Matɨyo 13:25 - Gabri Maja

²⁵ Ama duroy son̰do di pɨna dɨŋ wo̰ kɨɗɨn̰ ga kalaŋ woyge kuŋ ɨni na, ba-baadi ɨrga gɨsɨ cɨn̰-tɨngɨrɨn̰ duroy yage ga ni gɛmɛ gaŋ bɔb bɨ, ɗe gusi orɨn̰.

Matɨyo 13:25 ပူးပေါင်းရင်းမြစ်များ

Matɨyo 13:24

Jesu ay kɨradi-kɔl gɨ ɗaŋ yen̰ kɔl danage ye hɨn̰: «Dɔɔ-ƴaa di daa nii le, woy gɨlɨn̰ na hɨn̰ ungo gɨ gɨsɨ gasi gɨse kayi ga kuɗa duroy yage koyi gɨŋ wo̰.

Matɨyo 13:26

Kɨɗɨn̰ ga gɛmɛ le say bɨ dor cayge ɨni na, kan solge tɨngɨrɨn̰ duroy nee.

Matɨyo 13:27

Marɨne ka-gɨye ɨrgage gusi ba-gulɔŋ ba-yage le bɨ, ɨngɨrige ye hɨn̰: “Ba-gulɔŋ, kɛ ji gɨsɨ na gasi gɨse ga kuɗa duroy yage kon̰ gɨŋ naŋ ga? Tɨngɨrɨn̰ di kɛ le sayga na ani ga?”

Matɨyo 13:29

Ban dɨbɨge cay nee yege hɨn̰: “Kɨŋ ɨsɨbe naŋ, kɨya wa kɨŋ na tɨra tɨngɨrɨn̰ le coŋ na, gajanaŋ kɨŋ da tɔrɛ gɛmɛ coŋ bɨ.

Matɨyo 13:30

Ɗagɨŋ tɨngɨrɨn̰ le ɗe woy duroy gɛmɛ gɨŋ, ɗe malgɨge pɨna bɨrɨŋ gɨsɨn̰ wɔlɛ gɨ ni walɨn̰ cay gasa. Wɔlɛdi gɨ nee le, ɨŋ kɨya yon̰ ka-wale gasa yoge hɨn̰: Cay wase na tɨragɨŋ tɨngɨrɨn̰ saɗɨdagɨŋ dan̰ gabedo gabedo agɨŋ uloo coŋ. Ama gɛmɛ na dayagɨŋ daa duroy tugulu tɨnge dɨŋ.”»

Matɨyo 13:39

Ba-baa gɨ ba-gɨse tɨngɨrɨn̰ le, na Haban̰. Wɔlɛ gɨ ni walɨn̰ cay gasa le, na kagadi wɔlɛ. Bɨ ka-wale cay gasa le, na ka-ƴɔbɛ ga daa nii bɨ.

Matɨyo 25:5

Kɨɗɨn̰ ga ban gɨ ba-ƴɔɔ tama le aydɨga cay ƴee na, kuŋ ƴom cɨndɨge, lee gɨ woyge kuŋ.»

Galad 2:4

Ni ye kɔl gɨ ojɨn̰ cay wale ban̰a na kɨya gɨ karmɨni ga pɨna wo̰, ga na ka-aye kudurɔ gɨ cɨndi naŋ ga andɨgaŋge duroyni. Kan ɨrgage na wɔsɛ gɨŋ, kɨya n̰ɨlange ɔrɛ gɨ ni orɨn̰ cayni kalɨn̰ a te gɨyəŋ gɨ da bugoŋ pɨna koni gɨŋ dan̰ Jesu-Kɨris le sɔlɛ. Kɨya wa kan geyge ɗɔɔ hada di da kalaŋ ga na Jubɨ cayni, bɨrɨŋ gɨ ni na bɨləŋ gɔyɔŋ.

Əbɨro 12:15

Ɗagɨŋ cɨndɨgɨŋ kardi gusɨgɨŋ, ɗe ungo duroygɨŋ dor gusi coŋ a te ɗarwa di da Kumu dɨŋ naŋ. Kuɗa gɨ ungo mɔndɛ kalaŋ kondɨwa hɨn̰ gɨ ban naa hɨya gɨ a duroygɨŋ gɨ wɔɔdi orɨn̰ dan̰ sɛm, di kɨya nɔɔ cay kalaŋ jɨn̰ tumɔ tumɔ wo̰ naŋ.

1 Pɨyɛr 5:8

Ƴɨmagɨŋ gusɨgɨŋ usa cay hɨnga nɔm bɨ, sɨmagɨŋ dan̰ toygɨŋ daa bɨ! Kɨya wa Ba-Baadɨgɨŋ haban̰ gor nɨwɨrde caygɨŋ hɨn̰ gusgo gɨ dor noyi ɨlɨn̰ malɨn̰ gɨyəŋ gɨ ni dɨn̰ ungo wo̰.

2 Pɨyɛr 2:1

Naa tumɔ, ka-yɔɔ-kɔl-gɨ-Kumu-ba-yɔɔ ga cɨndi naŋ woyge duroy te kalaŋ ga da Kumu. Haw kɛ kalɨn̰ ma, ka-gɨlɨn̰ kalaŋ hɨnga ga cɨndi naŋ woyge duroygɨŋ nee. Kan kɨya andaŋ duroygɨŋ dan̰ n̰ale kɨya gɨlɨn̰ kalaŋ hɨnga ga dan̰ gɨyəŋdɨge naŋ bɨ, hɨnga ga ɨsɨn tɔgɨ bɨ. Ba gɨlge hɨnga gɨ ba bɔyɛ cayge le, kan orge bɨrɨŋ kan̰ii coŋ bɨ. Kan malgage mundoŋ ɨrgan̰ a cay gusɨge koge gɨŋ gaŋ, ama mundoŋ koge le kɨya caga cɛd.

Wasɨn̰a 12:9

Kɨmana gɨ gumu gɨ teeyige dɨrago̰ le nongɨliige dibiige dugo. Ban na kumbulo gɨ som jɨne hayi gɨ teeyige Haban̰ bɨ Sidan bɨ, gɨ na ba nare kalaŋ nɔm ga a cay gɨsəŋ gaŋ bɨ. Nongɨliige dibiige a cay gɨsəŋ gaŋ dan̰ ka-ƴɔbɛ kayi nɔm.

Wasɨn̰a 13:14

Ban nar kalaŋ ga a cay gɨsəŋ gaŋ dan̰ gɨyəŋ gɨ da hɨnga nɔm ga ɗɨn̰ cɨn̰-kɨɗɨn̰ ga tumɔ ban lee a cɨn̰ kɨmana le. Ban yen̰ kalaŋ na laage turnoy hɨnga gɨsɨn̰ cay kɨmana gɨ way ɨya di da pəlɨm ma jɨga som-bɨra le.

Wasɨn̰a 2:20

Ama hɨnga ga ɨŋ kan̰ kardɨgɨŋ nee na, na ɗɔɔ gɨ kɨŋ ɗe gɨyəŋ bɨn̰ tama di hɨn̰ Jijabɛl wo̰ duroygɨŋ. Hɨndi na tama di ye gɨ to naa tama di ɗe-yɔɔ-kɔl-gɨ-Kumu-ba-yɔɔ. Ama hɨndi na ɗe bɔgɛ marɨne ka-lɔɔ gɨye kange kayaŋ kɨya wa hɨndi gɨlge yɔyɛ gɨ dan̰ gangɨ ca bɨ, dɔɔ kuyoŋ ga been̰ge kɨbar bɨn̰ kulan̰əŋ bɨ.