Matɨyo 12:40 - Gabri Maja

⁴⁰ Hɨnga ga naa lee gusɨge dan̰ Jonasɨ kuduroy gusa gɨ gumu gɨŋ ma leen̰ wɔlɛ sɨbɨ duroy son̰do dɨŋ bɨ, kɨɗɨn̰ ga woli gaŋ bɨ le, kɨya lɔɔ gusɨge na hɨn̰ wo̰ bɨ dan̰ Kurɨn̰-ungo. Ban kɨya lɔɔ wɔlɛ sɨbɨ duroy son̰do dɨŋ bɨ dan̰ kɨɗɨn̰ ga woli gaŋ bɨ, a te gɨsəŋ gaŋ.

Matɨyo 12:40 ပူးပေါင်းရင်းမြစ်များ

Matɨyo 12:8

Kɨya wa Kurɨn̰-ungo le na ba-sɔmɛ a cay wɔlɛ gɨ ni dorɨn̰ gɨlale gɨ da Jubɨ.»

Matɨyo 16:21

Jesu ay te yon̰ ka-aye-cay-tɨbayi boy tɨwado di nee dɨŋ le waŋ daa ye hɨn̰: «Na wa wa kalɨn̰ ma ɨŋ kɨya ɔrɛ Jerusalɛm, ɗe aŋ wan̰ cɨn̰-n̰age tɔgɨ kobɨ ga muɗoldoŋ bɨ, ka-cay ka-bɔgɛ kɨbar bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, kan kɨya dɨɗəŋge bɨ. Ama wɔlɛ sɨbɨdi gɨŋ na, ɨŋ kɨya bɔyɛ lɨbe.»

Matɨyo 17:23

ɗe kan na dɨɗiige, ama wɔlɛ sɨbɨdi gɨŋ na ban kɨya bɔyɛ lɨbe.» Kɔl gɨ nee le lee gɨ gusɨge mooge naŋ gɨɗaŋ.

Matɨyo 27:40

Yen̰ge hɨn̰: «Ji gɨ ba male dɔsɛ ƴaa-di-da-Kumu coŋ bɨ jɔgɛ gaɗe daa duroy wɔlɛ sɨbɨ le, pɨɗa gusɨn̰ kon̰. Hɨn̰ gɨ ji naa Kurɨn̰-Kumu na, gɨsɨn a cay sɨya-gɨ-dagɨli gɨŋ dugo.»

Matɨyo 28:6

Ban unɔ kɛ. Ban boy lɨbɨ ɨni hɨn̰ gɨ ban ba yəgɨŋ le. Ɨregɨŋ sɨlagɨŋ kɨɗɨn̰ ga naa kan dɨbiige nee le.

Matɨyo 8:20

Jesu dɨbɨn̰ ungo le cay nee yey hɨn̰: «Gajaŋ kalɨn̰ ma orɨn̰ge dan̰ umboŋdɨge nee bɨ, cɨɗəŋ ga daa orɨn̰ge dan̰ ƴaadɨge nee bɨ, ama ɨŋ-bandi Kurɨn̰-ungo le, ɨŋ wa kɨɗɨn̰ ga ni dobɨn̰ canɨ nee naŋ.»

Kɔl-gɨ-Ɗari gɨ Ja̰ wal 2:19

Ɨni na, Jesu jɨga dɨbɨge cay nee yege hɨn̰: «Dɨsagɨŋ ƴaa-di-da-Kumu di kɛ le coŋ bɨ, duroy wɔlɛ sɨbɨ na ɨŋ kɨya jɔgɛ gaɗe daa ban̰di nee.»