Matɨyo 13:52 - Gabri Maja

⁵² Kɨɗɨn̰di ga nee gaŋ le, Jesu yege hɨn̰: «Naa hɨn̰ wo̰ na, waŋ waŋ gɨ ba-gɨlɨn̰ kalaŋ gasɨn̰-kɔl gɨ da Moyis, ma na bɨl ba-gɨle hɨnga ga ojɨ cay dɔɔ-ƴaa di daa nii na, ban woy gɨlɨn̰ na hɨn̰ ba-gulɔŋ di ƴaa di gumu wo̰. Ban ɓal gɨ ni dɔrɛ a duroy hɨnga wɔɔdi gaŋ le, hɨnga ga hɨrɨwa bɨ, ga ɨlgi bɨ.»

Matɨyo 13:52 ပူးပေါင်းရင်းမြစ်များ

Matɨyo 12:35

Ungo gɨ ɗari le, ye kɔl gɨ ɗari kɨya gɨ kuduroy kuɗa. Ama ungo gɨ ɨsɨnde le, ye kɔl gɨ ɨsɨnde kɨya gɨ kuduroy ɨsɨnde.

Matɨyo 13:51

Jesu ɨngɨrge yege hɨn̰: «Kɛ kɨŋ sol duroy kɔl gɨ nee le nɔm hagɨŋ bɨ ga?» Ɨni na, kan dɨbiige cay nee yeyige hɨn̰: «Əw.»

Matɨyo 13:53

Kɨradi-kɔl gɨ Jesu dor le, kɨɗɨn̰ ga ban dorge nɔm coŋ ɨni na, ban say ɗe kɨɗɨn̰ ga nee le orɨn̰ tumɔ.

Matɨyo 23:34

Na toy di hɨn̰ wo̰ ma, jagɨŋ, ɨŋ-bandi ɨŋ kɨya gɨye ka-yɔɔ-kɔl-gɨ-Kumu-ba-yɔɔ bɨ, ka-cɨn̰-muɗɔlɛ bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, gusɨgɨŋ. Kɨŋ kɨya dɨɗe ga pɨna bɨ, gagɨlde ga pɨna a cay sɨya-gɨ-dagɨli gɨŋ bɨ, sɔmdɨdɛ ga pɨna dan̰ bɨraw duroy ƴaa-daye-di-da-Jubɨn̰əŋ gaŋ bɨ, kɨŋ kɨya codɨdɨge dan̰ cay ƴaa ƴaa bɨ.

Matɨyo 28:19

Na toy di hɨn̰ wo̰ ma, ɨragɨŋ duroy te wɔɔ gɨ da kalaŋ nɔm, laagɨŋ gɨ ɗe kalaŋ bɨləŋge ka-aye-cay-tɨbanɨ. Laagegɨŋ batɛm dan̰ gusoŋ Kɨye bayi bɨ, Kɨyeyi bɨ, Turnɔ ɗe-kuduroy-bɛrɛ bɨ.

Kɔl-gɨ-Ɗari gɨ Lug wal 11:49

Na toy di hɨn̰ wo̰ ma, cɨn̰-muɗɔlɛ gɨ da Kumu koyi ye hɨn̰: “Ɨŋ kɨya gɨyɨn̰ dan̰ ka-yɔɔ-kɔl-gɨ-Kumu-ba-yɔɔ bɨ, dan̰ ka-gɨre-gɨye gusɨge na, kan kɨya dɨɗe ga pɨna bɨ, kan kɨya gɨlɨn̰ ga pɨna cɨn̰-n̰age bɨ.”

Kɔl-gɨ-Ɗari gɨ Ja̰ wal 13:34

Ɨŋ bɨgɨŋ te tumɔ di hɨrɨwa: Geygɨŋ gusɨgɨŋ. Hɨn̰ gɨ ɨŋ ba geygɨŋ le, geygɨŋ gusɨgɨŋ duroygɨŋ hɨn̰ wo̰ bɨ.

2 Korɛ̰t 6:10

Leenige leen̰ kalaŋ ka-n̰age, ama gusɨni moni dan̰ wɔlɛ pɨna pɨna. Leenige leen̰ kalaŋ ga wɔɔdɨge unɔ, ama ni lee gɨ kalaŋ kondɨ wayge kandi-wɔɔ. Leenige leen̰ kalaŋ ga ɨran̰ dan̰ hɨnga naŋ, ama ni orɨn̰ dan̰ hɨnga nɔm.

Epɛs 3:4

Kɨɗɨn̰ ga kɨŋ na ɗɨngɨsa kɔl hɨnge gɨ nee le na, kɨŋ kɨya sɔlɛ gɨ ɨŋ na sol hɨnga ga ojɨ cay Kɨris ga woy kɨɗɨn̰ wɔsɛdɨge gaŋ le.

Epɛs 3:8

Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.

Kɔlɔs 1:7

Na Epapəras mɨgayni marɨna ba-gɨye gɨ ni lee-toyi ba tumɔ gɨlgɨŋ Kɔl-gɨ-Ɗari gɨ nee le. Ban na ba lɔɔ gɨye gɨ da Kɨris gɨ ɨre a cay tɨbayi dɨŋ bɨ, ƴee ban̰dɨni duroygɨŋ bɨ.

Kɔlɔs 3:16

Ɗagɨŋ kɔl gɨ da Kɨris ɗe som duroygɨŋ dan̰ kandi-wɔɔ ga a nee nɔm. Dan̰ gɨyəŋdi na, gɨlɨn̰gɨŋ ungo gɨ ani ani hɨnga bɨ, halan̰gɨŋ gusɨgɨŋ a duroygɨŋ dan̰ cɨn̰-muɗɔlɛ tɔgɨ bɨ. Kɨbɨgɨŋ kɨra gɨ ni hɨramɨn̰ Kumu bɨ, kɨra gɨ ni dɨbɨn̰ gusoŋ-tɔgɛ bɨ, kɨra gɨ Turnɔ ɗe-kuduroy-bɛrɛ ba ɗɔɔ kɨbɨgɨŋ bɨ. Dan̰ kuduroygɨŋ nɔm leen̰ ho’o bɨn̰ Kumu.

1 Timote 3:6

Ɗɔɔ gɨ ban wɔyɛ ba-aye-kudurɔ gɨ hɨrɨwa naŋ ƴee, naŋ na dɔgɛ-jɔrgɔ kɨya lɔɔ ɗe gɨ Kumu kɨya bon̰ kɔl cay, hɨn̰ gɨ ban ba bon̰ kɔl cay Haban̰ wo̰.

Titɨ 1:9

Ban na ba ƴɔmɛ kɔl gɨ ojɨ gɨ ni bɔgɛ kudurɔ cay nee osɨwa gɨ na kɔl gɨ or pɨna dan̰ hɨnga ga ni gɨle bɨ. Hɨn̰ wo̰ na ban kɨya ɓale bɔgɛ kɔl gɨ ɗari kuduroy kalaŋ dan̰ hɨnga ga ni gɨle ga cɨndi bɨ, ban kɨya ɓale gɨle a cɨn̰ tɨwa dɨŋ gɨ kɔl gɨ da ka-man̰e-kɔl gɨ da Kumu naa cɨndi naŋ bɨ.