨga kuduroy cay nee dan̰ ɗugoy di pɨna gɨ hɨnga ga ban ye le na kɨya lɔɔ gusɨge bɨ.

Marg 16:7

Ama ɨragɨŋ haw kɛ yan̰gɨŋ ka-aye-cay-tɨbayi bɨ, Pɨyɛr bɨ yagegɨŋ hɨn̰: “Ban de tumoygɨŋ a Galile. Na a nee ma kɨŋ kɨya solii, hɨn̰ gɨ ban ni ba yəgɨŋ le.”»

Marg 4:40

Ɨni na, ban yen̰ ka-aye-cay-tɨbayi hɨn̰: «Na kɨya wa ma magɨŋ hɨndar wo̰ ga? Kɨŋ ɨran̰ dan̰ aye kudurɔ naŋ ƴee ga?»

Marg 5:41

Ban ƴom kobɨ turmɔ le bɨ yo hɨn̰: «Talita gum», duroy na: «Turmɔ ɨŋ yene sa daa.»

Kɔl-gɨ-Ɗari gɨ Lug wal 24:34

Ka-aye-cay-tɨbay Jesu ga dayaŋge kɨɗɨn̰ pɨna le, yen̰ge kan ga sɔɔ le hɨn̰: «Na cɨndi, Ba-gulɔŋ boy lɨbɨ a duroy kalaŋ ga madɨrdaŋ gaŋ. Ban andaŋ a cay Simo.»

Gɨye-lɔɔ 4:30

Gɨl dɔnɔ ton̰ bɨ, pɨɗa ka-hɔmɨn̰ɛ bɨ, laa beli bɨ, laa hɨnga ga ɗɨn̰ cɨn̰-kɨɗɨn̰ ga toyge kan̰dɨge kan̰dɨge dan̰ guson̰ marɨna ba-gɨye kon̰ gɨ woy dan̰ cɨndi, Jesu.»

1 Timote 2:8

Lee gɨ ɨŋ gey gɨ ban̰aŋ na dɨnage kobɨge daa, ulan̰ge Kumu kɨɗɨn̰ gaŋ nɔm. Kuɗa gɨ kan ulage Kumu dan̰ kuduroyge ga bɛrɛ kən̰jəŋ, dɨle kuduroy-hɔmɛ bɨ, dɨle bɔjɨn̰ɛ bɨ.

1 Pɨyɛr 1:5

Dɔnɔ da Kumu kɨya gamgɨŋ dan̰ gɨyəŋ gɨ da aye kudurɔ, ɗe agɨŋ wan̰ pɔɗɛ gɨ Kumu ƴom cay tɨbayi bɨ, kɨya wasɨn̰e cayi doŋ wɔlɛ kagadi gɨŋ bɨ.