Matɨyo 12:18 - Gabri Maja

¹⁸ «Sɨlagɨŋ marɨna ba-gɨye hɨnge gɨ ɨŋ dori ba kɔ, Ban gɨ ɨŋ lee-toyi tɔgɨ bɨ gusɨnɨ mɔŋ cayi. Ɨŋ gɨ lɔɔ gɨ ɗe Turnonɨ som cayi, Bɨ kɨya tɔgɛ bɛrnɛ gɨye-lɔɔ gɨ dan̰ durɔ Bɨn̰ te wɔɔ gɨ da kalaŋ ga ɗaŋ.

Matɨyo 12:18 ပူးပေါင်းရင်းမြစ်များ

Matɨyo 12:17

Ɗe kɔl gɨ ba-yɔɔ-kɔl-gɨ-Kumu-ba-yɔɔ Ijay ba ye le or kɨɗɨn̰ di gaŋ. Kumu ye hɨn̰:

Matɨyo 17:5

Kɨɗɨn̰ ga Pɨyɛr ɨre ye kɔl ba kɨbi ƴee bɨ ga ma, gɨrɨmbale ga orɨn̰ dan̰ asɨn̰a ɨrga umboŋ cayge. Bɨ ga ma, noy ungo ye kɔl duroy gɨrɨmbale gaŋ le pəŋ pəŋ bɨ ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi, jagɨŋ kɔl koyi.»

Marg 1:11

Kɨɗɨn̰di ga nee gaŋ le, noy ungo ye a gɨɗɨgɨ-Kumu gɨŋ hɨn̰: «Ji na Kuronɨ, ɨŋ lee-ton̰ tɔgɨ, gusɨnɨ mɔŋ can̰ na ase naŋ.»

Marg 9:7

Kɨɗɨn̰di ga nee gaŋ le bɨ gɨrɨmbale andaŋ tol cayge bɨ, noy ungo ye kɔl duroy gɨrɨmbale gaŋ le hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, jagɨŋ kɔl koyi.»

Kɔl-gɨ-Ɗari gɨ Lug wal 23:35

Kalaŋ ɨrege kɨɗɨn̰ ga nee gaŋ le, kɨya sɔlɛge bɨ, ka-cay Jubɨn̰əŋ asiige yege hɨn̰: «Ban poɗɨ kalaŋ ga ɗaŋ. Ma hɨn̰ gɨ ban na Kɨris ban gɨ Kumu dorii leen̰ cɨndi na, ɗa ɗe ban poɗɨ gusi bɨ na!»

Kɔl-gɨ-Ɗari gɨ Lug wal 3:22

Bɨ Turnɔ ɗe-kuduroy-bɛrɛ sayga daa gɨlɨn̰ hɨn̰ guu di bɛrɛ kən̰jəŋ wo̰ ɨrga gɨsɨn cayi. Noy ungo ye a gɨɗɨgɨ-Kumu gɨŋ ye hɨn̰: «Ji na kuronɨ, ɨŋ lee-ton̰ tɔgɨ, gusɨnɨ mɔŋ can̰ na ase naŋ.»

Kɔl-gɨ-Ɗari gɨ Lug wal 4:18

«Turnɔ di da Ba-gulɔŋ baa danaŋ, Ban dɔrɔŋ ɗe aŋ na tee bɛrnɛ Kɔl-gɨ-Ɗari bɨn̰ ka-n̰age bɨ, Ban gɨyəŋ ɗe aŋ na tee bɛrnɛ bɨn̰ kan ga woyge a dangay dɨŋ gɨ kan na kɨya ɗoge daa bɨ, Ɗe aŋ na yen̰ ka-bɨbe, gɨ kan na kɨya sɔlɛ kɨɗɨn̰ bɨ, Ban gɨygəŋ ɗe aŋ na yen̰ kan ga kan ba gɨlge cɨn̰-n̰age gɨ Kumu na kɨya dorge kɨbɨ cɨn̰-n̰age dɨŋ bɨ.

Kɔl-gɨ-Ɗari gɨ Lug wal 9:35

Ɨni na, duroy gɨrɨmbale gaŋ le, noy ungo ye hɨn̰: «Ban gɨ kɛ le, na Kuronɨ, gɨ Ɨŋ dorii ɗey dan̰ cɨndi. Jagɨŋ kɔl kɨbi!»

Kɔl-gɨ-Ɗari gɨ Ja̰ wal 3:34

Kɨya wa ungo gɨ Kumu gɨygii le, Kumu bii Turnɔ di kagado unɔ, lee gɨ ban ye na kɔl gɨ da Kumu.

Gɨye-lɔɔ 10:38

Kardi nee Kumu gɨ ba bɨn̰ Jesu-Kɨris gɨ Najarɛt Turnɔ ɗe-kuduroy-bɛrɛ bɨ, dɔnɔ bɨ le, kɨŋ solii kuɗa bɨ, gɔrɛ gɨ Ban gor dan̰ cay kɨɗɨn̰ kɨɗɨn̰ kɨya loon̰ hɨnga ga ɗari dan̰ kalaŋ bɨ le, lee gɨ kalaŋ nɔm ga ba somge a te dɔnɔ di da Haban̰ dɨŋ le, hɔmɨn̰ɛ duroŋ gusɨge bɨ, kɨya gɨ Kumu baa danayi.

Gɨye-lɔɔ 11:18

Kɨɗɨn̰ ga kan jege kɔl gɨ nee le ɨni na, ɗugoyge jɨga baa cay mɨgaa dɨŋ bɨ, hɨramge Kumu yege hɨn̰: «Hɨnga le woy na hɨn̰ wo̰ leen̰ cɨndi hage, kalaŋ ga toyge na Jubɨ naŋ le, Kumu bɨge gɨyəŋ gɨ ni bɨle gɨye-lɔɔdɨge, ɗe gɨ kan na wan̰ sɔmɛ-bɨra gɨ leen̰ cɨndi bɨ.»

Gɨye-lɔɔ 14:27

Kɨɗɨn̰ ga kan bugoŋ a Antɨyɔs ɨni na, kan teege ka-aye kudurɔ nɔm na dayage cayge bɨ, kan dorge te hɨnga nɔm ga Kumu ba lee dan̰ gɨyəŋ koge bɨ, gɨyəŋ gɨ hangaŋ bɨn̰ kalaŋ ga toyge na Jubɨ naŋ ayɨn̰ kuduroyge bɨ le.

Epɛs 1:6

Ɗe gɨ ana na hɨramii kɨya cay gusoŋ-tɔgɛ koyi bɨ, kɨya cay ɗarwa di gumu di ban lee danana kɨya cay bugoŋ gɨ na bugoŋ pɨna dan̰ kurondi, ungo gɨ ban lee-toy tɔgɨ.

Kɔlɔs 1:1

Na ɨŋ-bandi Pol, ba-gɨre-gɨye gɨ da Jesu-Kɨris dan̰ gɨyəŋ gɨ da kuduroy geye gɨ da Kumu bɨ, kurɨndɨna Timote bɨ,

Kɔlɔs 1:13

Ho’o, Kumu dornagɨŋ a te dɔnɔ di da dɨlɨm dɨŋ bɨ, orɨn̰ dananagɨŋ a boy dɔɔ-ƴaa gɨ da Kurondi gɨ ban geyi gɨŋ bɨ.

1 Pɨyɛr 2:4

Sɨygɨŋ gusi Ba-gulɔŋ. Ban na oru gɨ woy-bɨra gɨ kalaŋ kan̰iige coŋ. Ama Kumu dorii kɨya gɨ Kumu solii gɨ ban na oru gɨ ƴee-cɨndi tɔgɨ.

2 Pɨyɛr 1:17

Ni ɨre nee kɨɗɨn̰ ga Bay Kumu bii hurɔmɔ bɨ gusoŋ-tɔgɛ bɨ. Te tumɔ di sayga duroy jɨran̰e dɨŋ di ɗɨn̰ hɨnga nɔm le ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi.»