Matɨyo 13:44 - Gabri Maja

⁴⁴ «Dɔɔ-ƴaa di daa nii le, woy gɨlɨn̰ na hɨn̰ kandi-wɔɔ ga kɨledɨge osu tɔgɨ ga wɔsɨge duroy yagegɨŋ wo̰. Ungo gɨ na andaŋ cay nee na, ay orɨn̰ wɔsɛ tumɔ. Gusi moyi tɔgɨ lee gɨ or kɨle kandi-wɔɔdi nɔm coŋ bɨ, jɨgan̰ kɨlɨn̰ yage le.

Matɨyo 13:44 ပူးပေါင်းရင်းမြစ်များ

Matɨyo 13:24

Jesu ay kɨradi-kɔl gɨ ɗaŋ yen̰ kɔl danage ye hɨn̰: «Dɔɔ-ƴaa di daa nii le, woy gɨlɨn̰ na hɨn̰ ungo gɨ gɨsɨ gasi gɨse kayi ga kuɗa duroy yage koyi gɨŋ wo̰.

Matɨyo 13:46

Kɨɗɨn̰ ga ban na wa pɨna gɨ kɨledi osu tɔgɨ na, ban or kɨle hɨnga ga ban orɨn̰ nɔm coŋ bɨ, kɨlɨn̰ mon̰ gɨ nee le.

Matɨyo 13:47

«Dɔɔ-ƴaa di daa nii, woy gɨlɨn̰ na hɨn̰ bura di ka-ure gusa, dɨbɨge duroy kuray gɨ gumu taa taa gɨŋ, ƴomɨn̰ge te gusa nɔm ga woy duroy kaŋ gaŋ wo̰.

Matɨyo 19:21

Ɨni na, Jesu dɨbii cay nee ye hɨn̰: «Hɨn̰ gɨ ji na gey bɨləŋ ungo gɨ kuɗa duroŋ cɨrɛɗ na, sa ɨra kɨle hɨnga-wɔɔdɨn̰ nɔm coŋ bɨ, aya gursudɨge gusɨnan̰ kan ga wɔɔdɨge unɔ ɨni na, ji kɨya wɔɔ hɨnga wɔɔ a daa nii. Kardi nee ɨni na, man̰ ɨre kɨba karɨnɨ.»

Matɨyo 19:27

Bɨ ga ma, Pɨyɛr ay kɔl yen̰ Jesu ye hɨn̰: «Kɛ ni-gandi ga ni ɗe hɨnga nɔm coŋ bɨ ni kobɨn̰ kardɨn̰ le, koni gɨ wɔyɛ na mɨna ga?»

Matɨyo 19:29

Bɨ waŋ waŋ gɨ na ɗa ƴaadi nɔm wala karmii ga ban̰aŋ wala, ga kandɨ wala, bayi wala ƴoyi wala, karɨndii wala, yage koyi coŋ kɨya canɨ na, ungo gɨ nee le kɨya wɔɔ ɗɨn̰ kan ga nee le tɨba aru bɨ, kɨya wɔɔ sɔmɛ-bɨra gɨ dan̰ tumoyi kardi nee bɨ.

Matɨyo 6:21

Kɨya wa kɨɗɨn̰ ga kandi-wɔɔ kan̰ woy a nee le, na kɨɗɨn̰ ga nee le ma ɗugon̰ woy a cay nee pɛɗɛɗɛ bɨ.

Kɔl-gɨ-Ɗari gɨ Lug wal 14:33

Woy na hɨn̰ wo̰ kol caygɨŋ bɨ, ungo gɨ na sɨma cay tɨbayi dɨŋ kɨya ɗon̰ hɨnga wɔɔdi nɔm coŋ naŋ na, kɨya ɓale bɨle ba-aye-cay-tɨbanɨ naŋ.»

Kɔl-gɨ-Ɗari gɨ Ja̰ wal 6:35

Jesu yege hɨn̰: «Na ɨŋ-bandi ma na mapa gɨ ba lɔɔ gɨ ungo kɨya somɨn̰-bɨra dan̰ cɨndi le. Ban gɨ na ɨre gusɨnɨ na, kuroŋ kɨya leeyi naŋ bɨrɨŋ. Ban gɨ na bɨga kuduroyi canɨ na, gɨmase kɨya dii naŋ bɨrɨŋ.

Magtubu di Pol wal bɨn̰ kalaŋ ga Rɔm 15:4

Hɨnga nɔm ga walge a duroy Magtubu di da Kumu dɨŋ bon̰ ɨlgen̰əŋ ga jɨne gaŋ le, kan walge ɗe na gɨlna naa hɨnga. Magtubu di da Kumu gɨlna hɨnga nɔm ga nee le ɗe na laa danana ana na han̰-kuduroyna bɨ, wan̰ bandɨ bɨ, hɨn̰ wo̰ na hɨnga ga na ba bee ɨrɨmedɨna cay nee kɨya orɨn̰ danana tumɔ.

Kɔlɔs 2:3

Kɨris le kandi-wɔɔ ga da cɨn̰-muɗɔlɛ nɔm, dan̰ hɨnga-sɔlɛ ga toyge kan̰dɨge kan̰dɨge bɨ, wosɨ gusɨge a gusi.

Kɔlɔs 3:16

Ɗagɨŋ kɔl gɨ da Kɨris ɗe som duroygɨŋ dan̰ kandi-wɔɔ ga a nee nɔm. Dan̰ gɨyəŋdi na, gɨlɨn̰gɨŋ ungo gɨ ani ani hɨnga bɨ, halan̰gɨŋ gusɨgɨŋ a duroygɨŋ dan̰ cɨn̰-muɗɔlɛ tɔgɨ bɨ. Kɨbɨgɨŋ kɨra gɨ ni hɨramɨn̰ Kumu bɨ, kɨra gɨ ni dɨbɨn̰ gusoŋ-tɔgɛ bɨ, kɨra gɨ Turnɔ ɗe-kuduroy-bɛrɛ ba ɗɔɔ kɨbɨgɨŋ bɨ. Dan̰ kuduroygɨŋ nɔm leen̰ ho’o bɨn̰ Kumu.

Əbɨro 10:34

Kɨya wa gɨ kɨŋ sol cɨn̰-n̰age da kan ga kan ƴomgege dangay dɨŋ bɨ, kɨŋ jɨbɨ toyge daa bɨ. Kɨɗɨn̰ ga kalaŋ donge hɨnga wɔɔdɨgɨŋ na, kɨŋ lee gusi-mɔwa kɨya gɨ kɨŋ sol gɨ kɨŋ na orɨn̰ dan̰ hɨnga wɔɔ ga kuɗa cɨla ɗɨn̰ na woy tumoygɨŋ, hɨnga ga ni wɔɔ ga nee le, kɨya wɔyɛ dan̰ tumoyge.

Wasɨn̰a 3:18

Na toy di hɨn̰ wo̰ ma, ɨŋ gɨlgɨŋ kɔl gɨ kɨŋ ɨre kɨl lɔr di woy kɔbɔŋ di uyge tɨwa dɨŋ agɨŋ bɨlɨn̰ ka-wɔɔ hɨnga. Kɨlgɨŋ badɨge ga bɛrɛ tɨrɨjɨ kɔbɔŋ tɨlan̰gɨŋ gusɨgɨŋ gɨ woy kalɨn̰ ɗe dasi dɨgɨŋ naŋ bɨ. Kɨlgɨŋ gasɨɗe ga ni dɨbe tɨdɨgɨŋ a kɔbɔŋ ɗe tɨdɨgɨŋ solɨn̰ kɨɗɨn̰ arɨn̰ yarara bɨ.