Matɨyo 12:32 - Gabri Maja

³² Ungo gɨ na ya kɔlnɨ ɨŋ-bandi Kurɨn̰-ungo ɨsɨn na, Kumu kɨya ɗɔɔ kuduroy jalɨwa cayi, ama ungo gɨ na ya kol Turnɔ ɗe-kuduroy-bɛrɛ ɨsɨn na, Kumu kɨya ɗɔɔ kuduroy jalɨwa a cayi naŋ, a cay gɨsəŋ gaŋ kɛ bɨ, a cay gɨsəŋ ga hɨrɨwa ga kɨya caga gaŋ bɨ.

Matɨyo 12:32 ပူးပေါင်းရင်းမြစ်များ

Matɨyo 11:19

Ama kɨɗɨn̰ ga ɨŋ-bandi Kurɨn̰-ungo ɨŋ caga na, ɨŋ dii bɨ, ɨŋ si bɨ, naa hɨn̰ wo̰ kalɨn̰ ma, kan yege hɨn̰: “Sɨlagɨŋ ba-dɔɔ dɔɔ bɨ, ba-sɔdɔ cɛrɛ koydɨn̰ bɨ, ba-ƴɔmɛ pɔgɨn̰ɛ dan̰ kalaŋ ka-hɔgɛ lambo bɨ, ka-lɔɔ ɨsɨna bɨ.” Ama cɨn̰-muɗɔlɛ gɨ da Kumu gɨl gusi dan̰ durɔ ɗɨngar na dan̰ gɨyəŋ gɨ da gɨye-lɔɔdi.»

Matɨyo 12:31

Na toy di hɨn̰ wo̰ ma aŋ yəgɨŋ daa waŋ: Kumu kɨya ɓale ɗɔɔ kuduroy jalɨwa cay ɨsɨna nɔm gɨ kalaŋ leege, ko kan na yagɨdayige. Ama waŋ waŋ gɨ na yagɨda Turnɔ di da Kumu na, Kumu kɨya ɗɔɔ kuduroy jalɨwa a cayi naŋ bɨrɨŋ.

Matɨyo 12:8

Kɨya wa Kurɨn̰-ungo le na ba-sɔmɛ a cay wɔlɛ gɨ ni dorɨn̰ gɨlale gɨ da Jubɨ.»

Matɨyo 13:22

Gasi-gɨse ga bugoŋ duroy gɨsɨmn̰əŋ gaŋ le, na kalaŋ ga jege kɔl gɨ da Kumu, ama ɨrɨme a cay hɨnga ga cay gɨsəŋ gaŋ bɨ, kurɔŋdi wɔɔ gursu bɨ ƴee cay kɔl gɨ nee le coŋ. Lee gɨ andaŋ hɨnga bɨge naŋ.

Matɨyo 13:39

Ba-baa gɨ ba-gɨse tɨngɨrɨn̰ le, na Haban̰. Wɔlɛ gɨ ni walɨn̰ cay gasa le, na kagadi wɔlɛ. Bɨ ka-wale cay gasa le, na ka-ƴɔbɛ ga daa nii bɨ.

Matɨyo 13:40

Hɨn̰ gɨ kan ba sarɨn̰ge tɨngɨrɨn̰ kɨya ule le, hɨnga ga ba kɨya lɔɔ gusɨge a kagadi wɔlɛ gɨŋ le, kɨya wɔyɛ na hɨn̰ wo̰ bɨ.

Matɨyo 13:55

Kɛ na ban ma na kurɨn̰ ba-lɔɔ gɨye sɨya le naŋ ga? Kɛ ƴoyi gusɔndɔ na Mari naŋ ga? Kɛ Jag bɨ, Jɨsɛb bɨ, Simo bɨ, Jud bɨ, na karmii naŋ ga?

Matɨyo 8:20

Jesu dɨbɨn̰ ungo le cay nee yey hɨn̰: «Gajaŋ kalɨn̰ ma orɨn̰ge dan̰ umboŋdɨge nee bɨ, cɨɗəŋ ga daa orɨn̰ge dan̰ ƴaadɨge nee bɨ, ama ɨŋ-bandi Kurɨn̰-ungo le, ɨŋ wa kɨɗɨn̰ ga ni dobɨn̰ canɨ nee naŋ.»

Marg 10:30

ungo gɨ nee le kɨya wɔɔ ƴaan̰əŋ bɨ, karmii ga ban̰aŋ dan̰ ga kandɨ bɨ, dan̰ ƴon̰ii bɨ, dan̰ karɨn̰aŋ bɨ, dan̰ kɨɗɨn̰ yagen̰əŋ ɗɨn̰ ga tumɔ coŋ tɨba aru, dan̰ hɨnga ga ni gɨle-cɨn̰ haw kɛ, boy wɔlɛ gɨ na ba somɨn̰ nee bɨ, kɨya sɔmɛ-bɨra gɨ dan̰ cɨndi cay gɨsəŋ ga hɨrɨwa gaŋ ga a wɔlɛdi gɨ nee gɨŋ le bɨ.

Marg 3:28

Aŋ yəgɨŋ daa waŋ na cɨndi: Kumu kɨya ɓale ɗɔɔ kuduroyi jalɨwa cay ɨsɨna nɔm ga kalaŋ leege, ko kan na yagɨdayi naa yagɨde.

Marg 3:29

Ama waŋ waŋ gɨ na yagɨda Turnɔ ɗe-kuduroy-bɛrɛ na, Kumu kɨya ɗɔɔ kuduroy jalɨwa cayi naŋ bɨrɨŋ. Ɨsɨna gɨ ƴom cayi gɨ nee le kɨya duroŋ cayi naŋ bɨrɨŋ.»

Kɔl-gɨ-Ɗari gɨ Lug wal 12:10

«Waŋ waŋ gɨ na ya kolnɨ ɨŋ-bandi Kurɨn̰-ungo ɨsɨn na, Kumu kɨya ɗɔɔ kuduroy jalɨwa a cayi, ama waŋ waŋ gɨ na yagɨda Turnɔ ɗe-kuduroy-bɛrɛ na, Kumu kɨya ɗɔɔ kuduroyi jalɨwa a cayi naŋ bɨrɨŋ.

Kɔl-gɨ-Ɗari gɨ Lug wal 16:8

Bɨ ba-gulondi hɨram ba-sɔlɛ kardi hɨnga wɔɔdi gɨ gɨye-lɔɔdi ba ɨra dan̰ durɔ ɗɨngar naŋ le, kɨya wa ban orɨn̰ dan̰ cɨn̰-arɨn̰a. Kɨya wa kalaŋ ga haw kɛ le, leege gɨye dan̰ cɨn̰-arɨn̰a ɗɨn̰ kalaŋ ga somge kɨɗɨn̰ ga asɨn̰ gaŋ.

Kɔl-gɨ-Ɗari gɨ Lug wal 18:30

Kumu kɨya bii cay kobi haw kɛ, boy wɔlɛ gɨ haw kɛ gɨŋ bɨ, kɨya wɔɔ sɔmɛ-bɨra gɨ dan̰ cɨndi boy wɔlɛ gɨ kɨya caga gɨŋ bɨ.»

Kɔl-gɨ-Ɗari gɨ Lug wal 23:34

[Ɨni na, Jesu ye hɨn̰: «Banɨ, ɗa kuduron̰ jala jɔm cayge kɨya wa hɨnga ga kan lee le, kan sɨla toyge naŋ.»] Bɨ kan lobɨge badɨge kayi nɔm gosɨnɨn̰ge gusɨge dan̰ te gɨyəŋ gɨ da jɨbe ɓɛlɛ.

Kɔl-gɨ-Ɗari gɨ Lug wal 7:34

Ama kɨɗɨn̰ ga ɨŋ-bandi Kurɨn̰-ungo ɨŋ bugoŋ na, ɨŋ dii bɨ, ɨŋ sii bɨ, naa hɨn̰ wo̰ kalɨn̰ ma magɨŋ ye hɨn̰: “Sɨlagɨŋ! Ba dɔɔ dɔɔ bɨ, ba-sɔɔdɔ cɛrɛ kɔydin̰ bɨ, ba-ƴɔmɛ pɔgɨn̰ɛ dan̰ kalaŋ ka-hɔgɛ lambo bɨ, dan̰ ka-lɔɔ ɨsɨna bɨ.”

Kɔl-gɨ-Ɗari gɨ Ja̰ wal 7:12

Dɨmdɨrdi kalaŋ man̰ge kɔl kondɨ duroyge kol cayi. Kan ga pɨna yege hɨn̰: «Ban na ungo gɨ kuɗa» bɨ, kan ga ɗaŋ yege hɨn̰: «Na hɨn̰ wo̰ naŋ, ban nar na dɨmdɨrdi kalaŋ kɨya bogɨge kayaŋ.»

Kɔl-gɨ-Ɗari gɨ Ja̰ wal 7:39

Ban ye kɔl gɨ nee le na kɨya Turnɔ di da Kumu di ka-aye kudurɔ ba kɨya wɔɔge le. Duroy wɔlɛn̰əŋ ga nee le, Kumu bɨn̰ kalaŋ ga beege kuduroyge cayi Turnɔ ɗe-kuduroy-bɛrɛ naŋ ƴee, kɨya wa dɨbge gusoŋ-tɔgɛ cay Jesu naŋ ƴee.

Kɔl-gɨ-Ɗari gɨ Ja̰ wal 7:52

Kan dɨbiige cay nee yeyige hɨn̰: «Kɛ ji-bandi kalɨn̰ ma ji gɨ lɔɔ na ungo gɨ Galile bɨ ga?» Dɨŋdɨ kuɗa duroy Magtubu di da Kumu di kan walge dɨŋ bɨ, ji kɨya sɔlɛ gɨ ba-yɔɔ-kɔl-gɨ-Kumu-ba-yɔɔ pɨna wo̰, na sa a cay gɨsəŋ ga Galile gaŋ naŋ.

Gɨye-lɔɔ 3:19

Naa hɨn̰ wo̰ na, bɨlgɨŋ gɨye-lɔɔdɨgɨŋ bɨ, jɨgegɨŋ gusi Kumu ɗe ban yɨde ɨsɨna kogɨŋ nɔm coŋ.

Epɛs 1:21

Ban si a cay Ka-dɔɔ cay ƴaa gaŋ bɨ, cay kalaŋ ga gusondɨge ye bɨ, cay Dɔnɔn̰əŋ bɨ, cay hɨnga nɔm ga orɨn̰ dan̰ dɔnɔ naŋ le tɨrɨmbala bɨ, cay gusoŋ nɔm bɨ, na a cay gɨsəŋ gaŋ kɛ ƴɔbɨ naŋ, ama a cay gɨsəŋ ga hɨrɨwa ga kɨya ɨrga nee bɨ.

1 Timote 1:13

Ɨŋ-bandi gɨ tumɔ ɨŋ na ba yagɨde Kumu bɨ, ba gɨlɨn̰ kalaŋ kayi cɨn̰ bɨ, gɨ kɨbɨnɨ mɔɔ tɔgɨ kol cayge bɨ le, Kumu sol cɨn̰-n̰age tɨnge. Kɨya wa boy wɔlɛdi gɨ nee le, ɨŋ aya kuduronɨ bɨn̰ Jesu-Kɨris naŋ ƴee. Kɨya wa ɨŋ lee hɨnga na boy sɔlɛdɨge gɨŋ naŋ.

1 Timote 1:15

Kɔl gɨ kɛ le, na kɔl gɨ cɨndi gɨ ojɨ gɨ ungo na bɨga kuduroy cay nee bɨ, na kɔl gɨ ɓal gɨ kalaŋ nɔm na ƴage mɨlaŋ bɨ: Jesu-Kɨris ɨrga a cay gɨsəŋ gaŋ na kɨya pɔɗɛ ka-lɔɔ ɨsɨna. Ama ɨsɨna hɨnge ɗɨn̰ ɨsɨna gɨ da ka-lɔɔ ɨsɨna nɔm.

1 Timote 4:8

Cɔgɨdɛ gusɨn̰ le, na hɨnga ga kuɗa hage ama ɗarwadɨge kunda tɔgɨ naŋ. Ama tɨrabe gɨye-lɔɔ gɨ bugoŋ pɨna dan̰ Kumu le, na hɨnga ga kuɗa tɔgɨ, kɨya cay hɨnga nɔm. Kɨya wa Kumu ye gɨ ɗi na kɨya be hɨnga kol cayi. Bɨ hɨnga ga ban ye gɨ ɗi na kɨya bee le, orɨn̰ dan̰ sɔmɛ-bɨra gɨ da sɔmɛ koyi na gɨ haw kɛ bɨ, gɨ da sɔmɛ koyi na gɨ ba kɨya caga bɨ.

1 Timote 6:17

Yan̰ ka-wɔɔ hɨnga tɔgɨ ga a cay gɨsəŋ gaŋ kɛ le, ɗe dege jorgɨyge naŋ. Yage ɗe kan ɗe ɨrɨmedɨge a cay hɨnga ga ni wɔɔ ga kɨya pɨde gaŋ naŋ. Ama ɗe kan ɗe ɨrɨmedɨge a cay Kumu gɨ na ba bɨnagɨŋ hɨnga nɔm bɨ, ɗe ana na solɨn̰gɨŋ mɔwadɨge bɨ.

2 Timote 4:10

Kɨya wa Demas ɗəŋ coŋ, kɨya hɨnga ga cay gɨsəŋ gaŋ ga haw kɛ le moyi tɔgɨ, lee gɨ ban tolɨn̰ Tesalonigɨ. Bɨ Kərəsa̰s tol Galasi bɨ, Titɨ tol Dalmasi bɨ,

Titɨ 2:12

Ɗarwa di nee le gɨlnagɨŋ gɨ na na ɗa gɨye-lɔɔ gɨ bugoŋ pɨna dan̰ Kumu naŋ coŋ bɨ, tabɨlaŋdi hɨnga ga cay gɨsəŋ gaŋ kɛ coŋ bɨ. Ɗarwa di nee le gɨlnagɨŋ ana na somɨn̰ a tɨwa di haw dɨŋ kɛ kɨya solɨn̰ hɨnga ga ɗari dɨm mana kɨya lɔɔ ƴee bɨ, loon̰ gɨye gɨ dan̰ durɔ ɗɨngar bɨ, loon̰ gɨye gɨ bugoŋ pɨna dan̰ Kumu bɨ.

Magtubu di Jag wal 1:27

Kɔbɛ Kumu gɨ cɨndi gɨ ƴee cɨn̰ Bayna Kumu le, na jɨbe te magɔrnɛ bɨ, kandɨ ga kodɨn̰ige madɨrdaŋ bɨ, boy dɔsɛ-ɗugɔ toge dɨŋ. Ɗɔɔgɨŋ gɨ cay gɨsəŋ bɨlgɨŋ leen̰ kalaŋ ga mɨdagɨdaŋ naŋ.