Matɨyo 10:20 - Gabri Maja

²⁰ Kɨya wa na kɨŋ-gandi ba kɨya yɔɔ kɔl naŋ, ama na Turnɔ di da Baygɨŋ ba kɨya ɗɔɔ kɔl kɨbɨgɨŋ.

Matɨyo 10:20 ပူးပေါင်းရင်းမြစ်များ

Matɨyo 6:32

Hɨnga ga nee le nɔm, na kalaŋ ga toyge na Jubɨ naŋ, ma na ka-male kardɨge dɨle dorɨn̰ gɨlale. Ama Baygɨŋ gɨ som a daa nii le, sol gɨ tabɨlaŋdi hɨnga ga nee le nɔm na leegɨŋ.

Marg 12:36

Kɨya wa Dabid gusi koyi kalɨn̰ ma ye dan̰ gɨyəŋ gɨ da Turnɔ ɗe-kuduroy-bɛrɛ hɨn̰: “Ba-gulɔŋ Kumu yen̰ Ba-gulonɨ hɨn̰: Ɨre sɨma a cay kɔbɔŋ gɨ bara gɨŋ, Bɨrɨŋ gɨsɨn̰ gɨ ɨŋ kɨya bɨle ka-baadɨn̰ Leen̰ hɨnga ga ji kɨya bogɨn̰ gondɨn̰ cay nee.”

Kɔl-gɨ-Ɗari gɨ Lug wal 11:13

Kɨŋ ga kuduroygɨŋ ɨsɨn kalɨn̰ ma, kɨŋ sol bɨn̰ karɨndɨgɨŋ hɨnga ga ɗari, ma na mɨna ma Bayna gɨ som a daa nii, kɨya lɔɔ ɗɨn̰ gɨ nee le bɨn̰ kan ga ɨngɨriige Turnɔ ɗe-kuduroy-bɛrɛ le naŋ ga?»

Kɔl-gɨ-Ɗari gɨ Lug wal 12:12

Kɨya wa na Turnɔ ɗe-kuduroy-bɛrɛ le ba kɨya gɨlgɨŋ kɔl gɨ kɨŋ kɨya yɔ a boy tɨwadi di nee le.»

Kɔl-gɨ-Ɗari gɨ Lug wal 21:15

Kɨya wa kɔl gɨ ni cɨn̰-muɗɔlɛ gɨ ɨŋ-bandi ɨŋ kɨya bɨgɨŋ le, ungo pɨna a duroy ka-baadɨgɨŋ kalɨn̰ ma, kɨya ɓale gange, wala dɨbɨgɨŋ kɔl cay nee naŋ.

Gɨye-lɔɔ 13:9

Kɨɗɨn̰ ga nee le Turnɔ ɗe-kuduroy-bɛrɛ ƴee kuduroy Sol gɨ kan teeyige Pol le pɨl pɨl, lee gɨ ban si cɨndi jɛr jɛr cayi,

Gɨye-lɔɔ 2:4

Turnɔ ɗe-kuduroy-bɛrɛ ƴee kuduroyge nɔm, lee gɨ waŋ waŋ kalɨn̰ ma ay te yɔɔ kɨbɨ gɨ ɗaŋ, hɨn̰ gɨ Turnɔ di da Kumu ba bɨge tɔgɨ di ni yon̰ wo̰.

Gɨye-lɔɔ 28:25

Kɨɗɨn̰ ga kan ba kɨya busoŋ dɨle bɔgɛ noyge pɨna na, Pol yege na kɔl gɨ ba kɛ ƴɔbɨ yege hɨn̰: «Kɔl gɨ Turnɔ ɗe-kuduroy-bɛrɛ ba ɗe a kɨbɨ Ijay ba-yɔɔ-kɔl-gɨ-Kumu-ba-yɔɔ gɨ yen̰ mon̰inagɨŋ le na kɔl cɨndi hayi!

Gɨye-lɔɔ 4:8

Kɨɗɨn̰ ga nee le bɨ, Turnɔ ɗe-kuduroy-bɛrɛ ƴee kuduroy Pɨyɛr pɨl pɨl bɨ, ban dɨbɨge cay nee yege hɨn̰:

Gɨye-lɔɔ 6:10

Ama kan ɗɨn̰ge cayi dan̰ man̰e gɨ da kɔl naŋ, kɨya wa cɨn̰-muɗɔlɛ di ban ba yen̰ kɔl le, na Turnɔ ɗe-kuduroy-bɛrɛ ba bii.

2 Korɛ̰t 13:3

Kɨŋ gey gɨ ɨŋ na gɨlgɨŋ hɨnga ga gɨl gɨ Kɨris na yəgɨŋ kɔl dan̰ kɨbɨnɨ ɨŋ-bandi. Kɨŋ kɨya sɔlɛ-hɨngadɨge haw kɛ: Kɨris gɨ a gusɨgɨŋ le dɔnɔdi dḛ naŋ bɨ, ban gɨl dɔnɔ toyi duroygɨŋ leen̰ cɨndi bɨ.

1 Tesalonigɨ 2:13

Toy di ni ba leen̰ Kumu ho’o, kol caygɨŋ dan̰ tumoyni le ba kɛ: Kɨɗɨn̰ ga ni ba tee bɛrnɛ kɔl gɨ da Kumu bɨgɨŋ le, kɨŋ je bɨ, kɨŋ ƴee bɨ, kɨŋ ƴa na hɨn̰ gɨ naa kɔl gɨ da ungo gɨ ɨndi wo̰ naŋ, ama na hɨn̰ kɔl gɨ da Kumu gusi. Na cɨndi, na kɔl gɨ da Kumu, ban lee gɨye kuduroygɨŋ kɨŋ-gandi ka-aye kudurɔ.

1 Pɨyɛr 1:12

Kumu gɨlɨn̰ ka-yɔɔ-kɔl-gɨ-Kumu-ba-yɔɔ, gɨ kan na teege bɛrnɛ bɨgɨŋ naa kɨŋ-gandi, wala kan na tɨgage bɛrnɛ naa kol cayge naŋ. Ka-tɔgɛ bɛrnɛ Kɔl-gɨ-Ɗari yege kɔl gɨ nee le labɨde na dan̰ dɔnɔ di da Turnɔ ɗe-kuduroy-bɛrɛ. Turnɔ ɗe-kuduroy-bɛrɛ le, na Kumu gɨ som gɨɗɨgɨ-Kumu gɨŋ le ba gɨygɨn̰ danaa. Ka-ƴɔbɛ ga daa nii kan kalɨn̰ ma, dan̰ gusɨge koge malge gɨ ni sɔlɛ kɔl gɨ nee le toyi bɨ.

2 Pɨyɛr 1:21

Kɨya wa na kuduroy geye gɨ da ungo ba andɨn̰ dan̰ kɔl gɨ Kumu ɗe kɨbɨ ka-yɔɔ-kɔl-gɨ-Kumu-ba-yɔɔ naŋ, ama na kol jɨbe gɨ Turnɔ ɗe-kuduroy-bɛrɛ ba jɨbɨge ma kalaŋ yen̰ge kɔl gɨ Kumu ɗe kɨbɨge le.