Matɨyo 13:19 - Gabri Maja

¹⁹ Waŋ waŋ gɨ na ja kɔl gɨ ojɨ cay dɔɔ-ƴaa di daa nii ma na sɨla duroy naŋ na, Haban̰ Ba-lɔɔ ɨsɨna ɨrga boɗɨ hɨnga ga kan gɨsɨge ɗugoy le coŋ, na ban ma na gasi gɨse ga bugoŋ a te gɨyəŋ gɨ gay duroy yagegɨŋ le.

Matɨyo 13:19 ပူးပေါင်းရင်းမြစ်များ

Matɨyo 12:26

Hɨn̰ gɨ Sidan na taya kalaŋ kaa na, woy na hɨn̰ gɨ hɨndi na dɨb kɨmbɨl naa dan̰ guso kɔɔ gaŋ wo̰. Naa hɨn̰ wo̰ na, dɔɔ-ƴaa di da Sidan gɨ lɔɔ na mɨna ma gɨ ɔrɛ jɨn̰ tumɔ tumɔ coŋ ga?

Matɨyo 13:20

Gasi-gɨse ga bugoŋ a cay gɨsəŋ ga wan̰ dan̰ oru le, gɨlɨn̰ na dan̰ kalaŋ ga jege kɔl gɨ da Kumu bɨ ƴeege kɨlaw dan̰ gusi-mɔwa.

Matɨyo 13:38

Yage le, na kalaŋ ga cay gɨsəŋ gaŋ. Gasi-gɨse ga kuɗa le, na kalaŋ ga a boy dɔɔ-ƴaa di daa nii dɨŋ. Tɨngɨrɨn̰ le, na kalaŋ ga da Haban̰, Ba-lɔɔ ɨsɨna.

Matɨyo 4:23

Jesu gor a cay gɨsəŋ ga Galile gaŋ nɔm, gɨlɨn̰ kalaŋ hɨnga a duroy ƴaa-daye-di-da-Jubɨn̰əŋ gaŋ bɨ, teen̰ bɛrnɛ Kɔl-gɨ-Ɗari gɨ ojɨ cay dɔɔ-ƴaa di daa nii bɨ, poɗɨn̰ ka-hɔmɨn̰ɛ nɔm bɨ, poɗɨn̰ ka-modoŋ nɔm duroy karɨn̰ Ɨsɨrayɛl bɨ.

Matɨyo 5:37

Hɨn̰ gɨ kɔl kon̰ naa “əw” na, ya na “əw.” Naŋ le, kɔl kon̰ naa “naŋ” na, ya na “naŋ”. Kɔl ga ɗaŋ nɔm gɨ ji ba kɨya dɨbe cay nee le, sayga na gusi Haban̰ Ba-lɔɔ ɨsɨna.

Marg 4:15

Kalaŋ ga pɨna woyge na hɨn̰ te gɨyəŋ gɨ gay duroy yage gɨ kɔl baa nee. Kɨɗɨn̰ ga kan na ja kɔl gɨ da Kumu na, kɔl gɨ kɨbɨna kɛ bɨ Sidan ɨrga dor kɔl gɨ gɨsɨge kuduroyge le cɔd coŋ.

Kɔl-gɨ-Ɗari gɨ Lug wal 10:9

Pɨɗagɨŋ ka-hɔmɨn̰ɛ ga cay ƴaa-di-gumu di nee le bɨ, yan̰gɨŋ kalaŋ ga cay ƴaa di nee le, hɨn̰: “Dɔɔ-ƴaa di da Kumu bugoŋ mɨnde gusɨgɨŋ.”

Kɔl-gɨ-Ɗari gɨ Lug wal 9:2

Ban gɨyge kan na ɨra tɨga bɛrnɛ Kɔl-gɨ-Ɗari gɨ ojɨ cay dɔɔ-ƴaa di da Kumu bɨ, kan na pɨɗan̰ ka-hɔmɨn̰ɛ bɨ.

Kɔl-gɨ-Ɗari gɨ Ja̰ wal 18:38

Piladɨ ɨngɨri yeyi hɨn̰: «Kɛ kɔl gɨ cɨndi le na wa ga?» Kɨɗɨn̰ ga Piladɨ ye kɔl gɨ nee le ɨni na, ban jogɨ doŋ ɗaŋ or gusi Jubɨn̰əŋ bɨ yege hɨn̰: «Ɨŋ-bandi na, ɨŋ wa kɔl pɨna wo̰ gɨ ƴɨma cayi ungo gɨ nee le naŋ.»

Kɔl-gɨ-Ɗari gɨ Ja̰ wal 8:43

Kɨya wa ma magɨŋ sɨla duroy kɔl hɨnge naŋ ga? Kɨŋ sɨla duroyi naŋ, na kɨya gɨ kɨŋ tɨgɨya kɔl hɨnge gɨ ni ƴon̰ loon̰ gɨye naŋ.

Gɨye-lɔɔ 17:32

Kɨɗɨn̰ ga kan je kol mare bɨ, bɔyɛ lɨbe bɨ ɨni na, kan ga pɨna sogiige bɨ, kan ga ɗaŋ yege hɨn̰: «Wɔlɛ gɨ ɗaŋ gɨŋ dɨm ma, ma ni gɨ jɔɔ kɔl kon̰ a cay kɔl gɨ nee le ƴee.»

Gɨye-lɔɔ 18:15

Ama ɨŋ sol gɨ na man̰e-kɔl kogɨŋ gɨ ojɨ cay gɨle kɔl bɨ, gusoŋ bɨ, gasɨn̰-kɔl kagɨŋ bɨ na, na kɔl kogɨŋ kɨŋ-gandi wala, ɨŋ gey gɨ ni bɔyɛ kɔl ga hɨn̰ wo̰ naŋ.

Gɨye-lɔɔ 20:25

«Haw kɛ na, ɨŋ sol kuɗa gɨ kɨŋ-gandi nɔm ga ɨŋ gor duroygɨŋ teen̰ bɛrnɛ kɔl gɨ ojɨn̰ cay dɔɔ-ƴaa gɨ da Kumu le, kɨŋ kɨya sɔlɛ cɨnɨ naŋ bɨrɨŋ ɨni.

Gɨye-lɔɔ 28:23

Kan boyge wɔlɛ gɨ ɗaŋ gɨ kan kɨya wan̰ gusɨge. Bɨ kɨɗɨn̰ ga wɔlɛ gɨ kan boyge le ɓal na, kan jɨgage way gusɨge a tayi. Kondɨwayge ɗɨn̰ ga cay wase coŋ. Are-kɔl koge ay toy dan̰ jogɨɗu bɨrɨŋ tɨwa ɗobɨ cayge. Pol dor te gɨle hɨnga kayi bɨge: Ban tee bɛrnɛ di da dɔɔ-ƴaa di da Kumu bɨge bɨ, mal gɨ ni ƴɔmɛ kɨbɨge ɗe kan na ayan̰ kuduroyge bɨn̰ Jesu bɨ. Ban ay toy danage na a cay gasɨn̰-kɔl gɨ da Moyis gaŋ bɨrɨŋ andɨn̰ a duroy magtubu di da ka-yɔɔ-kɔl-gɨ-Kumu-ba-yɔɔ dɨŋ.

Magtubu di Pol wal bɨn̰ kalaŋ ga Rɔm 1:28

Kɨɗɨn̰ ga kan hagɨrge sɔlɛ gɨyəŋ gɨ da Kumu na, Kumu ɗege duroy sɔlɛ-hɨnga kage gaŋ le, lee gɨ kan leege hɨnga ga uja ga ni lɔɔ naŋ.

Magtubu di Pol wal bɨn̰ kalaŋ ga Rɔm 14:17

Ho’o hɨnga ga kuɗa tɔgɨ a boy dɔɔ-ƴaa gɨ da Kumu gɨŋ le, na hɨnga ga ni dɔɔ naŋ bɨ, na hɨnga ga ni sɔ naŋ bɨ, ama na lɔɔ hɨnga ga dan̰ durɔ ɗɨngar bɨ, gusi-dɔbɛ bɨ, gusi-mɔwa bɨ, kan ma na hɨnga ga Turnɔ ɗe-kuduroy-bɛrɛ bee le.

Magtubu di Pol wal bɨn̰ kalaŋ ga Rɔm 2:8

Ama kalaŋ ga ka-gange kɔl kan̰ɨn̰ge kɔl gɨ cɨndi coŋ kobɨn̰ge hɨnga ga dan̰ durɔ ɗɨngar naŋ le, kuduroy-hɔmɛ da Kumu bɨ, kuduroy-ɨlwa toyi bɨ, kɨya bɔɔ cayge.

Epɛs 3:8

Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.

2 Tesalonigɨ 2:12

Ɗe kan na bɨyan̰ge kɔl a cay kalaŋ nɔm ga bɨgage kuduroyge a cay kɔl gɨ cɨndi gɨŋ naŋ, ama ga hɨnga ga dan̰ durɔ ɗɨngar naŋ ba mooge.

Əbɨro 2:1

Na toy di hɨn̰ wo̰ ma, ojɨ gɨ kɔl gɨ tumɔ na ba jegɨŋ dan̰ sɨmaynagɨŋ le, kuɗa gɨ ana aygɨŋ leen̰ hɨnga ga ni sɔrɛ naŋ, ɗe ana curoŋgɨŋ te gɨyəŋ gɨ ɗari gɨŋ coŋ naŋ.

1 Ja̰ 3:12

Kuɗa gɨ na wɔyɛgɨŋ hɨn̰ Kayin wo̰ naŋ, ban na ungo gɨ da Haban̰, Ba-lɔɔ ɨsɨna, kɨya gɨ naa ban dɨɗɨ kurɨndi koyi gaŋ. Ban dɨɗii na kɨya wa ga? Ban dɨɗii na kɨya gɨ gɨye-lɔɔ koyi na gɨ ɨsɨni, ama gɨ da kurɨndi na gɨ dan̰ durɔ ɗɨngar.

1 Ja̰ 5:18

Na solgɨŋ gɨ kalaŋ ga Kumu bɨlge leen̰ karɨndi le, laage ɨsɨna naŋ ɨni. Kurɨn̰-Kumu gamge lee gɨ Haban̰ Ba-lɔɔ ɨsɨna ɓala ɨsɨbɨge naŋ.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.