Matɨyo 13:30 - Gabri Maja

³⁰ Ɗagɨŋ tɨngɨrɨn̰ le ɗe woy duroy gɛmɛ gɨŋ, ɗe malgɨge pɨna bɨrɨŋ gɨsɨn̰ wɔlɛ gɨ ni walɨn̰ cay gasa. Wɔlɛdi gɨ nee le, ɨŋ kɨya yon̰ ka-wale gasa yoge hɨn̰: Cay wase na tɨragɨŋ tɨngɨrɨn̰ saɗɨdagɨŋ dan̰ gabedo gabedo agɨŋ uloo coŋ. Ama gɛmɛ na dayagɨŋ daa duroy tugulu tɨnge dɨŋ.”»

Matɨyo 13:30 ပူးပေါင်းရင်းမြစ်များ

Matɨyo 13:25

Ama duroy son̰do di pɨna dɨŋ wo̰ kɨɗɨn̰ ga kalaŋ woyge kuŋ ɨni na, ba-baadi ɨrga gɨsɨ cɨn̰-tɨngɨrɨn̰ duroy yage ga ni gɛmɛ gaŋ bɔb bɨ, ɗe gusi orɨn̰.

Matɨyo 13:29

Ban dɨbɨge cay nee yege hɨn̰: “Kɨŋ ɨsɨbe naŋ, kɨya wa kɨŋ na tɨra tɨngɨrɨn̰ le coŋ na, gajanaŋ kɨŋ da tɔrɛ gɛmɛ coŋ bɨ.

Matɨyo 25:32

Te wɔɔ gɨ da kalaŋ nɔm kɨya dayaŋge tumoyi. Ban kɨya dɔrɛ cɨndɨge hɨn̰ ba sɔlɛ kardi gamge ba dorɨn̰ cɨn̰ gamge dan̰ uye wo̰.

Matɨyo 25:41

«Kardi nee ɨni na, kɨlma yen̰ kan ga a cay kobi gɨ masa gɨŋ le, yege hɨn̰: “Kɨŋ ga Kumu ɓɨsɨgɨŋ le sagɨŋ gusɨnɨ coŋ. Ɨragɨŋ boy tɨwa di woy dan̰ cɨndo dɨŋ di ƴomge cay tɨbaa kɨya cay Haban̰ bɨ, ka-ƴɔbɛ kaa bɨ.

Matɨyo 3:12

Ungo gɨ nee le orɨn̰ dan̰ kee koyi kobi bɨ, ban kɨya pɨye mɨsɨɗɨm coŋ ɗon̰ cɨn̰ gasa. Cɨn̰-gasa le ban kɨya bɔgɛ te tugulu toyii dɨŋ. Ama ban kɨya ule mɨsɨɗɨm le na a duroy tɨwa di kɨya bayaŋ naŋ bɨrɨŋ dɨŋ.»

Kɔl-gɨ-Ɗari gɨ Lug wal 3:17

Ungo gɨ nee le, orɨn̰ dan̰ kee koyi kobi kɨya pɨyɨn̰ mɨsɨɗɨm di gasa kɨya ɗon̰ cɨndɨge. Cɨn̰-gasa le ban kɨya bɔgɛ a te tugulu toyi dɨŋ. Ama ban kɨya ule mɨsɨɗɨmdɨge na a duroy tɨwa di kɨya bayaŋ naŋ dɨŋ.»

Kɔl-gɨ-Ɗari gɨ Ja̰ wal 15:6

Hɨn̰ gɨ ungo na bugoŋ pɨna danaŋ naŋ na, kan kɨya dɨbiige coŋ kardi yagedi suru gɨŋ ɗe hay. Karɨn̰ kobɨ hɨyadi suru ga hayi le, kan kɨya lɔbɛge dayege daa ulege mɨɗɔgɨ mɨɗɔgɨ coŋ.

1 Korɛ̰t 4:5

Kɨŋ ɗɔɔ ba bɔyɛ kɔl tumɔ tumoy wɔlɛ bɔyɛ kɔl gɨŋ, kɨŋ gama ɗe Ba-gulɔŋ bugoŋ pa dɨm. Hɨnga ga wosɨ kɨɗɨn̰ dɨlɨm dɨŋ le, ban kɨya andɨn̰ cɨn̰ tɨwa dɨŋ bɨ, hɨnga ga kalaŋ wosɨ kuduroyge le, ban kɨya gɨle doŋ bɨ. Kɨɗɨn̰ ga nee le, Kumu kɨya hɨrame kalaŋ pɨna pɨna ɗe ɓalɨn̰ dan̰ gɨye-lɔɔdɨge.

1 Timote 5:24

Kalaŋ ga pɨna ɨsɨna koge woy na cɨn̰ kalaŋ nɔm pa dɨm ma, bon̰ge kɔl cayge ƴee. Ama kalaŋ ga pɨna na, ɨsɨna koge cɨn̰ kalaŋ sagaŋ cay nee na kardi nee.