Matɨyo 11:21 - Gabri Maja

²¹ Bɨ yege hɨn̰: «Kɨŋ kalaŋ ga cay ƴaa-di-gumu di Korasḛ le, cɨn̰-n̰age kɨya bɔɔ caygɨŋ! Kɨŋ kalaŋ ga a cay ƴaa-di-gumu di Bɛtsayda le, cɨn̰-n̰age kɨya bɔɔ caygɨŋ! Kɨya gɨ beli di kan lee duroygɨŋ kɛ le, hɨn̰ gɨ naa kan ni na laage naa tumɔ, a cay ƴaa-di-gumu di da kalaŋ ga ɨsɨndəŋ, ga Tir dan̰ Sido̰ na, kalaŋ ga cay ƴaa di nee le, ni kɨya tɔbɛge badɨge ga ni n̰age bogɨn̰ge bundu cayge, gɨlɨn̰ gɨ kan na bɨle gɨye-lɔɔdɨge jɨne hage.

Matɨyo 11:21 ပူးပေါင်းရင်းမြစ်များ

Matɨyo 11:22

Na ban ma, aŋ yəgɨŋ daa waŋ: Wɔlɛ bɔyɛ kɔl gɨŋ le, kɔl gɨ kɨya ƴɔmɛ cay ƴaa-di-gumu di nee le, kɨya osɨwa tɔgɨ ɗɨn̰ kɔl gɨ kɨya ƴɔmɛ cay ƴaa di Tir dan̰ Sido̰ coŋ.

Matɨyo 15:21

Jesu say a kɨɗɨn̰ ga nee gaŋ orɨn̰ a cay gɨsəŋ ga Tir gaŋ bɨ Sido̰ gaŋ bɨ.

Matɨyo 18:7

Cɨn̰-n̰age kɨya bɔɔ cay kalaŋ ga cay gɨsəŋ gaŋ, kɨya wa kan leege kɔl dan̰ ka-aye kudurɔ. Naa wa wa kalɨn̰ ma hɨnga ga pɨna kɨya lɔɔ gɨ kalaŋ ga pɨna kɨya laydaŋge boy ɨsɨna gɨŋ, ama cɨn̰-n̰age kɨya bɔɔ cay ungo gɨ ba-lɔɔ hɨnga ga nee le.

Matɨyo 26:24

Naa wa wa kalɨn̰ ma Kurɨn̰-ungo le, kɨya mare ɔrɛ hɨn̰ gɨ kan ba walge ojɨn̰ cayi a duroy Magtubu di da Kumu dɨŋ le. Ama hɨnga ga dɨmbɨre woy gam ungo gɨ ba-aye cay Kurɨn̰-ungo le. Ungo gɨ nee le, kan ni na wooyge naŋ kalɨn̰ ma golgo.»

Marg 3:8

cay ƴaa-di-gumu di Jerusalɛm dɨŋ bɨ, a cay gɨsəŋ ga Idume gaŋ bɨ, kardi kuray gɨ Jurdḛ gɨŋ bɨ, cay gɨsəŋ ga Tir gaŋ bɨ, cay gɨsəŋ ga Sido̰ gaŋ bɨ. Dɨmdɨrdi kalaŋ ɨrgage gusii kɨya gɨ kan jege kol hɨnga nɔm ga ban lee le.

Marg 6:45

Kɔl gɨ kɨbɨna kɛ bɨ, Jesu ay noy bɨn̰ ka-aye-cay-tɨbayi ɗe na nayge boy koburo gɨ gumu taa taa gɨŋ, ɗe kan na haɗɨn̰ kuray orɨn̰ tumoyi jɨn̰ kɨwa gɨ cay ƴaa-di-gumu di Bɛtsayda dɨŋ, ama ban dan̰ gusi som kɨbɨ kuray gɨŋ kɨya yon̰ dɨmdɨrdi kalaŋ ɗe na orge.

Marg 7:24

Jesu ɗe kɨɗɨn̰ ga nee coŋ orɨn̰ a cay gɨsəŋ ga Tir gaŋ, andɨn̰ ƴen̰ a duroy ƴaa di pɨna wo̰ dɨŋ. Ban gey gɨ ungo wo̰ pɨna kalɨn̰ ma na gɨ sɔlɛ naŋ, ama naa hɨn̰ wo̰ kalɨn̰ ma kalaŋ jege koldi.

Marg 7:31

Kardi nee ɨni na, Jesu say a cay gɨsəŋ ga Tir gaŋ orɨn̰ a cay gɨsəŋ ga Sido̰ gaŋ. Ban gay cay gɨsəŋ ga teegege Cay ƴaa-ga-gɨmɨdəŋ mɔjɨ jɨgan̰ jɨn̰ kɨbɨ kuray gɨ gumu taa taa gɨ Galile gɨŋ.

Marg 8:22

Kan bugoŋge a cay ƴaa-di-gumu di Bɛtsayda ɨni na, ɨrgan̰ge dan̰ ba-bɨbe gɨ pɨna wo̰ gusi Jesu bɨ, oliige gɨ ban na ɨsɨbii.

Kɔl-gɨ-Ɗari gɨ Lug wal 4:26

Kumu gɨy Eli a duroyge naŋ. Ama ban gɨyii na a da tama di kudurɔ ma, di som a Sarɛpta a cay ƴaa di Sido̰, na cay ƴaa da kalaŋ ga toyge na Jubɨ naŋ.

Kɔl-gɨ-Ɗari gɨ Lug wal 6:17

Jesu gɨsɨn danage jɨn̰ dugo te garma gɨŋ bɨ, ɨre dugo wolwa gɨŋ. Ka-aye-cay-tɨbayi ga dan̰ kondige ɨrege danayi nee bɨ. Dɨmdɨrdi kalaŋ le, saygage na cay gɨsəŋ ga Jude gaŋ dan̰ Jerusalɛm bɨ, a cay ƴaa-ga-gɨmɨdoŋ ga Tir dan̰ Sido̰ ga woy a bongi kuray gɨŋ bɨ.

Kɔl-gɨ-Ɗari gɨ Lug wal 9:10

Ka-gɨre-gɨye ga da Jesu jɨgage gusi yeyige kol hɨnga nɔm ga kan ba lee le. Ɨni na, ban tolge beege kardi ƴomɨn̰ge gusɨge kan̰dɨge orɨn̰ge jɨn̰ cay ƴaa-di-gumu di kan tooge Bɛtsayda.

Kɔl-gɨ-Ɗari gɨ Ja̰ wal 1:44

Pilib na ungo gɨ Bɛtsayda, cay ƴaa-di-gumu di da Andɨre dan̰ Pɨyɛr.

Kɔl-gɨ-Ɗari gɨ Ja̰ wal 12:21

Kan orge gusi Pilib gɨ na ungo gɨ Bɛtsayda di a cay gɨsəŋ ga Galile gaŋ le, ɨngɨriige hɨn̰: «Ba-gulɔŋ, ni gey sɔlɛ Jesu.»

Gɨye-lɔɔ 12:20

Ɛrɔd le kuduroy homi tɔgɨ cay kalaŋ ga Tir bɨ, Sido̰ bɨ. Kan beege noyge pɨna orge wan̰ Ɛrɔd. Ama kan orge wan̰ Bɨlastus ba sɔlɛ duroy ƴaa gɨ da kɨlma Ɛrɔd dɨbiige kardɨge pa dɨm ma orɨn̰ge gusi Ɛrɔd ɨngɨrige gɨ ban na gɨ dɨbe kɨmbɨl danage naŋ ƴee. Kan ɨngɨriige hɨn̰ wo̰, na kɨya gɨ na dan̰ gɨyəŋ gɨ da cay ƴaa toge ma hɨnga ga ni wɔɔ bɨ, dɔɔ bɨ, saygan̰ nee ɨrgan̰ boy cay ƴaa di Tir dan̰ Sido̰ dɨŋ.

Gɨye-lɔɔ 27:3

Wan̰dodo na, ni ƴom koburo gɨ gumu taa taa dugo a Sido̰. Lee gɨ Julɨyus gɨ na ungo gɨ ba-lɔɔ kuduroy-ɗarwa dan̰ Pol le, ɗe gɨyəŋ bii ɗe na or sɔlɛ ka-pogɨn̰ii bɨ, ɗe na wan̰ hɨnga ga ban na or n̰agedɨge bɨ.

Magtubu di Jud wal 1:11

Ɓɨse woy gamge. Kan ayge gɨyəŋ gɨ da Kayin. Kan ayge gɨyəŋ gɨ da poy di da Balam haw age na wan̰ cay kobɨge nee bɨ. Kan kan̰ɨn̰ge kɔl kɨbɨ Kumu hɨn̰ Kore wo̰ bɨ. Na toy di hɨn̰ wo̰ ma kan kɨya mundoŋ leen̰ cɨndi.

Wasɨn̰a 11:3

A duroy wɔlɛ gɨ nee le, ɨŋ kɨya bɨn̰ ka-lɔɔ tɨmon̰ kange ga sɔɔ dɔnɔ ɗe yege-kɔl-gɨ-Kumu-ba-yɔɔ ɓal wɔlɛ dubu-pɨna dan̰ wɔlɛ aru sɔɔ dan̰ toyi-jii. Kan tobɨge na badɨge ga ni n̰age gusɨge.»

Wasɨn̰a 6:12

Kardi nee, ɨŋ sol Kurɨn̰-dɨmangɨ le haŋgɨ tambo di ni jiido na, ɨŋ sol cay gɨsəŋ ay te yɨbagde dan̰ togɨyge jɨg jɨg. Kɨɗɨn̰di ga nee gaŋ le bɨ, tɨwa dobɨ ɨndi tɨlɨm hɨn̰ pir wo̰ bɨ, kɨdɨrɛ bɨle gɨlɨn̰ hɨn̰ kɨbar wo̰ bɨ.