Matɨyo 13:51 - Gabri Maja

⁵¹ Jesu ɨngɨrge yege hɨn̰: «Kɛ kɨŋ sol duroy kɔl gɨ nee le nɔm hagɨŋ bɨ ga?» Ɨni na, kan dɨbiige cay nee yeyige hɨn̰: «Əw.»

Matɨyo 13:51 ပူးပေါင်းရင်းမြစ်များ

Matɨyo 13:11

Ban dɨbɨge cay nee yege hɨn̰: «Kɨŋ-gandi na, Kumu bɨgɨŋ gɨyəŋ gɨ ni solɨn̰ hɨnga ga woy kɨɗɨn̰ wɔsɛdɨge gaŋ ga woy ojɨ cay dɔɔ-ƴaa di daa nii, ama kan ga kɛ le ban bɨge gɨyəŋ naŋ ƴee.

Matɨyo 13:19

Waŋ waŋ gɨ na ja kɔl gɨ ojɨ cay dɔɔ-ƴaa di daa nii ma na sɨla duroy naŋ na, Haban̰ Ba-lɔɔ ɨsɨna ɨrga boɗɨ hɨnga ga kan gɨsɨge ɗugoy le coŋ, na ban ma na gasi gɨse ga bugoŋ a te gɨyəŋ gɨ gay duroy yagegɨŋ le.

Matɨyo 13:50

kɨya bogɨge duroy tɨwa di ƴee tɔgɨ dɨŋ. Kalaŋ kɨya ɨlege bɨ lɔydɛge gasɨndɨge kɛɗɛɗɛ kɛɗɛɗɛ bɨ kɨɗɨn̰ ga nee gaŋ le.»

Matɨyo 13:52

Kɨɗɨn̰di ga nee gaŋ le, Jesu yege hɨn̰: «Naa hɨn̰ wo̰ na, waŋ waŋ gɨ ba-gɨlɨn̰ kalaŋ gasɨn̰-kɔl gɨ da Moyis, ma na bɨl ba-gɨle hɨnga ga ojɨ cay dɔɔ-ƴaa di daa nii na, ban woy gɨlɨn̰ na hɨn̰ ba-gulɔŋ di ƴaa di gumu wo̰. Ban ɓal gɨ ni dɔrɛ a duroy hɨnga wɔɔdi gaŋ le, hɨnga ga hɨrɨwa bɨ, ga ɨlgi bɨ.»

Matɨyo 15:17

Kɨŋ sol gɨ hɨnga nɔm ga ungo di a kɨbi le, or na a kuduroy pa dɨm ma andaŋ gusi coŋ le kɛ, kɨŋ sɨla wo̰ naŋ ga?

Matɨyo 16:11

Na kɔl gɨ da mapa ma maŋ yagɨŋ koldi naŋ. Kɛ kɨŋ lee na mɨna ma magɨŋ sɨla duroy kɔl gɨ kɛ le naŋ ga? Ɨŋ yəgɨŋ gɨ kɨŋ ɗɔɔ kuduroygɨŋ nargɨŋ cay subugu da kalaŋ ga ni Parɨsɨn̰a bɨ, Sadusɨn̰ɛ bɨ naŋ.»

Matɨyo 24:15

«Na toy di hɨn̰ wo̰ ma kɨɗɨn̰ ga kɨŋ na sɨla hɨnga ga ɨsɨni ga kɨya ɨrgan̰ dan̰ mundoŋ, ga Danɨyɛl ba-yɔɔ-kɔl-gɨ-Kumu-ba-yɔɔ naa ba ye koldɨge tumɔ le, na ɨre sɨma boy kɨɗɨn̰ ga woy dan̰ cɨndɨge gaŋ na. (Ɗe ungo gɨ ɗongɨsɨ kɔl gɨ nee le, sɨla duroy kuɗa.)

Marg 4:34

Jesu yege kɔl daa daa na dan̰ kɨradi ama kɨɗɨn̰ ga ban som kan̰di dan̰ ka-aye-cay-tɨbayi na, ban dorge te hɨnga nɔm daa.

Marg 7:18

Ɨni na, ban yege hɨn̰: «Hɨnga le kɨŋ-gandi kalɨn̰ ma kɨŋ sɨla duroy kɔl le naŋ bɨ ga? Kɨŋ sol gɨ hɨnga nɔm ga ungo di a kɨbi le kɨya ɓale bɨlii leen̰ ungo gɨ mɨdagi naŋ,

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.