Matɨyo 10:7 - Gabri Maja

⁷ A te ɔrɛ kogɨŋ gɨ te gɨyəŋ gɨŋ le, tɨgagɨŋ bɛrnɛ daa daa, yagegɨŋ hɨn̰: “Dɔɔ-ƴaa di daa nii le ɨrga mɨnde ɨni.”

Matɨyo 10:7 ပူးပေါင်းရင်းမြစ်များ

Matɨyo 10:8

Pɨɗagɨŋ ka-hɔmɨn̰ɛ bɨ, lɨbɨgɨŋ kalaŋ ga madɨrdaŋ bɨ, dɨran̰gɨŋ ka-mada mɨra bɨ, tayagɨŋ turnɔn̰əŋ ga ɨsɨndəŋ bɨ. Kɨŋ way na kalɨn̰ bɨ, bɨn̰gɨŋ kalaŋ na kalɨn̰ bɨ.

Matɨyo 11:1

Jesu yen̰ ka-aye-cay-tɨbayi ga mɔjɨ-cayge-sɔɔ kɔl gɨ nee le nɔm coŋ ɨni na, ban ɗodɨ a kɨɗɨn̰ ga nee gaŋ le orɨn̰ gɨlɨn̰ kalaŋ hɨnga bɨ, teen̰ bɛrnɛ kɔl gɨ da Kumu boy cay ƴaan̰əŋ ga gɨmdəŋ ga a cay gɨsəŋ ga Galile gaŋ.

Matɨyo 21:31

Kɛ, duroy karɨn̰aŋ ga sɔɔ ga nee le, na ban gɨ ani ba lɔɔ hɨnga ga bay gey le ga?» Kan dɨbiige cay nee yeyige hɨn̰: «Na ban gɨ cay wase.» Ɨni na, Jesu yege hɨn̰: «Aŋ yəgɨŋ daa waŋ na cɨndi: Ka-hɔgɛ lambo bɨ, kandɨ ajɨba bɨ, kɨya bugoŋge duroy dɔɔ-ƴaa di da Kumu dɨŋ tumoygɨŋ.

Matɨyo 21:43

Na toy di hɨn̰ wo̰ ma aŋ yəgɨŋ, kan kɨya ƴɔɔ dɔɔ-ƴaa di da Kumu kobɨgɨŋ kɨya bɨn̰ te wɔɔ gɨ da kalaŋ ga kɨya ɨrgan̰ge dan̰ kaŋdo.

Matɨyo 23:13

«Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kɨŋ lɨgɨ kɨbɨ dɔɔ-ƴaa di daa nii daa cay kalaŋ coŋ. Kɨŋ kalɨn̰ ma, kɨŋ andaŋ nee naŋ bɨ, kan ga geyge andaŋ nee kalɨn̰ ma, kɨŋ narge andaŋ nee coŋ bɨ.

Matɨyo 3:2

«Bɨlgɨŋ gɨye-lɔɔdɨgɨŋ, kɨya wa dɔɔ-ƴaa di daa nii bugoŋ mɨnde gusɨgɨŋ ɨni.»

Matɨyo 4:17

Ayɨn̰ toy wɔlɛdi gɨ nee gɨŋ le, Jesu ay te tɔgɛ bɛrnɛ ye hɨn̰: «Bɨlgɨŋ gɨye-lɔɔdɨgɨŋ kɨya wa dɔɔ-ƴaa di daa bugoŋ gusɨgɨŋ mɨnde ɨni.»

Marg 6:12

Ɨni na, kan sayge orge tɔgɛ bɛrnɛ yen̰ge hɨn̰: «Bɨlgɨŋ gɨye-lɔɔdɨgɨŋ.»

Kɔl-gɨ-Ɗari gɨ Lug wal 16:16

«Kalaŋ leege gɨye dan̰ magtubu Gasɨn̰-kɔl gɨ da Moyis bɨ, dan̰ magtubu di da ka-yɔɔ-kɔl-gɨ-Kumu-ba-yɔɔ bɨ bɨrɨŋ andɨn̰ge a boy wɔlɛ gɨ da Ja̰ ba-lɔɔ batɛm gɨŋ. An̰ toy wɔlɛdi gɨ nee gɨŋ le, kan teege bɛrnɛ Kɔl-gɨ-Ɗari gɨ da dɔɔ-ƴaa di da Kumu bɨ, waŋ waŋ kalɨn̰ ma na ungula gusi ɗe na andɨn̰ nee.

Kɔl-gɨ-Ɗari gɨ Lug wal 9:2

Ban gɨyge kan na ɨra tɨga bɛrnɛ Kɔl-gɨ-Ɗari gɨ ojɨ cay dɔɔ-ƴaa di da Kumu bɨ, kan na pɨɗan̰ ka-hɔmɨn̰ɛ bɨ.

Kɔl-gɨ-Ɗari gɨ Lug wal 9:6

Kan orge bɨ, cudurdoŋge cay karɨn̰ ƴaa ƴaa teen̰ge bɛrnɛ Kɔl-gɨ-Ɗari poɗɨn̰ ka-hɔmɨn̰ɛ gon̰ kɨɗɨn̰ nɔm.

Kɔl-gɨ-Ɗari gɨ Lug wal 9:60

Jesu jɨga dɨbii cay nee hɨn̰: «Ɗa kalaŋ ga woyge hɨn̰ kalaŋ ga madɨrdaŋ wo̰ tumoy Kumu le, ɗe ɨmgege tɨma toge. Ama ji bandi na, ji ɨra tɔgɛ bɛrnɛ Kɔl-gɨ-Ɗari gɨ da dɔɔ-ƴaa di da Kumu bɨn̰ kalaŋ.»

Kɔl-gɨ-Ɗari gɨ Ja̰ wal 3:2

Ban ɨrga dan̰ son̰do wan̰ Jesu bɨ, yey hɨn̰: «Ba-gɨlɨn̰ kalaŋ hɨnga, ni sol gɨ ji na ba-gɨlɨn̰ kalaŋ hɨnga gɨ sayga gusi Kumu. Hɨn̰ gɨ Kumu na baa dan̰ ungo naŋ na, ungo wo̰ kɨya ɓale lɔɔ hɨnga ga ɗɨn̰ cɨn̰-kɨɗɨn̰ ga ji ba lee le naŋ.»

Gɨye-lɔɔ 10:25

Kɨɗɨn̰ ga Pɨyɛr ɨre or jɨn̰ ƴen̰ ɨni na, Kɔrney yal cɨndi bɨ, baa jɨbɨ jɨndi dugo tumoyi leeyi lapɨya dan̰ hurɔmɔ di gumu.

Gɨye-lɔɔ 28:31

Ban tee bɛrnɛ di da dɔɔ-ƴaa di da Kumu bɨ, gɨlɨn̰ kalaŋ kɔl gɨ ojɨ cay Ba-gulɔŋ Jesu-Kɨris dan̰ kuduroy ga pɨna bɨ, ungo pɨna naray cay nee naŋ bɨ.

Gɨye-lɔɔ 4:2

Kuduroyge say kɨya cay kɔl gɨ ka-gɨre-gɨye gɨlɨn̰ge kalaŋ bɨ, yen̰ge ye hɨn̰, hɨn̰ gɨ Jesu ba boy lɨbɨ le kalaŋ ga madɨrdaŋ kalɨn̰ ma na kɨya bɔyɛge lɨbe hɨn̰ wo̰ bɨ.