Matɨyo 10:22 - Gabri Maja

²² Kalaŋ nɔm kɨya ƴomgɨŋge dan̰ kuduroyge kɨya cay gusoŋnɨ. Ama ungo gɨ na ƴɨma usa bɨrɨŋ dɨɗɨn̰ kɨbi na, kɨya wɔɔ pɔɗɛ.

Matɨyo 10:22 ပူးပေါင်းရင်းမြစ်များ

Matɨyo 10:39

Waŋ waŋ gɨ na gey pɔɗɛ gusi na, kɨya wɔɔ mundoŋ. Ama ungo gɨ na mɨnda gusi coŋ kɨya canɨ na, ban kɨya jɨga wɔɔ gusi koyi le ɗaŋ daa.

Matɨyo 24:13

Ama ungo gɨ na ƴɨma usa bɨrɨŋ dɨɗɨn̰ kɨbi na, kɨya wɔɔ pɔɗɛ.

Matɨyo 24:9

«Boy wɔlɛdi gɨ nee le, kan kɨya ɗɔɔ gɨ kalaŋ na dɨsa ɗugoygɨŋ bɨ, na dɨɗɨgɨŋge bɨ. Te wɔɔ gɨ da kalaŋ nɔm kɨya ƴomgɨŋge dan̰ kuduroyge kɨya cay gusonɨ bɨ.

Matɨyo 5:11

«Tumoy wolwa woy kol caygɨŋ, kɨŋ ga kalaŋ yagɨdɨgɨŋge bɨ, kɨŋ ga kalaŋ gɨlgɨŋge cɨn̰ bɨ, kɨŋ ga kalaŋ poyge kɔl gɨ toyi kan̰di kan̰di sige caygɨŋ bɨ, kɨya kuduroygɨŋ ga kɨŋ bee canɨ le.

Marg 13:13

Kalaŋ nɔm kɨya ƴomgɨŋge dan̰ kuduroyge kɨya cay gusonɨ. Ama ungo gɨ na ƴɨma usa bɨrɨŋ dɨɗɨn̰ kɨbi na, kɨya wɔɔ pɔɗɛ.»

Kɔl-gɨ-Ɗari gɨ Lug wal 21:17

Kalaŋ nɔm kɨya ƴomgɨŋge dan̰ kuduroyge kɨya cay gusonɨ.

Kɔl-gɨ-Ɗari gɨ Lug wal 21:19

Na dan̰ ƴɔmɛ kuduroy-osɨwa kogɨŋ ma, magɨŋ kɨya wan̰ pɔɗɛ.

Kɔl-gɨ-Ɗari gɨ Lug wal 6:22

Tumoy wolwa woy kol caygɨŋ, kɨŋ ga kalaŋ ƴomgɨŋge dan̰ kuduroyge bɨ, kɨŋ ga kalaŋ kan̰gɨŋge bɨ, kɨŋ ga kalaŋ yagɨdɨgɨŋge bɨ, kɨŋ ga kalaŋ solgɨŋge leen̰ kalaŋ ga ɨsɨndəŋ kɨya canɨ ɨŋ-bandi Kurɨn̰-ungo bɨ.

Kɔl-gɨ-Ɗari gɨ Lug wal 8:15

Gasi gɨse ga bugoŋ cay gɨsəŋ ga ɗari gaŋ le, gɨlɨn̰ na dan̰ kan ga ƴeege kɔl gɨ da Kumu dan̰ kuduroyge ga kuɗa bɨ, ɨrege kɛgɛgɛ cay tɨbayge kɨya ƴɔɔge bɨ, dɨbɨn̰ge-ɗugoyge bɨrɨŋ andɨn̰ hɨnga bɨge.

Kɔl-gɨ-Ɗari gɨ Ja̰ wal 17:14

Ɨŋ bɨge kɔl kon̰, ama kalaŋ ga cay gɨsəŋ gaŋ ƴomgege dan̰ kuduroyge. Kɨya wa kan na kalaŋ kage naŋ, hɨn̰ gɨ ɨŋ-bandi kalɨn̰ ma ɨŋ na koge naŋ bɨ.

Kɔl-gɨ-Ɗari gɨ Ja̰ wal 7:7

Kɨŋ le kalaŋ ga cay gɨsəŋ gaŋ ƴɨmagɨŋge dan̰ kuduroyge naŋ. Ama ɨŋ-bandi na kalaŋ ga cay gɨsəŋ gaŋ ƴɔmɔŋge dan̰ kuduroyge, kɨya wa ɨŋ sɨɗɨgɨ te gɨye lɔɔdɨge gɨ ɨsɨni daa.

Gɨye-lɔɔ 9:16

Ɨŋ-bandi dan̰ gusɨnɨ ba kɨya gɨlii hɨnga ga ni cɨn̰-gɨle-cɨn̰ nɔm, ga naa wa wa kalɨn̰ ma kɨya looyi kɨya cay gusonɨ le.»

Magtubu di Pol wal bɨn̰ kalaŋ ga Rɔm 2:7

Kalaŋ ga ƴomge osu te gɨye-lɔɔ gɨ ɗari gɨŋ bɨ, woyge te male gɨ Kumu na bɨge gusoŋ-tɔgɛ bɨ, aya cayge daa bɨ, sɔmɛ-bɨra gɨ dan̰ tumoyi bɨ le, Kumu kɨya bɨge sɔmɛ-bɨra gɨ dan̰ tumoyi gɨ nee le.

2 Korɛ̰t 4:11

Na-gandi na somgɨŋ-bɨra, ama daa daa na somgɨŋ kɨbɨ tɨma dɨŋ kol cay Jesu. Hɨnga ga nee le lee gusɨge ɗe sɔmɛ-bɨra gɨ da Jesu na laa gusi a kuyoŋdi-gusɨna gɨ ba kɨya mare gɨŋ le bɨ.

Galad 6:9

Hɨn̰ wo̰ na, kuɗa gɨ na leegɨŋ ɗarwa dan̰ wɔlɛ pɨna pɨna bɨ, na ɗɔɔ ba gɨlale toy nee naŋ bɨ. Hɨn̰ gɨ na na gɨlalagɨŋ toy nee naŋ na, na kɨya wɔɔgɨŋ cay kobɨnagɨŋ boy wɔlɛdi gɨŋ.

Əbɨro 3:14

Kɨya wa na-gandi nɔm na bɨləŋgɨŋ na ka-bugoŋ pɨna dan̰ Kɨris. Naa hɨn̰ wo̰ leen̰ cɨndi na, kɨbanagɨŋ aye kudurɔ gɨ na ba orɨn̰gɨŋ a toy dɨŋ le, ɨrɨn̰ cay nee usa bɨrɨŋ gɨsɨn̰ kagadi gɨŋ.

Əbɨro 6:11

Ama kuduroy geye koni na gɨ waŋ waŋ kalɨn̰ ma duroygɨŋ gusi-hɨmbalayi cɨndi tumɔ tumɔ bɨrɨŋ dɨɗɨn̰ kɨbi. Kɨɗɨn̰ ga nee le, hɨnga ga kɨŋ bee ɨrɨmedɨgɨŋ cay nee gɨ na kɨya ɨrga le, kɨya ɔrɛ kɨɗɨn̰dɨge gaŋ nɔm.

Magtubu di Jag wal 1:12

Tumoy wolwa woy cay ungo gɨ ƴom kuduroy osu duroy hɨnga ga ni gɨwase gaŋ. Kɨya wa kɨɗɨn̰ ga hɨnga ga ni gɨwase le na gɨwasagɨŋ ɨni na, kɨŋ kɨya wɔɔ na jagɨwa ga ni ayɨn̰ banga. Jagɨwa ga nee le, na sɔmɛ-bɨra gɨ Kumu ye gɨ ɗi na kɨya lɔɔ bɨn̰ naa kalaŋ ga ɗi na geyge.

1 Ja̰ 3:13

Ay, karmɨnɨ ga ban̰aŋ dan̰ ga kandɨ, hɨn̰ gɨ kalaŋ ga cay gɨsəŋ gaŋ na ƴɨmagɨŋge dan̰ kuduroyge na, ɗɔɔgɨŋ gɨ kɔl kaygɨŋ naŋ.

Wasɨn̰a 2:10

Kɨŋ kɨya wɔɔ cɨn̰-gɨle-cɨn̰, ama ɗɔɔ gɨ kɨŋ hundɔrɔ naŋ. Haban̰ kɨya bɔgɛ kalaŋ ga pɨna duroygɨŋ dangay dɨŋ kɨya gɨwasɨn̰ togɨygɨŋ. Kɨŋ kɨya wɔɔ cɨn̰-gɨle-cɨn̰ ɓale wɔlɛ mɔjɨ. Ɨrgɨŋ a cay tɨbayi dɨŋ bɨrɨŋ maran̰gɨŋ ɨni na, ɨŋ kɨya bɨgɨŋ jagɨwa ga ni somɨn̰-bɨra.

Wasɨn̰a 2:17

«Waŋ waŋ gɨ sɨmayi na wɨya nee na, kuɗa gɨ ban dɨra sɨmayi jan̰ kɔl gɨ Turnɔ di da Kumu yen̰ Ka-Daye le. «Ungo gɨ na bɨya kɨmbɨl na, ɨŋ kɨya bii man gɨ na hɨnga ga ni dɔɔ ga woy a kɨɗɨn̰ wɔsɛdɨge gaŋ bɨ. Ɨŋ kɨya bii oru gɨ bɛrɛ gɨ walge gusoŋ gɨ hɨrɨwa nee bɨ. Na ungo gɨ ba-ƴɔɔ oru gɨ nee le ƴɔbɨ ba kɨya sɔlɛ gusoŋ le. Ama ungo gɨ ɗaŋ kɨya ɓale sɔlɛ naŋ.»

Wasɨn̰a 2:26

«Ungo gɨ na bɨya-kɨmbɨl bɨ lun̰doŋ kardi gɨye hɨnge bɨrɨŋ andan̰ a kagadi wɔlɛ gɨŋ bɨ na, ɨŋ kɨya bɨn̰ ungo gɨ nee le, dɔnɔ di ni dɨn̰ cay te wɔɔ gɨ da kalaŋ.

Wasɨn̰a 2:3

Ɨŋ sol gɨ gɨle-cɨn̰ andaŋ caygɨŋ kol gusoŋnɨ bɨ, kɨŋ ƴom kuduroygɨŋ osu duroy nee bɨ, ɨŋ sol gɨ kɨŋ gabaŋ naŋ bɨ.

Wasɨn̰a 2:7

«Waŋ waŋ gɨ sɨmayi na wɨya nee na, kuɗa gɨ ban dɨra sɨmayi jan̰ kɔl gɨ Turnɔ di da Kumu ba yen̰ Ka-Daye le. «Ungo gɨ na bɨya kɨmbɨl na, ɨŋ kɨya bii wɔɔdi hɨya gɨ ungo na da na kɨya sɔmɛ-bɨra. Hɨya gɨ nee le woy na a Paradɨs di da Kumu dɨŋ.»

Wasɨn̰a 3:21

«Ungo gɨ na bɨya-kɨmbɨl na, ɨŋ kɨya aye nonɨ bii ɗe som danaŋ a cay kali-tɨrɨmbala tɨnge dɨŋ. Ho’o ban kɨya lɔɔ hɨnga hɨn̰ gɨ ɨŋ-bandi kalɨn̰ ma ɨŋ ba lee wo̰ bɨ. Ɨŋ-bandi ɨŋ boy-kɨmbɨl bɨ, ɨŋ or sɔmɛ dan̰ Banɨ Kumu a cay kali-tɨrɨmbala toyi dɨŋ.